1 Samuel 9
9
Saúl Samuelqui noconi
1Nanno Israeli mani futsa nan Benjamín ahuun funafo ato muran nocofunun ahuun anu Cis ini. Apa ahuun anu Abiel. Nan Abiel apa ahuun anu Zeror. Nan Zeror apa Becorat. Nan Becorat apa ahuun anu Afíah. Nan Afíah apa Benjamín ini. Nan Cis nocofunu shara ini. Nantififain ahuunoa yoisharamisifo. 2Cispan ahuun furumun anu Saul. Nan Saúl fasi mutsispacoin cuyamasocoian. Rato ahuun caifo futsacai Saúl masoatian inifoma. Ahuun potin ano fusti masoafo ini.
3Ascan shafa futsa Cis ahuun burrofo funoni. Ascano Cis ahuun facu Saúl yoini isca huaquin,
—Nocon oinmati futan burrofo funatahuun, —ishon apan yoini.
4Nan apan yonoa cuscan Saúl fu ahuun oinmati nan machifoti foafafainifo. Nan machifo Efraín mai ano finonfaintan Salisa mai ano funafiaquicai tsoan fuchinima. Ascano Saalim mai ano fofain Benjamínfo mai ano finonfainfiashocai burrofo fuchinifoma. 5Ascashon mai ahuun anu Zuf ano nocoshon Saúl ahuun oinmati yoini isca huaquin, —Non nasononhuun. Non natian nasoyamaiton uhuun upancai afanan burrohuunoa shinantamarocon nocohuunoa natian shinain non ahuara chaca finoanran, —ishon Saúl ahuun oinmati yoini.
6Nannori yoiaiton ahuun oinmati cumaquin isca huani,
—Nunofin nocofunu nocon Ifo Diosi tanasharacoian icaquin. Nantifi yorafoan nan nocofunuhuunoa yoisharamisifo. Nantofin Diosihuunshon inonpacoai cuscan yoimisi nanscaracoin finoinquin. Non ahuun pushu ano canoncahuun. Nantoraca noco yoitiro raniamain non burrofo fuchitiroquin, —ishon ahuun oinmatinin Saúl yoini.
7—¿Non nan nocofunu ano cashomun non ahua inantiroquin? Man nocon tushu cuyoa. Noncai ahuara futsa ayama non cashman inancoinpanan, —ishon cumani.
8—Toro cuno facafacaitsa fustifin un ayaquin. Un nan nocon Ifo Diosi tanamisi inantiro burrofohuunoa noco tapimanon, —ishon ahuun oinmatinin cumani.
9(Nan Israelifo ipaonifotian ahuara futsa nocon Ifo Diosin yocapaonifo nantian yoinifo isca huaquin, —Non canon. Non Diosihuunshon inonpacoai yoimisi oincanon, —ishon yoinifo. Ascacun natian afanan Diosihuunshon inonpacoai yoimisi non anutamaroco nan Diosin tsain yoimisiran non huatiro.)
10Ascano Saúl ahuun oinmati cumani isca huaquin, —¡Aicho! Shara. Non canon, —ishon nannori cumani. Nannori yoitan nan nocofunu Diosin catoan icano fonifo.
11Ascatan nan rafu Diosi tanamisiton ahuun pushu rasi ano machi ari mapuinifocaquin nan shomayafo unu fii fuaifoquin noconifo. Ascashon ato yocanifo, —¿Ranimun nan nocofunu Dioshuunshon inonpacoai yoimisi? ¿Natianmun ahuun pushu ano? —ishon nan shomayafo yocanifo.
12-13—Ai. Nanno. Nan fai cayacafin tapiaton foriscatacahuun. Nocon pushu rasi cusumunri natian nanno. Man ramashta nocoa ahuun yorafo futan machimamaquishon nocon Ifo Diosi ina rutushon inantani. Natian foriscatacahuun machi mamaqui cataima man aqui nocotiro. Atoqui nocoataima nuno icafoan piyotirofoma. Nantofin iquisi Upa Diosi cufinyotiroquin ina rutuataima. Ascano nan cunafoan a futan pitirofo. Ascacun cariscatahuun natian man fuchitiroran, —ishon shomayafoan yoini.
14Nicacatan Saúl fu ahuun oinmati pushu rasi ano mapufainnifo. Nocotoshiquin oianfo Samuel arifi machi mapuaiton oinnifo.
15Nan Saúl nocoataima nocon Ifo Diosin Samuel yoini isca huaquin, 16—Na funamari nan nocofunu Benjamínfo mai anoshon un miqui nichi. Ahuun mapoqui shuni ocahuun naanfin mato niaifo iishquiquin. Nan uhuun yora Israelifoan ua cufiainfo cuscan mun nica. Nan ua cufiainfo cuscan nicain un fasi atohuun ramapaicoin. Mani futsan nan Benjamín aton muran nan nocofunuhuunshon nantifi uhuun yorafo Israelifo un numashquin Filisteofoan ato ahuusca huanonma, —ishon nocon Ifo Diosin Samuel yoini.
17Ascano Samuel Saúl fuchishon nan nocon Ifo Diosin yoini, —Un mia yoita cuscan nan nocofunu uhuun yorafoan aton niaifo ishquiran, —ishon ahuun nomuran tapimani.
18Ascan pushu rasi shoi caincaiti ano Saúl Samuelqui oni ahuara futsa yocaiyoi,
—¿Ua yoihuun ranimun nan pushu Dioshuunshon inon pacoai yoimisi icaquin? —ishon yocaiton.
19—Unfinquin. Nuno mapunyohuun. U futan machimamaquishon piishquin. Funamari catashquin. Nan min nomuran min tapipaiyai cuscan un mia nantifi tapimanon. Ascano min catiro. 20Nan burrofo osha rafu non fusti finoan funoitafo. Nan burrofohuunoa shinanchacayamahuun. Manfin fuchiafoquin. Un mia yoi min non min yorafo nan min caifo Israelifoan mia fuchipaicani min ato niaifo inon, —ishon yoiaiton nicaquin.
21Cumani, —Unfin Benjamínfo aton caifoquin. Non icai cuscacai rato Israeli futsafo aafoma non ica cuscan. Nonfin ichapama sharacaiquin. Nan uhuun yorafo fucai non ahuama ishon yoiaiton. ¿Ahuuscai mian anori yoimun? —ishon Saúl cumani.
22Nannori yoiaiton nicaquin Samuel Saúl ahuun oinmatiya pushu uhuapa muran iyoni. Nan niaifofoan acamaquishon piti ano Samuel nanno ato tsaonni. Nantian treinta yora tsaonifo. 23Ascashon Samuel pichamisi cunashon yoini isca huaquin, —Nan nami sharacoin un mia inainta niaifo inanpaiqui nan Saúl inanhuun pinon, —ishon yoini. 24Nannori huaiton nicaquin pichamisiton nan nami ahuun quishi fiishon Saúl inanni pinon. Ascano Samuel Saúl yoini isca huaquin,
—Na nami pihuun. Un futsafo cunataima un mia na nami huashoan nan min nocoaitian min pinon, —ishon Samuel Saúl yoini. Ascashon Saúl Samuel futan nan shafata pinifo. 25Ascatan pushu uhuapa murannoashu machi tunanmanri fotonifo. Fotocatan Samuel ahuun pushu fomancayanoashu Saúl fu tsainni. 26Ascano shafa futsa iyoconaino Saúl pushu fomancaya anoashu moinacahuani. Ascashon Samuel cunani isca huaquin,
—Natian itisharahuun un mia nichinon min catanon, —ishon Samuel Saúl yoini.
Ascahuaino nantian itisharani. Ascatan nan rafu pushu murannoashu chifi cain furanifo. 27Ascashu focani pushu rasi finon cuatan Samuel Saúl yoini isca huaquin, —Min oinmati yoihuun rufofo canon. Min u fu nituyotiro nocon Ifo Diosin ua yoia cuscan un mia tapimanon, —ishon Samuel Saúl yoini. Ascano nan Samuel yoia cuscan Saúl ahuun oinmati rufofo nichini.
Currently Selected:
1 Samuel 9: mcd
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
1 Samuel 9
9
Saúl Samuelqui noconi
1Nanno Israeli mani futsa nan Benjamín ahuun funafo ato muran nocofunun ahuun anu Cis ini. Apa ahuun anu Abiel. Nan Abiel apa ahuun anu Zeror. Nan Zeror apa Becorat. Nan Becorat apa ahuun anu Afíah. Nan Afíah apa Benjamín ini. Nan Cis nocofunu shara ini. Nantififain ahuunoa yoisharamisifo. 2Cispan ahuun furumun anu Saul. Nan Saúl fasi mutsispacoin cuyamasocoian. Rato ahuun caifo futsacai Saúl masoatian inifoma. Ahuun potin ano fusti masoafo ini.
3Ascan shafa futsa Cis ahuun burrofo funoni. Ascano Cis ahuun facu Saúl yoini isca huaquin,
—Nocon oinmati futan burrofo funatahuun, —ishon apan yoini.
4Nan apan yonoa cuscan Saúl fu ahuun oinmati nan machifoti foafafainifo. Nan machifo Efraín mai ano finonfaintan Salisa mai ano funafiaquicai tsoan fuchinima. Ascano Saalim mai ano fofain Benjamínfo mai ano finonfainfiashocai burrofo fuchinifoma. 5Ascashon mai ahuun anu Zuf ano nocoshon Saúl ahuun oinmati yoini isca huaquin, —Non nasononhuun. Non natian nasoyamaiton uhuun upancai afanan burrohuunoa shinantamarocon nocohuunoa natian shinain non ahuara chaca finoanran, —ishon Saúl ahuun oinmati yoini.
6Nannori yoiaiton ahuun oinmati cumaquin isca huani,
—Nunofin nocofunu nocon Ifo Diosi tanasharacoian icaquin. Nantifi yorafoan nan nocofunuhuunoa yoisharamisifo. Nantofin Diosihuunshon inonpacoai cuscan yoimisi nanscaracoin finoinquin. Non ahuun pushu ano canoncahuun. Nantoraca noco yoitiro raniamain non burrofo fuchitiroquin, —ishon ahuun oinmatinin Saúl yoini.
7—¿Non nan nocofunu ano cashomun non ahua inantiroquin? Man nocon tushu cuyoa. Noncai ahuara futsa ayama non cashman inancoinpanan, —ishon cumani.
8—Toro cuno facafacaitsa fustifin un ayaquin. Un nan nocon Ifo Diosi tanamisi inantiro burrofohuunoa noco tapimanon, —ishon ahuun oinmatinin cumani.
9(Nan Israelifo ipaonifotian ahuara futsa nocon Ifo Diosin yocapaonifo nantian yoinifo isca huaquin, —Non canon. Non Diosihuunshon inonpacoai yoimisi oincanon, —ishon yoinifo. Ascacun natian afanan Diosihuunshon inonpacoai yoimisi non anutamaroco nan Diosin tsain yoimisiran non huatiro.)
10Ascano Saúl ahuun oinmati cumani isca huaquin, —¡Aicho! Shara. Non canon, —ishon nannori cumani. Nannori yoitan nan nocofunu Diosin catoan icano fonifo.
11Ascatan nan rafu Diosi tanamisiton ahuun pushu rasi ano machi ari mapuinifocaquin nan shomayafo unu fii fuaifoquin noconifo. Ascashon ato yocanifo, —¿Ranimun nan nocofunu Dioshuunshon inonpacoai yoimisi? ¿Natianmun ahuun pushu ano? —ishon nan shomayafo yocanifo.
12-13—Ai. Nanno. Nan fai cayacafin tapiaton foriscatacahuun. Nocon pushu rasi cusumunri natian nanno. Man ramashta nocoa ahuun yorafo futan machimamaquishon nocon Ifo Diosi ina rutushon inantani. Natian foriscatacahuun machi mamaqui cataima man aqui nocotiro. Atoqui nocoataima nuno icafoan piyotirofoma. Nantofin iquisi Upa Diosi cufinyotiroquin ina rutuataima. Ascano nan cunafoan a futan pitirofo. Ascacun cariscatahuun natian man fuchitiroran, —ishon shomayafoan yoini.
14Nicacatan Saúl fu ahuun oinmati pushu rasi ano mapufainnifo. Nocotoshiquin oianfo Samuel arifi machi mapuaiton oinnifo.
15Nan Saúl nocoataima nocon Ifo Diosin Samuel yoini isca huaquin, 16—Na funamari nan nocofunu Benjamínfo mai anoshon un miqui nichi. Ahuun mapoqui shuni ocahuun naanfin mato niaifo iishquiquin. Nan uhuun yora Israelifoan ua cufiainfo cuscan mun nica. Nan ua cufiainfo cuscan nicain un fasi atohuun ramapaicoin. Mani futsan nan Benjamín aton muran nan nocofunuhuunshon nantifi uhuun yorafo Israelifo un numashquin Filisteofoan ato ahuusca huanonma, —ishon nocon Ifo Diosin Samuel yoini.
17Ascano Samuel Saúl fuchishon nan nocon Ifo Diosin yoini, —Un mia yoita cuscan nan nocofunu uhuun yorafoan aton niaifo ishquiran, —ishon ahuun nomuran tapimani.
18Ascan pushu rasi shoi caincaiti ano Saúl Samuelqui oni ahuara futsa yocaiyoi,
—¿Ua yoihuun ranimun nan pushu Dioshuunshon inon pacoai yoimisi icaquin? —ishon yocaiton.
19—Unfinquin. Nuno mapunyohuun. U futan machimamaquishon piishquin. Funamari catashquin. Nan min nomuran min tapipaiyai cuscan un mia nantifi tapimanon. Ascano min catiro. 20Nan burrofo osha rafu non fusti finoan funoitafo. Nan burrofohuunoa shinanchacayamahuun. Manfin fuchiafoquin. Un mia yoi min non min yorafo nan min caifo Israelifoan mia fuchipaicani min ato niaifo inon, —ishon yoiaiton nicaquin.
21Cumani, —Unfin Benjamínfo aton caifoquin. Non icai cuscacai rato Israeli futsafo aafoma non ica cuscan. Nonfin ichapama sharacaiquin. Nan uhuun yorafo fucai non ahuama ishon yoiaiton. ¿Ahuuscai mian anori yoimun? —ishon Saúl cumani.
22Nannori yoiaiton nicaquin Samuel Saúl ahuun oinmatiya pushu uhuapa muran iyoni. Nan niaifofoan acamaquishon piti ano Samuel nanno ato tsaonni. Nantian treinta yora tsaonifo. 23Ascashon Samuel pichamisi cunashon yoini isca huaquin, —Nan nami sharacoin un mia inainta niaifo inanpaiqui nan Saúl inanhuun pinon, —ishon yoini. 24Nannori huaiton nicaquin pichamisiton nan nami ahuun quishi fiishon Saúl inanni pinon. Ascano Samuel Saúl yoini isca huaquin,
—Na nami pihuun. Un futsafo cunataima un mia na nami huashoan nan min nocoaitian min pinon, —ishon Samuel Saúl yoini. Ascashon Saúl Samuel futan nan shafata pinifo. 25Ascatan pushu uhuapa murannoashu machi tunanmanri fotonifo. Fotocatan Samuel ahuun pushu fomancayanoashu Saúl fu tsainni. 26Ascano shafa futsa iyoconaino Saúl pushu fomancaya anoashu moinacahuani. Ascashon Samuel cunani isca huaquin,
—Natian itisharahuun un mia nichinon min catanon, —ishon Samuel Saúl yoini.
Ascahuaino nantian itisharani. Ascatan nan rafu pushu murannoashu chifi cain furanifo. 27Ascashu focani pushu rasi finon cuatan Samuel Saúl yoini isca huaquin, —Min oinmati yoihuun rufofo canon. Min u fu nituyotiro nocon Ifo Diosin ua yoia cuscan un mia tapimanon, —ishon Samuel Saúl yoini. Ascano nan Samuel yoia cuscan Saúl ahuun oinmati rufofo nichini.
© 2008, Wycliffe Bible Translators, Inc. All rights reserved.