Colosenses 1
1
Re nabey tak tzij chin re carta re'
1Yen Pablo, ru-apóstol re Jesucristo roma jare' re nurayij re Dios.#Ef 1.1, 2. Yen y re hermano Timoteo,#He 13.23. 2nakatak-a re carta re' chiva yex re yix rajc'ual chic re Dios re yixc'o pa tenemit Colosas, re can ibanon confiar-ivi' y xa jun ibanon riq'uin re Jesucristo. Y can-ta q'uiy utzil xtic'ul chiyixnojel riq'uin re Karta' Dios y re Ajaf Jesucristo y chuka' re ivánma can-ta otz nuna' roma iniman chic.
Re Pablo can nojel tiempo nuban orar pa quive' re hermanos re jec'o pa tenemit Colosas
3Nojel tiempo nakaban orar pan ive' yex, y nakatioxij#Ef 1.15, 16. cha re Dios re Rutota' re Kajaf Jesucristo. 4Nakatioxij roma kac'axan che can ibanon confiar-ivi' riq'uin re Jesucristo y ye'jo'#Ga 5.6; Ef 1.15; He 6.10. conojel re je rajc'ual chic re Dios. 5Quire' niban yex, roma iyaben re herencia re c'o chila' chicaj.#Mt 5.12; 1 P 1.4. Y yex xitamaj che c'o i-herencia ja tak xic'axaj re utzulaj ch'abal chin re Dios. Y can katzij-va re ch'abal xinimaj. 6Y tak xic'axaj re ch'abal re' y katzij xk'ax pan ive' che re Dios camas utzil nuban chaka,#Tit 2.11. can yix q'uiy re xixniman. Y re ch'abal re' can aponak rutzijol pa tak ronojel tenemit. Can je q'uiy vinak re ye'niman y nivachin re quic'aslen,#Jn 15.16; 1 Co 5.10. ancha'l yex. 7Y riq'uin re hermano#Col 4.12; Flm 23. Epafras xic'axaj-va re ruch'abal re Dios. Reja' jun samajel kachibil yoj, y camas nakajo'. Reja' can jabal-va nisamaj pa rusamaj re Jesucristo chire' chi'icojol yex. 8Y tak reja' xpa kaq'uin, xutzijoj chaka che yex camas yixjovan,#Ro 15.30. roma c'o re Espíritu Santo pa tak ivánma.
9Y roma re xbo'rtzijoj re hermano Epafras chaka chupan re k'ij tak xbeka kaq'uin, can jare' tak nojel tiempo kabanom-pa orar pan ive'. Nakac'utuj cha re Dios che xtuban-ta chiva che can-ta jabal xtitamaj#1 Co 1.5. re nurayij re Dios,#Ro 12.2. y re Espíritu Santo xtuya-ta chuka' ronojel na'oj chiva. 10Quire' nakac'utuj cha re Dios, roma nakajo' che yex can nojel tiempo tic'uaj jun c'aslen otz,#1 Ts 2.12. re otz che nic'uaj roma iniman chic re Ajaf Jesucristo. Che yex can-ta nojel tiempo nic'uaj jun c'aslen re nika chach reja'.#1 Ts 4.1. Y can-ta nivachin re ic'aslen.#Jn 15.16. Niban-ta ronojel re utzulaj tak banabal, y nitamaj-ta más chij re Dios. 11Nakajo' che re Dios nuya-ta más poder chiva, roma reja' camas ruk'ij y nem re ru-poder. Re poder re' xtic'atzin chiva chin che yixqui'cot#Hch 5.41. y yixcoch'on nojel tiempo. 12Nakajo' che can quixtioxin cha re Karta' Dios,#Ef 5.20. roma reja' can xuban chaka che c'o ka-herencia#Ef 1.11. chila' chicaj. Konojel xtic'ue' ka-herencia yoj re yoj rajc'ual chic re Dios, re yojc'o chic pa sakil. 13Re Karta' Dios can xojrucol-yan chuka' pa ruk'a' re rujoval re k'oko'm#Lc 22.53. y xojruya' pa ruk'a' re Ruc'ajol. Re Karta' Dios camas nrajo' re Ruc'ajol. 14Re Ruc'ajol re Dios xcom koma yoj y xbiyin ruq'uiq'uel, y mare' yoj yojcolotajnak chic y xcuyutaj-yan re kamac.
