1 Reyes 16
16
1-28(-)
Acapo copirno yaꞌconinsoꞌ
(Nopoamo chiminpachina, huiꞌnin Apiamo itërinso Cota huënton copirno yaꞌconin. Inanta chiminpachina, huiꞌnin Asa itërinsoari yaꞌhuërëtërin. Quiropoamonta chiminpachina, huiꞌnin Natapo itërinsoari israiroꞌsa huaꞌanëntaantarin. Inaso napoaponahuëꞌ, Isacaro huënton quëmapi Paasa itopisoari tëparin. Inapotaton yaꞌhuërëtërin. Inanta chiminpachina, huiꞌnin Ira itërinsoari yaꞌhuërëtërin. Aꞌnara sontaro huaꞌani napoaponahuëꞌ, tëparahuaton inanta yaꞌhuërëtërin. Inasoꞌ, Simiri itopi. Napoaponahuëꞌ, inantaꞌ aꞌnara sontaro huaꞌani tëparahuaton yaꞌhuërëtërin. Inasoꞌ, Omiri itopi.)
29Cota huënton copirno Asa itopisosoꞌ, cara shonca posa piꞌipitarin. Inanapo piꞌipitasoꞌ, Omiri huiꞌnin Acapo itopiso yaꞌhuërëꞌ, israiroꞌsa huaꞌanëntacaso marëꞌ yaꞌconin. Inaso yaꞌconin quëran huarëꞌ, cato shonca cato piꞌipi israiroꞌsa huaꞌanëntërin. Samaria ninanoquë yaꞌhuëaton naporin. 30Napoaponahuëꞌ, paꞌpi co noyahuëꞌ ninin. Ina marëꞌ Siniorosoꞌ co noyahuëꞌ cancantërin. 31Quiropoamo iráca co noyahuëꞌ ninin. Acaposo nipirinhuëꞌ, naꞌcon naꞌcon co noyahuëꞌ ninin. Canaan sanapi Quisapira itopisoꞌ macaton, naporin. Quisapirasoꞌ paꞌpin, Iti-paaro itopi. Inaso Sitonquë copirno yaꞌconinsoꞌ. Inapitasoꞌ Paaro mamanshi moshapi niꞌton, Acaponta ina moshapatërin. 32Samariaquëntaꞌ, aꞌnara Paaro moshacaisoꞌ pëi artarorë chachin anitërin. 33Naporahuaton naranta moshacaiso marëꞌ ahuanirin. Ina naraquë chachin Asira itopisoꞌ mamanshi nonanpi. Inapita anitërinso marëꞌ Siniorori Acapo noꞌhuirin. Aꞌnapita copirnoroꞌsa noꞌhuirin quëran, naꞌcon naꞌcon ina noꞌhuirin.
34Acapo huaꞌanëntaso tahuëriꞌsaꞌ, Quirico ninano iráca ataꞌhuantopisoꞌ, anoyataantapi. Pitiriquë aꞌnara Israiro quëmapi yaꞌhuërin, Iiri itopisoꞌ. Ina caniaritërin quëran simintonën acopi. Naporo chachin huiꞌnin paninantërinsoꞌ, chiminin. Inasoꞌ, Apiramo itopi. Napoin quëran payora aꞌcanin. Aꞌcanahuaton onconanoꞌsa acoaso chachin, huinshoin yaꞌhuërëꞌ chimiantarin. Inasoꞌ, Sicopo itopi. Siniorori iráca Cosoi napotërinso chachin ninin.
Currently Selected:
1 Reyes 16: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
