Loo gə́ killa rea kəm Ja̰’g 12
12
Dené gə dakɔb lé
1Né gə́ to ɓəl kədm-kədm teḛ dara: Kàr dəb dɔ dené’g aree ɔm gɔlee dɔ naḭ’g ləm, ar kéréméje dɔg-gir-dee-joo to dɔgugu kula dəa’g ləm tɔ. 2Yeḛ əskèm, nɛ kèm ulá ndubu aree no̰ gə mba ndóo gə́ tée.
3Néɓəl gə́ raŋg teḛ dara to: Aa ooje, to dakɔb gə́ kas gə́ dəa siri ləm, gajee dɔg ləma, dɔgugu to dəa’g kára-kára siri ləm tɔ#LkD 7.7. 4Ɓoŋgee ɔr dəb kéréméje as loo kára ɔm dee naŋg nɛ dəb dee nai loo-joo ɓəi. Dakɔb lé aar no̰ dené gə́ a gə koji ŋgon ɓó loo gə́ ojee mba̰ ndá a seá rɔg-rɔg#LkD 8.10. 5Yeḛ oji ŋgon gə́ diŋgam gə́ a ko̰ ginkoji dəwje gə raŋg lai gə́ kag-lar. Ŋgonee lé d’undá d’unee d’aw səa par gə́ rɔ Ala’g ləm, gə no̰ kalimbai’g ləa ləm tɔ#Esa 66.7, Pak 2.9. 6Dené lé aḭ aw dɔdilaloo’g par gə́ loo gə́ Ala gɔl loo keneŋ mba̰, mba karee si keneŋ mba kulee keneŋ ndəa tɔl-dɔg-giree-joo gə dəa rɔ-misa̰.
7Loo gə́ mbuna dara’g lé tel to gə́ loo-rɔ. Misel gə kuraje ləa deḛ rɔ gə dakɔb lé. Ndá dakɔb gə kuraje ləa rɔ sə dee tɔ#12.1, Jud 9, 8nɛ siŋga dee as el ndá loo lə dee gə́ dara godo ŋga. 9Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ#Gn 3.1, Lug 10.18.
10Ma m’oo ndu dəw gə́ ḭ dara ɓar ɔr loo lɔi-lɔi pana: Kaji lé ɓasinè kàree teḛ mba̰ ndá siŋgamoŋ gə tɔgmbaŋ ləm, gə ko̰ɓee lə Ala lə sí ləma, gə dɔmoŋ lə Kristi ləa ləm tɔ lé ndəa teḛ mba̰ tɔ. Mbata yeḛ wa njegaŋgta gə́ gaŋgta badə-badə ɔm ta ŋgako̰ síje no̰ Ala’g lə sí gə ndəa-ndəa dan kàrá ləm gə loondul’g ləm tɔ lé yeḛ wá ilá naŋg nee ya#Jɔb 1.9-11, Jkr 3.1. 11Məs Ŋgonbad lé ɓa deḛ dumee ne ləm, ginta gə́ deḛ d’ɔr njai ɓa deḛ dumee ne ləm tɔ ndá deḛ d’ya̰ rɔ dee yag d’ar yoo ɓó deḛ ɓəl el. 12Gelee gə́ nee ɓa dara, maji kari al rɔi ləm, seḭ gə́ sije keneŋ lé maji kar sí alje rɔ sí tɔ. Némeeko̰ a nai dɔ naŋg nee ləm, gə dɔ baa-boo’g ləm tɔ mbata njekurai lé risi uru naŋg rɔ sí’g mba̰ ndá mée ḭ jugugu mbata yeḛ gər gao, ndəa nai dəb ba ŋga.
13Loo gə́ dakɔb lé oo to gə́ deḛ d’ilá naŋg nee ndá yeḛ ndolè goo dené gə́ oji ŋgon gə́ diŋgam lé. 14Deḛ d’ar dené lé bag magəra gə́ joo gə mba karee ḭ aw ne dɔdilaloo’g par gə́ loo’g ləa ndá deḛ ŋgəm keneŋ as mbuna-loo kára, gə mbuna-looje gə́ raŋg, gə ges mbuna-loo kára tɔ. Dené lé a si ŋgərəŋ ɓó gə mba kar kəm li lé oso dəa’g el#LkD 7.25, 12.7. 15Li lé ubu masee njiriri-njiriri aree ula asəna gə mán-baa goo dené’g gə mba kar manee unee aw səa. 16Dɔ naŋg teḛ təa ar mán ndɔm keneŋ sɔd la ne gə dené. 17Dakɔb lé mée ḭ pu dɔ dené’g ndá yeḛ aw rɔ gə ŋgaka dené lé, deḛ gə́ ra torndu Ala d’aree ɔr rɔd lé ləm, gə deḛ d’ɔr goo ta lə Jeju lé ləm tɔ. 18Tɔɓəi yeḛ aar tar dɔ nagəra gə́ ta baa-boo-kad’g.
