Génesis 36

Esaú ahuun funafo

1Natian un mato tapimai Esaú ahuun funafo. Esaú ahuun anu futsa Edom. 2Esaú Canaán anoa ainfo rafu non fusti fini. Futsan ahuun anu Adá. Elón Hitita ahuun facu. Futsari Aholibama. Anápan facu. Zibeón ahuun chata. Nan Zibeón Heveofo ini. 3Esaú ahuun ahuin futsari Basemat nan Ismael ahuun facu. Nebaiot ahuun chico. 4Esaú ahuin Ada facuya. Ahuun facu anu Elifaz. Ahuun ahuin futsan Basemat nanrifi facuya ahuun anu Reuel. 5Ahuun ahuin futsan Aholibama ahuun facufoan ato anufo Jeús non futsari Jaalam futsan Coré. Nanfofin Esaú ahuun facufo Canaán ano icashu cainnifoquin.

6Ascano Esaú ahuun ahuinfo non ahuun facufo non a fu icafo mai futsari ato iyoni ahuun ushto Jacob pashafainni caaquin. Ahuun inafo ya ahuun ahuarafo Canaán anoa cuyofoni. 7Ahuun ushto fu ina ichapayacoianshu chipocumaqui pashcacainni. Ahuun inafo ahua pimatiroma oin mai futsa ari cani. 8Ascacun Esaú ahuun anu futsa Edom mai ahuun anu Seir ano cani. Nanno machi cuya ichapa.

9Esaú ahuun funafohuunoa cununi isca huaquin. Esaú nan Edomitafo aton shuni. Nan Edomitafo Seir machi cuya ichapa ano icafo ini. 10Afanan Esaú ahuun facufoan aton anufo. Elifaz Adápan facu. Nan Ada Esaú ahuin. Reuel Basemat facu. Nanrifi Esaú ahuun ahuin futsa. 11Elifaz ahuun facufoan aton anufo Temán non Omar non Zefo non Gatam non Cenaz. 12Elifaz ahuun ahuin futsa ahuun anu Timna. Aqui facu ani ahuun anu Amalec. Amalecfoan aton shuni Ada Esaú ahuin. 13Reuel ahuun facufoan aton anufo Nahat non Zera non Sama non Miza. Aton shuni Basemat Esaú ahuin futsan. 14Aholibama Esaú ahuin futsari. Ahuun facufoan aton anufo Jeús non Jaalam non Coré. Aholibama Anán facu ahuun chata Zibeón.

15Esaú ahuun facu iyoaton Elifaz ahuun funafoan aton anufo Temán non Omar non Zefo non Cenaz non 16Coré non Gatam non Amalec. Nanfo niaifofo Edom mai anoafo. Nanfo Ada ahuun funafo. 17Reuel ahuun facufo niaifofoan aton anufo Nahat non Zera non Sama non Miza. Edom mai ano inifo. Nanfo Basemat funafo. Nan Basemat Esaú ahuin futsa. 18Nan ainfo Aholibama Anápan facu. Ahuun funu Esaú. Ahuun facufo niaifofoan aton anufo Jeús non Jaalam non Coré. 19Nantifi nanfo Esaú funafo. Esaú ahuun anu futsa Edom. Nanfo aton caifofoan aton niaifofo.

20Nan nocofunu Seir Horeo caifo. Edom ano ipaoni. Ahuun facufoan aton anufo Lotán non Sobal non Zibeón non Aná non 21Disón non Ezer non Disán. Nanfo Horeofoan aton niaifofo. Nanfo Edom ano ipaonifo. 22Ascano Lotánpan facu rafu aton anu Horí yafi Hemam. Lotán ahuun poi Hemam. 23Sobal ahuun facufoan aton anufo Alvan non Manahat non Ebal non Zefo non Onam. 24Zibeón ahuun facu rafu aton anu Aiá yafi Aná. Nan Anápan tsoa istaipamashon ahuun inafo nan burrofo pimaquin unu afain tsosia shara fuchini. 25Nan Aná facu rafuya furonanfacu ahuun anu Disón yafi ainfacu ahuun anu Aholibama ini. 26Disón ahuun facufoan aton anufo Hemdán non Esbán non Itrán non Querán. 27Ezer ahuun facufoan aton anufo Bilhan non Zaaván non Acán. 28Disán ahuun facufoan aton anufo Uz non Arán

29Horeofoan aton niaifofo aton anufo Lotán non Sobal non Zibeón non Aná non 30Disón non Ezer non Disán. Nanfofin Horeofoan aton niaifofo Seir mai anoa manifoti ini.

31Israelifo niaifoataima nanfo Edomfo aton niaifofo ipaoni. 32Beorpan facu Bela. Aafin Edomfo aton niaifocoin ipaoni. Pushu rasi Edom muran ahuun anu Dinaba. 33Bela naano futsan ahuun mai yononi ahuun anu Jobab. Nan Zera ahuun facu ini. Jobab Bosra anoashu cainni. 34Jobab naano futsan ahuun mai yononi ahuun anu Husam. Nan Husam Temán mai anoa ini. 35Husam naano futsan ahuun mai yononi ahuun anu Hadad Bedad facu. Nan Bedad ahuun ranushumuafo fu Madiánfo aton ranushumuafo Moab mai ano aton ichoni. Atirifin rutuaifono atirifi ichoni. Hadad niaifoantian pushu rasi Avit ano iyoni. 36Hadad naano futsan ahuun mai yononi ahuun anu Samla. Ahuun pushu rasi anoa Masreca. 37Samla naano futsan ahuun mai yononi ahuun anu Saul. Ahuun pushu rasi Rehobot unu Eufrates cusumunri. 38Saúl naano futsan ahuun mai yononi Acborpan facu ahuun anu Baal-hanán. 39Baal-hanán naano futsan ahuun mai yononi ahuun anu Hadad. Ahuun pushu rasi ahuun anu Pau. Hadad ahuin Mehetabel. Nanton Matredpan facu. Ahuun chata Mezaab.

40Nanfo Esaú ahuun funafo. Nanfo mani futsafo ini. Aton anu Timna non Alva non Jetet non 41Aholibama non Ela non Pinón non 42Cenaz non Temán non Mibzar non 43Magdiel non Iram. Esaúrifi ahuun anu futsa Edom. Nannoa icafoan Edomfo aton niaifofo ipaonifo.

Currently Selected:

Génesis 36: mcd

Highlight

Copy

Compare