Génesis 7
7
Faitahuani cuscan
1Ascashon nocon Ifo Diosin Noé yoiqui isca huani, —Tsoa futsacai niyoashu mia cuscara icafoma. Ascatamarocon nantifiton ua nicacasmacoinmisifo. Ascashon mun mia oian mirus fusti nan un yonoa cuscacoin min huamisi. Ascacun natian min non min ahuin non min facufo non fafahuafori min shashohuan muran ato iquimahuu. 2Nantifi yoina non inahuafo man pitiro cuscan yafi ua man inantiro cuscari siete ahuin non funufori shashohuan muran iquimahuu. Asca nan yoinafo yafi inafo non pitiroma cuscarafofin ua man inantiroma nanfo ahuin fusti yafi funu fustiri iquimahuu. 3Ascashon nanscarifi huaquin puiya futsa futsatapafo siete ahuinfo non siete funufori iquimahuu. Asca huashon faitahua nashaitian afanan yoinafo yafi inafo non puiyafori ichapa caishcani. 4Unfin siete osha finontan un oihuanrasi fumai. Cuarenta osha oinhuan rasi fuicai funa nusuima. Ascano nan un oni hua cuscan nantifi un namaqui cuyoiran, —ishon Diosin Noé yoini. 5Ascashon Diosin yonoa cuscacoin Noé nantifi huani.
6Diosin oi fumaquin tau huaitian Noé seiscientos faria ini. 7Ascashu Noé non ahuin non furu rafu non fusti ahuinfori shashohuan muran iquinifo asashcaquima. 8-9Nantiari ato fu iquinifo yoina futsa futsatapafo nan pitirofo yafi non pitiroma cuscarafori iquinifo. Ascan nan puiyafo yafi maiqui sharaifori nantifi nanscarafo rafurasi funu yafi ahuinfo Noé fu iquinifo. Diosin Noé yonoa cuscacoin anifo.
10Siete osha finontan oihuanrasi fui tauni nan maitio. 11Ascan Noé seis cientos fariya oshu rafu non diecisiete osha anaitiashu ahuun shashohuan muran iquini. Nan shafatari nai murannoashu oihuanrasi funi. Mai murannoashuri unu ichaparasi chinohuinifani 12Ascashu cuarenta oshatan oihuanrasi fuicai. Nusunima. 13Nan shafatari Noé ahuun facu Sem non Cam non Jafet non ahuun fafahuafo non ahuun ahuinri shashohuan muran iquinifo. 14Nan yoina futsa futsatapafo yafi ina futsa futsatapafo non nantifi mai ano sharaifori yafi puiya futsa futsatapafori ato fu iquinifo. 15Nanfo nantifi rafurasi Noéqui fuaifoan shashohuan muran ato iquimapacuni. 16Diosin Noé yonoa cuscacoin funu yafi ahuinfo nantifi futsa cuscarafo shashohuan muran iquinifo. Ascano nocon Ifo Diosin shashohuanun caicainti Noé fuposhoni.
17Ascano cuarenta oshatan fasi oihuanrasi fuaino faitahuan fasi yosiriani. Ascaino shashohuan mai anoashu fasi cuya nononi. 18Ascano unu faitahuan afi yosiriaino shashohuanri nonoinani. 19Fasi yosiriaquin machi cuya fuponi. Nan machifi nantifi machi futsafo finoncoian iniquin. Rato machicai na mai ano atioma cuyacoin. 20Nan machi cuyacoin maitio finoan nanrifi unu faitahuanun siete metro finoinnifoan yosini. 21Ascano nantifi yorafoti mai anoafo asain futsunifo. Nanscarifi puiyafo asaino inafo asaino yoinafori asaino mai ano sharaifori nantifi asanifo. 22Ascashu nan mai ano niafo shacaitirofo nantifi asain cuyonifo. 23Ascafiaino Noé yafi a fu shashohuan muran iquiafo fusticai tsoa nanima. Futsafo asain cuyonifo. Nantifi yorafo non inafo non puiyafo non mai ano sharaifori nantifi nai cuyonifo. 24Ascano nan maitio faitahuan ciento cincuenta oshatan funacai nashanima.
