Job 1
1
Häp hin'o tä lhey Job tä le'isyaj ihi p'ante
1Iche p'ante hin'o tä lhey Job tä lew'et p'ante honhat tä lhey Us. Häpe p'ante elh tä is wet lajit letesa. Ihumin Dios wet iwoye lhämtes, wet matche tä t'u lhamehlä m'ak che ni'isa. 2Wet leles tä hin'ol ihi siete wet atsinhay ihi tres. 3Wet leläy tson'atas ihi siete mil, tres mil camellos, mil w'asetas tä n'ochumyenhay, wet quinientos asno lhayis, wet äp iti lhamej nitäkw n'okawos. Wet lham wuj m'ak tä hiw'en, inu'pe iyhäj wichi tä hiw'en m'ak tä lew'et tumej p'ante tä ifwala inuhiphä.
4Job leles tä hin'ol, lhamel m'ak tä yen lakeya tä lhaihuthiwek lepuhfwas elh che häpe lew'et tä iwo lakäjyaja, wet t'äne lech'inhälis. 5Tä ileyejpej lakäjyajay, Job t'änehenpej leles. Tä nephä tä nech'e fwala, ilänhen itshätäy wet iwunhomche wet yachaje Dios häpkhilek nofw lakokhayaj che häpe che iyej lhamel. Mälhyej'attso tä Job iwoyepej, yenpej tichunhayaja tä yok, “Etp'i oles iwo lech'isukyaja wet isitäyen Dios tä ihi lechowhal.”
Dios tach'anlhaye che Satanás yelhte Job
6Iche ifwala tä Lhawuk lakawos tä pule lheley ihoye, wet äpte Satanás lhamtej ihoye Lhawuk. 7Wet Lhawuk tay'ätshane tä yok:
–¿Chi letälhe?
Wet Satanás nichulho tä yok:
–Imälhewek honhat tä olunpe, nilhokej lhipey tä ohoye.
8Wet häp tä Lhawuk yok:
–¿Hät letetshan okawo Job? Tsi ihichet'a elh che te iwoye tä i'pe honhat tä le'isyaj ihi wet lajit letesa. Ihumin'atn'o wet iwoyepej olhämtes.
9Wet Satanás nichulho Lhawuk wet yok:
–Lajit lefwawalhyaja amej. 10Tsi kawahinayej m'ak at che iyej lham, lhäy'e lew'et lheley, lhäy'e nilhokej m'ak tä ihi lew'et tä lakäywet, wet äp letiyej akäpfwayaj lechumtes. Häp tä tamenej tä yiklhatshi t'at m'ak tä hiw'en tä i'pe honhat. 11Che letiyej akwey m'ak tä hiw'en, wet aisitäynhila t'at.
12Lhawuk tahuyej Satanás wet yok:
–Is t'at. Nilhokej m'ak tä hiw'en ihi t'at akwey. Mat yej tiyeja akwey lham.
Wet häp tä Satanás yikch'oye Lhawuk.
Job lewit'äyhyaj tä wuj
13Wet iche ifwala tä Job leles iwo lakäjyaja tä ihi lhamel lechilaw'et. 14Wet näm elh tä iwo silätaye Job, yok:
–Tä w'asetas isaji honhat, wet asnolis t'ekwethä tä atott'aho, 15iwelkate tä nämhen Sabá lhayis tä t'etane, wet ilänhen lhamel tä t'uye. Tajlhamet olham tä omälhehi tä ofwel ame.
16Tä kamaj yämlhi elhtso, wet näm elh tä yok:
–Itäj tä tälh puleye iwunhomche tson'ataswos, hap'akej t'at leläy. Tajlhamet olham tä omälhehi tä ofwel ame.
17Tä kamaj yämlhi elhtso, wet äp näm elh tä yok:
–Caldeo lhayis tä inuye camellos, lhamel ichäj, nilhoktshi t'at tä tres lets'il. Wet äp ilänhen nilhokej lewos. Tajlhamet olham tä omälhehi tä ofwel ame.
18Tä kamaj yämlhi elhtso, näm elh tä yok:
–Ales tä iwo lakäjyaja tä ihi lechilaw'et. 19Wet yafwthitaj tä äytajiy tälhche lhip tä laj wichiyahi, häp tä taj lewukwe lhipey, wet nichätpe lhamel wet nofwej. Tajlhamet olham tä omälhehi tä ofwel ame.
20Tä Job iläte tähestso, nephä wet äytaj letichunhayaj. Wet häp tä hich'esajche lew'uy wet yähäs lhetek w'oley. Wet t'upey at katsi wet n'okwiyej Dios, 21wet yok:
–Tä nech'e onchätchä, ots'ilakche, wet äp ots'ilakhichela che oleyej honhat. Owuk Dios hiw'ente n'oho nilhokej m'ayhay, wet äp ilhokon tä iso n'oyej. Mat lewujyaj ihi Owuk.
22Tej tä tehentso m'ak tä iyej Job, mat iwohit'a lech'isukyaja, isitäyenhit'a Dios.
Currently Selected:
Job 1: WCHB
Highlight
Share
Copy
Want to have your highlights saved across all your devices? Sign up or sign in
Biblia WichĂ, Dios Lhämtes tä Matchehen © Sociedad BĂblica Argentina, 2002.