Gal 4
4
Li alalk'ajolb'ejil li nachalk rik'in li Yos
1Nawaj xyeeb'al a'in: naq toj kach'in li taa'eechaninq re li junkab'lal, us ta aj eechal re chixjunil, ab'an juntaq'eet sa' chixjunil rik'in junaq aj loq'b'il k'anjel. 2Toj wank rub'el xwankil laj k'iiresinel ut laj ilol re, toj toxtaw xq'ehil xaqab'anb'il xb'aan li xyuwa'. 3Jo'kan ajwi' laa'o: naq toj saajo chaq, koowank rub'el xwankil li xna'leb' li ruuchich'och'. 4A'ut naq kixtaw xtz'aqlojik li kutan, li Yos kixtaqla chaq li Ralal, yo'lajenaq rik'in ixq, yo'lajenaq rub'el xwankil li Najter Chaq'rab', 5re rach'ab'ankileb' li wankeb' rub'el xwankil li Chaq'rab' jo' ajwi' re naq tqamaatani li alal-k'ajolb'ejil. 6Ut relik chi yaal naq alal k'ajolb'ejex chik, xb'aan naq li Yos kixtaqla chaq sa' qach'ool li xMusiq' li Ralal, li nayehok chi kaw: “Abbá, at inYuwa'!”.#4,6 Cf. Mk 14,36; Lk 11,2; Ro 8,15. 7Jo'kan naq maawa'at chik aj loq'b'il k'anjel, laa'at b'an alal k'ajolb'ej; ut wi laa'at alalb'ej, laa'ataq aj eechaninel sa' xk'ab'a' li Yos.
8Junxil naq toj maji' nekenaw ru li Yos, kexk'anjelak chaq chiruheb' li maawa'eb' tz'aqal yos. 9A'ut anaqwan xenaw ru li Yos, malaj a'an b'an xnawok eeru laa'ex.#4,9 Xnawok eeru sa' li Santil Hu naraj naxye: xrahok eere. Chan put ru naq texsutq'iiq wi' chik rub'el xwankil li k'a'aq re ru a'in li maak'a' xkawilal ut maak'a' na'ok wi'? K'a'ut naq teeraj xk'anjelankil wi' chik? 10Yookex chi xnimankileb' li kutan, li po, li saq'ehil, li hab'alq'e ut li chihab'. 11Nachalk ink'a'uxl eeb'aan: mare anchal maak'a' aj e naq xintawasi wib' chi k'anjelak sa' eek'ab'a'.
Laj Pablo yo chi k'oxlak chirixeb' laj Galacia
12Ex was wiitz'in, nintz'aama cheru naq jo'kaqex laa'in, xb'aan naq laa'in xinb'aanu wib' kama' laa'ex. Maak'a' junaq rahilal xeb'aanu we. 13Nekenaw chi us naq xb'aan jun linyajel xinpuktesi eere xb'enwa li Chaab'il Esilal; 14ut us ta ch'a'aj raj cho'q eere linyajel, ab'an ink'a' xineetz'eqtaana chi moko xik' xineeril, xineek'ul b'an kama' junaq x'ánjel li Yos: kama'in wi' li Kristo Jesus naq xineek'ul. 15Ut anaqwan b'ar wank li xsahil sa' leech'ool? Naxnaw li Yos naq wi ta xruuk xb'aanunkil, xerisihatq raj xsa' leeru re xk'eeb'al we. 16Malaj ut xik' nikineril xb'aan naq xinye eere li xyaalal?
17Leeraab'al neke'xb'aanu eb' a'an, moko us ta; li te'raj, a'an eejek'b'al wik'in re naq a'aneb' chik teera ut teetaaqeheb'. 18Maak'a' reek' naq texrahe'q, ab'an re chaab'ilal ut junelik; moko ka'aj ta wi' naq wankin sa' eeyanq.
19Ex walal ink'ajol, eeb'aan laa'ex wankin wi' chik sa' xrahil li alank toj reetal naq li Kriist taatz'ejwalo'q eerik'in.#4,19 1 Ko 4,14-15; 2 Ko 6,13; 1 Ts 2,7-8; Flm 10. 20Nawaj ta wankin sa' eeyanq anaqwan re xtuqub'ankil ru li waatin, xb'aan naq k'ajo' ink'a'uxl cherix.
Lix Agar ut lix Sara
21Laa'ex li teeraj wank rub'el xwankil li Najter Chaq'rab', yehomaq we: ma ink'a' nekerab'i li naxye li Chaq'rab'? 22Xb'aan naq tz'iib'anb'il sa' li Santil Hu naq laj Abrahán kiwank wiib' li ralal: jun rik'in li loq'b'il ixq ut li jun chik rik'in li tz'aqal rixaqil.#4,22 Gn 16,15; 21,2. 23Ab'an li xk'uula'al li loq'b'il ixq kiyo'laak yal chi jo'kan, ut li xk'uula'al li tz'aqal rixaqil kiyo'laak sa' xk'ab'a' li xyeechi'om li Yos.
