Jer 2
2
Israel lhayis ileyej Lewuk Dios
1Lhawuk tahuy n'oyej wet yok:
2“Mäh ämhoplhi wichi tä ihi Jerusalén,
fwitsenej tä let'än häpkhilek lhamel ilät ame.
Is chik lhok, Häp täja häp Lhawuk lhämet
tä t'uhläk ofwel amhohen wet yok,
Otichunlä tä kamaj aknithaläkwa,
atet iwoye atsinha lhutsha
wet wuj tä lehuminn'o.
Täjte oayen t'unfwaya,
wet let'ifwti n'oyej wet lehänlhin'o
tä lheyayhi t'at honhat tä ts'anis tä kayachuyajw'eta.
3Israel lhayis, oayen t'amajchetesa tsi Awukn'o,
atet iwoye n'okäs lhay tä ichun
tä õyen otw'ayhata tä tälhe yachuyajw'etes.
Elh chik häpe tä aiwit'äyen,
olham tä oyen letesa wet ochene lewit'äyhyaj.
Olham tä Awukn'o olhämet täjtso.”
4Israel lhayis, amel tä letälhe ates Jacob, ch'ahuyaye Lhawuk lhämtes 5tä yok:
“Ihichet'a m'ak tä ni'isa tä owoyejehte achätilis
chik häp tä tamenej tä lhamel ile n'oyej
wet ihänlhi dios lhayis tä m'ak nitälhaye,
wet tamen lhamejen tä w'et m'ayhay t'at.
6Wet lhamel yenhit'a letichunhayajan'o,
tej tä otälhohte honhat tä Egipto
tä otonphä lhamel wet onekhatpe ts'anis,
honhat tä tamchäy lhäy'e tä laj wichiyahi.
Häpe honhat tä lhäy'e lhip tä ni'isa tä laj inätahi,
wet newache wichi chik yen lew'eta
lhäy'e tä newache wichi chik ilunpe.
7Olham ochäj amel kana honhat tä is
yämthilek letutcheyhen,
wet chik wak'alh lhay yachuyaj,
wet letuj wet äk ihi.
Tha häp tä amel lenämhen kana oka honhatna,
wet lekänchiyej akeyis tä ni'isachehen tä lewoyaye,
pajtha okokyene honhat.
8Häp sacerdotes t'uhit'a n'okwe.
Tej tä häpe olhämet lewos
tä ichufwenhen oka wichi thayej,
lhamel nitäfwenhit'a n'oyej.
Häp niyatey tatay n'ohlä,
wet tä profetas iwo lhämeta,
fwetaj dios tä kamatache tä lhey Ba'al tä lhämetej,
wet lhamel iwujyen n'ocheyälis tä m'ak nitälhaye.
Lhawuk itiyej letes häp Israel lhayis
9“Häp tä tamenej tä olham tä Awukn'o
oti amejen okalelhthayaj
pajla'tha nichäte ales tä lepes lheley.
10Tej chik lehoyaye honhates
tä tumej tä ifwala y'uy,
tha lew'enhit'ala m'ak tä mälhyeja.
Wet tej chik lewo achenekaye honhates
tä tumej tä ifwala tälhche,
lew'enhit'ala n'okeyis
tä te iwoye oka wichi lakeyis.
11Tsi wichi iyhäj ihichet'a chik
iwo iyhäja laka dios lhayis,
tej tä häpe m'ak tä kamatachehen thayej.
Tha häp tä olham oka wichi tä ile n'oyej
tä ohäpe laka Dios tä lewujyaj ihi,
wet lhamel yen lewuhuya
n'ocheyälis tä m'ak nitälhaye.
12¡Pule, is chik lhäm wuj tä lenowaye täjtso,
wet is chik lechettiyejche!
Olham tä ohäpe Dios tä matche tä owoyetso.
13Nitäkwfwas m'ak tä ni'isa tä oka wichi iwoye.
Lhamel ile n'oyej tä otet iwoye hits'ifwik
tä häpe inät tä n'ow'atshancheyaj,
mat lhamel tet iwoyek yenlhi lhamhohen
lepekis tä ipofwohen wet nemhit inät t'ifweyhi.
Israel lewit'äyhyaj tä tälhe m'ak tä ni'isa tä iwoye
14“Israel lhayis häpkhihent'a n'okwenkay,
tälhe t'at tä nech'e ichehen.
