Jonás 1
1
Jonás tek iwoye Dios lhämet wet lewit'äy ihi
1Lhawuk tahuyej p'ante Jonás, Amitay lhäs,#2~Rey 14.25 wet ifwenho tä yok:
2–Mäh hoye Nínive, häp hupuy tä wuj, wet wo silätayej wichi tä ihi, olak, “Lhawuk yok, Otay ahilähen, tsi otoyench'oya häp wuj m'ak tä ni'isa tä ihi amel haw'et.”
3Mat Jonás iwohiyet'a, yik tä ilethanlä Lhawuk. Ihoye hupuy tä lhey Jope wet hiw'en barco tä itaye Tarsis,#1.3 Tarsis häpe España. wet tiskanpe lehi wet tiyäjo yämlek yikche. 4Mat Lhawuk ichene p'ante ihwokwetaj tä wuj tä äytaji tä yafwutpe awalak, wet wuj pelhay tä iche, wet täy lhimphaj chik wasi lehi. 5Wet lewos wuj tä nowayhen wet elhpej t'änch'oye laka dios. Wet lhamel iwom lelhuk tä ihi barco, ithate awalak yämlek lhäy'e lhip tä nichoyhata lehi. Mat pajche inuhchä p'ante Jonás tä iho lech'oye lehi wet imähi, häm wuj tä imä. 6Wet barco kaniyat ihoye Jonás wet yok:
–¿Atsi m'ak tä lewoye, nahati länek? ¡Lhek nephä, änch'oye aka Dios! Elat lham n'aitetshan wet n'aifwayhtej lhawit'äy yämlek kay'atäyalhi.
7Wet lewos tahu lhamejen wet yok:
–Huwa, n'akoyej suerte yämlek y'ahanej ihi elh tä häpe tä tumenej tä lhawit'äy ichät lhatapehen.
Wet lhamel ikoyej suerte, wet itshupiye Jonás.
Õ'thate awalak Jonás
8Wet lhamel nech'e y'ätshene p'ante Jonás tä yok:
–Lhek fwen n'ohohen, ¿atsi tä tamenej tä lhawit'äyna ichät lhatapehen? ¿Atsi m'ak tä häpe achumet wet chi tä letälhi? ¿Atsi tä aka honhat? ¿Atsi wichi tä ahäpe?
9Wet Jonás ichulho tä yok:
–Ohäpe Hebreo lhayis elh wet on'okwiyejpej Owuk Dios tä ipuleye, häp lham tä yenlhi p'ante honhat lhäy'e awalak.
10Wet äp ifwenho lhamel häp m'ak tä tumenej tä ihi barco, wet yok:
–Olethanlä Owuk Dios.
Tä lhamel iläte, wet wuj tä nowayhen wet y'ätshene tä yok:
–¿Chipte tä lewoye täjna?
11Wet tä lhäy'epej lhip tä fwitsaj awalak, lhamel y'ätshene Jonás tä yok:
–¿Atsi m'ak chik oayene yämlek awalak iwo letamseka n'oyejen?
12Wet Jonás ichulho tä yok:
–Chumay n'oye wet that n'oye inät häpkhilek iwo letamseka. Tsi ohanej tä olham tä otumenej tä pelhay tä äytajina ichät atapehen.
13Mat lhamel wuj tä lhaikhajyenhen p'ante tä ihutlä inät yämlek ichätyene honhat häp lehi. Mat lhamel nikalhahi, tsi lhäy'e lhip tä fwitsaj inät. 14Tä mälhyejtso, lhamel nech'e t'änch'oye p'ante Lhawuk wet yok:
–¡Iwuk, olhamel olhaip'altsen ame, tek is chik hin'ona tumenej olhamel chik oy'inhen! ¡Wet chik naj letesa, yej ti n'oyejen otes chik y'inhila! Tsi häp am, Iwuk, lewoye m'ak tä am lehuminche.
15Wet nech'e lhamel ichuma p'ante Jonás wet ithate awalak. Wet iwo letamseka inät, noj tä fwitsaj. 16Tä lhamel hiw'en, wuj tä nowaye p'ante Lhawuk. Wet lhamel ilän tshäwet tä iwo lew'ayhata Lhawuk, wet ifwenho lhämet tä yäm kalelhäj tä yok:
–Olhamel on'okwihila amej.
