Deuteronomio 2
2
Israelifo fari ichapa tsoa istaipama iyopaonifo
1Ascan Ifo Diosin ua yononi cusca non unuhuan oshin fai ano tsoa istaipama ano nasoni. Fasi chaicoin non machi Seir tarati huayacuni.
2Ascashon nocon Ifo Diosin afanan ua yoini isca huaquin,
3“Man fasi chaicoin machifo tarati huayacuni. Natian fari oai istafariri fotacahuun. 4Min yorafo yoihuun isca huaquin, ‘Maton yora futsafo nan Esaú ahuun funafo man aton mai Seir ano samamashta nocoicai. Ascano nanfo matoqui ratucani. Ascafia man atoqui nocoaitian oinfain ato ahuusca huayamacahuun. 5Ato shinanchacamayamacahuun nanfocai matoqui sinatama mato rutushquicanima. Nan machifo Seir mai anofin atonaquin. Un ato inanni. Ascacun ato fucash huayamacahuun. Uncai aton mai mato inainma. Un Esaú inanni ahuuna non ahuun funafona inon. 6Ascacun man atona ahuara piifain ayashon ahuun rafanan ato pui inancahuun,’ ” ishon nocon Diosin noco yoini.
7Nocon Ifo Diosin nocohuunoa shinansharaquin non amisi cusca noco sharahuashomisi. Cuarenta fari tsoa istaipama ano non foafanfainni nocon Ifo Diosin no fu cahuacamisi. Noco oinsharafain noco cushusharamisi. Noncai ahuara yopamisima.
8Ascatan nocon yora futsafo nan Esaú ahuun funafo nan Seir mai non finonfainni. Arabá faihuuri nan Elat yafi Ezión-geber mai anoashucai non canima. Non tsoa istaipama ano cai non Moab fai ari cani. 9Non nocoatian nocon Ifo Diosin ua yoini isca huaquin,
“Moabitafo fucash huayamacahuun. Nanfofin Lotpan funafoquin. Nannoshon aton mai anunifo Ar. Un ato na mai inanni. Ascacun uncai ato mai mato fustishta inainmaran,” ishon nocon Ifo Diosin ua yoini.
10(Emitafo nan mai Ar ano iyopaonifo. Nanfo fasi ichapacoin. Mutsisipacoinfo icain nan nocofunu Anac cuya masoa ahuun funafo cuscarafo ini. 11Ascano futsafoan ato anunifo Refaítafofiacun Moabitafoan ato anunifo Emitaforan huani. 12Horeofo na mai Seir ano iyopaonifo. Ascano Esaú funafoan ato potani afanan Seir mai ano inonfoma. Nocon Ifo Diosin mani futsafo icanoshon ato potani Israelifo nan mai inanshquin. Ascatari nocon Ifo Diosin Horeofo icanoshon ato potani Esaú funafo nan mai inanshquin. Ascashon Esaú funafoan Horeofo rutuqui futsanifo nanfo nanno iishcaquin ato mai inon.) 13Ascatan nocon Ifo Diosin ua yoini isca huaquin,
“Natian min caifo yoihuun machi rafu nushmancayan nan shushan ahuun anu Zered pocufainni fotacahuun,” ishon ua yoini. Ascano nan noco yonoa cusca non ani.
14Ascacun un mato tapimai non Cades-barnea anoashu canitian shushan Zered non pocufainnitian treinta ocho fari finoan ini. Nantian nocofunu iyoafofo Egipcio mai ari focanashu nantifi nai futsunifo. Nannori nocon Ifo Diosin yononi. 15Nan Diosin nantifi a nocofunufo ato namaqui futsani.
16-17Ascan nantifi nan yora iyoafo man nai futsunifo Ifo Diosin nantian ua yoini isca huaquin, 18-19“Na shafata man Moab mai Ar ano finoincai Amonitafo nan mai ano icafo. Ascafia Amonitafo fucash huayamacahuun. Nanfo Lotpan funafoquin. Nan mai un ato inan atona inon. Ascan mancai aton mai fustishta fiantiroma. Ascatari ato fu rutunanyamacahuun,” ishon nocon Diosin noco yoini.
