YouVersion Logo
Search Icon

2 Tesalonicenses 3

3
Ri Pablo nuc'utuj oración
1Kach'alal, tibana' c'a orar#3.1 1 Ts. 5:25. koma roj y tic'utuj chire ri Dios chi chanin ta xtibiyin rutzijoxic ri ruch'abel ri Ajaf, y can ta ninimex achi'el xinimaj rix. 2Tic'utuj c'a chuka' chire ri Dios chi man yojka' pa quik'a' itzel tak achi'a', ri xa man quiniman#3.2 Ro. 10:16. ta ri Jesucristo. 3Ri Ajaf man jun bey xquixruya' ta can,#3.3 Jn. 17:15; 2 P. 2:9. xa can xtuya' ivuchuk'a' y xquixruchajij chuvech ri etzelal. 4Y roj can kacukuban kac'u'x riq'uin ri Ajaf chi rix yixajin chic chubanic ri xkabij chive. Y can kacukuban kac'u'x chuka' chi can man xtiya' ta can ri utzilej c'aslen ri'. 5Ri Ajaf xtuben ta c'a chive chi rix can nina' ta ri pa tak ivánima chi yixrajo'#3.5 Mt. 22:37; 1 Jn. 4:16. ri Dios, y chi yixcoch'on ta achi'el xcoch'on ri Cristo.#3.5 1 Cr. 29:18.
Ri k'oral man utz ta
6Kach'alal, nikabij c'a chive pa rubi' ri Kajaf Jesucristo chi vi c'o jun chi'icojol ri man nrajo' ta nisamej richin nuch'ec ruvay y can man nuben ta ri xkabij chive, tich'ara-ivi'#3.6 Ro. 16:17; 1 Co. 5:11; 2 Jn. 10. riq'uin. 7Roma rix jebel ivetaman chi tok xojc'oje'#3.7 1 Ts. 1:5. iviq'uin, can man xojk'oran ta. Y achi'el ri xkaben roj, can que c'a ri' c'o chi niben rix chuka'. 8Man xkac'utuj ta kavay chive. Xa xkatoj ronojel ri xkatej. Y janíla xojsamej. Chi pak'ij chi chak'a' xojsamej,#3.8 Hch. 18:3; 20:34; 1 Co. 4:12. roma man xkajo' ta xkelesaj ivay rix. Y riq'uin ri' man xixkaya' ta pa c'ayef. 9Vi ta xkac'utuj kavay chive, ruc'amon#3.9 Mt. 10:10; 1 Co. 9:6; 1 Ts. 2:6; 1 Ti. 5:17. ta chuka', roma can xkaben-vi ri rusamaj ri Dios chi'icojol. Pero man xkac'utuj ta. Xa xojsamej richin xkach'ec kavay, richin queri' xkac'ut chivech chi can queri' chuka' tibana'#3.9 1 P. 5:3. rix. 10Y tok xojc'oje' iviq'uin, xkabij chive chi vi c'o jun ri man nrajo' ta nisamej,#3.10 Gn. 3:19; Pr. 13:4; 1 Ts. 4:11. chuka' man tutej ruvay, xojcha' chive. 11Y vacami kac'axan chi ri chi'icojol ec'o ri yek'oran#3.11 Is. 56:10. y man nicajo' ta yesamej, y niquijula-apo-qui' pa tak tzij ri man ruc'amon ta. 12Chique rije' nikabij c'a, y ri Ajaf Jesucristo chuka' nubij chique chi xa can quesamej#3.12 Ro. 12:11; Ef. 4:28. c'a. Man tiquich'ujirisaj-qui'. Xa choj c'a quesamej richin niquich'ec quivay.
13Kach'alal, man yixcos chubanic ri utz. 14Vi c'o jun ri man nrajo' ta nuben ri xkabij yan ka chupan re carta re', tiya' c'a retal achique ri', y chuka' tich'ara-el-ivi'#3.14 1 Co. 5:11; 2 Ts. 3:6. riq'uin rija', richin queri' nuya' ruq'uix ruyon rija'. 15Pero man tivetzelaj. Xa tipixabaj,#3.15 Lv. 19:17; Ga. 6:1; 1 Ts. 5:14. achi'el ta niben chire jun ivach'alal.
Ri ruq'uisibel tak ch'abel
16Kach'alal, ja ri Ajaf ri niyo'on uxlanen pa tak kánima. Rija' xtuya' ta c'a uxlanen pan ivánima rix. Y xtic'oje' ta re uxlanen iviq'uin jantape', chupan xabachique ri nic'ulvachij. Ri Ajaf xtic'oje' ta c'a iviq'uin chi'ivonojel.#3.16 Ro. 15:33.
17Y re ruq'uisibel parte chire re carta re' y ri rutzil-ivech ri nintek-el, can riq'uin nuk'a'#3.17 1 Co. 16:21. yin, Pablo, nubanon-vi-el. Y tivetamaj chi can kitzij ja yin ri yitakon-el re carta re' chive, roma can que vi re' yitz'iban, y chuka' can que vi re' quibanic ri cartas ri yentakala' yin. 18Ri rutzil ri Kajaf Jesucristo xtic'oje' ta c'a iviq'uin chi'ivonojel. Que ta c'a ri'.

Currently Selected:

2 Tesalonicenses 3: cakC

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy