Hebreos 1
1
Ri Dios xuq'alajisaj rib' ruma Ruk'ajol
1Rojertan ri Dios uk'iyal laj xuq'alajisaj Rutzij chike ri qati'-qamam kuma ri q'alajisanelab', yey ri q'alajisanelab' uk'iyal uwach ri q'alajisanik xki'an chikiwach ri tinamit.#1:1 Ri q'alajisanelab' xkiya Rutzij ri Dios ruma ri tzijonik xki'ano, ruma ri xkitz'ib'aj kanoq y ruma taq ri xki'ano. 2Chupa k'u wa k'isb'al q'ij oj k'o wi, ri Dios xuq'alajisaj rib' ruma Ruk'ajol. Yey ruma Ruk'ajol xu'an ronoje taq ri k'olik, puq'ab' Ruk'ajol uya'om wi ronoje 3y che Ruk'ajol kilitaj wi runimal uwach uq'ij ri Dios. Jek'uri'la', ruk'u'x ri Dios e junam ruk' ruk'u'x Ruk'ajol, ri Jun chapayom re ronoje taq ri k'olik ruk' ruchuq'ab' Ruch'a'tem. Ek'uchiri' uch'ajom chi ri qamak, xe'tz'ula puwikiq'ab' ri Dios chila' chikaj.
Ruk'ajol ri Dios más k'o uwach chikiwa ri ángeles
4Ruk'ajol ri Dios más k'o uwach chikiwa ri ángeles, ma che Rire xya'i' wi jun b'i'aj más k'o uwach chwa ri b'i'aj ke ri ángeles. 5Yey ri Dios na xub'i'ij ta k'ana wa' che juna ángel:
Ri'at at Nuk'ajol yey Ri'in in Aqaw;
waq'ij k'u ri' kanq'alajisaj wa'. Sal. 2:7
Yey na jewa' tane xub'i'ij puwi juna ángel:
Ri'in kinu'an in Uqaw Rire
yey Rire ku'an Nuk'ajol Ri'in. 2 S. 7:14; 1 Cr. 17:13
6Yey ri Dios echiri' xutaq lo Ruk'ajol che ruwachulew, jewa' xub'i'ij: «Konoje ri ángeles re ri Dios kiloq'nimaj uq'ij Rire» xcha'.
7Paqatzij wi ri Dios jewa' kub'i'ij pakiwi ri ángeles:
Rire ku'an chike ru ángeles e aj chakib' re Rire,
e pacha' tew kawelelik y pacha' urepeb'al aq' Sal. 104:4
kacha'.
8No'j k'u chwi Ruk'ajol jewa' kub'i'ij:
Rilal, Lal Dios yey ri taqanik la na jinta utaqexik
y ri q'atb'al tzij e la, lik jusuk'.
9E lik kuk'ul k'u'x la ri lik jusuk' yey lik tzel kil la ri mak.
E uwari'che ri Dios, ri Dios e la, xucha' lo la
y xuya unimal ki'kotemal che'la;
ek'u más nim ri ki'kotemal xya' che'la
chwa ri ki'kotemal xya' chike ri jujun chik Sal. 45:6-7
kacha'.
10Yey je tanchi wa' kub'i'ij:
Rilal, Lal Qajawal,
che ri jeqeb'al loq Lal xyijb'an re ruwachulew;
y Lal 'anayom re ruwa kaj ruk' ri q'ab' la.
11Ronoje wa', xa kak'isik,
no'j Rilal na jinta uk'isik ri k'aslemal la.
Ri kaj y ruwachulew xa kajarik jela' pacha' ku'an ri qaq'u'.
12Yey Rilal kajalk'atij la ri kaj y ruwachulew,
jela' pacha' ku'an junoq echiri' kujal ruq'u':
karesaj ruq'u' q'e'l, kub'usu y kukoj ri k'asaq.
No'j Rilal na kajalk'atitaj ta wach la
y na jinta utaqexik ri q'ij la Sal. 102:25-27
kacha'.
13Ek'u ri Dios na xub'i'ij ta k'ana wa' che juna ángel:
Chat-tz'ula pa nuwikiq'ab',
y chawoye'ej na ri q'ij
echiri' keb'enuya ri tzel keb'ilow awe
chuxe' rawaqan. Sal. 110:1
14¿Sa' k'u ri' ri kiwach taq ri ángeles? E aj chakib' kakiloq'nimaj ri Dios yey etaqom lo che kito'ik ri kek'uluw ri kolob'etajik re ri Dios.
Currently Selected:
Hebreos 1: acrN
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.