Juan 16
16
1“Ofwel amhohen m'ayhayna häpkhilek nittäya tä let'ekhayay n'oye. 2Tsi Judío lhayis ne'tehlak lhekaych'oye laka n'ohusew'etes, wet nek t'at lewhäy tä elh chik häpe tä ailänhen yohlak, Häp tä otch'ote Dios lechumet. 3Mat tä iwoynejetso m'ak tä iwoye, häp tä nitäfwelayej Ojcha wet äp nitäfwela n'oyej. 4Ofwel amhohen täjtso, häpkhilek chik nichäte lewhäy, letichunhichela olhämtesna.
Häp m'ak tä Espíritu tä T'amajchet lechumet
“Tälhe tä nech'e owo tesa ochumet, ofwenhit'a amhohen tähestso tsi häp tä oit amejen. 5Mat athana oyik, oyäple Elh tä lechenekn'o, mat niwohit elh amel chik tay'ätshanej n'oye lhip tä ohoye. 6Tajlhama tä afwitajayaj tapoyej ahusey tä ofwel amhohen tähestso. 7Mat oyok, matche olhämet, lhäy'e lhip tä is chik oyik häpkhilek amel aisej, tsi chik n'am nek, nämhit'ala Hach'otfwa yämlek i'amejen. Mat chik oyik, ochenla amehen. 8Wet chik näm, lhäy'ehila lhip chik itäfwnhatejen wichi tä i'pe honhat häp m'ak tä häpe n'och'isukyaj, lhäy'e m'ak tä is alhoho, lhäy'e Dios lakalelhthayaj. 9Tä lhamel nichaya n'oye, häp tä häpe n'och'isukyaj. 10Wet tä ohoye Ojcha lhäy'e tä nemla lew'enayn'o, häp tä hin'älitn'o tä ohäpe elh tä iwoyepej m'ak tä is alhoho. 11Wet tä pajche õ'tiyej letes häp honhat laka niyat, häp tä hin'älit tä Dios lakalelhthayaj iche.
12“Eh, häp täjtso m'ak tä ofwel amhohen. Mat kamaj wujpe m'ayhay tä ot'uhläk ofwel amhohen, mat athana elat tek lekalhayhi nilhokej. 13Mat chik nämla Espíritu tä hin'älit m'ak tä matche, lhamlak lhäy'ehila lhip chik ichufwen amejen m'ak tä matche. Tsi yämhiyet'ala m'ak tä tälhe lham, mat yämhiyela m'ak tä iläte, wet äp ihanthila amejen m'ayhay tä ihichela. 14Lham iwujyenlan'o, tsi tachumlatlä m'ak tä tälh n'oye wet itäfwnhatla amejen. 15Nilhokej m'ak tä iyej Ojcha häte olewuk t'at. Häp tä tamenej tä oyok, Espíritu tä T'amajchet tachumlatlä m'ak tä tälh n'oye wet itäfwnhatla amejen.”
“Afwitajayaj nech'e häpkhila akäjyaj”
16Wet Jesús äp yok:
–Pajiyejt'a wet nemla lew'enayn'o, mat chik äp pajfwaj yachajiholak äp lew'enay'atn'o.
17Wet nech'e elhpej lechufwenkay tay'ätshanej lhamehen wet yok:
–¿Chipte tä ifwel n'amhohen tä pajiyejt'a wet nemla y'aw'en, wet chik äp pajfwaj yachajihola chik y'aw'enhila? ¿Atsi m'ak tä yäme tä yok, “Ohoye Ojcha”? 18Wet ¿atsi lhämet tä yok, “Pajiyejt'a”? Y'ahanhiyejt'a m'ak tä yäme.
19Jesús nitäfwelej tä lechufwenkay t'uhläk tay'ätshaneje tähestso. Wet tahuyej lhamel tä yok:
–¿Hä letay'ätshanej amehen tä oyonekwe, “Pajiyejt'a wet nemla lew'enayn'o, mat chik äp pajfwaj yachajiholak äp lew'enayn'o”? 20Matche, matche tä ofwel amhohen, Afwitajayaj ihlat amejen wet letafwichelahchä, mat häp wichi tä honhat leles akäslatwethä. Mat oyok, afwitajayaj nech'e häpkhila t'at akäjyaj. 21Chik atsinha eyte iwohi lhäsa, wuj tä lelhakli ihi tsi nichäte lewhäy. Mat tä lhäsaj nichätchä, nemhit nitichunche leteläythayaj tä iyej, tsi wuj lakäjyaj tä lhäsaj nech'e iche honhatena. 22Wet häp tä mälhyej'attso amel, athana lelhak'anhilawethä ayej. Mat yachajiholak oahiw'en wet wujlak akäjyaj ihi, wet nehit katsik ihanhiyeja iwoyneje chik iso amejen akäjyajtso. 23Häp ifwalatso nemla letay'ätshanej n'oye m'ak at chik häpe.
