Génesis 22
22
Abraham nicasharamainquin Diosin tapipai
1Ascano chipo Diosin Abraham ahuara yoini man icoinra huacoinnamainquin oinshquin. Ascashon cunani, “¡Abraham!” huaiton.
—Unfin nunoquin, Ifon, —ishon cumani.
2—Nan min furun fusti min noicoian, nan Isaac, Moriah mai ano iyotahuun. Nanno machi anoshon min facu ua rutushohuun. Ascashon min coatiro min ua nicacoinmisishaquin ua ismashquin. Min machi ano catiromainquin un mia tapimashquiran, —ishon Upa Diosin Abraham yoini.
3Ascan iyoconaino funamarishta Abraham ahuun burro camaqui tsaoti fucani. Ahuun oinmati rafu yafi furun Isaac iyoni. Cataima caro huaiyoni machi ano nocoshon Diosin yoita cuscan ahuun facu rutushon Diosi coashoshquin. Ascano nan Diosin yoita cuscan nanri cani. 4Osha rafu non fusti finontan nan machi chaicunoa fuchini. 5Ascashon Abraham ahuun oinmati rafu yoini isca huaquin,
—Nunoshon burro futan oinyocahuun. Uhuun facu fu un ari cai Upa Diosi cufinshquin Cufinquin unutan non matoqui nasoiran, —ishon Abraham ahuun oinmati rafu yoini.
6Ascashon Abraham furun Isaac caro papimani afin cunoti yafi chii foni. 7Nan rafu foaiton oinquin Isaac apa yocani,
“Upan,” huaiton. “Jaan,” Abraham huani. —Man nonfin chii yafi caroyaquin. ¿Ascafia ranimun chashoanun facu non rutuai coashquin? —ishon furumun apa yocani.
8Ascaiton Abraham cumani, —Uhuun facushta, Upa Diosin afin noco chashoanun facu inantiro non coanon non Diosi tanasharashon ismashquin, —ishon Abraham furun yoini.
Ascatan nan rafu machi ano fonifo. 9Ascano Diosin iqui huashoni ano nocoshon Abraham toquiri putsainini Diosin yononi cuscan huaquin. Nan toquiri putsamuinia camaqui caro machinini. Ascatan ahuun furun Isaac munushushon caro camaqui ratani. 10Ascashon cunoti tsomani ahuun facu rutushquin. 11Ascafia samamashtacoin Diospan oinmati nan a fu nai muran icaton cunainifoanni,
—¡Abraham! ¡Abraham! —huaiton.
—Unfin nunoquin, —huaiton.
12—Min facu ahuusca huayamahuu. Natian mun mia tapia min Diosi nicacoin shara. Mia yoiai cuscan min aa. Nan min facu fusti min Diosi fishcoama. Min inanran, —ishon Diospan oinmatinin yoini.
13Ascatan Abraham oinquin oian chashoan mashoya ihuiqui futamua oinni. Ascashon nan chashohuan fini rutushquin toquiri putsamuinia camaquishon coashquin Upa Diosi tanashara cuscan ismashquin. Ascan ahuun furun rututamarocon chashohuan rutuni. 14Ascashon nanno anuni, —Non yopai cuscan Upa Diosin noco inanshquiran, —ishon anuni. Nantianri yoicani, —Nan machi Diosi ica arishon non yopai cuscan noco inantiroran, —ishon yoimisifo.
15Ascaiton Diospan oinmati nan a fu nai muran icaton afanan Abraham cunani.
16—Abraham, nocon Ifo Diosin mia yoi isca huaquin, “Min facu fusti mian rutusho cuana uqui onon. Ascan uhuun anuhuunshon un mia yoi. 17Un mia shara huashoshquin. Nan fishifo tsoancai tanan huatiroma. Mai furoricai tsoan tanan huatiroma. Nanscarifiai min funaforicai tsoan tanan huatiroma iishquin. Ratora yorafoan min caifo rutupai min funafoan atori shuhuitiro ato pushu rasi fiishquin atona inon. 18Min ua nicacoian. Ascan min funafohuunshon un nantifi manifotifo shara huashquiran,” —ishon Diosin Abraham yoini.
19Ascano nannori nicatan Abraham ahuun facu fu ahuun oinmatifo nituafoanno naso furanifo. Atoqui nocoshon ato Beerseba mai ano iyoni.
Nacor facufohuunoa
20Asca oshu ranan finoano futsan Abraham yoini, —Min facahuan Milca natian facufoya. Min ushto Nacor ahuun facufo. 21Ascashon ahuun facufo anuni isca huaquin, Iyoacaiton ahuun anu Uz. Chipocufo Buz non Kemuel. Nan Kemuel ahuun facu Aram. 22Futsan ahuun anu Quesed icain futsa Hazo icain futsa Pildas icain Jidlaf icain Betuel, —ishon yoini. 23Ascan nan Betuel Rebeca apa. Nantifi nan ocho furufo Milca Abraham ushto inanni.
24Nacor ahuun ahuin futsa Reúma arifi furonanfacufosi cainni. Aton anu Teba non Gaham non Tahas non Maaca inifo.
