Njé gə́ Rɔmə 12
12
Panjaa gə́ sigi rəw’g lə Ala lé
1Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya. 2Ndaji kəm dəwje gə́ d’isi dɔ naŋg nee ɓasinè el, nɛ maji kar sí tel toje dəwje gə́ sigi gə goo takə̰ji gə́ sigi gə́ to meḛ sí’g, ɓó gə mba sí kar go̰je ne né gə́ mee Ala wɔji gə́ to maji gə mba ra ləm, gə a ta kəmee ləma, gə a to maji kɔr njal ləm tɔ.
3Mbɔl dɔ noji gə́ Ala wa səm lé m’ndəji sí mba kar dəw kára kara mbuna sí’g to gə́ njekəsta kwɔji dɔ rəa-yeḛ el, nɛ maji kar sí-seḭ lai ə̰jije goo kula ra sí gə takə̰jije gə́ as lée ɓa gə goo meekun lə sí gə́ Ala wɔji ar sí lé. 4Mbata to gə́ darɔ sí kára ba ya nɛ barkəmeeje ɓa tɔ ɓəd-ɓəd bula ləm, kula ra barkəmrɔ síje lai lé to gə́ ɓəd-ɓəd ɓó to gə́ kára ba el ləm tɔ 5ndá jeḛ gə́ n’toje bula togə́bè kara jeḛ n’to darɔ gə́ kára ba gin Kristi’g ləm, jeḛ lai n’toje ne barkəmrɔ na̰ ləm tɔ#1Kɔr 12.12. 6To gə́ j’isi gə nénojije ɓəd-ɓəd gə́ Ala wa ne sə sí noji ndá maji kar yeḛ gə́ si gə nénoji gə́ ka̰ tegginta lé loo gə́ meekun ləa as lée ndá maji karee tegginta lə Ala lé tɔ#1Kɔr 12.4-11. 7Yeḛ gə́ Ala ɓaree gə́ njera né kar dəwje lé ndá maji karee ula rəa keneŋ mbiriri ya. Yeḛ gə́ to gə́ njendoo mareeje né ndá maji karee tuga rəa sib gə́ kédé gə́ ta néndoo’g ləa. 8Yeḛ gə́ to njekolé meḛ mareeje dɔ né’g ndá maji karee olé meḛ dee ya. Yeḛ gə́ to gə́ njekun né kwa nénoji gə njéndooje lé maji karee ra gə meenda ɓó a tura sə dee gée el, yeḛ gə́ to njekɔrno̰ dəwje loo-kwa-dɔ-na̰’g lé ndá maji karee gəd kəmee dɔ’g gəd-gəd. Yeḛ gə́ to gə́ njekwa yɔ-dəwje bur-bur ndá maji karee ra gə rɔlel ɓó a ra gə rɔkim el.
9Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́. 10Undaje na̰ dan kəm na̰’d dana gəd-gəd ləm, ulaje rɔ sí ndubu gə mba kila riɓar dɔ na̰’g ləm tɔ. 11Raje kula lə sí gə rɔ sí bura ɓó raje dab dɔ’g el. Arje ndil sí ɔs pər keneŋ jəgəgə ya. Raje né arje Mbaidɔmbaije. 12Né gə́ seḭ undaje meḛ sí yel gə́ dɔ’g lé raje rɔlel keneŋ. Aije meḛ sí sam-sam dan némeeko̰’g ləm, ya̰je goo tamaji lə sí yɔgɔ el ləm tɔ. 13Laje gə deḛ gə́ to gə kəmee dɔ néje gə́ deḛ d’aw ndòo dee ləm, waje dəwje mbá bur-bur ləm tɔ.
14Deḛ gə́ d’ula kəm sí ndòo lé tɔrje ndu sí dɔ dee’g gə́ tɔr ɓó ɔrje sə dee el#Mat 5.44, Lug 6.28. 15Raje rɔlel gə deḛ gə́ d’isi dan rɔlel’g ləm, no̰je gə deḛ gə́ d’isi dan no̰’g ləm tɔ. 16Arje takə̰ji lə sí aw na̰’d kára ba dɔ na̰’g. Jɔgje rɔ sí mba néje gə́ boi-boi el nɛ ar néje gə́ wɔji dɔ kosokul lé ɓa wa meḛ sí. Pidije rɔ sí dɔ kəmkàr’g lə sí el#GtK 3.7.
17Deḛ gə́ ra sə sí né gə́ majel lé tel raje sə dee majel kəm maree’g el. Saŋje rəw né gə́ maji gə mba ra no̰ dəwje’g lai. 18Ɓó lé ooje lée gə́ kəm ra ndá sije lɔm mbuna dəwje’g lai. 19Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana:
Dalba̰ néra lé wɔji dɔ neḛ nja,
Neḛ nja ɓa n’a kar bea̰ ɔs ta loo’g.
Mbaidɔmbaije lé pa bèe#TtG 32.35.
20Taree pa ya tɔɓəi pana:
Ɓó lé ɓoo tɔl njeba̰ ləi ndá aree nésɔ sɔ ləm,
Lé kunda tɔlee kara aree mán ai ləm tɔ,
Mbata loo gə́ i ra togə́bè lé to asəna gə kɔr pər gə́ i uba ɔm dəa’g tɔ#GtK 25.21-22.
21Ar majel dumi el nɛ maji kari dum majel gə néra gə́ maji gə́ i ra ya.
