Is 1
1
ISAÍAS I
Li Yos naxjit li xtenamit
1Chiru chaq li xyu'ameb' laj Osías,#1,1 2 R 15,1-7; 2 Kr 26,1-23. laj Jotán,#1,1 2 R 15,32-38; 2 Kr 27,1-9. laj Ajás#1,1 2 R 16,1-20; 2 Kr 28,1-27. ut laj Esekiel,#1,1 2 R 18,1-20,21; 2 Kr 29,1-32,33. awab'ejeb' re Judá,#1,1 Mi 1,1. laj Isaías, ralal laj Amós, kiril li moy u a'in chirix li tixk'ul Judá ut Jerusalén.
2Ab'ihomaq, ex choxach'och',
a' li Qaawa' yo chi aatinak:
“Xink'iiresiheb' li walal ink'ajol,
toj reetal xe'winqo'k;
ab'an eb' a'an xe'xq'etq'eti rib' chiwu.
3Li b'ooyx naxnaw ru laj eechal re,
ut li b'uur naxnaw b'ar nachalk li xtzekemq.
A'ut laj Israel maak'a' naxnaw,
maak'a' xna'leb' lintenamit”.#1,3 Jr 8,7.
4Toq'ob' eeru, ex aj maak,
ex tenamit nujenaqex chi maa'usilal,
ex aj yoob'anel ink'a' us;
k'ajo' xyib'al ru leena'leb'!
Xexnajto'k rik'in li Qaawa',
xetz'eqtaana li xSantil Yos laj Israel
ut xekanab' chi junajwa.
5K'a'ut naq toj yookex chi xq'etq'etinkil eerib'?
Ma toj teeraj naq texinrahob'tesi?
Tiq'b'il chik leejolom
ut tawajenaqex chi junwaakaj.
6Chalen cheroq toj chejolom maak'a' chik eerusil:
sak'b'ilkex, raxteninkex ut tiq'b'ilex,
ut maajun nab'anok eere chi moko naxb'at leetiq'ilal;
tik maajun nayalok xkotzb'al b'ayaq leerahilal.#1,5-6 Jr 30,12-15.
7Leena'aj xkanaak chi po'lemil
ut eb' leetenamit yookeb' chi k'atk.
Eb' li xik' neke'ilok eere
a'aneb' chik neke'tzekank ru leerawimq.
Nakirnak aj chik chixjunil
jo' naq kisache'k ru li tenamit Sodoom.
8Sión xkanaak xjunes
jo' li kuukil ochoch sa' li awimq,
jo' junaq tenamit sutsu xb'aaneb' li xik' neke'ilok re.
9Wi ta li Nimajwal Yos ink'a' xooxkol wiib' oxib'aq,
xookanaak raj kama' Sodoom,
chanchano raj li tenamit Gomoor.#1,9 Gn 19,1-29; Ro 9,29.
10Ex jolomil re Sodoom, ab'ihomaq li raatin li Qaawa',
ex aj Gomoor,#1,10 Jr 23,14. k'ehomaq eech'ool chi rab'inkil li naxye li qaYos:
11“K'aru aj e we leek'iila mayej?
Jwal xintitz'k xb'aan leekarneer nekek'at chiwu,
ut ninyib' li xk'iila xeeb'ul leewakax.
Li xkik'eleb' li wakax ut eb' li chib'aat
ink'a' nawulak chiwu.
12Naq nokoleemayeja arin ut nekeyeq'i linneb'aal,
ani xpatz'ok eere?
Kanab'omaq xmuxb'al ru linneb'aal!
13Mexk'amok chaq chik mayej li maak'a' na'ok wi';
ink'a' naxk'ul wu li xsib'el li k'ajpom.
Ink'a' nawulak chiwu leenininq'e sa' xyo'lajik li po,
sa' li hilob'aal kutan ut leech'utam,
xb'aan naq muxb'il ru xb'aan leemaak.
14Xik' chik nawil li xninq'ehinkil xyo'lajik li po nekeb'aanu laa'ex,
ut ch'i'ch'i' naxb'aanu we leeninq'e;
ink'a' chik ninkuy rilb'al chixjunil a'an.#1,11-14 Jr 6,20; Am 5,21-22.
