Filipenses 3
3
Xaxe roma re Jesucristo tak jun vinak man jun rumac ndel chach re Dios
1Hermanos, nimbij-a chuka' chiva che tiqui'cot#Fil 4.4; 1 Ts 5.16. re ivánma riq'uin re Ajaf. Y chua yen man samaj-ta chin nincamaluj-a rubixic re ximbij-yan jun bey chiva, roma can nic'atzin chiva. 2Can tibana' tichajij-ivi' chiquivach re vinak re niquiban ancha'l je tz'e',#Is 56.10, 11. vinak re niquibij che je rusamajela' re Dios y xa ja re itzel tak banabal re niquiban, reje' niquibij chin che nicolotaj jun vinak chach re mac, nic'atzin che niban re circuncisión#Ro 2.28; Ga 5.2. cha. 3Pero yoj kataman che manak tuk'aj niban re circuncisión chaka chin yojcolotaj chach re kamac. Yoj man rutzij-ta re circuncisión y nic'aj chic cosas qui tak re' yojcolotaj chach re kamac. Yoj xa yojqui'cot roma xkanimaj-yan re Cristo Jesús. Y chuka' c'o chic re Espíritu Santo#Ro 7.6; Ef 6.18. pa tak kánma, re yojruto' chuyi'ic ruk'ij re Dios. Y mare' chach re Dios ja yoj re banon re katzij circuncisión chaka.#Dt 10.16; Jer 4.4. 4Pero man roma-ta che c'o cosas otz kabanalon pa kac'aslen, mare' yojcolotaj chach re kamac, xe-ta xa ja quire' yen yincolotaj-ta chuka'. Roma re nuc'aslen yen más otz que chach re quic'aslen re nic'aj chic re ye'bin che ye'colotaj roma otz re quic'aslen. 5Roma yen jun semana quinalax-va tak xban re circuncisión chua. Yen chuka' yin israelita rey-rumam can re Benjamín. Yen y re nte-nata' yoj hebreos roma yoj rey-rumam can re Abraham. Xinoc jun fariseo,#Hch 23.6. y re ndoc fariseo jare' re más nutaj ruk'ij nuban re nubij re ley chin re Moisés. 6Can riq'uin ronojel vánma xintzekelbej re niquinimaj re nuvinak israelitas, roma can riq'uin ronojel itzel nuna'oj ximban chique re quiniman re Jesucristo che xquitaj pokan,#Hch 8.3; Ga 1.13. roma xinojij che quire' nrajo' re Dios che nimban. Xinojij che choj re nuc'aslen, roma can xintaj nuk'ij xe'mban re nubij re ley chin re Moisés. 7Roma chinoch yen camas rajkalen re quire' nimban. Pero xapon re k'ij tak xk'ax pa nue' che riq'uin re quire' nimban, man yintiquir-ta yincolotaj chach re numac y mare' xinya' can, chin xinimaj re Cristo Jesús. 8Ronojel re xe'mban y re xe'nimaj xe'nya' can, roma man ximban-ta chic confiar-vi' quiq'uin. Xa can man jun chic c'a quijkalen chinoch yen, roma xintamaj rach re Vajaf Cristo Jesús.#Jn 17.3. Roma re Cristo Jesús xinya' can ronojel. Xe'ntorij can ancha'l niban cha re k'ayis. Quire' ximban roma ninjo' che re Jesucristo can ndoc-va vichin. 9Quire' ximban roma can ninjo' che jun nimban riq'uin reja'. Ninjo' che manak-ta numac ndel chach re Dios. Man nimban-ta chic confiar-vi' riq'uin re ley chin re Moisés. Ntaman che man yintiquir-ta nimban cumplir ronojel re nubij chupan re ley re'. Vocame xinimaj re Jesucristo, y mare' re Dios xuban chua che man jun numac#Ro 1.17; 10.3; Ga 2.16. ndel chach reja'. Y quire' nuban chique conojel re ye'niman re Cristo Jesús. 10Can ninjo-va nintamaj jabal rach re Jesucristo y nisamaj-ta re ru-poder re Dios pa nuc'aslen yen, can ancha'l re poder tak xuc'asoj re Jesucristo chiquicojol re anama'i'. Ninjo' nintaj pokan rutzij re Dios, can ancha'l re tijoj-pokonal xuk'asaj re Jesucristo.#Mt 20.23; 1 P 4.13. Ninjo' ninc'ut che yen can ancha'l xa xincom riq'uin re Jesucristo cho cruz. Y jare' ninjo' nimban. 11Can nintaj nuk'ij, roma tak xquincom ninjo' yinc'astaj-a#Lc 20.35; Hch 26.7. chiquicojol re anama'i' y yine'c'ue' chila' chicaj riq'uin re Dios.
