Iyacua Yusu pureama neara: —Dyaque jida, casada jadya taa mique, —jadya neara. Tura peadya ecuana ecasaturaajeudya jutidya, Jesús queja ecuana dyaque nimee juaje ishu. Eratu cuejajacahua ama Ecuana Cuatsashaqui Jesucristoja quisarati. Yuequedya yahua iyama jarijutu riyaque quisarati ejitaju ama juhua. Ai ibeda buchiquetu juhua, ni ejeja adeba ishuque ama. Icuene Yusuja quisarati cueja puji cuanaratu cuejacuare ejitaju cuita ama, dyaque jida cuita adebaya ama tibu. Iyacuatu amena Yusura ejitaju aya riyaque quisarati. Tuquetu Yusu maju baecuaque; tere baecuatu anibuque. Tura cuitadyatu riyaque quisarati cuejamerehua dutya queja aniya cuanaque. Jadya tujatu amerehua, tunaja Jesús queja catyati ishu emajaca ani ishu, jadya juatsu tuna Yusuja biji eque ani ishu. Yusu tu peadya cuita camadya. Aijama tu peya. Tura peadyatu yuneri cuita dutya pana adeba aya. Pureama neajacara ama tura ecuana Jesucristo eque eje bucha ahuaque adebatsu. —Dyaque jida, casada jadya taa mique, —jadya neara. Jadya neajacara ama ni eje tupu. Jadidya paju. Riya tupu camadya. Pablo
Read Romanos 16
Share
Compare All Versions: Romanos 16:25-27
Save verses, read offline, watch teaching clips, and more!
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos