Daniel 5
5
Pushu cunuquin mutotinin cununi
1Ascan Nabucodonosor ahuun funa niaifo nanno ica ini. Ahuun anu Belsasar. Nanton fusi huashquin niaifo patasharinoafo ato cunani aqui funonfo. Mil yorafo funifo monoi fucani. Nan niaifoan ato futan pau vino ayani.
2Ascan ahuun shuni Nabucodonosor Jerusalén mai ano Diospan tsainti pushu murannoa cucho ichapa fiini. Atirifi oro icain atirifiri cuno ahuun anu plata facafacaitsa fiini. Ascan nan niaifoan Belsasar ahuun oinmatifo yononi nan cuchofo fushononfo a fu
3Ascan ahuun oinmatifoan nan cucho orofo funifo. Ascan niaifo Belsasar non niaifo patasharinoafo non niaifoan ahuun ahuinfoanri nan cuchofoan ayanifo. 4Ayacaquin yoinifo isca huaquin, —Nocon diosfofin fasi sharaquin. Nocon diosfo non rami hua oro rami huafain platahuunoa rami huafain cuno broncehuunoa rami huafain cunu hierrohuunoa rami huafain ihuihuunoa rami huafain toquirihuunoa dios futsafo non rami huani. Nanfofin nantifi fasi sharaquin, —ishon yoinifo.
5Nan yoiaifono samamashta pushu cunuqui yoran ahuun mucu mutoti fustiton cununi. Ahuun cayacai ano inima. Niaifoan ahuun pushu muranshon faro otani nan chaimashon mutotinin cunuquin cununi. Ascaiton niaifoan oinni. 6Oianshu ahuun fuso samamashta ratucoin pashiacucahuani fasi tari tariquin afanan nitama tsaopacucahuani. 7Ascatan ahuun shointiafo cunafain fishifo oincashon ahuara chipo iishquiai cuscan yoimisifo cunafain inonpacoai cuscan yoimisifori ato cunani. Niaifoan ato yoini isca huaquin, —Ratora futsan na cunu oinshon ua tapimanafin un ato sahuuti shonan shara nan niaifona cuscara inanfain tuhuuti oro inanfain un huaicai nanfin niaifo patasharinoa itiroquin. Ascan nonfin nan niaifo nocofunu patasharinoa fusti non finontiroquin, —ishon niaifoan tapimisifo yoini.
8Yoitan nantifi tapimisifo cunu muran iquinifo nan mutotinin cunua cuscan oinshcaquin. Ascafiacai tsoan niaifo tapimatiro inima. 9Nanscara nicai niaifo Belsasar fasi ratui finacoinni. Ahuun fuso fasi pashiacucahuani. Niaifo patasharinoafoanricai tsoan tapinifoma. 10Ascan niaifo fasi ratucoinni ahuun shanon chifishon nicain fusiaifo muran iquishon yoini isca huaquin,
—Niaifon, min nipapainon. Ratui pashiacucahuayamahuu. 11Minfin nunoa nocofunun niaifoquin. Ascan nunoa nocofunu futsan diosi sharafo aton yoshin ahuun nomuran a fu rafua. Min shuni Nabucodonosor niyoshon nan nocofunu futsan fuchiniton. Nantofin fasi tapisharacoianquin. Ahuara tsoan tapiama cuscaran diosfoan tapia cuscan nantorifi tapini. Ascan nan min shuni niaifon na nocofunu catonni nan tsoan futsa atiroma cuscan huamisifo yafi shointiafo yafi fishi oincaquin ahuara chipo iishquiai cuscan yoimisifo yafi inonpacoai yoimisifori nan nocofunun aton niaifo ipaoni. 12Nan nocofunun ahuun anu Daniel. Ascan min shuni niaifo Nabucodonosor anu futsa tuqui huani Beltsasaran ishon anuni. Nantifi yorafoan oinni nan nocofunun fasi ahuara tapicoian ahuun mapo fasi shara. Ahuun nomuranshori tapini. Ahuarafohuunoa tapifain futsan shinain cuscan tapifain futsan nama cuscan tapifain futsa yoimisi cuscan futsafoan tapiyamaino nantofin tapisharacoian iniquin. Ahuara tapitimani cuscarafohuunoari nan nocofunun fustiton tapini. Ascan nan Daniel cunahuu nan cunuqui cunua cuscan mia tapimanon, —ishon niaifoan ahuun shanon yoini.
13Ascano futsan Daniel niaifoqui ihuuni yocaquin isca huanon,
—¿Minmun Daniel, uhuun shuni niaifoan Nabucodonosor min mai Judá anoshon mia ihuunimun? 14Mun nica diosfoan aton yoshin min nomuran min nanua. Ascashon min fasi tapian. Ahuarafo finoain cuscan min tapifain futsafoan shinain cuscan min tapifain ahuara futsafohuunoa min tapicoianran ua hua. 15Uhuun yorafoan tapiqui shara huafoan nan shointiafoanricai mutotinin cunuqui cunua cuscan ua tapimatirofoma raquirimain cunuaquin.
16Mun nica min ahuara futsafoan tapiamafo cuscan min ato tapimatiro. Ahuara curush tapiyamaifo cuscan min ato tapimatiro. Ascan na cunua cuscan mian tapimanaiton un mia niaifoan sahuuti shonan un mia sahuumafain tuhuuti oro mia sahuumafain mia niaifocoin imashquin. Un non nocofunu futsa mia finoncoin. Uhuun caifofo non uhuun mai anoa yora futsafoan ato niaifo min iquiran, —ishon niaifo Belsasar yoini.
17Ascaiton Daniel niaifo cumani isca huaquin,
—Mian inanpaiyai cuscan un fipaima. Ascan min yora futsa inainno shara itiro. Ascafia na cunun yoia cuscan un mia yoi min tapinon.
18Niaifon, un mia yoiai cuscan ua nicasharahuu. Ifo Diosin nantifi finoncoian min shuni Nabucodonosor niaifocoin imani. Ifo Dioshuunoashu min shuni niaifo. Ascashon nanton nantifi iquina. Rato niaifo futsacai a cuscarama. Fasi shara ipaoni. Nan icano fasi sharacapacoin ini. Ahuacai yopapaonima. Diosin yononi cuscan nantififain Nabucodonosorhuunoa yoisharapaonifo 19Ifo Diosin min shuni imai cuscan oincani nantifi manifoti anoafo tsain futsa futsatapafoya aqui ratucoinnifo. Min shuni Nabucodonosor nan yora rutupaiyai ato rutuni. Nan yora nimapaiyai ato rutunima. Nan niaifo patasharinoa imapaiyai ato niaifo imani. Futsahuunoa niaifoan yoini, “Mincai ahuamaran,” ishon niaifoan yoiaino futsafoanri shinanni aacai ahuama. Ascan nocofunu futsahuunoa niaifoan yoisharaino ahuun yorafoanri ahuunoa yoisharanifo. Min shuni Nabucodonosor nantifi iquinan tsoa futsacai a cuscarama.
20Ascashu min shuni Nabucodonosor chipo cacapaimisicoin ipaoni. Ahuun nomuran mutocoinquin shinanquin isca huani, “Tsoa futsacai ua cuscarama. Unfin nantifi uhuun mai ano afo un oni huaquin. Nanscashofin nantifi un finoncoianran,” ishon ahuun nomuran shinainton Ifo Diosin yonoa cuscan ahuun yorafoan nan potanifo afanan niaifo iyamacain afananricai isharamisi cuscan anima. 21Yorafoan nannoshon potanifo. Nan yoinaton shinain cuscan arifi shinanpaoni. Ascashu yoinafo burro icai cuscan foanfaincaquin min shuni arifi ato futan fasi pipaoni. Ahuun caya nifipan muchana huapaoni. Fari ichapa nisocoin iyopaoni afanan shinansharacoinquin yoini isca huaquin, “Ifo Diosin min nantifi finoncoian. Min manifoti min ato iquina. Min tsoa niaifo imapaiquin min imatiroran,” ishon min shuni Nabucodonosor nocon Ifo Diosi yoini.
22Ascan niaifo Belsasar minfin Nabucodonosor ahuun funaquin. Un mia yoia cuscan min nicafiamisishaquicai min shuni Nabucodonosor ani cusca min amisima. Mincai yoimisima isca huaquin, “Ifo Diosin maisicai un ahua huatiromaran” ishoncai min yoimisima.
23Ascatamarocon min futsafo shinanmapaiquin isca huaiquin, “Unfin Dios nai murannoa un finoanquin. Diosi nai muran icacai nancai ahuamaran,” ishon min yorafo shinanmapai. Ascan nan cuchofo Diospan tsainti pushu murannoa funifo min non niaifo patasharinoafo non maton ainfofoyashon nan cuchofoan man vino aya. Min yoia isca huaquin, “Noco diosfo shara. Non ato ramihua platahuunoa non orohuunoa non cuno broncehuunoa non cuno hierrohuunoa non ihuihuunoa non toquirihuunoa ato ramihua. Nanfo fasi sharacoinran,” ishon min yoia. Nanfoancai oinyamafain nicayamafain ahua tapitiromafofiacun. “Nocon diosforan,” ishon min afohuunoa yoia. Mi fu fusiafoanri nannori yoiafo. Anori yoifiaquicai min Ifo Dioscoinhuunoa yoi sharamisima. Nantomain mia nimatiro iyamarai mia namatiroquin.
24Asca Ifo Diosin nan mucu ahuun mutotin mia nichishona. Nan mutotinin mia cunushona cuscan min tapinon.
25Isca huaquin cunua,
“mene, mene, tekel yafi parsin,”
26Maton tsainman
Mene: yoia isca huaquin Ifo Dios afanan mia niaifo imaima. Natiafin Diosin mia niaifo unumaniquin min afanan niaifo inonma.
27Nan tsain
Tekel: maton tsainman yoia isca huaquin, “Ahuara shacaishta non balanzanun tanainnocai ihuu itiromaran,” ishon na cunun yoia. Nanscarifi ai Ifo Diosin oian niaifo shara imisi cuscacai min aimaran, ishon yoia.
28Nan tsain
Parsin: maton tsainman yoia isca huaquin, “Min mai man ato pashcanan huaquin futsai. Atirifi Medofona icaino atirifi Persafona iquiran,”
—ishon Daniel yoini.
29Nan nicatan niaifo Belsasar yononi Daniel niaifo sahuuti shonan shara sahuumafain oro tuhuuti sahuumatan huaquin futsashon yoini isca huaquin, —Natianfin Daniel niaifocoinquin. Un non niaifo patasharinoa fustiton non Daniel finoanran, —ishon niaifo Belsasar yononi.
30Ascan nan yamutan futsafoan Babiloniafoan aton niaifo Belsasar rutunifo. 31Ascano nan Mediafoan aton niaifo Darío nanfin Babiloniafoan aton niaifo iniquin. Ahuun fari sesenta y dos nocoaitian Babiloniafoan aton niaifo iqui tauni.
Currently Selected:
Daniel 5: mcd
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Daniel 5
5
Pushu cunuquin mutotinin cununi
1Ascan Nabucodonosor ahuun funa niaifo nanno ica ini. Ahuun anu Belsasar. Nanton fusi huashquin niaifo patasharinoafo ato cunani aqui funonfo. Mil yorafo funifo monoi fucani. Nan niaifoan ato futan pau vino ayani.
2Ascan ahuun shuni Nabucodonosor Jerusalén mai ano Diospan tsainti pushu murannoa cucho ichapa fiini. Atirifi oro icain atirifiri cuno ahuun anu plata facafacaitsa fiini. Ascan nan niaifoan Belsasar ahuun oinmatifo yononi nan cuchofo fushononfo a fu
3Ascan ahuun oinmatifoan nan cucho orofo funifo. Ascan niaifo Belsasar non niaifo patasharinoafo non niaifoan ahuun ahuinfoanri nan cuchofoan ayanifo. 4Ayacaquin yoinifo isca huaquin, —Nocon diosfofin fasi sharaquin. Nocon diosfo non rami hua oro rami huafain platahuunoa rami huafain cuno broncehuunoa rami huafain cunu hierrohuunoa rami huafain ihuihuunoa rami huafain toquirihuunoa dios futsafo non rami huani. Nanfofin nantifi fasi sharaquin, —ishon yoinifo.
5Nan yoiaifono samamashta pushu cunuqui yoran ahuun mucu mutoti fustiton cununi. Ahuun cayacai ano inima. Niaifoan ahuun pushu muranshon faro otani nan chaimashon mutotinin cunuquin cununi. Ascaiton niaifoan oinni. 6Oianshu ahuun fuso samamashta ratucoin pashiacucahuani fasi tari tariquin afanan nitama tsaopacucahuani. 7Ascatan ahuun shointiafo cunafain fishifo oincashon ahuara chipo iishquiai cuscan yoimisifo cunafain inonpacoai cuscan yoimisifori ato cunani. Niaifoan ato yoini isca huaquin, —Ratora futsan na cunu oinshon ua tapimanafin un ato sahuuti shonan shara nan niaifona cuscara inanfain tuhuuti oro inanfain un huaicai nanfin niaifo patasharinoa itiroquin. Ascan nonfin nan niaifo nocofunu patasharinoa fusti non finontiroquin, —ishon niaifoan tapimisifo yoini.
8Yoitan nantifi tapimisifo cunu muran iquinifo nan mutotinin cunua cuscan oinshcaquin. Ascafiacai tsoan niaifo tapimatiro inima. 9Nanscara nicai niaifo Belsasar fasi ratui finacoinni. Ahuun fuso fasi pashiacucahuani. Niaifo patasharinoafoanricai tsoan tapinifoma. 10Ascan niaifo fasi ratucoinni ahuun shanon chifishon nicain fusiaifo muran iquishon yoini isca huaquin,
—Niaifon, min nipapainon. Ratui pashiacucahuayamahuu. 11Minfin nunoa nocofunun niaifoquin. Ascan nunoa nocofunu futsan diosi sharafo aton yoshin ahuun nomuran a fu rafua. Min shuni Nabucodonosor niyoshon nan nocofunu futsan fuchiniton. Nantofin fasi tapisharacoianquin. Ahuara tsoan tapiama cuscaran diosfoan tapia cuscan nantorifi tapini. Ascan nan min shuni niaifon na nocofunu catonni nan tsoan futsa atiroma cuscan huamisifo yafi shointiafo yafi fishi oincaquin ahuara chipo iishquiai cuscan yoimisifo yafi inonpacoai yoimisifori nan nocofunun aton niaifo ipaoni. 12Nan nocofunun ahuun anu Daniel. Ascan min shuni niaifo Nabucodonosor anu futsa tuqui huani Beltsasaran ishon anuni. Nantifi yorafoan oinni nan nocofunun fasi ahuara tapicoian ahuun mapo fasi shara. Ahuun nomuranshori tapini. Ahuarafohuunoa tapifain futsan shinain cuscan tapifain futsan nama cuscan tapifain futsa yoimisi cuscan futsafoan tapiyamaino nantofin tapisharacoian iniquin. Ahuara tapitimani cuscarafohuunoari nan nocofunun fustiton tapini. Ascan nan Daniel cunahuu nan cunuqui cunua cuscan mia tapimanon, —ishon niaifoan ahuun shanon yoini.
13Ascano futsan Daniel niaifoqui ihuuni yocaquin isca huanon,
—¿Minmun Daniel, uhuun shuni niaifoan Nabucodonosor min mai Judá anoshon mia ihuunimun? 14Mun nica diosfoan aton yoshin min nomuran min nanua. Ascashon min fasi tapian. Ahuarafo finoain cuscan min tapifain futsafoan shinain cuscan min tapifain ahuara futsafohuunoa min tapicoianran ua hua. 15Uhuun yorafoan tapiqui shara huafoan nan shointiafoanricai mutotinin cunuqui cunua cuscan ua tapimatirofoma raquirimain cunuaquin.
16Mun nica min ahuara futsafoan tapiamafo cuscan min ato tapimatiro. Ahuara curush tapiyamaifo cuscan min ato tapimatiro. Ascan na cunua cuscan mian tapimanaiton un mia niaifoan sahuuti shonan un mia sahuumafain tuhuuti oro mia sahuumafain mia niaifocoin imashquin. Un non nocofunu futsa mia finoncoin. Uhuun caifofo non uhuun mai anoa yora futsafoan ato niaifo min iquiran, —ishon niaifo Belsasar yoini.
17Ascaiton Daniel niaifo cumani isca huaquin,
—Mian inanpaiyai cuscan un fipaima. Ascan min yora futsa inainno shara itiro. Ascafia na cunun yoia cuscan un mia yoi min tapinon.
18Niaifon, un mia yoiai cuscan ua nicasharahuu. Ifo Diosin nantifi finoncoian min shuni Nabucodonosor niaifocoin imani. Ifo Dioshuunoashu min shuni niaifo. Ascashon nanton nantifi iquina. Rato niaifo futsacai a cuscarama. Fasi shara ipaoni. Nan icano fasi sharacapacoin ini. Ahuacai yopapaonima. Diosin yononi cuscan nantififain Nabucodonosorhuunoa yoisharapaonifo 19Ifo Diosin min shuni imai cuscan oincani nantifi manifoti anoafo tsain futsa futsatapafoya aqui ratucoinnifo. Min shuni Nabucodonosor nan yora rutupaiyai ato rutuni. Nan yora nimapaiyai ato rutunima. Nan niaifo patasharinoa imapaiyai ato niaifo imani. Futsahuunoa niaifoan yoini, “Mincai ahuamaran,” ishon niaifoan yoiaino futsafoanri shinanni aacai ahuama. Ascan nocofunu futsahuunoa niaifoan yoisharaino ahuun yorafoanri ahuunoa yoisharanifo. Min shuni Nabucodonosor nantifi iquinan tsoa futsacai a cuscarama.
