Jonás Tx'olbil Xo'l Yi Liwre'j
Tx'olbil Xo'l Yi Liwre'j
Yi bi'aj Jonás na elepont “Slu'k” le ketz kayol. I' jun elsanl stzi' Ryos yi ja paj ca'wl Ryos tan tu' yi qui nin ben tan xtxole'n yi tajbil Kataj scyetz yi e' aj Nínive. Ma na nin el ojk tul jun barc tan tpone'n le junt ama'l yi chin joylaj nin.
Yi liwre'j na ẍchaj yi porer Kataj Ryos tibaj cyakil e'chk takle'n yi i' bnol tetz.
Ncha'tz na ẍchaj yi at wi'nin lo'k ib tu pasens tuch'.
Ncha'tz na ẍchaj yi list Ryos tan cuyle'n chipaj cyakil yi e' yi na chibisun tan quil nin yi na chijak cuybil chipaj swutz i'. Qui'c na ban mbi jilwutz wunakil yi na taj bantzaj tib tu Ryos.
Yi Weklil Yi Liwre'j
Yi bajx wekl (Cap. 1) na tal yi mbi cu'n mbajij te'j Jonás yi toque'n tan pajle'n yi ca'wl Kataj Ryos.
Yi ca'p wekl (Cap. 2) na tal yi oración yi mban Jonás te yi at i' swutz quimichil tul yi cay, nin ẍe'n claxe'n tan Ryos.
Yi toxe'n wekl (Cap. 3) na tal sketz yi ẍe'n chitx'ixpul yi e' aj Níneve yi cyajtza'kl tan chixome'n te Ryos.
Yi cyaje'n wekl (Cap. 4) na tal yi ẍe'n toque'n Ryos tan makle'n wutz Jonás tan qui ẍchi'che'n c'u'l te yi banl talma' i'.
Currently Selected:
Jonás Tx'olbil Xo'l Yi Liwre'j: aguBI
Highlight
Share
Copy
Want to have your highlights saved across all your devices? Sign up or sign in
© 2011 Wycliffe Bible Translators, Inc. All rights reserved.