Tä mälhyejtso, ¿chipte tä letayhfwas
ichowalhe wet yen kwenkaya?
15¿Chipte tä inuye, tet iwoye
t'owalhas tä fwitses tä tanhätinwethä?
Iwasthi laka honhat wet iwunhomche laka hupuy,
wet niwohit elh chik imälhehi.
16Wichi tä ihi Menfis lhäy'e Tafnes,
hupuy tä lhamenya tä ihi Egipto,
lhamel iwasthi Israel lhetek.
17Israel lhayis, tähestso i'amejen
tsi häp tä lele n'oyej tä ohäpe Awuk Dios
täjte oi'amejen tä lenukwe han'äyij.
18Wet athana, ¿atsi m'ak tä aisej
tä let'ukwe Egipto lech'otyaj
lhäy'e häp Asiria lech'otyaj?
19M'ak tä ni'isa tä lewoye,
häp tä itonla alhoho awit'äyhyaj,
lhäy'e tä lele n'oyej.
Tichunache tä matche tä ni'isa
tä lele n'oyej tä ohäpe Awuk Dios
wet nemhit lewujyenn'o.
Olham tä ohäpe Awuk Dios tä laj letumfwaya,
olhämet täjtso.
Israel lhayis tatayhlä Lewuk Dios
20“Ifwalas tä pajche
amel alefwon n'ohlä wet letatay n'ohlä.
Lhok, Olhamel oleyej tä oayen owuka.
Wet lewo akeyisa wet len'okwiyej acheyälis
tä lheche'pe tachenhas
lhäy'e tä lhechechufwi hal'äy lehupelis.
21Oaitshäntehchä tä otech'ayen amejen
häp uva lhile tä n'ochumet tä wuj tä isilataj
tä tälhe lhoy tä matche tä isen.
Mat tä lewo akeyisa, nech'e atet iwoye
hal'ä tä tayhlhele tä kan'ochumeta
tä lhay ihanhiyejt'ak is.
22Tej chik lelej amche, lelän amej jabón,
kamaj sat amej hach'isukyaj.
Olham tä Awukn'o olhämet täjtso.
23Tej tä lhok, Tek wo m'ak chik sat n'oyej,
oyenhit'a owuhuya häp dios lhayis tä m'ak nitälhaye,
mat lhek tetshan akeyis tä lewoye
tä lhäy'e lhip tä ni'isa
tä lhehi honhat lhip tä lhey Ben-hinom.
Atet iwoye camello tsinha tä tayhlhele
tä iläfwel tä nilhok lhipey tä ilunhi.
24Wet atet iwoye asno tsinha tä tayhlhele
tä ihoyanche tä ilunche tayhi tä ilätche hin'o nij.
Tä iwatlä hin'o, newache elh chik ihanej chik ifwonej.
Wet chik hin'o t'ukwe,
tachuttshanhit'a, nilhoke t'at.
25“Israel, yej w'et alet'elkathen
tä lehänlhi dios lhayis tä kamatachehen.
Yej w'et letshäjyenche apänhi
tä aleteläfwite n'ocheyälis.
Mat lhok, Kha, okalhihit'ak oleyej,
tsi ohumin wet ohän'atwethä.
T'uhawetej chik õ'tiyej n'otasnhayaj Israel
26“Chik õ'tsoklhi etantsaj,
wuj tä len'äfwlhi ihi.
Wet amel tä aIsrael lhayis
atehlat iwoye, han'äfwlhi ihihila,
lhäy'e aka reyes, lhäy'e leniyatfwas,
lhäy'e sacerdotes, lhäy'e profetas.
27Tsi lhenay ajchaya hal'ä
wet lhenay akoya tunte,
mat olham nemhit letetshann'o,
lethat n'ohlä awhol.
Mat chik lew'en m'ak tä ni'isa tä i'amejen,
nech'e tä let'alhej n'oye hach'otyaj.
28Judá lheley, tä amel awit'äyhyaj ihi,
¿chip ihitso aka dios lhayis tä lhenlhi amhohen?
¡Is chik lhamel tä nämhen wet aifwayhthen!
¡Tsi wujtaj'atpey lhamel, tet iwoye aka hupuy!