Currently Selected:
Loo gə́ killa rea kəm Ja̰’g 12: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Loo gə́ killa rea kəm Ja̰’g 12
12
Dené gə dakɔb lé
1Né gə́ to ɓəl kədm-kədm teḛ dara: Kàr dəb dɔ dené’g aree ɔm gɔlee dɔ naḭ’g ləm, ar kéréméje dɔg-gir-dee-joo to dɔgugu kula dəa’g ləm tɔ. 2Yeḛ əskèm, nɛ kèm ulá ndubu aree no̰ gə mba ndóo gə́ tée.
3Néɓəl gə́ raŋg teḛ dara to: Aa ooje, to dakɔb gə́ kas gə́ dəa siri ləm, gajee dɔg ləma, dɔgugu to dəa’g kára-kára siri ləm tɔ#LkD 7.7. 4Ɓoŋgee ɔr dəb kéréméje as loo kára ɔm dee naŋg nɛ dəb dee nai loo-joo ɓəi. Dakɔb lé aar no̰ dené gə́ a gə koji ŋgon ɓó loo gə́ ojee mba̰ ndá a seá rɔg-rɔg#LkD 8.10. 5Yeḛ oji ŋgon gə́ diŋgam gə́ a ko̰ ginkoji dəwje gə raŋg lai gə́ kag-lar. Ŋgonee lé d’undá d’unee d’aw səa par gə́ rɔ Ala’g ləm, gə no̰ kalimbai’g ləa ləm tɔ#Esa 66.7, Pak 2.9. 6Dené lé aḭ aw dɔdilaloo’g par gə́ loo gə́ Ala gɔl loo keneŋ mba̰, mba karee si keneŋ mba kulee keneŋ ndəa tɔl-dɔg-giree-joo gə dəa rɔ-misa̰.
7Loo gə́ mbuna dara’g lé tel to gə́ loo-rɔ. Misel gə kuraje ləa deḛ rɔ gə dakɔb lé. Ndá dakɔb gə kuraje ləa rɔ sə dee tɔ#12.1, Jud 9, 8nɛ siŋga dee as el ndá loo lə dee gə́ dara godo ŋga. 9Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ#Gn 3.1, Lug 10.18.
10Ma m’oo ndu dəw gə́ ḭ dara ɓar ɔr loo lɔi-lɔi pana: Kaji lé ɓasinè kàree teḛ mba̰ ndá siŋgamoŋ gə tɔgmbaŋ ləm, gə ko̰ɓee lə Ala lə sí ləma, gə dɔmoŋ lə Kristi ləa ləm tɔ lé ndəa teḛ mba̰ tɔ. Mbata yeḛ wa njegaŋgta gə́ gaŋgta badə-badə ɔm ta ŋgako̰ síje no̰ Ala’g lə sí gə ndəa-ndəa dan kàrá ləm gə loondul’g ləm tɔ lé yeḛ wá ilá naŋg nee ya#Jɔb 1.9-11, Jkr 3.1. 11Məs Ŋgonbad lé ɓa deḛ dumee ne ləm, ginta gə́ deḛ d’ɔr njai ɓa deḛ dumee ne ləm tɔ ndá deḛ d’ya̰ rɔ dee yag d’ar yoo ɓó deḛ ɓəl el. 12Gelee gə́ nee ɓa dara, maji kari al rɔi ləm, seḭ gə́ sije keneŋ lé maji kar sí alje rɔ sí tɔ. Némeeko̰ a nai dɔ naŋg nee ləm, gə dɔ baa-boo’g ləm tɔ mbata njekurai lé risi uru naŋg rɔ sí’g mba̰ ndá mée ḭ jugugu mbata yeḛ gər gao, ndəa nai dəb ba ŋga.
13Loo gə́ dakɔb lé oo to gə́ deḛ d’ilá naŋg nee ndá yeḛ ndolè goo dené gə́ oji ŋgon gə́ diŋgam lé. 14Deḛ d’ar dené lé bag magəra gə́ joo gə mba karee ḭ aw ne dɔdilaloo’g par gə́ loo’g ləa ndá deḛ ŋgəm keneŋ as mbuna-loo kára, gə mbuna-looje gə́ raŋg, gə ges mbuna-loo kára tɔ. Dené lé a si ŋgərəŋ ɓó gə mba kar kəm li lé oso dəa’g el#LkD 7.25, 12.7. 15Li lé ubu masee njiriri-njiriri aree ula asəna gə mán-baa goo dené’g gə mba kar manee unee aw səa. 16Dɔ naŋg teḛ təa ar mán ndɔm keneŋ sɔd la ne gə dené. 17Dakɔb lé mée ḭ pu dɔ dené’g ndá yeḛ aw rɔ gə ŋgaka dené lé, deḛ gə́ ra torndu Ala d’aree ɔr rɔd lé ləm, gə deḛ d’ɔr goo ta lə Jeju lé ləm tɔ. 18Tɔɓəi yeḛ aar tar dɔ nagəra gə́ ta baa-boo-kad’g.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.