Salmos 62
62
Diosin fustiton noco cushusharatiro
1Diosin fustiton uhuun nomuran ua shinanmasharatiro ahuara chacapan ua shinanchacamanonma. Arus fusti ua numatiro.
2Arus fusti uhuun toquirininhuan cuscaran. Diosin u fu rafuaino tsoancai ua shucatiroma ua pacumashquin. Uafin tarati huayacunaquin nan noicasmaifo non ahuara chaca uqui nocononfoma. Ahuarafoancai Diosmaquinoa ua potatiroma.
3-4¿Ahuutiamun man ua chaca huaquin shatuicain? ¿Nantififain man ua pacumapaimun? Man manfin ua pota cuanaquin un afanan niaifo inonma. Un niaifo icano ua potapaicani. Unimacain man uhuunoa fasi chani yoiafo. Uhuun ointaifi ua shara huafiaquin maton nomuran uqui shinanchacafiaquin.
5Ufiri un yoimua isca huaquin, —Diosi fustihuunoa shinansharahuu. Arus fusti ua shinansharamatiro.
6Arus fusti uhuun toquirininhuan cuscaran. Diosin u fu rafuaino tsoancai ua shucatiroma ua pacumashquin. Uafin tarati huayacunaquin nan noicasmaifo non ahuara chaca uqui nocononfoma. Ahuarafoancai Diosmaquinoa ua potatiroma.
7Diosi fustitofin ua numaquin. Arus fusti futsafo shinanmatiro uhuunoa shinansharanonfo. Arus fusti uhuun toquirininhuan curushcoin cuscara. Un aqui catiro ua cushusharanon ua noicasmafo uqui nocononfomaran, —ishon ufiri yoimua.
8Uhuun yorafoan, nocon Ifo Diosi nantishotapiquin icoinra huafafaincahuun. Nocon Ifoan nocon cushumisi. Ascan maton nomuran man shinain cuscan nocon Ifon nantifi yoicahuun.
9Niaifocoinfo non yora ahuamafo nocon Ifo Diosin ato oin nanscara rafu. Nan rafu ahuun ointaifin ahuama. Balanzanun ato tanan huai cafisca huai aton ihuucai ayama.
10Ato pui fianquin futsafo parayamacahuu. Ascashu ahuara ichapaya ipaiyamacahuun. Futsana onuashu cacapaimisi iyamacahuu. Man ahuara ichapayafiashon isca huaquin shinanyamacahuu, —Uhuun puihuunoashu un isharatiroran, —ishon anori shinanyamacahuu.
11-12Diosin tsain rafu yoia cuscan mun nicamisi. Diosin min curushhuunshon ahuamamishti min huatiro. Nocon Ifon min nantifi noicoin. Tsoan mia ashosharamisi min ato inansharashquin.
Currently Selected:
Salmos 62: mcd
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Salmos 62
62
Diosin fustiton noco cushusharatiro
1Diosin fustiton uhuun nomuran ua shinanmasharatiro ahuara chacapan ua shinanchacamanonma. Arus fusti ua numatiro.
2Arus fusti uhuun toquirininhuan cuscaran. Diosin u fu rafuaino tsoancai ua shucatiroma ua pacumashquin. Uafin tarati huayacunaquin nan noicasmaifo non ahuara chaca uqui nocononfoma. Ahuarafoancai Diosmaquinoa ua potatiroma.
3-4¿Ahuutiamun man ua chaca huaquin shatuicain? ¿Nantififain man ua pacumapaimun? Man manfin ua pota cuanaquin un afanan niaifo inonma. Un niaifo icano ua potapaicani. Unimacain man uhuunoa fasi chani yoiafo. Uhuun ointaifi ua shara huafiaquin maton nomuran uqui shinanchacafiaquin.
5Ufiri un yoimua isca huaquin, —Diosi fustihuunoa shinansharahuu. Arus fusti ua shinansharamatiro.
6Arus fusti uhuun toquirininhuan cuscaran. Diosin u fu rafuaino tsoancai ua shucatiroma ua pacumashquin. Uafin tarati huayacunaquin nan noicasmaifo non ahuara chaca uqui nocononfoma. Ahuarafoancai Diosmaquinoa ua potatiroma.
7Diosi fustitofin ua numaquin. Arus fusti futsafo shinanmatiro uhuunoa shinansharanonfo. Arus fusti uhuun toquirininhuan curushcoin cuscara. Un aqui catiro ua cushusharanon ua noicasmafo uqui nocononfomaran, —ishon ufiri yoimua.
8Uhuun yorafoan, nocon Ifo Diosi nantishotapiquin icoinra huafafaincahuun. Nocon Ifoan nocon cushumisi. Ascan maton nomuran man shinain cuscan nocon Ifon nantifi yoicahuun.
9Niaifocoinfo non yora ahuamafo nocon Ifo Diosin ato oin nanscara rafu. Nan rafu ahuun ointaifin ahuama. Balanzanun ato tanan huai cafisca huai aton ihuucai ayama.
10Ato pui fianquin futsafo parayamacahuu. Ascashu ahuara ichapaya ipaiyamacahuun. Futsana onuashu cacapaimisi iyamacahuu. Man ahuara ichapayafiashon isca huaquin shinanyamacahuu, —Uhuun puihuunoashu un isharatiroran, —ishon anori shinanyamacahuu.
11-12Diosin tsain rafu yoia cuscan mun nicamisi. Diosin min curushhuunshon ahuamamishti min huatiro. Nocon Ifon min nantifi noicoin. Tsoan mia ashosharamisi min ato inansharashquin.
© 2008, Wycliffe Bible Translators, Inc. All rights reserved.