Currently Selected:
Deuteronomio 2: mcd
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Deuteronomio 2
2
Israelifo fari ichapa tsoa istaipama iyopaonifo
1Ascan Ifo Diosin ua yononi cusca non unuhuan oshin fai ano tsoa istaipama ano nasoni. Fasi chaicoin non machi Seir tarati huayacuni.
2Ascashon nocon Ifo Diosin afanan ua yoini isca huaquin,
3“Man fasi chaicoin machifo tarati huayacuni. Natian fari oai istafariri fotacahuun. 4Min yorafo yoihuun isca huaquin, ‘Maton yora futsafo nan Esaú ahuun funafo man aton mai Seir ano samamashta nocoicai. Ascano nanfo matoqui ratucani. Ascafia man atoqui nocoaitian oinfain ato ahuusca huayamacahuun. 5Ato shinanchacamayamacahuun nanfocai matoqui sinatama mato rutushquicanima. Nan machifo Seir mai anofin atonaquin. Un ato inanni. Ascacun ato fucash huayamacahuun. Uncai aton mai mato inainma. Un Esaú inanni ahuuna non ahuun funafona inon. 6Ascacun man atona ahuara piifain ayashon ahuun rafanan ato pui inancahuun,’ ” ishon nocon Diosin noco yoini.
7Nocon Ifo Diosin nocohuunoa shinansharaquin non amisi cusca noco sharahuashomisi. Cuarenta fari tsoa istaipama ano non foafanfainni nocon Ifo Diosin no fu cahuacamisi. Noco oinsharafain noco cushusharamisi. Noncai ahuara yopamisima.
8Ascatan nocon yora futsafo nan Esaú ahuun funafo nan Seir mai non finonfainni. Arabá faihuuri nan Elat yafi Ezión-geber mai anoashucai non canima. Non tsoa istaipama ano cai non Moab fai ari cani. 9Non nocoatian nocon Ifo Diosin ua yoini isca huaquin,
“Moabitafo fucash huayamacahuun. Nanfofin Lotpan funafoquin. Nannoshon aton mai anunifo Ar. Un ato na mai inanni. Ascacun uncai ato mai mato fustishta inainmaran,” ishon nocon Ifo Diosin ua yoini.
10(Emitafo nan mai Ar ano iyopaonifo. Nanfo fasi ichapacoin. Mutsisipacoinfo icain nan nocofunu Anac cuya masoa ahuun funafo cuscarafo ini. 11Ascano futsafoan ato anunifo Refaítafofiacun Moabitafoan ato anunifo Emitaforan huani. 12Horeofo na mai Seir ano iyopaonifo. Ascano Esaú funafoan ato potani afanan Seir mai ano inonfoma. Nocon Ifo Diosin mani futsafo icanoshon ato potani Israelifo nan mai inanshquin. Ascatari nocon Ifo Diosin Horeofo icanoshon ato potani Esaú funafo nan mai inanshquin. Ascashon Esaú funafoan Horeofo rutuqui futsanifo nanfo nanno iishcaquin ato mai inon.) 13Ascatan nocon Ifo Diosin ua yoini isca huaquin,
“Natian min caifo yoihuun machi rafu nushmancayan nan shushan ahuun anu Zered pocufainni fotacahuun,” ishon ua yoini. Ascano nan noco yonoa cusca non ani.
14Ascacun un mato tapimai non Cades-barnea anoashu canitian shushan Zered non pocufainnitian treinta ocho fari finoan ini. Nantian nocofunu iyoafofo Egipcio mai ari focanashu nantifi nai futsunifo. Nannori nocon Ifo Diosin yononi. 15Nan Diosin nantifi a nocofunufo ato namaqui futsani.
16-17Ascan nantifi nan yora iyoafo man nai futsunifo Ifo Diosin nantian ua yoini isca huaquin, 18-19“Na shafata man Moab mai Ar ano finoincai Amonitafo nan mai ano icafo. Ascafia Amonitafo fucash huayamacahuun. Nanfo Lotpan funafoquin. Nan mai un ato inan atona inon. Ascan mancai aton mai fustishta fiantiroma. Ascatari ato fu rutunanyamacahuun,” ishon nocon Diosin noco yoini.
© 2008, Wycliffe Bible Translators, Inc. All rights reserved.