Ojee 1
1
1Ta gə́ Njesigənea̰ ula Ojee, ŋgolə Beeri, mee ləb ko̰ɓee’g lə Ojias, gə Jotam, gə Ahas, gə Ejekias, mbaije gə́ Juda ləm, gə Jeroboam, ŋgolə Joas, mbai gə́ Israɛl lé ləm tɔ .
Dené lə Ojee gə ŋganeeje
2Taje gə́ dɔtar gə́ Njesigənea̰ un kudu pa gə ndu Ojee kar koso-dəwje ləa lé ɓa nee. Yeḛ ula Ojee pana:
Maji kari aw taa kaiya-dené gə́ dené ləi
Oji ne ŋganje gə́ to ŋgan kaiyaje,
Mbata néra dəw-mee-ɓeeje neelé
To asəna gə néra kaiya-dené gə́ uba ŋgabeeje yá̰ bèe
Mbata deḛ d’uba Njesigənea̰ d’yá̰ tɔ.
3Togə́bè ɓa Ojee aw taa ne Gomer, ŋgolə Diblayim gə́ dené gə́ dené ləa. Yeḛ taa kèm ndá oji səa ŋgon gə́ diŋgam. 4Ndá Njesigənea̰ ulá pana:
Maji kari unda ri ŋgon neelé lə Jisreel,
Mbata waga ndá məs gə́ Jehu ila mee ɓee gə́ Jisreel lé
M’a kar bea̰ ɔs ta gel-bɔje’g lə Jehu.
Tɔɓəi m’a kar rudu ɓeeko̰ lə Israɛl un ɗiao tɔ .
5Mee ndəa’g neelé m’a gur ɓandaŋgje lə Israɛlje mee wəl-loo gə́ Jisreel.
6Gomer tel taa kèm tɔɓəi ndá oji ŋgon gə́ dené ndá Njesigənea̰ ula Ojee pana:
Maji kari unda ria lə Lo-Ruhama (kɔr gelee pana: Yeḛ gə́ d’oo kəmtondoo ləa el)
Mbata m’a koo kəmtondoo lə koso-dəwje gə́ Israɛl el ŋga ləm,
M’a kar məəm ti mbidi dɔ dee’g el ŋga ləm tɔ.
7Nɛ m’a kar məəm ti mbidi dɔ koso-dəwje gə́ Juda ya, ɓandaŋg, əsé kiambas, əsé nérɔ, əsé njérɔ gə kundaje ɓa m’a kaji dee ne el nɛ jim-ma Njesigənea̰, Ala lə dee ɓa m’a kaji dee ne ya.
8Loo gə́ Gomer ɔg Lo-Ruhama mbà mba̰ ndá Gomer tel taa kèm ndá oji ŋgon gə́ diŋgam ya ɓəi. 9Njesigənea̰ ula Ojee pana:
Maji kari unda ria lə Lo-Ami (kɔr gelee pana: To koso-dəwje ləm el)
Mbata seḭ toje koso-dəwje ləm-ma el ləm,
Ma kara m’to Ala lə sí el ləm tɔ.
Currently Selected:
Ojee 1: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.