Currently Selected:
Njé gə́ Rɔmə 12: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Njé gə́ Rɔmə 12
12
Panjaa gə́ sigi rəw’g lə Ala lé
1Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya. 2Ndaji kəm dəwje gə́ d’isi dɔ naŋg nee ɓasinè el, nɛ maji kar sí tel toje dəwje gə́ sigi gə goo takə̰ji gə́ sigi gə́ to meḛ sí’g, ɓó gə mba sí kar go̰je ne né gə́ mee Ala wɔji gə́ to maji gə mba ra ləm, gə a ta kəmee ləma, gə a to maji kɔr njal ləm tɔ.
3Mbɔl dɔ noji gə́ Ala wa səm lé m’ndəji sí mba kar dəw kára kara mbuna sí’g to gə́ njekəsta kwɔji dɔ rəa-yeḛ el, nɛ maji kar sí-seḭ lai ə̰jije goo kula ra sí gə takə̰jije gə́ as lée ɓa gə goo meekun lə sí gə́ Ala wɔji ar sí lé. 4Mbata to gə́ darɔ sí kára ba ya nɛ barkəmeeje ɓa tɔ ɓəd-ɓəd bula ləm, kula ra barkəmrɔ síje lai lé to gə́ ɓəd-ɓəd ɓó to gə́ kára ba el ləm tɔ 5ndá jeḛ gə́ n’toje bula togə́bè kara jeḛ n’to darɔ gə́ kára ba gin Kristi’g ləm, jeḛ lai n’toje ne barkəmrɔ na̰ ləm tɔ#1Kɔr 12.12. 6To gə́ j’isi gə nénojije ɓəd-ɓəd gə́ Ala wa ne sə sí noji ndá maji kar yeḛ gə́ si gə nénoji gə́ ka̰ tegginta lé loo gə́ meekun ləa as lée ndá maji karee tegginta lə Ala lé tɔ#1Kɔr 12.4-11. 7Yeḛ gə́ Ala ɓaree gə́ njera né kar dəwje lé ndá maji karee ula rəa keneŋ mbiriri ya. Yeḛ gə́ to gə́ njendoo mareeje né ndá maji karee tuga rəa sib gə́ kédé gə́ ta néndoo’g ləa. 8Yeḛ gə́ to njekolé meḛ mareeje dɔ né’g ndá maji karee olé meḛ dee ya. Yeḛ gə́ to gə́ njekun né kwa nénoji gə njéndooje lé maji karee ra gə meenda ɓó a tura sə dee gée el, yeḛ gə́ to njekɔrno̰ dəwje loo-kwa-dɔ-na̰’g lé ndá maji karee gəd kəmee dɔ’g gəd-gəd. Yeḛ gə́ to gə́ njekwa yɔ-dəwje bur-bur ndá maji karee ra gə rɔlel ɓó a ra gə rɔkim el.
9Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́. 10Undaje na̰ dan kəm na̰’d dana gəd-gəd ləm, ulaje rɔ sí ndubu gə mba kila riɓar dɔ na̰’g ləm tɔ. 11Raje kula lə sí gə rɔ sí bura ɓó raje dab dɔ’g el. Arje ndil sí ɔs pər keneŋ jəgəgə ya. Raje né arje Mbaidɔmbaije. 12Né gə́ seḭ undaje meḛ sí yel gə́ dɔ’g lé raje rɔlel keneŋ. Aije meḛ sí sam-sam dan némeeko̰’g ləm, ya̰je goo tamaji lə sí yɔgɔ el ləm tɔ. 13Laje gə deḛ gə́ to gə kəmee dɔ néje gə́ deḛ d’aw ndòo dee ləm, waje dəwje mbá bur-bur ləm tɔ.
14Deḛ gə́ d’ula kəm sí ndòo lé tɔrje ndu sí dɔ dee’g gə́ tɔr ɓó ɔrje sə dee el#Mat 5.44, Lug 6.28. 15Raje rɔlel gə deḛ gə́ d’isi dan rɔlel’g ləm, no̰je gə deḛ gə́ d’isi dan no̰’g ləm tɔ. 16Arje takə̰ji lə sí aw na̰’d kára ba dɔ na̰’g. Jɔgje rɔ sí mba néje gə́ boi-boi el nɛ ar néje gə́ wɔji dɔ kosokul lé ɓa wa meḛ sí. Pidije rɔ sí dɔ kəmkàr’g lə sí el#GtK 3.7.
17Deḛ gə́ ra sə sí né gə́ majel lé tel raje sə dee majel kəm maree’g el. Saŋje rəw né gə́ maji gə mba ra no̰ dəwje’g lai. 18Ɓó lé ooje lée gə́ kəm ra ndá sije lɔm mbuna dəwje’g lai. 19Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana:
Dalba̰ néra lé wɔji dɔ neḛ nja,
Neḛ nja ɓa n’a kar bea̰ ɔs ta loo’g.
Mbaidɔmbaije lé pa bèe#TtG 32.35.
20Taree pa ya tɔɓəi pana:
Ɓó lé ɓoo tɔl njeba̰ ləi ndá aree nésɔ sɔ ləm,
Lé kunda tɔlee kara aree mán ai ləm tɔ,
Mbata loo gə́ i ra togə́bè lé to asəna gə kɔr pər gə́ i uba ɔm dəa’g tɔ#GtK 25.21-22.
21Ar majel dumi el nɛ maji kari dum majel gə néra gə́ maji gə́ i ra ya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.