Daniel 9
9
Daniel ahuun yorafohuunoa nocon Ifo Diosi ato cufinshoni
1Ascaino Asuero facu Darío Babilonia ano niaifo fari fusti ini. Nanfin Medo iniquin. 2Unquian Daniel natian uhuun Ifo Diospan tsain yoimisi Jeremías cununi cuscan mun oian. Nan cununihuunshon un tapia nocon caifoan nocon pushu rasi Jerusalén ano tsoashta setenta fari ishquima. 3Nan tapishon un nocon Ifo Diosi cufian un yocai cuscan ua ashonon. Un cufinquin piqui tunufain uhuun sahuuti chocashta sahuufain un chii mapon mashpocomuni. 4Un uhuun Ifo Diosi cufinquin non chaca huai cuscan un yoia isca huaquin,
—Uhuun Ifon, min nocon Diosin. Minfin nantifi finoncoianquin. Min ahuara huatiro cuscacai atirififain tsoan oinyomisima. Min ahuamamishti huatiro. Non mia noicoiaiton min noco yonoa cuscan non aiton min noco yoiyoni ahuara sharafo huashoshquin. 5Ascafia nonfin mia chaca huamisi. Min noco yonoai cuscan ayamacain non mia nicacasmafain non mia cachiquiri huamisi. 6Min oinmatifo min tsain yoimisifo min nocoqui nichifiacai non ato nicapaimisima. Nanfoan min anuhuunoa nocon niaifofo yoifain nocon niaifo patasharinoafo yoifain nocon shunifori yoifain nocon yorafo maifoti anoafo ato yoifiaifoannocai non ato nicapaimisima.
7Uhuun Ifon, min fustifin fasi sharacoinquin. Min noco yonoa cuscacai non mia tanasharama. Ascan nonfin Judáfo non Jerusalén ano icafo non nantifi Israelifo min noco pashcaquin futsani. Ascan non mia chaca huashu non rafipaitiro. 8¡Ohuashta! Uhuun Ifon, non mia chaca huamisi. Ascan noco niaifofo futan nocon niaifo patasharinoafo non noco shunifoyashori non mia chaca huashu non fasi rafipaitiro. 9Non yoitimacoinshon non mia cachiquiri huaa. Ascafia min nocohuun ramapaitan min nocon chaca rau huashotiro. 10Nocon Ifo Diosin, min tsain yoimisifoan min yonomisi cuscan noco tapimamisifofiacai non nicapaimisima.
11Min noco yoimisi cuscacai nantifi Israelifoan non nicapaimisima. Nanscaquin non cachiquiri huamisi. Min yonomisi cuscacai tsoan huamisima. Ascan min noco yoini non mia nicapaiyamaino non ahuara chacafo finonshquin. Min yoini cuscan min oinmati Moisés noco cunushoni. Ascan noco cunushoni cuscan non nicacasmaiton min natian noco onaintimana. 12Non mia nicayamaiton min noco onaintimashquiai cuscan man min noco yoini. Natian min nantifi noco yoifain noco niaifofori min yoini cuscan min nantifi ahuarafo nanscacoin min huaa. Ahuara chacacoinfo non finoin non fasi omitsiscamisi. Min Jerusalén icanoafo chaca huaquin min ato omitsisca huai cuscacai tsoan ascara oinyomisima.
13Moisés noco cunushoni cuscan non mia nicayamaiton min noco fasi onaintimashquin. Ascasho nan cununi cuscan min fasi onaintimafain min noco omitsiscamamisi. Ifo Diosin, min noco asca huafiainocai non mia chaca huamisi cuscan non shatuataima. Min noco icon yoifiaitocai non mia nicasharamisima. 14Nantifi min amisi cuscan cayacafi shara. Ascan min noco yoini cuscacoin non acun min noco omitsisca hua cuanama. Ascafiainocai natianri min yonoa cuscan non huaima.
15Nocon Ifon Diosin, min curushhuunshon min nocon shunifo Egipcio mai anoa min ato ihuuni. Min ahuamamishti ato ismapaonihuunshon nantifi caifo futsafoan mihuunoa nicamisi. Nantianri min anu nicamisifo. Ascan nonrifi non mia chaca huamisi. 16¡Ohuashta! Ifon, noco shinanpun. Min noco shara huashomisi. Ascan min yorafo Jerusalén anoafoqui afanan sinayamapun. Upa Diosin nan pushu rasifofin Jerusalén anoafo minaquin. Nan machi shara nannoa mina. Ascan noco futan nocon shunifoan mia chaca huamisihuunshon Jerusalén ano icafo caifo futsafoan ato cashu mutsama huaafo.
17Nocon Diosin unfin min oinmati un mia cufifain un mia yoca cuscan ua nicapun. Ifo min noco fu iyopaoni anocai natian tsoa ano icama. Ascacun nocohuun noifain afanan Jerusalén shara huapun futsafoan mihuunoa yoisharanonfo. 18Ua nicapun Diosin. Jerusalén oinhuun. Nocon pushu rasi Jerusalén min anuhuunshon yoimisi ipaoni. Natian tsoa anoma. Non mia shara hua rafanancai mia cufinyamafiaino min fasi nocohuun ramapaimisihuunshon un mia cufin. 19Nocon Ifon ua nicapun. Ifon, noco rau huapun. Ifon ua nicafain un mia cufia cuscan noco ashopun. Mihuunoa yoisharaifo cuscan manayamahuu. Nocon pushu rasi nantififain tapianfo nanno min noco fu iyopaoni. Nonrifi min yorafoquin. Min anuhuunoa futsafoan nocohuunoa yoipaonifo. Noco numapun, —ishon un nocon Ifo Diosi cufia.
20Ascashon uhuun Ifo Diosi un cufinquin uhuun chaca yoini uhuun yora Israelifohuunoa aton chacari un yoini Diospan machi sharahuunoa un cufini. 21Nantianri Diospan oinmati a fu nai muran imisi ahuun anu Gabriel uqui nocoa. Uhuun namapan un oinyopaoni cuscan. Yatashta un Diosi cufiainno uqui nocoa. 22Ua yoia isca huaquin, —Daniel, un mia tapimai ahuara finoain cuscan tapimafain ahuara futsafohuunoari min tapinon mun oa. 23Min tau huaquin Diosi cufiainton mia nica. Min cufiain cuscan Ifo Diosin mia ashoa. Ifo Diosin mihuun noicoin. Ascacun min cufian cuscan mia ashoa. Natian un mia tapimai oa. Ascan un mia yoiai cuscan shinanfain min namai cuscan tapihuun, —ishon Gabriel ua yoini.
Currently Selected:
Daniel 9: mcd
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Daniel 9
9
Daniel ahuun yorafohuunoa nocon Ifo Diosi ato cufinshoni
1Ascaino Asuero facu Darío Babilonia ano niaifo fari fusti ini. Nanfin Medo iniquin. 2Unquian Daniel natian uhuun Ifo Diospan tsain yoimisi Jeremías cununi cuscan mun oian. Nan cununihuunshon un tapia nocon caifoan nocon pushu rasi Jerusalén ano tsoashta setenta fari ishquima. 3Nan tapishon un nocon Ifo Diosi cufian un yocai cuscan ua ashonon. Un cufinquin piqui tunufain uhuun sahuuti chocashta sahuufain un chii mapon mashpocomuni. 4Un uhuun Ifo Diosi cufinquin non chaca huai cuscan un yoia isca huaquin,
—Uhuun Ifon, min nocon Diosin. Minfin nantifi finoncoianquin. Min ahuara huatiro cuscacai atirififain tsoan oinyomisima. Min ahuamamishti huatiro. Non mia noicoiaiton min noco yonoa cuscan non aiton min noco yoiyoni ahuara sharafo huashoshquin. 5Ascafia nonfin mia chaca huamisi. Min noco yonoai cuscan ayamacain non mia nicacasmafain non mia cachiquiri huamisi. 6Min oinmatifo min tsain yoimisifo min nocoqui nichifiacai non ato nicapaimisima. Nanfoan min anuhuunoa nocon niaifofo yoifain nocon niaifo patasharinoafo yoifain nocon shunifori yoifain nocon yorafo maifoti anoafo ato yoifiaifoannocai non ato nicapaimisima.
7Uhuun Ifon, min fustifin fasi sharacoinquin. Min noco yonoa cuscacai non mia tanasharama. Ascan nonfin Judáfo non Jerusalén ano icafo non nantifi Israelifo min noco pashcaquin futsani. Ascan non mia chaca huashu non rafipaitiro. 8¡Ohuashta! Uhuun Ifon, non mia chaca huamisi. Ascan noco niaifofo futan nocon niaifo patasharinoafo non noco shunifoyashori non mia chaca huashu non fasi rafipaitiro. 9Non yoitimacoinshon non mia cachiquiri huaa. Ascafia min nocohuun ramapaitan min nocon chaca rau huashotiro. 10Nocon Ifo Diosin, min tsain yoimisifoan min yonomisi cuscan noco tapimamisifofiacai non nicapaimisima.
11Min noco yoimisi cuscacai nantifi Israelifoan non nicapaimisima. Nanscaquin non cachiquiri huamisi. Min yonomisi cuscacai tsoan huamisima. Ascan min noco yoini non mia nicapaiyamaino non ahuara chacafo finonshquin. Min yoini cuscan min oinmati Moisés noco cunushoni. Ascan noco cunushoni cuscan non nicacasmaiton min natian noco onaintimana. 12Non mia nicayamaiton min noco onaintimashquiai cuscan man min noco yoini. Natian min nantifi noco yoifain noco niaifofori min yoini cuscan min nantifi ahuarafo nanscacoin min huaa. Ahuara chacacoinfo non finoin non fasi omitsiscamisi. Min Jerusalén icanoafo chaca huaquin min ato omitsisca huai cuscacai tsoan ascara oinyomisima.
13Moisés noco cunushoni cuscan non mia nicayamaiton min noco fasi onaintimashquin. Ascasho nan cununi cuscan min fasi onaintimafain min noco omitsiscamamisi. Ifo Diosin, min noco asca huafiainocai non mia chaca huamisi cuscan non shatuataima. Min noco icon yoifiaitocai non mia nicasharamisima. 14Nantifi min amisi cuscan cayacafi shara. Ascan min noco yoini cuscacoin non acun min noco omitsisca hua cuanama. Ascafiainocai natianri min yonoa cuscan non huaima.
15Nocon Ifon Diosin, min curushhuunshon min nocon shunifo Egipcio mai anoa min ato ihuuni. Min ahuamamishti ato ismapaonihuunshon nantifi caifo futsafoan mihuunoa nicamisi. Nantianri min anu nicamisifo. Ascan nonrifi non mia chaca huamisi. 16¡Ohuashta! Ifon, noco shinanpun. Min noco shara huashomisi. Ascan min yorafo Jerusalén anoafoqui afanan sinayamapun. Upa Diosin nan pushu rasifofin Jerusalén anoafo minaquin. Nan machi shara nannoa mina. Ascan noco futan nocon shunifoan mia chaca huamisihuunshon Jerusalén ano icafo caifo futsafoan ato cashu mutsama huaafo.
17Nocon Diosin unfin min oinmati un mia cufifain un mia yoca cuscan ua nicapun. Ifo min noco fu iyopaoni anocai natian tsoa ano icama. Ascacun nocohuun noifain afanan Jerusalén shara huapun futsafoan mihuunoa yoisharanonfo. 18Ua nicapun Diosin. Jerusalén oinhuun. Nocon pushu rasi Jerusalén min anuhuunshon yoimisi ipaoni. Natian tsoa anoma. Non mia shara hua rafanancai mia cufinyamafiaino min fasi nocohuun ramapaimisihuunshon un mia cufin. 19Nocon Ifon ua nicapun. Ifon, noco rau huapun. Ifon ua nicafain un mia cufia cuscan noco ashopun. Mihuunoa yoisharaifo cuscan manayamahuu. Nocon pushu rasi nantififain tapianfo nanno min noco fu iyopaoni. Nonrifi min yorafoquin. Min anuhuunoa futsafoan nocohuunoa yoipaonifo. Noco numapun, —ishon un nocon Ifo Diosi cufia.
20Ascashon uhuun Ifo Diosi un cufinquin uhuun chaca yoini uhuun yora Israelifohuunoa aton chacari un yoini Diospan machi sharahuunoa un cufini. 21Nantianri Diospan oinmati a fu nai muran imisi ahuun anu Gabriel uqui nocoa. Uhuun namapan un oinyopaoni cuscan. Yatashta un Diosi cufiainno uqui nocoa. 22Ua yoia isca huaquin, —Daniel, un mia tapimai ahuara finoain cuscan tapimafain ahuara futsafohuunoari min tapinon mun oa. 23Min tau huaquin Diosi cufiainton mia nica. Min cufiain cuscan Ifo Diosin mia ashoa. Ifo Diosin mihuun noicoin. Ascacun min cufian cuscan mia ashoa. Natian un mia tapimai oa. Ascan un mia yoiai cuscan shinanfain min namai cuscan tapihuun, —ishon Gabriel ua yoini.
© 2008, Wycliffe Bible Translators, Inc. All rights reserved.