1 Jn 1
1
Li Aatin re li yu'am
1Li wank chalen chaq sa' xtiklajik, li qab'ihom, li qilom rik'in qu, li xqaka'ya ut xqach'e' rik'in quq' —yooko chi aatinak chirix li Aatin re li yu'am, 2xb'aan naq kixk'ut rib' li yu'am: laa'o qilom ut nokoo'aatinak chirix, ut naqaye resil eere li junelik yu'am li kiwank chaq rik'in li Yuwa'b'ej ut kixk'ut rib' chiqu--, 3a' li qilom ut qab'ihom, a'an naqaye resil eere, re naq laa'ex ajwi' wanqex sa' komonil qik'in. Ut laa'o wanko sa' komonil rik'in li Yuwa'b'ej ut li Ralal, a' li Jesukriist. 4Naqatz'iib'a a'in eerik'in re naq tz'aqalaq re ru li xsahil qach'ool.
Choob'eeq sa' li saqenk
5Ut a'an a'in li esil xqab'i rik'in li Jesus ut naqaye eere: li Yos a'an saqenk ut maak'a' li aak'ab' rik'in. 6Wi laa'o naqaye naq wanko sa' komonil rik'in ut wi toj yooko chi b'eek sa' li aak'ab', yooko chi tik'ti'ik ut ink'a' naqab'aanu li yaal. 7Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.
8Wi naqaye naq maak'a' qamaak, yooko chi xb'alaq'inkil qib' ut moko wank ta li yaal qik'in. 9Ab'an wi naqaxooto li qamaak, li Yos chaab'il ut tiik xch'ool chi xkuyb'al xsachb'al qamaak ut chi qach'ajob'resinkil chiru chixjunil qamaa'usilal. 10Wi naqaye naq ink'a' xoomaakob'k, naqak'e li Yos cho'q aj tik'ti' ut li Raatin moko wank ta qik'in.
Currently Selected:
1 Jn 1: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.