Génesis 17
17
Diosin yononi cuscan Israeli nocofunufo onanti huani nanfo Diospan yorafo ismapacunonfo
1Ascashu Abram noventa nueve fariano Ifo Diosin Abram oinmariscatani. Diosin Abram yoini isca huaquin,
—Unfin Diosiquin. Un ahuamamishti huatiro. Ua nicacoinfain isharahuu. Ahua chaca huaquima. 2Un mia yoiyotiani cuscan un mia afanan yoi. Min funafo ichaparasi iishquicaniran, —huaiton.
3Nicain Abram fuopacucahuani.
4Ascaiton afanan Diosin yoini, —Un mia yoiyotiani cuscan mani ichaparasiton aton shuniri min iishquin. 5Natianri un mia anu futsai. Mincai afanan Abram iquima. Abram tsain futsaman, “Aton upa niaifocoinran.” Ascan nan afanan min anuma. Natian un mia anu futsa tuqui huai. Min anu Abraham. Tsain futsaman, “Mani ichaparasi min aton upa cuscara,” min anu itiro. 6Ascashu min funafori fasi ichaparasi iishquicani. Ascano atohuunoashu mani futsa futsatapafo iishquin. Min funafohuunoashuri niaifofo iishquicani. 7Un mia yoiyotiani cuscan min funafori un ato yoishquin. Un min Diosin imisi cuscan nanfoan ato Diosiri un iishquin. 8Nuno icanoafo min caifoma. Un nantifi nan mai Canaán min non min funafori un nantifi nan mai mato inain matona ipanaca. Unri min funafo aton Diosiri iishquinran, —ishon Diosin yoini.
9Ascashon Diosin afanan Abraham yoini,
—Un mia yoiyotiani cuscan nicacoinhuun. Min funafoanri nicacoinnonfo. 10Un mato yonoi isca huaquin. Min non min facufo non min funafori nantifi nan nocofunufoan foshqui rupa shatushquin. 11Nanhuunshon man shinantiro un mato yoiyotiani cuscacoin un mato onanti huai. Min non min funafori nanscacoin atirofo. 12Ascashu min facufo yafi min funafori caian ocho osha finontan nan furonanfacufo aton foshqui rupa min shatutiro. Min funafori aton facufo aton foshqui rupa shatutirofo. Man asca huaquin man tapitiro un mato yoiyotiani cuscan man nicapaicoin. Min facufo fustima. Nan min oinmatifori min atiro. Ascashon nan min icanoashu cainmisifori min atiro. 13Ascaiton nantifi nan furonanfacufoan aton foshqui rupafo min shatunon. Nanscacun man tapitiro manmain uhuun yorafocun. Un mato onanti hua cuscan man nansca huapacunaca. 14Ascafia un mia yonoa cuscan tsoa ascapaiyamai afanan mato fu itiroma. Nan cuscarafo un mia yonoa cuscan yafi un mia yoiyotiani cuscan ayamaifin nanfo yoitima itiroquin, —ishon Diosin yoini.
15Ascatan Diosin afanan Abraham yoini,
—Min ahuin Sarai ahuun anucai natian Sarai iquima. Natian Sara iishquin. 16Ascacun un Sara shara huashquin. Ahuunoashu min facuya ishquin. Ahuun funafohuunshon manifo futsafoti ishcani. Ahuun facu non ahuun funafori niaifo ishcani. Naanfin aton uhua cuscara ishquiran, —ishon Diosin Abraham yoini.
17Nanori huaiton nicain Abraham fuopacucahuani Dioshuunoa shinansharai. Ascafia ahuun nomurannoashu fasi shuchini. —¿Ahuuscashumun un afanan upa itiroquin? Unfin fasi anifoquin. Un cien fari aya. ¿Uhuun ahuinri noventa fari ayafiashon asca ahuuscashomun facu nanutiroquin?