20Ascashu min shuni Nabucodonosor chipo cacapaimisicoin ipaoni. Ahuun nomuran mutocoinquin shinanquin isca huani, “Tsoa futsacai ua cuscarama. Unfin nantifi uhuun mai ano afo un oni huaquin. Nanscashofin nantifi un finoncoianran,” ishon ahuun nomuran shinainton Ifo Diosin yonoa cuscan ahuun yorafoan nan potanifo afanan niaifo iyamacain afananricai isharamisi cuscan anima. 21Yorafoan nannoshon potanifo. Nan yoinaton shinain cuscan arifi shinanpaoni. Ascashu yoinafo burro icai cuscan foanfaincaquin min shuni arifi ato futan fasi pipaoni. Ahuun caya nifipan muchana huapaoni. Fari ichapa nisocoin iyopaoni afanan shinansharacoinquin yoini isca huaquin, “Ifo Diosin min nantifi finoncoian. Min manifoti min ato iquina. Min tsoa niaifo imapaiquin min imatiroran,” ishon min shuni Nabucodonosor nocon Ifo Diosi yoini.
22Ascan niaifo Belsasar minfin Nabucodonosor ahuun funaquin. Un mia yoia cuscan min nicafiamisishaquicai min shuni Nabucodonosor ani cusca min amisima. Mincai yoimisima isca huaquin, “Ifo Diosin maisicai un ahua huatiromaran” ishoncai min yoimisima.
23Ascatamarocon min futsafo shinanmapaiquin isca huaiquin, “Unfin Dios nai murannoa un finoanquin. Diosi nai muran icacai nancai ahuamaran,” ishon min yorafo shinanmapai. Ascan nan cuchofo Diospan tsainti pushu murannoa funifo min non niaifo patasharinoafo non maton ainfofoyashon nan cuchofoan man vino aya. Min yoia isca huaquin, “Noco diosfo shara. Non ato ramihua platahuunoa non orohuunoa non cuno broncehuunoa non cuno hierrohuunoa non ihuihuunoa non toquirihuunoa ato ramihua. Nanfo fasi sharacoinran,” ishon min yoia. Nanfoancai oinyamafain nicayamafain ahua tapitiromafofiacun. “Nocon diosforan,” ishon min afohuunoa yoia. Mi fu fusiafoanri nannori yoiafo. Anori yoifiaquicai min Ifo Dioscoinhuunoa yoi sharamisima. Nantomain mia nimatiro iyamarai mia namatiroquin.
24Asca Ifo Diosin nan mucu ahuun mutotin mia nichishona. Nan mutotinin mia cunushona cuscan min tapinon.
25Isca huaquin cunua,
“mene, mene, tekel yafi parsin,”
26Maton tsainman
Mene: yoia isca huaquin Ifo Dios afanan mia niaifo imaima. Natiafin Diosin mia niaifo unumaniquin min afanan niaifo inonma.
27Nan tsain
Tekel: maton tsainman yoia isca huaquin, “Ahuara shacaishta non balanzanun tanainnocai ihuu itiromaran,” ishon na cunun yoia. Nanscarifi ai Ifo Diosin oian niaifo shara imisi cuscacai min aimaran, ishon yoia.
28Nan tsain
Parsin: maton tsainman yoia isca huaquin, “Min mai man ato pashcanan huaquin futsai. Atirifi Medofona icaino atirifi Persafona iquiran,”
—ishon Daniel yoini.
29Nan nicatan niaifo Belsasar yononi Daniel niaifo sahuuti shonan shara sahuumafain oro tuhuuti sahuumatan huaquin futsashon yoini isca huaquin, —Natianfin Daniel niaifocoinquin. Un non niaifo patasharinoa fustiton non Daniel finoanran, —ishon niaifo Belsasar yononi.
30Ascan nan yamutan futsafoan Babiloniafoan aton niaifo Belsasar rutunifo. 31Ascano nan Mediafoan aton niaifo Darío nanfin Babiloniafoan aton niaifo iniquin. Ahuun fari sesenta y dos nocoaitian Babiloniafoan aton niaifo iqui tauni.
© 2008, Wycliffe Bible Translators, Inc. All rights reserved.