Kol 3
3
Li ak' yu'am
1Jo'kan utan, wi waklijenaqex chi yo'yo eerochb'een li Kriist, sik'omaq li k'a' re ru wank taqe'q, b'arwi' k'ojk'o li Kriist sa' xnim uq' li Yos. 2Xikaq eech'ool chirix li k'a' re ru wank taqe'q ut ink'a' chirix li k'a' re ru wank taq'a. 3Xb'aan naq ak kamenaqex ut muqmu leeyu'am rochb'een li Kriist rik'in li Yos. 4Naq tixk'ut rib' li Kriist qayu'am, toja' naq laa'ex ajwi' eerochb'een a'an texk'utunq chaq sa' li xloq'al.
5Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink. 6Chixjunil a'in nak'amok chaq xjosq'il li Yos sa' xb'eeneb' laj q'etol aatin.
7Jo'ka'in ajwi' keb'aanu laa'ex junxil, naq toj wankex chaq sa'eb' li maak a'in. 8A'ut anaqwan kanab'omaq chirix leech'ool chixjunil a'in: li josq'il, li k'ahij ib', li maa'usilal, li majewank ut li yib' aj aatin!
9Meetik'ti'i eerib' cherib'il eerib', xb'aan naq xerisi chik sa' leech'ool leenajteril yu'am jo'wi' li xk'anjel, 10ut xetiqib' eerib' rik'in li ak' yu'am:#3,9-10 Cf. Ef 4,22-24. ak' winqex chik, ut li Yos junelik na'ak'ob'resink eere toj reetal toxeetaw eena'leb' chi tz'aqal re ru, jo' xjalam u Li kiyoob'tesink eere. 11Arin maak'a' chik aj griego ut aj Judiiy, maak'a' chik li xk'ulum li sirkunsisyon ut li ink'a', maak'a' chik li jalan xtenamit, li ch'ol winq, laj loq'b'il k'anjel ut li ach'ab'anb'il, a' b'an li Kriist a'an chixjunil ut wank sa' chixjunileb'.
12Li Yos q'axal nekexra ut kixsik' eeru re naq santaqex. Tiqib'omaq b'i' eerib' rik'in xnimal uxtaanal, rik'in li usilal, li tuulanil, kub'enaqaq eewankil ut nimaq eekuyum. 13Chekuyaq eerib' cherib'il eerib' ut, wi junaq wank k'aru tixjit wi' li jun chik, chek'am eerib' sa' usilal.#3,12-13 Cf. Ef 4,1-2.32. Jo' naq kixkuy eemaak li Kriist, jo'kan ajwi' cheb'aanu laa'ex. 14Ut sa' xb'een chixjunil a'in, tiqib'omaq eerib' rik'in li rahok, a'an li naxk'ul wi' rib' li tz'aqalil e u. 15Li xtuqtuukil usilal li Kriist li kexb'oqe'k wi' sa' junaj chi tz'ejwalej, chitaqlanq taxaq sa' leech'ool; ut chexyoxinq.
16Li Raatin li Kriist chiwanq eerik'in chi numtajenaq. Chetzolaq eerib' ut chek'ehaq eena'leb' cherib'il eerib' rik'in chixjunil li chaab'il k'a'uxl. Chexb'ichanq chi anchal eech'ool re yoxink chiru li Yos, rik'in saalm, himno ut loq'laj b'ich;#3,16-17 Cf. Ef 5,19-20. 17ut jo'ch'inal jo'nimal li teeye malaj teeb'aanu, chixjunil chi'uxmanq sa' xk'ab'a' li Qaawa' Jesus, yooqex chi yoxink chiru li Yos Yuwa'b'ej sa' xk'ab'a' A'an.
Chepaab'aq eerib' cherib'il eerib' sa' leejunkab'al
(Ef 5,21—6,9; 1 Pe 3,1-7)
18Ex ixaqilb'ej, chepaab' leeb'eelom jo' xk'ulub' sa' xk'ab'a' li Qaawa'. 19Ex b'eelomej, chera leerixaqil ut meeyoob' xk'aheb'.
20Ex alalb'ej, chex'ab'inq chiru leena' leeyuwa' rik'in chixjunil, xb'aan naq a'an li nawulak chiru li Qaawa'. 21Ex yuwa'b'ej, meeyoob' xjosq'il eb' leeralal eek'ajol re naq me'xch'ina xch'ooleb'.
22Ex aj loq'b'il k'anjel, chepaab' eb' laj eechal eere sa' ruuchich'och' rik'in chixjunil li k'anjel, moko ka'aj ta wi' naq eb' a'an yookeb' cherilb'al re naq sahaqeb' xch'ool eerik'in, cheb'aanu b'an chi yaal, chi anchal eech'ool, yooqex chi roxloq'inkil li Qaawa'. 23Jo'ch'inal jo'nimal li teeb'aanu, b'aanuhomaq chi anchal eech'ool, cho'q re li Qaawa' ut maawa' cho'q reheb' li winq: 24nekenaw naq li Qaawa' tixk'e eere li choxahil maatan cho'q eeq'ajkamunkil. Laj eechal eere li nekek'anjela ru, a'an li Kriist. 25Chek'e reetal, li nab'aanunk re li ink'a' us, taaq'ajkamuuq jo' chanru xb'aanu, xb'aan naq li Yos juntaq'eet narileb' chixjunil.