18Mian yoiyotiani cusca Ismaelhuunoa shara icuanaran, —ishon Abraham Diosi yoini.
19Ascaiton cumani,
—Ma. Uncai anori mia yoiama. Min ahuin Sara min facu nanumashquin. Ascan caincun min anushqui Isaac. Un mia yoiyotiani cuscan nannoricoinri un min facu yoishquin. Un Isaac yoishquiai cusca unupacunacama. Ahuun funafohuunoari mun yoiyoni. 20Ascan mian Ismaelhuunoa yoiai cuscan mun nica. Un nanrifi shara huashquin. Ascashon ahuun funafo un ichapacoin imashquin. Doce manifoti ahuun funafoan niaifo uhuapa iishquicani. Ismaelhuunoashuri mani futsa ahuun yorafo ichapacoin iishquicani. 21Ascafia un mia yoiyotiani cuscan un Isaac fusti yoishquin. Ascashu fari fusti finoainno min ahuin Sara furun cainshquin. Nanton ahuun anu Isaac iishquiran, —ishon Diosin Abraham yoini.
22Ascano Abraham fu tsainquin unutan Diosin Abrahammaquinoashu cani. 23Ascan Diosin amaqui caashon nan shafatari Abraham ahuun facu Ismael yafi ahuun pushu anoashu cainifo yafi puihuushon futsafo fini ahuun oinmati inonfo. Nanfo nantifi nan nocofunufo aton foshqui rupa shatuni. Nannori Diosin Abraham yonocun. 24Ascano nantia Abraham ahuun fari noventa y nueve fari ya ini ahuun foshqui rupa shatunitian. 25Nantiari furun Ismael trece fari ya ini. 26Ascano nan shafata nan rafu foshqui rupa shatuni. 27Nantifi nocofunufo nan Abraham pushu anoashu cainnifo yafi mani futsafo ahuun caifoyamafiacun ato fini nanfoanri nantifi Abraham futan aton foshqui rupa shatunifo.
Currently Selected:
Génesis 17: mcd
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Génesis 17
17
Diosin yononi cuscan Israeli nocofunufo onanti huani nanfo Diospan yorafo ismapacunonfo
1Ascashu Abram noventa nueve fariano Ifo Diosin Abram oinmariscatani. Diosin Abram yoini isca huaquin,
—Unfin Diosiquin. Un ahuamamishti huatiro. Ua nicacoinfain isharahuu. Ahua chaca huaquima. 2Un mia yoiyotiani cuscan un mia afanan yoi. Min funafo ichaparasi iishquicaniran, —huaiton.
3Nicain Abram fuopacucahuani.
4Ascaiton afanan Diosin yoini, —Un mia yoiyotiani cuscan mani ichaparasiton aton shuniri min iishquin. 5Natianri un mia anu futsai. Mincai afanan Abram iquima. Abram tsain futsaman, “Aton upa niaifocoinran.” Ascan nan afanan min anuma. Natian un mia anu futsa tuqui huai. Min anu Abraham. Tsain futsaman, “Mani ichaparasi min aton upa cuscara,” min anu itiro. 6Ascashu min funafori fasi ichaparasi iishquicani. Ascano atohuunoashu mani futsa futsatapafo iishquin. Min funafohuunoashuri niaifofo iishquicani. 7Un mia yoiyotiani cuscan min funafori un ato yoishquin. Un min Diosin imisi cuscan nanfoan ato Diosiri un iishquin. 8Nuno icanoafo min caifoma. Un nantifi nan mai Canaán min non min funafori un nantifi nan mai mato inain matona ipanaca. Unri min funafo aton Diosiri iishquinran, —ishon Diosin yoini.
