Loo gə́ killa rea kəm Ja̰’g 16
16
Bai-oŋg lə Ala lé
1Ma m’oo ndu dəw ɓar dara wəl ula kuraje gə́ dara gə́ siri lé pana: Awje gə baije gə́ oŋg lə Ala to meḛ dee’g lé ɔmje dɔ naŋg nee.
2Kura gə́ dara gə́ dɔtar aw ɔm oŋg gə́ to mee bai’g ləa dɔ naŋg nee. Ndá bairaŋ-boo gə́ tɔr rɔ dee wuyum-wuyum sɔ dəwje gə́ ri da lé to ŋgo no̰ dee’g gə́ pole néndajirea tɔ#Tr 9.10.
3Kura gə́ dara gə́ njekɔm dee’g joo lé aw ɔm oŋg gə́ to mee bai’g ləa dɔ baa-boo-kad’g ndá baa-boo-kad lé tel məs asəna gə məs nin dəw. Néje lai gə́ d’aw kəmba keneŋ lé d’wəi mbad-mbad.
4Kura gə́ dara gə́ njekɔm dee’g munda lé aw ɔm oŋg gə́ to mee bai’g ləa dɔ mán-baaje’g ləm, gə dɔ kəm-rəw-manje’g ləm tɔ ndá ŋgira manje lai-lai tel məs#Tr 7.17-21, Pak 78.44. 5M’oo kura gə́ dara gə́ to njekaa dɔ mán lé ndá yeḛ pana: Rəwta-gaŋg ləi to gə dɔ najee, i to gə kəmee, i gə́ si gən ləm, i si kédé gə́ dɔtar ləm tɔ. 6Mbata deḛ tɔl njémeendaje gə njéteggintaje ndá ɓasinè i ar dee d’ai məs dee. Deḛ nai keneŋ ho̰d ya. 7M’oo ndu dəw ɓar loo-nékinjaməs’g pana: Oiyo ɓó Ala, Mbaidɔmbaije, Bao-siŋgamoŋ lé ta gə́ i ɔr ɔm dɔ dee’g lé to gə dɔ najee ya.
8Kura gə́ dara gə́ njekɔm dee’g sɔ lé aw ɔm oŋg gə́ to mee bai’g ləa dɔ kàr’g aree ɔs yaa̰ ar pər-boo o̰ dəwje, 9pər-boo lé o̰ dəwje ya ndá d’ila ndɔl dɔ ri Ala gə́ njedum dɔ tuji-booje’g neelé. Nɛ deḛ d’ɔs badm tel dɔ néra deeje gə́ majel mba kula rɔnduba dəa’g el.
10Kura gə́ dara gə́ njekɔm dee’g mi lé aw ɔm oŋg gə́ to mee bai’g ləa dɔ kalimbai’g lə dakɔb lé ndá loondul dəb dɔ ɓeeko̰’g ləa. Dəwje to̰ ndo̰ dee mbata né gə́ too ra dee#Tr 10.21. 11Deḛ pata d’ila ne ndɔl dɔ Ala gə́ njesidará lé mbata nékəmndoo gə́ ra dee ləm, mbata bairaŋ-boo gə́ sɔ dee ləm tɔ. Nɛ deḛ d’ɔs badm tel dɔ néra deeje gə́ majel’g lé el.
12Kura gə́ dara gə́ njekɔm dee’g misa̰ aw ɔm oŋg gə́ to mee bai’g ləa dɔ baa-boo gə́ ria lə Epratə ndá manee yi tə-tə gə mba gɔl ne rəw lə mbaije gə́ d’a gə kḭ bər lé#Esa 11.15. 13Ma m’oo ndilje gə́ yèr munda gə́ to d’asəna gə kurkuduje bèe lé teḛ ta dakɔb’g ləm, gə ta da’g ləma, gə ta njetegginta gə́ ŋgɔm lé ləm tɔ. 14Deḛ gə́ ndilje gə́ yèr, deḛ ra nékɔbje d’aw rɔ mbaije gə́ dɔ naŋg nee’g lai mbo̰ dee mba kɔm dee loo-rɔ’g ndɔ boo-oŋg lə Ala yeḛ gə́ njedum dɔ néje lai lé.
15Aa ooje, m’a gə teḛ dɔ sí’g asəna gə njeɓogo gə́ teḛ wai bèe. Yeḛ gə́ si kəmba gə si gə kubu rəa’g ɓó aw gə kudee dum ba ar dee d’oo rɔkul ləa el ndá rəa a lelee yaa̰#Mat 24.43-44, Lug 12.39-40, LkJ 3.3.
16Deḛ mbo̰ dee dɔ na̰’g loo gə́ deḛ ɓaree gə ta Ǝbrə Harmagedo̰#2Mb 23.29, Jkr 12.11.
17Kura gə́ dara gə́ njekɔm dee’g siri lé aw ɔm oŋg gə́ to mee bai’g ləa loo gə́ pən dara’g gə naŋg’g ndá ndu mbər ɓar wəl mee kəi-Ala’g loo kalimbai’g pana: Ɓea ya kən. 18Ndá ndi tel ləm, ndu dəwje ɓar ləm, ndi ndaŋg paḭ-paḭ ləma, naŋg yə ɓugu-ɓugu ləm tɔ, ndɔ kunda dəwje gə́ dɔ naŋg neelé saar ɓasinè dəw oo naŋg gə́ yə ɓugu-ɓugu togə́bè el ɓəi#LkJ 8.5, 11.13,19. 19Ɓee-boo lé kai rəa loo munda tɔɓəi ɓee-booje lə ginkoji dəwje gə raŋg tuji tɔ ndá mee Ala olé dɔ Babilɔn’g, ɓee-boo lé mba kar dee d’ai mán-nduú oŋg-boo ləa gə́ to mee ŋgo-kai-mán’g lé kar dee d’ai sɔd#Esa 51.17. 20Dɔgoré-looje lai kara tula yal-yal ləm, dɔ mbalje kara d’igi pa-pa#LkJ 6.14. 21Ndi kwɔji gə́ ər ɓai-ɓai kara ḭ dara toso dɔ dəwje’g. Kwɔji kára ndá wɔi asəna gə nékwɔji kwɔi-lə-né rɔ-sɔ-sɔ, ar dəwje d’ila ne ndɔl dɔ Ala’g mbata ndi kwɔji neelé gə́ to tuji-boo lé#Tr 9.23, LkJ 11.19.
Currently Selected:
Loo gə́ killa rea kəm Ja̰’g 16: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Loo gə́ killa rea kəm Ja̰’g 16
16
Bai-oŋg lə Ala lé
1Ma m’oo ndu dəw ɓar dara wəl ula kuraje gə́ dara gə́ siri lé pana: Awje gə baije gə́ oŋg lə Ala to meḛ dee’g lé ɔmje dɔ naŋg nee.
2Kura gə́ dara gə́ dɔtar aw ɔm oŋg gə́ to mee bai’g ləa dɔ naŋg nee. Ndá bairaŋ-boo gə́ tɔr rɔ dee wuyum-wuyum sɔ dəwje gə́ ri da lé to ŋgo no̰ dee’g gə́ pole néndajirea tɔ#Tr 9.10.
3Kura gə́ dara gə́ njekɔm dee’g joo lé aw ɔm oŋg gə́ to mee bai’g ləa dɔ baa-boo-kad’g ndá baa-boo-kad lé tel məs asəna gə məs nin dəw. Néje lai gə́ d’aw kəmba keneŋ lé d’wəi mbad-mbad.
4Kura gə́ dara gə́ njekɔm dee’g munda lé aw ɔm oŋg gə́ to mee bai’g ləa dɔ mán-baaje’g ləm, gə dɔ kəm-rəw-manje’g ləm tɔ ndá ŋgira manje lai-lai tel məs#Tr 7.17-21, Pak 78.44. 5M’oo kura gə́ dara gə́ to njekaa dɔ mán lé ndá yeḛ pana: Rəwta-gaŋg ləi to gə dɔ najee, i to gə kəmee, i gə́ si gən ləm, i si kédé gə́ dɔtar ləm tɔ. 6Mbata deḛ tɔl njémeendaje gə njéteggintaje ndá ɓasinè i ar dee d’ai məs dee. Deḛ nai keneŋ ho̰d ya. 7M’oo ndu dəw ɓar loo-nékinjaməs’g pana: Oiyo ɓó Ala, Mbaidɔmbaije, Bao-siŋgamoŋ lé ta gə́ i ɔr ɔm dɔ dee’g lé to gə dɔ najee ya.