Junan chic kavach riq'uin re Dios roma re Jesucristo xcom koma yoj
15-16Re Dios man nitz'et-ta, pero xa roma re Ruc'ajol tak yoj yojtiquir nakatz'at,#Jn 14.9. roma re Ruc'ajol can Dios-va. Y re Dios can xuban cha re Ruc'ajol che ja reja' xbano ronojel cosas. Y mare' can jac'a re Ruc'ajol re nabey y más nem#Sal 89.27. que chiquivach ronojel re xe'ruban, ronojel re c'o chila' chicaj y re jec'o vova' chach re ruch'ulef. Ronojel re' can roma re Ruc'ajol tak jec'o.#Jn 1.3; Ro 11.36. Re ye'tz'et y re man ye'tz'et-ta, astapa' je ángeles, y re je autoridades, re camas quik'ij y re c'o poder pa quik'a', ronojel can ja re Ruc'ajol xbano quichin y chin che niquiya' ruk'ij. 17Re Ruc'ajol re Dios can c'o-va tak c'amaje-na tic'ue' re rocaj y re ruch'ulef,#Jn 17.5. y ja reja' re ac'ayon chin ronojel. 18Y ja reja' re c'o pa kave' yoj re kaniman, re nibex iglesia chaka y yoj-aconak ru-cuerpo. Ja reja' re nabey#Ap 1.5. xc'astaj-a chiquicojol re anama'i', y mare' nuya' c'aslen. Y mare' ja reja' re nabey que chiquivach ronojel. 19Can ja-va re' re nurayij re Dios, che re Ruc'ajol junan riq'uin reja'. Re Ruc'ajol, can Dios-va.#Col 2.9. 20Y tak re Ruc'ajol xcom cho cruz y xbiyin re ruq'uiq'uel, reja' xujak re bey chiquivach conojel, chiquivach re jec'o chach re ruch'ulef y chiquivach chuka' re jec'o chicaj. Can ja-va re' re nurayij re Dios, che conojel junan-ta quivach#2 Co 5.18. riq'uin re Dios, y ndel-ta re etzelal re c'o chiquicojol roma re samaj xuban re Ruc'ajol tak xcom.
21Tak rubanon can yex man junan-ta ivach riq'uin re Dios. Roma can rion itzel tak na'oj y itzel tak banabal re xe'c'ue' iviq'uin, xk'alajin che can nitzelaj-va re Dios. Jac'a vocame yex junan chic ivach riq'uin re Dios, roma can xicanoj-va re bey re xujak chivach. 22Jare' re samaj xuban re Ruc'ajol re Dios tak xpa chach re ruch'ulef. Can xoc-va vinak ancha'l yoj y xcom cho cruz.#Ef 2.15, 16. Chin che yex ch'ajch'oj ic'aslen, manak imac y man jun cosa re man otz-ta nitz'etetaj chivij tak yixruya' chach re Dios. 23Pero nic'atzin che can niban confiar-ivi' riq'uin re Dios y man jun bey tinojij che niya' can. Can man jun c'a tisilon ivichin. Nic'atzin che can riq'uin ronojel ivánma niyabej-apo re herencia re nubij chupan re utzulaj ch'abal chin re Dios re nibex evangelio cha. Yex can jabal itaman re ch'abal re', y ja chuka' re' re aponak chic quiq'uin re nic'aj chic vinak re jec'o chach re ruch'ulef. Y chin che nitzijos re utzulaj ch'abal re', re Dios xuban chua yen Pablo che xinoc rusamajel.#Ef 3.7.
Re samaj xuya' re Dios cha re Pablo
24Itzij yex yen nintaj pokan, pero man yimbison-ta, xa yinqui'cot. Roma yen can c'a c'o q'uiy tijoj-pokonal nrajo' che yintiquir nintz'aktisaj ancha'l re xuk'asaj re Jesucristo.#2 Co 1.5; 11.23-27; Fil 3.10; 2 Ti 1.8; 2.10. Y yen roma re ru-iglesia re Jesucristo mare' can nink'asaj tijoj-pokonal. Y re iglesia ja yoj re kaniman chic re Jesucristo y yoj ru-cuerpo chuka' reja'. 25Y yen xinoc samajel chin re iglesia re', y re samaj xuya' re Dios chua chin nimban, ja chiquicojol re man je israelitas-ta ancha'l yex. Y reja' nrajo' che can-ta tz'akat re ruch'abal re nintzijoj chivach. 26Re ruch'abal re Dios man can-ta sekresam-pa jabal chique re vinak, chupan re tiempo re xe'k'ax-yan. Xa c'aja vocame xsekresas jabal chakavach yoj re yoj rajc'ual chic re Dios.#Ro 16.25. 27Re Dios can nrajo-va nuc'ut chakavach yoj re yoj israelitas, che reja' camas otz chuka' runojin pan ive' yex re man yix israelitas-ta. Xa c'a ba' tusekresaj-va che re Jesucristo can nic'ue' chuka' pa tak ivánma yex. Y roma c'o chic re Jesucristo pa tak ivánma, can iyaben re k'ij tak xquixec'ue'#1 Ti 1.1. riq'uin reja' re camas ruk'ij, y jabal xte'bana' riq'uin.
28Yoj ja re Jesucristo re nakasekresaj, y nakabij chique conojel che tiquiya' can rubanic re mac, y ja re na'oj re pitinak riq'uin re Dios jare' re nakacusaj chin ye'katijoj conojel. Quire' nakaban roma nakajo' che can-ta tz'akat re quic'aslen conojel re niquinimaj re Jesucristo. 29Yen can nintaj nuk'ij che can-ta tz'akat re quic'aslen conojel. Nincusaj ronojel poder re ruyi'on re Jesucristo chua. Re poder re ruyi'on re Jesucristo chua jare' re niyi'o vuchuk'a' chubanic re samaj. Y re poder re' camas nem.
Currently Selected:
Colosenses 1: cakY
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.