9Ascashon Diosin afanan Abraham yoini,
—Un mia yoiyotiani cuscan nicacoinhuun. Min funafoanri nicacoinnonfo. 10Un mato yonoi isca huaquin. Min non min facufo non min funafori nantifi nan nocofunufoan foshqui rupa shatushquin. 11Nanhuunshon man shinantiro un mato yoiyotiani cuscacoin un mato onanti huai. Min non min funafori nanscacoin atirofo. 12Ascashu min facufo yafi min funafori caian ocho osha finontan nan furonanfacufo aton foshqui rupa min shatutiro. Min funafori aton facufo aton foshqui rupa shatutirofo. Man asca huaquin man tapitiro un mato yoiyotiani cuscan man nicapaicoin. Min facufo fustima. Nan min oinmatifori min atiro. Ascashon nan min icanoashu cainmisifori min atiro. 13Ascaiton nantifi nan furonanfacufoan aton foshqui rupafo min shatunon. Nanscacun man tapitiro manmain uhuun yorafocun. Un mato onanti hua cuscan man nansca huapacunaca. 14Ascafia un mia yonoa cuscan tsoa ascapaiyamai afanan mato fu itiroma. Nan cuscarafo un mia yonoa cuscan yafi un mia yoiyotiani cuscan ayamaifin nanfo yoitima itiroquin, —ishon Diosin yoini.
15Ascatan Diosin afanan Abraham yoini,
—Min ahuin Sarai ahuun anucai natian Sarai iquima. Natian Sara iishquin. 16Ascacun un Sara shara huashquin. Ahuunoashu min facuya ishquin. Ahuun funafohuunshon manifo futsafoti ishcani. Ahuun facu non ahuun funafori niaifo ishcani. Naanfin aton uhua cuscara ishquiran, —ishon Diosin Abraham yoini.
17Nanori huaiton nicain Abraham fuopacucahuani Dioshuunoa shinansharai. Ascafia ahuun nomurannoashu fasi shuchini. —¿Ahuuscashumun un afanan upa itiroquin? Unfin fasi anifoquin. Un cien fari aya. ¿Uhuun ahuinri noventa fari ayafiashon asca ahuuscashomun facu nanutiroquin?
18Mian yoiyotiani cusca Ismaelhuunoa shara icuanaran, —ishon Abraham Diosi yoini.
19Ascaiton cumani,
—Ma. Uncai anori mia yoiama. Min ahuin Sara min facu nanumashquin. Ascan caincun min anushqui Isaac. Un mia yoiyotiani cuscan nannoricoinri un min facu yoishquin. Un Isaac yoishquiai cusca unupacunacama. Ahuun funafohuunoari mun yoiyoni. 20Ascan mian Ismaelhuunoa yoiai cuscan mun nica. Un nanrifi shara huashquin. Ascashon ahuun funafo un ichapacoin imashquin. Doce manifoti ahuun funafoan niaifo uhuapa iishquicani. Ismaelhuunoashuri mani futsa ahuun yorafo ichapacoin iishquicani. 21Ascafia un mia yoiyotiani cuscan un Isaac fusti yoishquin. Ascashu fari fusti finoainno min ahuin Sara furun cainshquin. Nanton ahuun anu Isaac iishquiran, —ishon Diosin Abraham yoini.
22Ascano Abraham fu tsainquin unutan Diosin Abrahammaquinoashu cani. 23Ascan Diosin amaqui caashon nan shafatari Abraham ahuun facu Ismael yafi ahuun pushu anoashu cainifo yafi puihuushon futsafo fini ahuun oinmati inonfo. Nanfo nantifi nan nocofunufo aton foshqui rupa shatuni. Nannori Diosin Abraham yonocun. 24Ascano nantia Abraham ahuun fari noventa y nueve fari ya ini ahuun foshqui rupa shatunitian. 25Nantiari furun Ismael trece fari ya ini. 26Ascano nan shafata nan rafu foshqui rupa shatuni. 27Nantifi nocofunufo nan Abraham pushu anoashu cainnifo yafi mani futsafo ahuun caifoyamafiacun ato fini nanfoanri nantifi Abraham futan aton foshqui rupa shatunifo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.