Jakari 14
14
Ndɔ lə Njesigənea̰ lé
1Aa ooje, ndɔ oŋg lə Njesigənea̰ si aw gə́ nee dəb ŋga
Ndá d’a kunda sí banrɔ kai na̰ némajije lə sí kəm sí’g ya.
2Ma mbo̰ ginkoji dəwje gə raŋg lai
Gə mba kar dee rɔ gə Jerusalem,
D’a taa ɓee-boo ləm, d’a buu mee kəije buu-buu ləm,
D’a kur dɔ denéje’g ləm tɔ,
Ges dəwje gə́ mee ɓee-boo’g lé
D’a kaw ɓər,
Nɛ ges koso-dəwje gə́ nai lé
D’a tuji deḛ lai mee ɓee-boo’g el.
3Njesigənea̰ a teḛ ndá
A rɔ gə ginkoji dəwje gə raŋg neelé
To gə́ yeḛ rɔ ne ndɔ rɔ gə́ kédé lé tɔ.
4Mee ndəa’g neelé yeḛ a kila gɔlee dɔ mbal gə́ ria lə Mbal-Koiyoje
Gə́ wɔji dɔ Jerusalem njoroŋ mbɔr loo gə́ bər’g,
Mbal gə́ ria lə Mbal-Koiyoje lé
A ta̰ dana par gə́ bər ləm, gə dɔ-gó ləm tɔ
Ndá a tel to wəl-loo gə́ boo tɔ.
Ges mbal lé a rəm gə gée par gə́ dɔgel ləm,
Gesee a rəm gə gée par gə́ dɔkɔl ləm tɔ.
5Togə́bè ɓa seḭ a kaḭje kawje kəm wəl mbalje’g,
Mbata wəl mbalje neelé d’a kaw njal teḛ Asel ya.
Seḭ a kaḭje to gə́ seḭ aḭje ne no̰ naŋg gə́ yə’g
Mee ləbee gə́ Ojias to ne mbai gə́ Juda lé bèe.
Ndá Njesigənea̰, Ala ləm, a ree gə njémeendaje ləa lai na̰’d.
6Mee ndəa’g neelé loo a ndogó el ləm,
Kul gə kwɔji ɓa a to ləm tɔ.
7A to ndɔ gə́ kára ba gə́ Njesigənea̰ ɓa gər
Gə́ a to lookàr el ləm, gə loondul el ləm tɔ,
Nɛ loo gə́ kàrkemetag ndá lookàr ɓa a teḛ wai.
8Mee ndəa’g neelé manje gə́ d’aḭ teḛ kuji-kuji d’a kḭ Jerusalem
Kar gesee a kula par gə́ baa-boo-kad gə́ par gə́ bər ləm,
Kar Gesee gə́ raŋg a kula par gə́ baa-boo-kad gə́ dɔ-gó ləm tɔ.
A to togə́bè gə naḭ kàr ləm, gə naḭ ɓar ləm tɔ .
9Njesigənea̰ ya kára ba a to mbai dɔ naŋg nee lai,
Mee ndəa’g neelé Njesigənea̰ ya kára ba kiao a to Njesigənea̰
Ndá ria-yeḛ nja a to ri gə́ kára ba kiao tɔ.
10Ɓee bura a tel to kasəna gə ndag-loo gə́ un gelee Geba saar teḛ Rimo̰,
Par gə́ dɔkɔl lə Jerusalem,
Ndá Jerusalem lé d’a kunee gə́ tar karee to lée’g ya
Un gelee tarəwkɔg’d lə Bḛjami ya
Saar teḛ ne loo gə́ tarəw gə́ dɔtar ləm,
Saar teḛ ne tarəw gə́ to dɔkum kəije’g ləm tɔ,
Un kudee kəi-kaar-kɔgərɔ’g lə Hananeel
Saar teḛ ne godə loo-mbula-Kandə-nduú’g lə mbai ləm tɔ.
11Dəwje d’a si keneŋ ndá
Né gə́ a gə tuji dee a godo.