24Wank xyaalal chixjunil a'in: li wiib' chi ixq a'aneb' reetalil wiib' chi Sumwank. Li xb'een, a' li k'ojob'anb'il sa' xb'een li tzuul Sinaí, a'an lix Agar, xna'eb' li wankeb' chi b'ak'b'o, 25xb'aan naq li tzuul Sinaí wank aran Arabia. Lix Agar a'an reetalil li Jerusalén wank anaqwan, k'ayinb'il chi k'anjelak kama' ajwi' eb' li ralal xk'ajol. 26A'ut li Jerusalén wank taqe'q a'an ach'ab'anb'il ut a'an li qana', 27xb'aan naq naxye li Santil Hu:
“Chisaho'q sa' aach'ool, at ixq li ink'a' nakat-alank,
li maak'a'eb' aawalal aak'ajol.
Jap aawe xb'aan xnimal xsahil aach'ool
laa'at li ink'a' nakanaw xrahil alank,
xb'aan naq q'axal wi' chik naab'aleb' li ralal xk'ajol li kanab'anb'il ixq
chiru li wank xb'eelom”.#4,27 Is 54,1.
28Ex was wiitz'in, laa'ex ralal xk'ajolex li xyeechi'om li Yos kama' laj Isahak. 29Ab'an, jo' naq junxil li yo'lajenaq yal chi jo'kan xik' kiril li kiyo'laak rik'in Musiq'ej, jo'kan ajwi' anaqwan. 30Ut k'aru naxye li Santil Hu? Naxye chi jo'ka'in: “Isi li loq'b'il ixq rochb'een li xyum, xb'aan naq li xyum li loq'b'il ixq ink'a' taatz'aq li xjunkab'lal li xyum li ach'ab'anb'il”.#4,30 Gn 21,10. 31Jo'kan utan, ex was wiitz'in, maawa'o ralal xk'ajol li loq'b'il ixq, ralalo b'an li ach'ab'anb'il ixq.
Currently Selected:
Gal 4: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Gal 4
4
Li alalk'ajolb'ejil li nachalk rik'in li Yos
1Nawaj xyeeb'al a'in: naq toj kach'in li taa'eechaninq re li junkab'lal, us ta aj eechal re chixjunil, ab'an juntaq'eet sa' chixjunil rik'in junaq aj loq'b'il k'anjel. 2Toj wank rub'el xwankil laj k'iiresinel ut laj ilol re, toj toxtaw xq'ehil xaqab'anb'il xb'aan li xyuwa'. 3Jo'kan ajwi' laa'o: naq toj saajo chaq, koowank rub'el xwankil li xna'leb' li ruuchich'och'. 4A'ut naq kixtaw xtz'aqlojik li kutan, li Yos kixtaqla chaq li Ralal, yo'lajenaq rik'in ixq, yo'lajenaq rub'el xwankil li Najter Chaq'rab', 5re rach'ab'ankileb' li wankeb' rub'el xwankil li Chaq'rab' jo' ajwi' re naq tqamaatani li alal-k'ajolb'ejil. 6Ut relik chi yaal naq alal k'ajolb'ejex chik, xb'aan naq li Yos kixtaqla chaq sa' qach'ool li xMusiq' li Ralal, li nayehok chi kaw: “Abbá, at inYuwa'!”.#4,6 Cf. Mk 14,36; Lk 11,2; Ro 8,15. 7Jo'kan naq maawa'at chik aj loq'b'il k'anjel, laa'at b'an alal k'ajolb'ej; ut wi laa'at alalb'ej, laa'ataq aj eechaninel sa' xk'ab'a' li Yos.
8Junxil naq toj maji' nekenaw ru li Yos, kexk'anjelak chaq chiruheb' li maawa'eb' tz'aqal yos. 9A'ut anaqwan xenaw ru li Yos, malaj a'an b'an xnawok eeru laa'ex.#4,9 Xnawok eeru sa' li Santil Hu naraj naxye: xrahok eere. Chan put ru naq texsutq'iiq wi' chik rub'el xwankil li k'a'aq re ru a'in li maak'a' xkawilal ut maak'a' na'ok wi'? K'a'ut naq teeraj xk'anjelankil wi' chik? 10Yookex chi xnimankileb' li kutan, li po, li saq'ehil, li hab'alq'e ut li chihab'. 11Nachalk ink'a'uxl eeb'aan: mare anchal maak'a' aj e naq xintawasi wib' chi k'anjelak sa' eek'ab'a'.