29Oyok, ¿chipte tä let'an n'o'pe?
Nilhokej amel tä letatay n'ohlä.
30M'ak tälhiyet'a otasnhayaj tä oti amejen,
amel tek alechufwenej ochufwenyaj tä matche.
Tsi amel atet iwoye t'owalhas tä fwitses
tä lelänhenpej aka profetas.
31“Israel lhayis, ch'ahuyaye olhämet.
¿Chipte tä letech'ayenay n'oyej
tayhi tä wujpe tä lenhoch'ayhyaj ihi?
¿Chipte tä leleyay n'oyej tä Awukn'o
wet nemhit lehoyay n'oye?
32Lakeyhit'ak atsinha hip'ethatlä lhamsilis
lhäy'e m'ak tä lehumnek yen t'awayhata.
Mat oka wichi wet pajche tä hip'ethat n'ohlä.
33“¡Matche tä lehanayej len'äyij
tä let'ukwe hin'ol tä lhen hach'efwasa!
¡Tej chik key länhay
tä lechufwenejen t'at lakey!
34¡Wet äp lelänhen wichi
tä p'elitses lhäy'e tä laj letesa,
tet iwoyek lhamel lew'oyis tä iyej haw'uyis!
¡Isit'a tä lewoynejatso m'ak tä lewoye!
¡Letes ihihit'a lhamel
tä kahäpeya wichi tä etantses
chik tiyäjchufwi awukwe wet letsokwethä!
Mat tej tä tetso m'ak tä lewoye,
35lhok, Olhamel otes ihihit'a,
Lhawuk nemhit nichuwet n'oyehen.
Mat tej tä tetso ämet,
olham tä Awukn'o otihla amejen ates.
36¡Matche tä lewopej iyhäja hach'otfwas!
Lehoye Egipto lheley mat lhamel ikanla amejen,
mälhyej tä Asirio lhayis ikan amejen.
37Chik letapil tä letälhe Egipto,
wujlak han'äfwlhi ihi,
tsi olham tä Awukn'o
pajche owohit'a lahaya lhamel tä let'ekhaye,
wet wohit'ala m'ak chik amel aisej.”
Currently Selected:
Jer 2: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.
Jer 2
2
Israel lhayis ileyej Lewuk Dios
1Lhawuk tahuy n'oyej wet yok:
2“Mäh ämhoplhi wichi tä ihi Jerusalén,
fwitsenej tä let'än häpkhilek lhamel ilät ame.
Is chik lhok, Häp täja häp Lhawuk lhämet
tä t'uhläk ofwel amhohen wet yok,
Otichunlä tä kamaj aknithaläkwa,
atet iwoye atsinha lhutsha
wet wuj tä lehuminn'o.
Täjte oayen t'unfwaya,
wet let'ifwti n'oyej wet lehänlhin'o
tä lheyayhi t'at honhat tä ts'anis tä kayachuyajw'eta.
3Israel lhayis, oayen t'amajchetesa tsi Awukn'o,
atet iwoye n'okäs lhay tä ichun
tä õyen otw'ayhata tä tälhe yachuyajw'etes.
Elh chik häpe tä aiwit'äyen,
olham tä oyen letesa wet ochene lewit'äyhyaj.
Olham tä Awukn'o olhämet täjtso.”
4Israel lhayis, amel tä letälhe ates Jacob, ch'ahuyaye Lhawuk lhämtes 5tä yok:
“Ihichet'a m'ak tä ni'isa tä owoyejehte achätilis
chik häp tä tamenej tä lhamel ile n'oyej
wet ihänlhi dios lhayis tä m'ak nitälhaye,
wet tamen lhamejen tä w'et m'ayhay t'at.
6Wet lhamel yenhit'a letichunhayajan'o,
tej tä otälhohte honhat tä Egipto
tä otonphä lhamel wet onekhatpe ts'anis,
honhat tä tamchäy lhäy'e tä laj wichiyahi.
Häpe honhat tä lhäy'e lhip tä ni'isa tä laj inätahi,
wet newache wichi chik yen lew'eta
lhäy'e tä newache wichi chik ilunpe.
7Olham ochäj amel kana honhat tä is
yämthilek letutcheyhen,
wet chik wak'alh lhay yachuyaj,
wet letuj wet äk ihi.