12Yen man nimbij-ta che can vilon chic ronojel re c'o riq'uin re Jesucristo. Man nimbij-ta chuka' che can-ta tz'akat chic re nuc'aslen. Xa c'aja nintaj nuk'ij#1 Ti 6.12. chin ye'oc vichin ronojel re jec'o riq'uin re Cristo Jesús, jare' re xrajo' chua tak yen xinoc richin reja'.#He 12.23. 13Hermanos, man nimbij-ta che je vichin chic ronojel re jec'o riq'uin re Jesucristo, pero nintaj nuk'ij chij ronojel re'.#Fil 2.12. Xaxe chic re' ninojij y man nic'atzin-ta chic ninataj re xe'k'ax-yan. 14Can nintaj-apo nuk'ij chij re jec'o-apo chinoch, roma ninjo' che can ndoc vichin re utzulaj premio.#2 Ti 4.7, 8; He 12.1. Re Dios xinrayoj chin yimba chila' chicaj,#He 3.1. y ninc'ul re utzulaj premio, roma xa jun nbanon riq'uin re Cristo Jesús.
15Ronojel re ximbij chiva, quire-ta re nakanojij konojel re kabanon chic confiar-ki'#Ga 5.10. riq'uin re Dios. Pero tak c'o andex re man pa rubiyal-ta nakanojij, re Dios xtusekresaj chakavach.#1 Co 2.6; 14.20. 16Pero ja-ta ronojel re kataman chic che nika chach re Dios, jare' re takabana'. Y can junan-ta re bey re nakac'uaj konojel.
17Hermanos, tibana'#Sal 37.37. re ancha'l nitz'at viq'uin yen, y tibana' re nitz'at quiq'uin re nic'aj chic, re can niquiban chuka' re ancha'l nimban yen y re je vichibil. 18Roma je q'uiy re ye'tzelan#Fil 1.15, 16. chin re Jesucristo y man niquinimaj-ta che xaxe roma reja' xcom cho cruz c'o modo yojcolotaj chach re kamac. Jare' re je'mbin-a chiva q'uiy bey, y vocame can riq'uin ok'ej ye'nataj chic-a chiva. 19Y pa ruq'uisibal, reje' pa k'ak'#2 Co 11.15. c'a xque'beka-va, roma chuka' xaxe re andex niquitaj, xaxe re' re camas niquinojij. Camas itzel re quic'aslen quic'uan y man ye'q'uex-ta. Chiquivach reje' camas otz re niquiban. Can binak#Ro 8.5. cánma chij re andex chin re ruch'ulef. 20Jac'a yoj can yoj richin chic chila' chicaj.#Col 3.1, 3. Y chila' c'o-va re Ajaf Jesucristo re xticola kachin jumul chach re mac, y xaxe chic kayaben re k'ij tak xtipa#1 Co 1.7; 1 Ts 1.10; 2 Ti 4.8; Tit 2.13. chakac'amic. 21Re ka-cuerpo re kac'uan vocame c'ayef rubanon, pero reja' xtujal-a#Sal 17.15; Mt 17.2; 1 Co 15.43; Col 3.4; 1 Jn 3.2. y xtuya' chic jun ka-cuerpo c'ac'a y xkojoc ancha'l reja' re camas ruk'ij. Quire' xtuban kaq'uin roma camas nem re poder#Mt 28.10. c'o riq'uin, y ja poder re' re nucusaj che pa ruk'a' reja' nic'ue-va ronojel.
Currently Selected:
Filipenses 3: cakY
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.