Filemón 1
1
Re nabey tak tzij chin re carta re'
1Yen Pablo, yinc'o preso roma nintzijoj re ruch'abal re Jesucristo.#Ef 4.1; 2 Ti 1.8. Y vichibil re hermano Timoteo tak nakatak-a re carta re' chava rat Filemón. Y camas yatkajo' roma kachibil-ki'#Fil 2.25. chupan re samaj. 2Nakatak-a ruxnokil-rach re hermana Apia. Y chuka' nakatak-a ruxnokil-rach re hermano Arquipo#Col 4.17. kachibil chupan re samaj, y chuka' chique re quiniman chic re Jesucristo re niquimol-qui'#Ro 16.5; 1 Co 16.19. pan avachoch. 3Y can-ta q'uiy utzil xtic'ul chiyixnojel riq'uin re Karta' Dios y re Ajaf Jesucristo. Y chuka' re ivánma can-ta otz nuna' roma iniman chic.#Ef 1.2.
Re Filemón can rubanon confiar-ri' riq'uin re Jesucristo y chuka' can ye'rajo' re hermanos
4Yen Pablo can nojel tiempo nimban orar pan ave' rat. Y chuka' nojel tiempo nintioxij#Col 1.4; 1 Ts 1.2; 2 Ts 1.3. cha re nu-Dios avoma rat Filemón, 5roma yen can nc'axan-va che rat can yajovan#Ef 1.15; 1 Jn 3.23. y can abanon confiar-avi' riq'uin re Ajaf Jesús y quire' chuka' naban quiq'uin re je rajc'ual chic re Dios. 6Yen ninc'utuj cha re Dios,#Fil 1.9. roma rat abanon confiar-avi' riq'uin reja', xa roma quire' abanon xtitz'et-ta coma re hermanos che camas q'uiy utzil kac'ulun konojel re kaniman chic re Cristo Jesús pa tak kánma. Can-ta nibanataj jun utzulaj samaj roma abanon confiar-avi' riq'uin re Dios. 7Hermano Filemón, nc'axan che camas ya'jo' re je rajc'ual chic re Dios. Xa roma camas ya'jo', jare' re nibano chique reje' che camas ye'qui'cot pa tak cánma. Y mare' yen chuka' camas yinqui'cot pa vánma.#2 Co 7.13; 2 Ti 1.16. Can acukuban-va nuc'o'x.
Re Pablo nuc'utuj jun utzil cha re Filemón
8Mare' yen, astapa' can c'o autoridad yi'on pa nuk'a'#1 Ts 2.6. roma re Jesucristo, pero man nincusaj-ta chin che nimbij chava re andex ruc'amon che naban viq'uin. 9Yen ntaman che rat camas yajovan, mare' ninc'utuj jun utzil chava. Rat ataman che yen xa yin re'j chic, y can ataman chuka' che vocame yinc'o preso#Ef 3.1. roma nintzijoj re ruch'abal re Jesucristo. 10Yen ninc'utuj jun utzil chava roma re Onésimo.#Col 4.9. Roma astapa' yen yinc'o preso, reja' xunimaj re Jesucristo, y mare' xoc ancha'l vajc'ual.#1 Co 4.15; Ga 4.19.
11Y tak rubanon can, reja' man jun xoc-va chava rat, roma xatruya' can. Jac'a vocame camas ndoc chua yen, y xtoc chuka' chava rat. 12Y nintak-a aviq'uin. Y ninc'utuj jun utzil chava che jabal ruc'ulic tabana', y chuka' tabana' cha, che can ancha'l che ja yen re yinapon aviq'uin. 13Yen ninjo' che re Onésimo nic'ue-ta viq'uin#1 Co 16.17. chin yinruvilij#Fil 2.30. vova' re anche' yinc'o-va preso, pan aq'uixel rat, roma rat man yatiquir-ta yac'ue' viq'uin. Rat can ataman c'a che yinc'o preso roma nintzijoj re utzulaj ch'abal chin re Dios re nibex evangelio cha. 14Pero man ninjo-ta nimbij cha che can tic'ue' vova' viq'uin, roma reja' asamajel rat. Y c'aja-na rat xcabin vo xa nic'ue' can vova' viq'uin o manak. Roma c'aja-na pan avánma rat xtalax-va-pa,#1 Cr 29.17; Sal 110.3; 2 Co 8.12; 9.7; 1 P 5.2. y man roma-ta che ja yen yinc'utun chava. 15Y q'uiba' re Onésimo tak xel-pa aviq'uin jun ca'e-oxe' k'ij, man rion-ta cosas re man otz-ta xuc'am-pa#Gn 45.5, 8; Ro 8.28. chava, roma vocame xtitzolaj chic jun bey aviq'uin, chin nojel tiempo. 16Tak xel-pa aviq'uin, c'amaje-na toc hermano che', xa c'a choj jun a-mozo. Jac'a vocame can hermano#Mt 23.8; 1 Ti 6.2. chic. Yen camas ninjo' reja', jac'a rat can xtajo' c'a más, man xe-ta roma reja' a-mozo,#Ef 6.5-7; Col 3.22. man chic quire-ta, rat can xtajo' chuka' roma can runiman chic re Ajaf.
17Vo xa junan kavach aviq'uin,#2 Co 8.23. tac'ulu' c'a jabal re Onésimo, can ancha'l che ja yen re yinac'ul. 18Y vo xa c'o jun cosa re man otz-ta rubanon can chava, o vo xa c'o ruc'as aviq'uin, tabij chua, y yen xtintoj chava. 19Roma yen Pablo can nintz'ibaj-a chava che can xtintoj-va re ruc'as, astapa' ntaman che rat c'o jun namalaj ac'as viq'uin, roma xintzijoj re ruch'abal re Dios chava. 20Y rat animan chic re Ajaf. Mare' ninjo' che naban-ta re jun utzil re xinc'utuj-yan chava, che otz tac'ulu' re Onésimo. Y riq'uin re' xquinqui'cot pa vánma,#Flm 7. roma vo xa xtaban quire', can nik'alajin che jabal atzekelben re Jesucristo.
21Yen xintz'ibaj re carta re' chava roma can nbanon confiar-vi' aviq'uin che can xtaban re xinc'utuj chava.#2 Co 2.3; 7.16; 8.22. Y man xe-ta re utzil re' xtaban, xa can ntaman che xtaban más. 22Y chuka' c'o jun chic cosa ninjo' ninc'utuj chava, che tacanoj-apo jun vachoch, chin che tak xquinel-a libre yinapon chila' aviq'uin. Roma yen can nyaben chic che re Dios can xtuban quire', ancha'l re ic'utun cha pan i-oración.#2 Co 1.11.
Ja ruq'uisibal tak ch'abal cha re carta re'
23Re hermano Epafras#Col 1.7. re c'o viq'uin vova' anche' yinc'o-va preso roma nutzijoj ruch'abal re Jesucristo, nutak-a ruxnokil-avach. 24Y quire' chuka' re hermano Marcos,#Hch 12.12. re Aristarco,#Hch 19.29. re Demas#Col 4.14. y re Lucas#2 Ti 4.11. re je vichibil pa samaj niquitak-a chuka' ruxnokil-avach.
25Y can-ta q'uiy utzil xtic'ul chiyixnojel riq'uin re Kajaf Jesucristo. Amén.#Ga 6.18.
Currently Selected:
Filemón 1: cakY
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.