Tha häp tä amel lenämhen kana oka honhatna,
wet lekänchiyej akeyis tä ni'isachehen tä lewoyaye,
pajtha okokyene honhat.
8Häp sacerdotes t'uhit'a n'okwe.
Tej tä häpe olhämet lewos
tä ichufwenhen oka wichi thayej,
lhamel nitäfwenhit'a n'oyej.
Häp niyatey tatay n'ohlä,
wet tä profetas iwo lhämeta,
fwetaj dios tä kamatache tä lhey Ba'al tä lhämetej,
wet lhamel iwujyen n'ocheyälis tä m'ak nitälhaye.
Lhawuk itiyej letes häp Israel lhayis
9“Häp tä tamenej tä olham tä Awukn'o
oti amejen okalelhthayaj
pajla'tha nichäte ales tä lepes lheley.
10Tej chik lehoyaye honhates
tä tumej tä ifwala y'uy,
tha lew'enhit'ala m'ak tä mälhyeja.
Wet tej chik lewo achenekaye honhates
tä tumej tä ifwala tälhche,
lew'enhit'ala n'okeyis
tä te iwoye oka wichi lakeyis.
11Tsi wichi iyhäj ihichet'a chik
iwo iyhäja laka dios lhayis,
tej tä häpe m'ak tä kamatachehen thayej.
Tha häp tä olham oka wichi tä ile n'oyej
tä ohäpe laka Dios tä lewujyaj ihi,
wet lhamel yen lewuhuya
n'ocheyälis tä m'ak nitälhaye.
12¡Pule, is chik lhäm wuj tä lenowaye täjtso,
wet is chik lechettiyejche!
Olham tä ohäpe Dios tä matche tä owoyetso.
13Nitäkwfwas m'ak tä ni'isa tä oka wichi iwoye.
Lhamel ile n'oyej tä otet iwoye hits'ifwik
tä häpe inät tä n'ow'atshancheyaj,
mat lhamel tet iwoyek yenlhi lhamhohen
lepekis tä ipofwohen wet nemhit inät t'ifweyhi.
Israel lewit'äyhyaj tä tälhe m'ak tä ni'isa tä iwoye
14“Israel lhayis häpkhihent'a n'okwenkay,
tälhe t'at tä nech'e ichehen.
Tä mälhyejtso, ¿chipte tä letayhfwas
ichowalhe wet yen kwenkaya?
15¿Chipte tä inuye, tet iwoye
t'owalhas tä fwitses tä tanhätinwethä?
Iwasthi laka honhat wet iwunhomche laka hupuy,
wet niwohit elh chik imälhehi.
16Wichi tä ihi Menfis lhäy'e Tafnes,
hupuy tä lhamenya tä ihi Egipto,
lhamel iwasthi Israel lhetek.
17Israel lhayis, tähestso i'amejen
tsi häp tä lele n'oyej tä ohäpe Awuk Dios
täjte oi'amejen tä lenukwe han'äyij.
18Wet athana, ¿atsi m'ak tä aisej
tä let'ukwe Egipto lech'otyaj
lhäy'e häp Asiria lech'otyaj?
19M'ak tä ni'isa tä lewoye,
häp tä itonla alhoho awit'äyhyaj,
lhäy'e tä lele n'oyej.
Tichunache tä matche tä ni'isa
tä lele n'oyej tä ohäpe Awuk Dios
wet nemhit lewujyenn'o.
Olham tä ohäpe Awuk Dios tä laj letumfwaya,
olhämet täjtso.
Israel lhayis tatayhlä Lewuk Dios
20“Ifwalas tä pajche
amel alefwon n'ohlä wet letatay n'ohlä.
Lhok, Olhamel oleyej tä oayen owuka.
Wet lewo akeyisa wet len'okwiyej acheyälis
tä lheche'pe tachenhas
lhäy'e tä lhechechufwi hal'äy lehupelis.
21Oaitshäntehchä tä otech'ayen amejen
häp uva lhile tä n'ochumet tä wuj tä isilataj
tä tälhe lhoy tä matche tä isen.
Mat tä lewo akeyisa, nech'e atet iwoye
hal'ä tä tayhlhele tä kan'ochumeta
tä lhay ihanhiyejt'ak is.
22Tej chik lelej amche, lelän amej jabón,
kamaj sat amej hach'isukyaj.