Laj Pablo yo chi k'oxlak chirixeb' laj Galacia
12Ex was wiitz'in, nintz'aama cheru naq jo'kaqex laa'in, xb'aan naq laa'in xinb'aanu wib' kama' laa'ex. Maak'a' junaq rahilal xeb'aanu we. 13Nekenaw chi us naq xb'aan jun linyajel xinpuktesi eere xb'enwa li Chaab'il Esilal; 14ut us ta ch'a'aj raj cho'q eere linyajel, ab'an ink'a' xineetz'eqtaana chi moko xik' xineeril, xineek'ul b'an kama' junaq x'ánjel li Yos: kama'in wi' li Kristo Jesus naq xineek'ul. 15Ut anaqwan b'ar wank li xsahil sa' leech'ool? Naxnaw li Yos naq wi ta xruuk xb'aanunkil, xerisihatq raj xsa' leeru re xk'eeb'al we. 16Malaj ut xik' nikineril xb'aan naq xinye eere li xyaalal?
17Leeraab'al neke'xb'aanu eb' a'an, moko us ta; li te'raj, a'an eejek'b'al wik'in re naq a'aneb' chik teera ut teetaaqeheb'. 18Maak'a' reek' naq texrahe'q, ab'an re chaab'ilal ut junelik; moko ka'aj ta wi' naq wankin sa' eeyanq.
19Ex walal ink'ajol, eeb'aan laa'ex wankin wi' chik sa' xrahil li alank toj reetal naq li Kriist taatz'ejwalo'q eerik'in.#4,19 1 Ko 4,14-15; 2 Ko 6,13; 1 Ts 2,7-8; Flm 10. 20Nawaj ta wankin sa' eeyanq anaqwan re xtuqub'ankil ru li waatin, xb'aan naq k'ajo' ink'a'uxl cherix.
Lix Agar ut lix Sara
21Laa'ex li teeraj wank rub'el xwankil li Najter Chaq'rab', yehomaq we: ma ink'a' nekerab'i li naxye li Chaq'rab'? 22Xb'aan naq tz'iib'anb'il sa' li Santil Hu naq laj Abrahán kiwank wiib' li ralal: jun rik'in li loq'b'il ixq ut li jun chik rik'in li tz'aqal rixaqil.#4,22 Gn 16,15; 21,2. 23Ab'an li xk'uula'al li loq'b'il ixq kiyo'laak yal chi jo'kan, ut li xk'uula'al li tz'aqal rixaqil kiyo'laak sa' xk'ab'a' li xyeechi'om li Yos.
24Wank xyaalal chixjunil a'in: li wiib' chi ixq a'aneb' reetalil wiib' chi Sumwank. Li xb'een, a' li k'ojob'anb'il sa' xb'een li tzuul Sinaí, a'an lix Agar, xna'eb' li wankeb' chi b'ak'b'o, 25xb'aan naq li tzuul Sinaí wank aran Arabia. Lix Agar a'an reetalil li Jerusalén wank anaqwan, k'ayinb'il chi k'anjelak kama' ajwi' eb' li ralal xk'ajol. 26A'ut li Jerusalén wank taqe'q a'an ach'ab'anb'il ut a'an li qana', 27xb'aan naq naxye li Santil Hu:
“Chisaho'q sa' aach'ool, at ixq li ink'a' nakat-alank,
li maak'a'eb' aawalal aak'ajol.
Jap aawe xb'aan xnimal xsahil aach'ool
laa'at li ink'a' nakanaw xrahil alank,
xb'aan naq q'axal wi' chik naab'aleb' li ralal xk'ajol li kanab'anb'il ixq
chiru li wank xb'eelom”.#4,27 Is 54,1.
28Ex was wiitz'in, laa'ex ralal xk'ajolex li xyeechi'om li Yos kama' laj Isahak. 29Ab'an, jo' naq junxil li yo'lajenaq yal chi jo'kan xik' kiril li kiyo'laak rik'in Musiq'ej, jo'kan ajwi' anaqwan. 30Ut k'aru naxye li Santil Hu? Naxye chi jo'ka'in: “Isi li loq'b'il ixq rochb'een li xyum, xb'aan naq li xyum li loq'b'il ixq ink'a' taatz'aq li xjunkab'lal li xyum li ach'ab'anb'il”.#4,30 Gn 21,10. 31Jo'kan utan, ex was wiitz'in, maawa'o ralal xk'ajol li loq'b'il ixq, ralalo b'an li ach'ab'anb'il ixq.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.