Njé gə́ Jerusalem d’a si dan meekulɔm’g .
12Aa ooje, yoo-koso gə́ Njesigənea̰ a kunda ne koso-dəwje lai
Gə́ d’a kḭ rɔ gə Jerusalem ɓa nee:
Darɔ dee a ndum koso ludu
Loo gə́ d’a kaar tar gə gɔl dee ya ɓəi ləm,
Kəm dee a ndum koso ndərəg mee toree’g ləma,
Ndo̰ dee kara a ndum koso ludu mee kil dee’g ləm tɔ.
13Mee ndəa’g neelé Njesigənea̰ a kar néɓəl gə́ to ɓəl kədm-kədm teḛ mbuna dee’g,
Dəw a kwa ji maree kègègè
Ndá d’a kwa ji na̰ rɔ gə na̰.
14Judaje kara d’a rɔ mee ɓee gə́ Jerusalem to
Ndá d’a kodo nébaoje lə ginkoji dəwje gə raŋg lai gə́ gugu dəa,
Larlɔr gə larnda gə kubuje gə́ bula, to rib-rib tɔ.
15Yoo-koso a koso dɔ kundaje’g ləm,
Dɔ kundaje-mulayḛ̀jeje’g ləm,
Gə dɔ jambalje’g ləm, gə dɔ mulayḛ̀je-je’g ləma,
Gə dɔ daje lai gə́ d’aar loo-kaar dee’g neelé ləm tɔ.
Yoo-koso neelé a to kasəna gə yee gə́ kédé lé ya.
16Deḛ lai gə́ nai mbuna ginkoji dəwje gə raŋg’d
Gə́ ree rɔ gə Jerusalem lé
D’a ree gə ləb dee ləb dee
Gə mba kunda barmba dəb kəm dee naŋg
No̰ Mbai gə́ to Njesigənea̰ gə́ njeboo-néje’g ləm,
Gə mba ra naḭ gə́ wɔji dɔ kəi-surumje ləm tɔ .
17Ɓó lé ginkoji dəwje gə́ kára gə́ dɔ naŋg nee a lal kaw Jerusalem
Gə mba kunda barmba dəb kəmee naŋg
No̰ Mbai gə́ to Njesigənea̰ gə́ njeboo-néje ndá
Ndi a koso dəa’g teŋ el.
18Ɓó lé ginkoji dəwje gə́ Ejiptə d’ḭ ree el ndá
Ndi a koso dəa’g teŋ el,
Yoo-koso a koso dəa’g gə́ to Njesigənea̰ unda ne ginkoji dəwje gə raŋg
Gə́ lal kaw gə mba ra naḭ gə́ wɔji dɔ kəi-surumje lé bèe tɔ.
19Yee ɓa a to bo̰ néra Ejiptəje gə́ a kɔs ta dee’g ləm,
Gə bo̰ néra ginkoji dəwje gə raŋg lai
Gə́ lal kaw ra naḭ gə́ wɔji dɔ kəi-surumje
Gə́ a kɔs ta dee’g lé ləm tɔ.
20Mee ndəa’g neelé d’a ndaŋg taree dɔ ma̰dje gə́ gwɔs kundaje’g
Pana: TO GƎ KƎMEE ƁƎD KAR NJESIGƎNEA̰.
Tɔɓəi ŋgoroje gə́ mee kəi’g lə Njesigənea̰ lé
D’a to kasəna gə baije gə́ to no̰ loo-nékinjaməs’g bèe.
21Ŋgoroje lai gə́ to Jerusalem gə Juda lé
D’a to gə kəmee mbata lə Njesigənea̰ gə́ njeboo-néje,
Deḛ lai gə́ d’a gə kinja nékinjanéməsje lé d’a ree
Ndá d’a ndiri ne daje.
Bèe ɓa njételkəmlarje d’a godo mee kəi’g lə Njesigənea̰ gə́ njeboo-néje, mee ndəa’g neelé.
