Salmos 133
133
Icoinra huacatan nannorifosi shinainfoanno fasi shara itiro
1Diospan yorafoan nannorisi shinancani fasi unimasharatirofo.
2Nan Israelifohuunshon nocon Ifo Diosi cufinmisifin Aarónquin. Nan Aarónfin shuni ahuun inin sharacoin ahuun mapoqui ocaino ahuun cushnihuun afapacutan ahuun sahuuti cupananqui afapacuni. Nan shuni ahuun inin sharacoin aqui ocani nan ismashquin nan Aarónfin Diosinacoin iniquin. Nanscarifi ai Diospan Yoshin Sharahuunoashufin non Diospan yoraquin. Non Diosi tanasharashu non unimatanainquin.
3Nan machi ahuun anu Hermón ano nifipan muchana huai. Nannoshori machi futsa ahuun anu Sión muchana huaquin shara huai ahuarafo muto inonfoma. Nanscarifi ai Diospan Yoshin Sharahuunshon ahuun yorafo noinantanancanashu aton nomuran mutotirofoma. Ascaifoan nocon Ifoan ato shara huashoshquin.
Currently Selected:
Salmos 133: mcd
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