15Naq neketaqsi leeruq' chi tijok,
nintz'ap li xnaq' wu re naq ink'a' texwil.
Us ta neketiq roq leetij, laa'in ink'a' nawab'i,
xb'aan naq oso'jenaq sa' kik' leeruq':
k'ajo'eb' li poyanam kekamsi!
16Tuqub'omaq leeyu'am, ch'ajob'resiiq eerib',
isihomaq chiwu leemaa'usilal
ut kanab'omaq xb'aanunkil li ink'a' us!
17Tzolomaq xb'aanunkil li us,
yalomaq eeq'e chi xsik'b'al li tiikilal,
tenq'ahomaqeb' li rahob'tesinb'ileb',
k'ehomaq li xk'ulub'eb' li neb'a'yox
ut chekolaqeb' li xmalka'an!”.#1,17 Ex 22,21-22; Dt 24,17-21; 27,19.
18“Kimqex ut aatinanqo
-chan li Qaawa'-.
Us ta kaqeb' leemaak kama' li kik' ut li kaqi b'on,
ab'an saq chik te'kanaaq jo' li tuuxil isb' ut li ratz'amke.
19Wi nikineepaab',
teetzeka li chaab'il eechej na'elk sa' li ch'och';
20ab'an wi toj q'etq'etex,
ch'olch'o naq texkamq chi ch'iich'.
Laa'in li Qaawa' xinyehok eere a'in”.
Li xmaak Jerusalén
21Li tenamit li kiwank sa' tiikilal junxil
k'ajo' naq xmux rib', kama' junaq aj yumb'eet!#1,21 Jr 3,6-10; Ez 16,15-36; 23,1-49.
Q'axal tiik xch'ooleb' laj Jerusalén naq ke'wank,
ab'an anaqwan junes aj kamsineleb' ras riitz'in aj chik.
22Junxil chanchanex li plaat
ut anaqwan jo'kex aj chik li mul;
chanchanex li chaab'il b'iin xb'enwa,
ab'an anaqwan kama'ex aj chik li yal ha'.
23Q'axal q'etq'eteb' laj k'amol eeb'e
ut wankeb' sa' amiiwil rik'ineb' laj elq'.
Sa neke'ril li tuminaak li junjunq
ut jwal neke'wulak chiru li k'uluk maatan.
Ink'a' neke'xb'aanu usilal reheb' li neb'a'yox
ut maak'a' neke'raj wi' li xch'a'ajkilal li xmalka'an.
24Jo'kan naq li Nimajwal Yos,
li jwal kaw chi xkolb'al laj Israel, naxye chi jo'ka'in:
“Tz'aqalaq! Laa'in twisi linjosq'il sa' xb'eeneb' li xik' neke'ilok we
ut tin'eeqajunq sa' xb'eeneb'.
25Ok wi' chik we cherahob'tesinkil,
texinch'ajob'resi jo' na'uxk re li plaat
re risinkil eerik'in leemaa'usilal.
26Tink'eheb' aj k'amol eeb'e jo' ke'wank xb'enwa
ut eb' laj raqol aatin jo'eb' li ke'wank najter q'e kutan.
Toja' naq te'xye aawe:
«Xtenamitul li tiikilal» ut «Tiik xch'oolil tenamit».#1,26 Zak 8,3.
27Xb'aan lintiikilal tinkol Jerusalén
jo'wi' eb' li te'raj sutq'iik wik'in.
28Ab'an eb' laj q'etoleb' aatin ut eb' laj maak te'xk'ul li raaxiik';
te'kamq chixjunileb' li neke'tz'eqtaanank re li Qaawa'.
29Relik chi yaal naq texxutaanaq xb'aan naq xeloq'oni li ji,
ut texkaqo'q chi rilb'al li xna'ajeb' li uutz'u'uj li jwal xerahi ru.
30Chanchanaqex li jun toon chi ji natz'umaak li xxaq
malaj jo' li uutz'u'uj naq maak'a' chik li ha'.
31Li winq jwal kaw rib' kama'aq aj chik li k'im,
ut li k'anjel naxb'aanu chanchanaq aj chik li chik'che':
chi xkab'ichaleb' te'oso'q sa' xam
ut maajun taaruhanq chi chupuk re li xam a'an”.
Currently Selected:
Is 1: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.