Currently Selected:
Jakari 14: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Jakari 14
14
Ndɔ lə Njesigənea̰ lé
1Aa ooje, ndɔ oŋg lə Njesigənea̰ si aw gə́ nee dəb ŋga
Ndá d’a kunda sí banrɔ kai na̰ némajije lə sí kəm sí’g ya.
2Ma mbo̰ ginkoji dəwje gə raŋg lai
Gə mba kar dee rɔ gə Jerusalem,
D’a taa ɓee-boo ləm, d’a buu mee kəije buu-buu ləm,
D’a kur dɔ denéje’g ləm tɔ,
Ges dəwje gə́ mee ɓee-boo’g lé
D’a kaw ɓər,
Nɛ ges koso-dəwje gə́ nai lé
D’a tuji deḛ lai mee ɓee-boo’g el.
3Njesigənea̰ a teḛ ndá
A rɔ gə ginkoji dəwje gə raŋg neelé
To gə́ yeḛ rɔ ne ndɔ rɔ gə́ kédé lé tɔ.
4Mee ndəa’g neelé yeḛ a kila gɔlee dɔ mbal gə́ ria lə Mbal-Koiyoje
Gə́ wɔji dɔ Jerusalem njoroŋ mbɔr loo gə́ bər’g,
Mbal gə́ ria lə Mbal-Koiyoje lé
A ta̰ dana par gə́ bər ləm, gə dɔ-gó ləm tɔ
Ndá a tel to wəl-loo gə́ boo tɔ.
Ges mbal lé a rəm gə gée par gə́ dɔgel ləm,
Gesee a rəm gə gée par gə́ dɔkɔl ləm tɔ.
5Togə́bè ɓa seḭ a kaḭje kawje kəm wəl mbalje’g,
Mbata wəl mbalje neelé d’a kaw njal teḛ Asel ya.
Seḭ a kaḭje to gə́ seḭ aḭje ne no̰ naŋg gə́ yə’g
Mee ləbee gə́ Ojias to ne mbai gə́ Juda lé bèe.
Ndá Njesigənea̰, Ala ləm, a ree gə njémeendaje ləa lai na̰’d.
6Mee ndəa’g neelé loo a ndogó el ləm,
Kul gə kwɔji ɓa a to ləm tɔ.
7A to ndɔ gə́ kára ba gə́ Njesigənea̰ ɓa gər
Gə́ a to lookàr el ləm, gə loondul el ləm tɔ,
Nɛ loo gə́ kàrkemetag ndá lookàr ɓa a teḛ wai.
8Mee ndəa’g neelé manje gə́ d’aḭ teḛ kuji-kuji d’a kḭ Jerusalem
Kar gesee a kula par gə́ baa-boo-kad gə́ par gə́ bər ləm,
Kar Gesee gə́ raŋg a kula par gə́ baa-boo-kad gə́ dɔ-gó ləm tɔ.
A to togə́bè gə naḭ kàr ləm, gə naḭ ɓar ləm tɔ .
9Njesigənea̰ ya kára ba a to mbai dɔ naŋg nee lai,
Mee ndəa’g neelé Njesigənea̰ ya kára ba kiao a to Njesigənea̰
Ndá ria-yeḛ nja a to ri gə́ kára ba kiao tɔ.
10Ɓee bura a tel to kasəna gə ndag-loo gə́ un gelee Geba saar teḛ Rimo̰,
Par gə́ dɔkɔl lə Jerusalem,
Ndá Jerusalem lé d’a kunee gə́ tar karee to lée’g ya
Un gelee tarəwkɔg’d lə Bḛjami ya
Saar teḛ ne loo gə́ tarəw gə́ dɔtar ləm,
Saar teḛ ne tarəw gə́ to dɔkum kəije’g ləm tɔ,
Un kudee kəi-kaar-kɔgərɔ’g lə Hananeel
Saar teḛ ne godə loo-mbula-Kandə-nduú’g lə mbai ləm tɔ.