“Matche, matche tä ofwel amhohen, M'ak at chik häpe chik let'alhayeje Ojcha häp tä isej olhey, hiw'enla amhohen. 24Athana kamaj niwohit m'ak chik let'alhayeje Ojcha häp tä isej olhey. Oyok, alhaye, hiw'enlat amhohen, häpkhilek nittäya lhip akäjyaj.”#Mat 7.7-11; Sant 1.5-6
Jesús ikalhi honhat lakhajyhayaj
25“Tähestso otech'aynej m'ayhay chik häpe tä ofwel amhohen. Mat nämla lewhäy tä nemla wo m'ak chik otech'aynej, tsi on'älthichehena olhämtes tä oyäme häp Ojcha. 26Wet häp ifwalatso let'alhiyela m'ak at chik häpe häp tä isej olhey. Mat ofwel amhohen tä olhamhit'alak olhaip'altsene atapehen häp Ojcha, 27tsi lham t'at tä aihumnhen, häp tä lehuminayn'o wet let'ekhayaye tä otälhe t'at häp lham Dios. 28Oyiktech'oye Ojcha wet onek honhatena, mat athana oyikch'oye honhat wet oyäple häp Ojcha.”
29Tä lechufwenkay iläte, wet yok:
–Athana nech'e kalelhäj m'ak tä lhäme, nemhit wo m'ak chik letech'aynej. 30Athana olhamel ow'en tä lehanej nilhokej m'ayhay, wet tej chik newa katsik nämejphä chik tay'ätshan ame, mat am lehanej t'at. Häp tä olhamel ot'ekhaye tä matche tä letälhe Dios.
31Jesús nichulho lhamel wet yok:
–¿Athana nech'e let'ekhayaye? 32Lhek yahinya, nek lewhäy, wet häpe t'at athana, yämthilek amel lefwtsatayhi wet elhpej yäple m'ak tä iwoye, wet lewomlatn'o. Mat tek ots'ilak, tsi Ojcha in'oyej.
33“Ofwel amhohen tähestso häpkhilek atamsekis ihi n'oyej. Ateläythayaj ihla amejen honhatena, mat akhajyenhen, tsi olham pajche okalhi honhat lakhajyhayaj.”#Rom 8.37; Apoc 3.21; 5.5
Currently Selected:
Juan 16: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
Juan 16
16
1“Ofwel amhohen m'ayhayna häpkhilek nittäya tä let'ekhayay n'oye. 2Tsi Judío lhayis ne'tehlak lhekaych'oye laka n'ohusew'etes, wet nek t'at lewhäy tä elh chik häpe tä ailänhen yohlak, Häp tä otch'ote Dios lechumet. 3Mat tä iwoynejetso m'ak tä iwoye, häp tä nitäfwelayej Ojcha wet äp nitäfwela n'oyej. 4Ofwel amhohen täjtso, häpkhilek chik nichäte lewhäy, letichunhichela olhämtesna.
Häp m'ak tä Espíritu tä T'amajchet lechumet
“Tälhe tä nech'e owo tesa ochumet, ofwenhit'a amhohen tähestso tsi häp tä oit amejen. 5Mat athana oyik, oyäple Elh tä lechenekn'o, mat niwohit elh amel chik tay'ätshanej n'oye lhip tä ohoye. 6Tajlhama tä afwitajayaj tapoyej ahusey tä ofwel amhohen tähestso. 7Mat oyok, matche olhämet, lhäy'e lhip tä is chik oyik häpkhilek amel aisej, tsi chik n'am nek, nämhit'ala Hach'otfwa yämlek i'amejen. Mat chik oyik, ochenla amehen. 8Wet chik näm, lhäy'ehila lhip chik itäfwnhatejen wichi tä i'pe honhat häp m'ak tä häpe n'och'isukyaj, lhäy'e m'ak tä is alhoho, lhäy'e Dios lakalelhthayaj. 9Tä lhamel nichaya n'oye, häp tä häpe n'och'isukyaj. 10Wet tä ohoye Ojcha lhäy'e tä nemla lew'enayn'o, häp tä hin'älitn'o tä ohäpe elh tä iwoyepej m'ak tä is alhoho. 11Wet tä pajche õ'tiyej letes häp honhat laka niyat, häp tä hin'älit tä Dios lakalelhthayaj iche.