Currently Selected:
Génesis 22: mcd
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Génesis 22
22
Abraham nicasharamainquin Diosin tapipai
1Ascano chipo Diosin Abraham ahuara yoini man icoinra huacoinnamainquin oinshquin. Ascashon cunani, “¡Abraham!” huaiton.
—Unfin nunoquin, Ifon, —ishon cumani.
2—Nan min furun fusti min noicoian, nan Isaac, Moriah mai ano iyotahuun. Nanno machi anoshon min facu ua rutushohuun. Ascashon min coatiro min ua nicacoinmisishaquin ua ismashquin. Min machi ano catiromainquin un mia tapimashquiran, —ishon Upa Diosin Abraham yoini.
3Ascan iyoconaino funamarishta Abraham ahuun burro camaqui tsaoti fucani. Ahuun oinmati rafu yafi furun Isaac iyoni. Cataima caro huaiyoni machi ano nocoshon Diosin yoita cuscan ahuun facu rutushon Diosi coashoshquin. Ascano nan Diosin yoita cuscan nanri cani. 4Osha rafu non fusti finontan nan machi chaicunoa fuchini. 5Ascashon Abraham ahuun oinmati rafu yoini isca huaquin,
—Nunoshon burro futan oinyocahuun. Uhuun facu fu un ari cai Upa Diosi cufinshquin Cufinquin unutan non matoqui nasoiran, —ishon Abraham ahuun oinmati rafu yoini.
6Ascashon Abraham furun Isaac caro papimani afin cunoti yafi chii foni. 7Nan rafu foaiton oinquin Isaac apa yocani,
“Upan,” huaiton. “Jaan,” Abraham huani. —Man nonfin chii yafi caroyaquin. ¿Ascafia ranimun chashoanun facu non rutuai coashquin? —ishon furumun apa yocani.
8Ascaiton Abraham cumani, —Uhuun facushta, Upa Diosin afin noco chashoanun facu inantiro non coanon non Diosi tanasharashon ismashquin, —ishon Abraham furun yoini.
Ascatan nan rafu machi ano fonifo. 9Ascano Diosin iqui huashoni ano nocoshon Abraham toquiri putsainini Diosin yononi cuscan huaquin. Nan toquiri putsamuinia camaqui caro machinini. Ascatan ahuun furun Isaac munushushon caro camaqui ratani. 10Ascashon cunoti tsomani ahuun facu rutushquin. 11Ascafia samamashtacoin Diospan oinmati nan a fu nai muran icaton cunainifoanni,
—¡Abraham! ¡Abraham! —huaiton.
—Unfin nunoquin, —huaiton.
12—Min facu ahuusca huayamahuu. Natian mun mia tapia min Diosi nicacoin shara. Mia yoiai cuscan min aa. Nan min facu fusti min Diosi fishcoama. Min inanran, —ishon Diospan oinmatinin yoini.
13Ascatan Abraham oinquin oian chashoan mashoya ihuiqui futamua oinni. Ascashon nan chashohuan fini rutushquin toquiri putsamuinia camaquishon coashquin Upa Diosi tanashara cuscan ismashquin. Ascan ahuun furun rututamarocon chashohuan rutuni. 14Ascashon nanno anuni, —Non yopai cuscan Upa Diosin noco inanshquiran, —ishon anuni. Nantianri yoicani, —Nan machi Diosi ica arishon non yopai cuscan noco inantiroran, —ishon yoimisifo.
15Ascaiton Diospan oinmati nan a fu nai muran icaton afanan Abraham cunani.
16—Abraham, nocon Ifo Diosin mia yoi isca huaquin, “Min facu fusti mian rutusho cuana uqui onon. Ascan uhuun anuhuunshon un mia yoi. 17Un mia shara huashoshquin. Nan fishifo tsoancai tanan huatiroma. Mai furoricai tsoan tanan huatiroma. Nanscarifiai min funaforicai tsoan tanan huatiroma iishquin. Ratora yorafoan min caifo rutupai min funafoan atori shuhuitiro ato pushu rasi fiishquin atona inon. 18Min ua nicacoian. Ascan min funafohuunshon un nantifi manifotifo shara huashquiran,” —ishon Diosin Abraham yoini.
19Ascano nannori nicatan Abraham ahuun facu fu ahuun oinmatifo nituafoanno naso furanifo. Atoqui nocoshon ato Beerseba mai ano iyoni.
Nacor facufohuunoa
20Asca oshu ranan finoano futsan Abraham yoini, —Min facahuan Milca natian facufoya. Min ushto Nacor ahuun facufo. 21Ascashon ahuun facufo anuni isca huaquin, Iyoacaiton ahuun anu Uz. Chipocufo Buz non Kemuel. Nan Kemuel ahuun facu Aram. 22Futsan ahuun anu Quesed icain futsa Hazo icain futsa Pildas icain Jidlaf icain Betuel, —ishon yoini. 23Ascan nan Betuel Rebeca apa. Nantifi nan ocho furufo Milca Abraham ushto inanni.
24Nacor ahuun ahuin futsa Reúma arifi furonanfacufosi cainni. Aton anu Teba non Gaham non Tahas non Maaca inifo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.