Olham tä Awukn'o olhämet täjtso.
23Tej tä lhok, Tek wo m'ak chik sat n'oyej,
oyenhit'a owuhuya häp dios lhayis tä m'ak nitälhaye,
mat lhek tetshan akeyis tä lewoye
tä lhäy'e lhip tä ni'isa
tä lhehi honhat lhip tä lhey Ben-hinom.
Atet iwoye camello tsinha tä tayhlhele
tä iläfwel tä nilhok lhipey tä ilunhi.
24Wet atet iwoye asno tsinha tä tayhlhele
tä ihoyanche tä ilunche tayhi tä ilätche hin'o nij.
Tä iwatlä hin'o, newache elh chik ihanej chik ifwonej.
Wet chik hin'o t'ukwe,
tachuttshanhit'a, nilhoke t'at.
25“Israel, yej w'et alet'elkathen
tä lehänlhi dios lhayis tä kamatachehen.
Yej w'et letshäjyenche apänhi
tä aleteläfwite n'ocheyälis.
Mat lhok, Kha, okalhihit'ak oleyej,
tsi ohumin wet ohän'atwethä.
T'uhawetej chik õ'tiyej n'otasnhayaj Israel
26“Chik õ'tsoklhi etantsaj,
wuj tä len'äfwlhi ihi.
Wet amel tä aIsrael lhayis
atehlat iwoye, han'äfwlhi ihihila,
lhäy'e aka reyes, lhäy'e leniyatfwas,
lhäy'e sacerdotes, lhäy'e profetas.
27Tsi lhenay ajchaya hal'ä
wet lhenay akoya tunte,
mat olham nemhit letetshann'o,
lethat n'ohlä awhol.
Mat chik lew'en m'ak tä ni'isa tä i'amejen,
nech'e tä let'alhej n'oye hach'otyaj.
28Judá lheley, tä amel awit'äyhyaj ihi,
¿chip ihitso aka dios lhayis tä lhenlhi amhohen?
¡Is chik lhamel tä nämhen wet aifwayhthen!
¡Tsi wujtaj'atpey lhamel, tet iwoye aka hupuy!
29Oyok, ¿chipte tä let'an n'o'pe?
Nilhokej amel tä letatay n'ohlä.
30M'ak tälhiyet'a otasnhayaj tä oti amejen,
amel tek alechufwenej ochufwenyaj tä matche.
Tsi amel atet iwoye t'owalhas tä fwitses
tä lelänhenpej aka profetas.
31“Israel lhayis, ch'ahuyaye olhämet.
¿Chipte tä letech'ayenay n'oyej
tayhi tä wujpe tä lenhoch'ayhyaj ihi?
¿Chipte tä leleyay n'oyej tä Awukn'o
wet nemhit lehoyay n'oye?
32Lakeyhit'ak atsinha hip'ethatlä lhamsilis
lhäy'e m'ak tä lehumnek yen t'awayhata.
Mat oka wichi wet pajche tä hip'ethat n'ohlä.
33“¡Matche tä lehanayej len'äyij
tä let'ukwe hin'ol tä lhen hach'efwasa!
¡Tej chik key länhay
tä lechufwenejen t'at lakey!
34¡Wet äp lelänhen wichi
tä p'elitses lhäy'e tä laj letesa,
tet iwoyek lhamel lew'oyis tä iyej haw'uyis!
¡Isit'a tä lewoynejatso m'ak tä lewoye!
¡Letes ihihit'a lhamel
tä kahäpeya wichi tä etantses
chik tiyäjchufwi awukwe wet letsokwethä!
Mat tej tä tetso m'ak tä lewoye,
35lhok, Olhamel otes ihihit'a,
Lhawuk nemhit nichuwet n'oyehen.
Mat tej tä tetso ämet,
olham tä Awukn'o otihla amejen ates.
36¡Matche tä lewopej iyhäja hach'otfwas!
Lehoye Egipto lheley mat lhamel ikanla amejen,
mälhyej tä Asirio lhayis ikan amejen.
37Chik letapil tä letälhe Egipto,
wujlak han'äfwlhi ihi,
tsi olham tä Awukn'o
pajche owohit'a lahaya lhamel tä let'ekhaye,
wet wohit'ala m'ak chik amel aisej.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.