11Dəwje d’a si keneŋ ndá
Né gə́ a gə tuji dee a godo.
Njé gə́ Jerusalem d’a si dan meekulɔm’g .
12Aa ooje, yoo-koso gə́ Njesigənea̰ a kunda ne koso-dəwje lai
Gə́ d’a kḭ rɔ gə Jerusalem ɓa nee:
Darɔ dee a ndum koso ludu
Loo gə́ d’a kaar tar gə gɔl dee ya ɓəi ləm,
Kəm dee a ndum koso ndərəg mee toree’g ləma,
Ndo̰ dee kara a ndum koso ludu mee kil dee’g ləm tɔ.
13Mee ndəa’g neelé Njesigənea̰ a kar néɓəl gə́ to ɓəl kədm-kədm teḛ mbuna dee’g,
Dəw a kwa ji maree kègègè
Ndá d’a kwa ji na̰ rɔ gə na̰.
14Judaje kara d’a rɔ mee ɓee gə́ Jerusalem to
Ndá d’a kodo nébaoje lə ginkoji dəwje gə raŋg lai gə́ gugu dəa,
Larlɔr gə larnda gə kubuje gə́ bula, to rib-rib tɔ.
15Yoo-koso a koso dɔ kundaje’g ləm,
Dɔ kundaje-mulayḛ̀jeje’g ləm,
Gə dɔ jambalje’g ləm, gə dɔ mulayḛ̀je-je’g ləma,
Gə dɔ daje lai gə́ d’aar loo-kaar dee’g neelé ləm tɔ.
Yoo-koso neelé a to kasəna gə yee gə́ kédé lé ya.
16Deḛ lai gə́ nai mbuna ginkoji dəwje gə raŋg’d
Gə́ ree rɔ gə Jerusalem lé
D’a ree gə ləb dee ləb dee
Gə mba kunda barmba dəb kəm dee naŋg
No̰ Mbai gə́ to Njesigənea̰ gə́ njeboo-néje’g ləm,
Gə mba ra naḭ gə́ wɔji dɔ kəi-surumje ləm tɔ .
17Ɓó lé ginkoji dəwje gə́ kára gə́ dɔ naŋg nee a lal kaw Jerusalem
Gə mba kunda barmba dəb kəmee naŋg
No̰ Mbai gə́ to Njesigənea̰ gə́ njeboo-néje ndá
Ndi a koso dəa’g teŋ el.
18Ɓó lé ginkoji dəwje gə́ Ejiptə d’ḭ ree el ndá
Ndi a koso dəa’g teŋ el,
Yoo-koso a koso dəa’g gə́ to Njesigənea̰ unda ne ginkoji dəwje gə raŋg
Gə́ lal kaw gə mba ra naḭ gə́ wɔji dɔ kəi-surumje lé bèe tɔ.
19Yee ɓa a to bo̰ néra Ejiptəje gə́ a kɔs ta dee’g ləm,
Gə bo̰ néra ginkoji dəwje gə raŋg lai
Gə́ lal kaw ra naḭ gə́ wɔji dɔ kəi-surumje
Gə́ a kɔs ta dee’g lé ləm tɔ.
20Mee ndəa’g neelé d’a ndaŋg taree dɔ ma̰dje gə́ gwɔs kundaje’g
Pana: TO GƎ KƎMEE ƁƎD KAR NJESIGƎNEA̰.
Tɔɓəi ŋgoroje gə́ mee kəi’g lə Njesigənea̰ lé
D’a to kasəna gə baije gə́ to no̰ loo-nékinjaməs’g bèe.
21Ŋgoroje lai gə́ to Jerusalem gə Juda lé
D’a to gə kəmee mbata lə Njesigənea̰ gə́ njeboo-néje,
Deḛ lai gə́ d’a gə kinja nékinjanéməsje lé d’a ree
Ndá d’a ndiri ne daje.
Bèe ɓa njételkəmlarje d’a godo mee kəi’g lə Njesigənea̰ gə́ njeboo-néje, mee ndəa’g neelé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.