Currently Selected:
Génesis 7: mcd
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Génesis 7
7
Faitahuani cuscan
1Ascashon nocon Ifo Diosin Noé yoiqui isca huani, —Tsoa futsacai niyoashu mia cuscara icafoma. Ascatamarocon nantifiton ua nicacasmacoinmisifo. Ascashon mun mia oian mirus fusti nan un yonoa cuscacoin min huamisi. Ascacun natian min non min ahuin non min facufo non fafahuafori min shashohuan muran ato iquimahuu. 2Nantifi yoina non inahuafo man pitiro cuscan yafi ua man inantiro cuscari siete ahuin non funufori shashohuan muran iquimahuu. Asca nan yoinafo yafi inafo non pitiroma cuscarafofin ua man inantiroma nanfo ahuin fusti yafi funu fustiri iquimahuu. 3Ascashon nanscarifi huaquin puiya futsa futsatapafo siete ahuinfo non siete funufori iquimahuu. Asca huashon faitahua nashaitian afanan yoinafo yafi inafo non puiyafori ichapa caishcani. 4Unfin siete osha finontan un oihuanrasi fumai. Cuarenta osha oinhuan rasi fuicai funa nusuima. Ascano nan un oni hua cuscan nantifi un namaqui cuyoiran, —ishon Diosin Noé yoini. 5Ascashon Diosin yonoa cuscacoin Noé nantifi huani.
6Diosin oi fumaquin tau huaitian Noé seiscientos faria ini. 7Ascashu Noé non ahuin non furu rafu non fusti ahuinfori shashohuan muran iquinifo asashcaquima. 8-9Nantiari ato fu iquinifo yoina futsa futsatapafo nan pitirofo yafi non pitiroma cuscarafori iquinifo. Ascan nan puiyafo yafi maiqui sharaifori nantifi nanscarafo rafurasi funu yafi ahuinfo Noé fu iquinifo. Diosin Noé yonoa cuscacoin anifo.
10Siete osha finontan oihuanrasi fui tauni nan maitio. 11Ascan Noé seis cientos fariya oshu rafu non diecisiete osha anaitiashu ahuun shashohuan muran iquini. Nan shafatari nai murannoashu oihuanrasi funi. Mai murannoashuri unu ichaparasi chinohuinifani 12Ascashu cuarenta oshatan oihuanrasi fuicai. Nusunima. 13Nan shafatari Noé ahuun facu Sem non Cam non Jafet non ahuun fafahuafo non ahuun ahuinri shashohuan muran iquinifo. 14Nan yoina futsa futsatapafo yafi ina futsa futsatapafo non nantifi mai ano sharaifori yafi puiya futsa futsatapafori ato fu iquinifo. 15Nanfo nantifi rafurasi Noéqui fuaifoan shashohuan muran ato iquimapacuni. 16Diosin Noé yonoa cuscacoin funu yafi ahuinfo nantifi futsa cuscarafo shashohuan muran iquinifo. Ascano nocon Ifo Diosin shashohuanun caicainti Noé fuposhoni.
17Ascano cuarenta oshatan fasi oihuanrasi fuaino faitahuan fasi yosiriani. Ascaino shashohuan mai anoashu fasi cuya nononi. 18Ascano unu faitahuan afi yosiriaino shashohuanri nonoinani. 19Fasi yosiriaquin machi cuya fuponi. Nan machifi nantifi machi futsafo finoncoian iniquin. Rato machicai na mai ano atioma cuyacoin. 20Nan machi cuyacoin maitio finoan nanrifi unu faitahuanun siete metro finoinnifoan yosini. 21Ascano nantifi yorafoti mai anoafo asain futsunifo. Nanscarifi puiyafo asaino inafo asaino yoinafori asaino mai ano sharaifori nantifi asanifo. 22Ascashu nan mai ano niafo shacaitirofo nantifi asain cuyonifo. 23Ascafiaino Noé yafi a fu shashohuan muran iquiafo fusticai tsoa nanima. Futsafo asain cuyonifo. Nantifi yorafo non inafo non puiyafo non mai ano sharaifori nantifi nai cuyonifo. 24Ascano nan maitio faitahuan ciento cincuenta oshatan funacai nashanima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.