17Mat Lhawuk iwaklhatej p'ante häp w'ahat tä wujche yämlek tim Jonás. Häm ihi fwalas tres wet honatsis tres tä lham ihi w'ahat lets'e.#Mat 12.40
Currently Selected:
Jonás 1: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
Jonás 1
1
Jonás tek iwoye Dios lhämet wet lewit'äy ihi
1Lhawuk tahuyej p'ante Jonás, Amitay lhäs,#2~Rey 14.25 wet ifwenho tä yok:
2–Mäh hoye Nínive, häp hupuy tä wuj, wet wo silätayej wichi tä ihi, olak, “Lhawuk yok, Otay ahilähen, tsi otoyench'oya häp wuj m'ak tä ni'isa tä ihi amel haw'et.”
3Mat Jonás iwohiyet'a, yik tä ilethanlä Lhawuk. Ihoye hupuy tä lhey Jope wet hiw'en barco tä itaye Tarsis,#1.3 Tarsis häpe España. wet tiskanpe lehi wet tiyäjo yämlek yikche. 4Mat Lhawuk ichene p'ante ihwokwetaj tä wuj tä äytaji tä yafwutpe awalak, wet wuj pelhay tä iche, wet täy lhimphaj chik wasi lehi. 5Wet lewos wuj tä nowayhen wet elhpej t'änch'oye laka dios. Wet lhamel iwom lelhuk tä ihi barco, ithate awalak yämlek lhäy'e lhip tä nichoyhata lehi. Mat pajche inuhchä p'ante Jonás tä iho lech'oye lehi wet imähi, häm wuj tä imä. 6Wet barco kaniyat ihoye Jonás wet yok:
–¿Atsi m'ak tä lewoye, nahati länek? ¡Lhek nephä, änch'oye aka Dios! Elat lham n'aitetshan wet n'aifwayhtej lhawit'äy yämlek kay'atäyalhi.
7Wet lewos tahu lhamejen wet yok:
–Huwa, n'akoyej suerte yämlek y'ahanej ihi elh tä häpe tä tumenej tä lhawit'äy ichät lhatapehen.
Wet lhamel ikoyej suerte, wet itshupiye Jonás.
Õ'thate awalak Jonás
8Wet lhamel nech'e y'ätshene p'ante Jonás tä yok:
–Lhek fwen n'ohohen, ¿atsi tä tamenej tä lhawit'äyna ichät lhatapehen? ¿Atsi m'ak tä häpe achumet wet chi tä letälhi? ¿Atsi tä aka honhat? ¿Atsi wichi tä ahäpe?
9Wet Jonás ichulho tä yok:
–Ohäpe Hebreo lhayis elh wet on'okwiyejpej Owuk Dios tä ipuleye, häp lham tä yenlhi p'ante honhat lhäy'e awalak.
10Wet äp ifwenho lhamel häp m'ak tä tumenej tä ihi barco, wet yok:
–Olethanlä Owuk Dios.
Tä lhamel iläte, wet wuj tä nowayhen wet y'ätshene tä yok:
–¿Chipte tä lewoye täjna?
11Wet tä lhäy'epej lhip tä fwitsaj awalak, lhamel y'ätshene Jonás tä yok:
–¿Atsi m'ak chik oayene yämlek awalak iwo letamseka n'oyejen?
12Wet Jonás ichulho tä yok:
–Chumay n'oye wet that n'oye inät häpkhilek iwo letamseka. Tsi ohanej tä olham tä otumenej tä pelhay tä äytajina ichät atapehen.
13Mat lhamel wuj tä lhaikhajyenhen p'ante tä ihutlä inät yämlek ichätyene honhat häp lehi. Mat lhamel nikalhahi, tsi lhäy'e lhip tä fwitsaj inät. 14Tä mälhyejtso, lhamel nech'e t'änch'oye p'ante Lhawuk wet yok:
–¡Iwuk, olhamel olhaip'altsen ame, tek is chik hin'ona tumenej olhamel chik oy'inhen! ¡Wet chik naj letesa, yej ti n'oyejen otes chik y'inhila! Tsi häp am, Iwuk, lewoye m'ak tä am lehuminche.
15Wet nech'e lhamel ichuma p'ante Jonás wet ithate awalak. Wet iwo letamseka inät, noj tä fwitsaj. 16Tä lhamel hiw'en, wuj tä nowaye p'ante Lhawuk. Wet lhamel ilän tshäwet tä iwo lew'ayhata Lhawuk, wet ifwenho lhämet tä yäm kalelhäj tä yok:
–Olhamel on'okwihila amej.
17Mat Lhawuk iwaklhatej p'ante häp w'ahat tä wujche yämlek tim Jonás. Häm ihi fwalas tres wet honatsis tres tä lham ihi w'ahat lets'e.#Mat 12.40
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.