Currently Selected:
Kol 3: QQC
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
Kol 3
3
Li ak' yu'am
1Jo'kan utan, wi waklijenaqex chi yo'yo eerochb'een li Kriist, sik'omaq li k'a' re ru wank taqe'q, b'arwi' k'ojk'o li Kriist sa' xnim uq' li Yos. 2Xikaq eech'ool chirix li k'a' re ru wank taqe'q ut ink'a' chirix li k'a' re ru wank taq'a. 3Xb'aan naq ak kamenaqex ut muqmu leeyu'am rochb'een li Kriist rik'in li Yos. 4Naq tixk'ut rib' li Kriist qayu'am, toja' naq laa'ex ajwi' eerochb'een a'an texk'utunq chaq sa' li xloq'al.
5Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink. 6Chixjunil a'in nak'amok chaq xjosq'il li Yos sa' xb'eeneb' laj q'etol aatin.
7Jo'ka'in ajwi' keb'aanu laa'ex junxil, naq toj wankex chaq sa'eb' li maak a'in. 8A'ut anaqwan kanab'omaq chirix leech'ool chixjunil a'in: li josq'il, li k'ahij ib', li maa'usilal, li majewank ut li yib' aj aatin!
9Meetik'ti'i eerib' cherib'il eerib', xb'aan naq xerisi chik sa' leech'ool leenajteril yu'am jo'wi' li xk'anjel, 10ut xetiqib' eerib' rik'in li ak' yu'am:#3,9-10 Cf. Ef 4,22-24. ak' winqex chik, ut li Yos junelik na'ak'ob'resink eere toj reetal toxeetaw eena'leb' chi tz'aqal re ru, jo' xjalam u Li kiyoob'tesink eere. 11Arin maak'a' chik aj griego ut aj Judiiy, maak'a' chik li xk'ulum li sirkunsisyon ut li ink'a', maak'a' chik li jalan xtenamit, li ch'ol winq, laj loq'b'il k'anjel ut li ach'ab'anb'il, a' b'an li Kriist a'an chixjunil ut wank sa' chixjunileb'.
12Li Yos q'axal nekexra ut kixsik' eeru re naq santaqex. Tiqib'omaq b'i' eerib' rik'in xnimal uxtaanal, rik'in li usilal, li tuulanil, kub'enaqaq eewankil ut nimaq eekuyum. 13Chekuyaq eerib' cherib'il eerib' ut, wi junaq wank k'aru tixjit wi' li jun chik, chek'am eerib' sa' usilal.#3,12-13 Cf. Ef 4,1-2.32. Jo' naq kixkuy eemaak li Kriist, jo'kan ajwi' cheb'aanu laa'ex. 14Ut sa' xb'een chixjunil a'in, tiqib'omaq eerib' rik'in li rahok, a'an li naxk'ul wi' rib' li tz'aqalil e u. 15Li xtuqtuukil usilal li Kriist li kexb'oqe'k wi' sa' junaj chi tz'ejwalej, chitaqlanq taxaq sa' leech'ool; ut chexyoxinq.
16Li Raatin li Kriist chiwanq eerik'in chi numtajenaq. Chetzolaq eerib' ut chek'ehaq eena'leb' cherib'il eerib' rik'in chixjunil li chaab'il k'a'uxl. Chexb'ichanq chi anchal eech'ool re yoxink chiru li Yos, rik'in saalm, himno ut loq'laj b'ich;#3,16-17 Cf. Ef 5,19-20. 17ut jo'ch'inal jo'nimal li teeye malaj teeb'aanu, chixjunil chi'uxmanq sa' xk'ab'a' li Qaawa' Jesus, yooqex chi yoxink chiru li Yos Yuwa'b'ej sa' xk'ab'a' A'an.
Chepaab'aq eerib' cherib'il eerib' sa' leejunkab'al
(Ef 5,21—6,9; 1 Pe 3,1-7)
18Ex ixaqilb'ej, chepaab' leeb'eelom jo' xk'ulub' sa' xk'ab'a' li Qaawa'. 19Ex b'eelomej, chera leerixaqil ut meeyoob' xk'aheb'.
20Ex alalb'ej, chex'ab'inq chiru leena' leeyuwa' rik'in chixjunil, xb'aan naq a'an li nawulak chiru li Qaawa'. 21Ex yuwa'b'ej, meeyoob' xjosq'il eb' leeralal eek'ajol re naq me'xch'ina xch'ooleb'.
22Ex aj loq'b'il k'anjel, chepaab' eb' laj eechal eere sa' ruuchich'och' rik'in chixjunil li k'anjel, moko ka'aj ta wi' naq eb' a'an yookeb' cherilb'al re naq sahaqeb' xch'ool eerik'in, cheb'aanu b'an chi yaal, chi anchal eech'ool, yooqex chi roxloq'inkil li Qaawa'. 23Jo'ch'inal jo'nimal li teeb'aanu, b'aanuhomaq chi anchal eech'ool, cho'q re li Qaawa' ut maawa' cho'q reheb' li winq: 24nekenaw naq li Qaawa' tixk'e eere li choxahil maatan cho'q eeq'ajkamunkil. Laj eechal eere li nekek'anjela ru, a'an li Kriist. 25Chek'e reetal, li nab'aanunk re li ink'a' us, taaq'ajkamuuq jo' chanru xb'aanu, xb'aan naq li Yos juntaq'eet narileb' chixjunil.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.