8Kura gə́ dara gə́ njekɔm dee’g sɔ lé aw ɔm oŋg gə́ to mee bai’g ləa dɔ kàr’g aree ɔs yaa̰ ar pər-boo o̰ dəwje, 9pər-boo lé o̰ dəwje ya ndá d’ila ndɔl dɔ ri Ala gə́ njedum dɔ tuji-booje’g neelé. Nɛ deḛ d’ɔs badm tel dɔ néra deeje gə́ majel mba kula rɔnduba dəa’g el.
10Kura gə́ dara gə́ njekɔm dee’g mi lé aw ɔm oŋg gə́ to mee bai’g ləa dɔ kalimbai’g lə dakɔb lé ndá loondul dəb dɔ ɓeeko̰’g ləa. Dəwje to̰ ndo̰ dee mbata né gə́ too ra dee#Tr 10.21. 11Deḛ pata d’ila ne ndɔl dɔ Ala gə́ njesidará lé mbata nékəmndoo gə́ ra dee ləm, mbata bairaŋ-boo gə́ sɔ dee ləm tɔ. Nɛ deḛ d’ɔs badm tel dɔ néra deeje gə́ majel’g lé el.
12Kura gə́ dara gə́ njekɔm dee’g misa̰ aw ɔm oŋg gə́ to mee bai’g ləa dɔ baa-boo gə́ ria lə Epratə ndá manee yi tə-tə gə mba gɔl ne rəw lə mbaije gə́ d’a gə kḭ bər lé#Esa 11.15. 13Ma m’oo ndilje gə́ yèr munda gə́ to d’asəna gə kurkuduje bèe lé teḛ ta dakɔb’g ləm, gə ta da’g ləma, gə ta njetegginta gə́ ŋgɔm lé ləm tɔ. 14Deḛ gə́ ndilje gə́ yèr, deḛ ra nékɔbje d’aw rɔ mbaije gə́ dɔ naŋg nee’g lai mbo̰ dee mba kɔm dee loo-rɔ’g ndɔ boo-oŋg lə Ala yeḛ gə́ njedum dɔ néje lai lé.
15Aa ooje, m’a gə teḛ dɔ sí’g asəna gə njeɓogo gə́ teḛ wai bèe. Yeḛ gə́ si kəmba gə si gə kubu rəa’g ɓó aw gə kudee dum ba ar dee d’oo rɔkul ləa el ndá rəa a lelee yaa̰#Mat 24.43-44, Lug 12.39-40, LkJ 3.3.
16Deḛ mbo̰ dee dɔ na̰’g loo gə́ deḛ ɓaree gə ta Ǝbrə Harmagedo̰#2Mb 23.29, Jkr 12.11.
17Kura gə́ dara gə́ njekɔm dee’g siri lé aw ɔm oŋg gə́ to mee bai’g ləa loo gə́ pən dara’g gə naŋg’g ndá ndu mbər ɓar wəl mee kəi-Ala’g loo kalimbai’g pana: Ɓea ya kən. 18Ndá ndi tel ləm, ndu dəwje ɓar ləm, ndi ndaŋg paḭ-paḭ ləma, naŋg yə ɓugu-ɓugu ləm tɔ, ndɔ kunda dəwje gə́ dɔ naŋg neelé saar ɓasinè dəw oo naŋg gə́ yə ɓugu-ɓugu togə́bè el ɓəi#LkJ 8.5, 11.13,19. 19Ɓee-boo lé kai rəa loo munda tɔɓəi ɓee-booje lə ginkoji dəwje gə raŋg tuji tɔ ndá mee Ala olé dɔ Babilɔn’g, ɓee-boo lé mba kar dee d’ai mán-nduú oŋg-boo ləa gə́ to mee ŋgo-kai-mán’g lé kar dee d’ai sɔd#Esa 51.17. 20Dɔgoré-looje lai kara tula yal-yal ləm, dɔ mbalje kara d’igi pa-pa#LkJ 6.14. 21Ndi kwɔji gə́ ər ɓai-ɓai kara ḭ dara toso dɔ dəwje’g. Kwɔji kára ndá wɔi asəna gə nékwɔji kwɔi-lə-né rɔ-sɔ-sɔ, ar dəwje d’ila ne ndɔl dɔ Ala’g mbata ndi kwɔji neelé gə́ to tuji-boo lé#Tr 9.23, LkJ 11.19.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.