12“Eh, häp täjtso m'ak tä ofwel amhohen. Mat kamaj wujpe m'ayhay tä ot'uhläk ofwel amhohen, mat athana elat tek lekalhayhi nilhokej. 13Mat chik nämla Espíritu tä hin'älit m'ak tä matche, lhamlak lhäy'ehila lhip chik ichufwen amejen m'ak tä matche. Tsi yämhiyet'ala m'ak tä tälhe lham, mat yämhiyela m'ak tä iläte, wet äp ihanthila amejen m'ayhay tä ihichela. 14Lham iwujyenlan'o, tsi tachumlatlä m'ak tä tälh n'oye wet itäfwnhatla amejen. 15Nilhokej m'ak tä iyej Ojcha häte olewuk t'at. Häp tä tamenej tä oyok, Espíritu tä T'amajchet tachumlatlä m'ak tä tälh n'oye wet itäfwnhatla amejen.”
“Afwitajayaj nech'e häpkhila akäjyaj”
16Wet Jesús äp yok:
–Pajiyejt'a wet nemla lew'enayn'o, mat chik äp pajfwaj yachajiholak äp lew'enay'atn'o.
17Wet nech'e elhpej lechufwenkay tay'ätshanej lhamehen wet yok:
–¿Chipte tä ifwel n'amhohen tä pajiyejt'a wet nemla y'aw'en, wet chik äp pajfwaj yachajihola chik y'aw'enhila? ¿Atsi m'ak tä yäme tä yok, “Ohoye Ojcha”? 18Wet ¿atsi lhämet tä yok, “Pajiyejt'a”? Y'ahanhiyejt'a m'ak tä yäme.
19Jesús nitäfwelej tä lechufwenkay t'uhläk tay'ätshaneje tähestso. Wet tahuyej lhamel tä yok:
–¿Hä letay'ätshanej amehen tä oyonekwe, “Pajiyejt'a wet nemla lew'enayn'o, mat chik äp pajfwaj yachajiholak äp lew'enayn'o”? 20Matche, matche tä ofwel amhohen, Afwitajayaj ihlat amejen wet letafwichelahchä, mat häp wichi tä honhat leles akäslatwethä. Mat oyok, afwitajayaj nech'e häpkhila t'at akäjyaj. 21Chik atsinha eyte iwohi lhäsa, wuj tä lelhakli ihi tsi nichäte lewhäy. Mat tä lhäsaj nichätchä, nemhit nitichunche leteläythayaj tä iyej, tsi wuj lakäjyaj tä lhäsaj nech'e iche honhatena. 22Wet häp tä mälhyej'attso amel, athana lelhak'anhilawethä ayej. Mat yachajiholak oahiw'en wet wujlak akäjyaj ihi, wet nehit katsik ihanhiyeja iwoyneje chik iso amejen akäjyajtso. 23Häp ifwalatso nemla letay'ätshanej n'oye m'ak at chik häpe.
“Matche, matche tä ofwel amhohen, M'ak at chik häpe chik let'alhayeje Ojcha häp tä isej olhey, hiw'enla amhohen. 24Athana kamaj niwohit m'ak chik let'alhayeje Ojcha häp tä isej olhey. Oyok, alhaye, hiw'enlat amhohen, häpkhilek nittäya lhip akäjyaj.”#Mat 7.7-11; Sant 1.5-6
Jesús ikalhi honhat lakhajyhayaj
25“Tähestso otech'aynej m'ayhay chik häpe tä ofwel amhohen. Mat nämla lewhäy tä nemla wo m'ak chik otech'aynej, tsi on'älthichehena olhämtes tä oyäme häp Ojcha. 26Wet häp ifwalatso let'alhiyela m'ak at chik häpe häp tä isej olhey. Mat ofwel amhohen tä olhamhit'alak olhaip'altsene atapehen häp Ojcha, 27tsi lham t'at tä aihumnhen, häp tä lehuminayn'o wet let'ekhayaye tä otälhe t'at häp lham Dios. 28Oyiktech'oye Ojcha wet onek honhatena, mat athana oyikch'oye honhat wet oyäple häp Ojcha.”
29Tä lechufwenkay iläte, wet yok:
–Athana nech'e kalelhäj m'ak tä lhäme, nemhit wo m'ak chik letech'aynej. 30Athana olhamel ow'en tä lehanej nilhokej m'ayhay, wet tej chik newa katsik nämejphä chik tay'ätshan ame, mat am lehanej t'at. Häp tä olhamel ot'ekhaye tä matche tä letälhe Dios.
31Jesús nichulho lhamel wet yok:
–¿Athana nech'e let'ekhayaye? 32Lhek yahinya, nek lewhäy, wet häpe t'at athana, yämthilek amel lefwtsatayhi wet elhpej yäple m'ak tä iwoye, wet lewomlatn'o. Mat tek ots'ilak, tsi Ojcha in'oyej.
33“Ofwel amhohen tähestso häpkhilek atamsekis ihi n'oyej. Ateläythayaj ihla amejen honhatena, mat akhajyenhen, tsi olham pajche okalhi honhat lakhajyhayaj.”#Rom 8.37; Apoc 3.21; 5.5
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.