Pakɔsje 4
4
Tamaji gə́ ra loondul’g kwa ne Ala mee’g
1Pa lə Dabid gə́ ar bao-pa mba karee ɔs sə dee lé. D’ɔs gə kṵdu-ko̰déje ya.
2Loo gə́ m’no̰ m’ɓari ndá
Maji kari ilam keneŋ
I Ala gə́ njegaŋ-rəwta ləm gə goo rəbee lé.
Loo gə́ m’isi dan néɓəŋgərəti’g lé ndá
Maji kari ajim!
Maji kari oo tamaji ləm, oo ne kəm lootondoo’g ya kari!
3Seḭ dəwje lé see ndɔ gə́ ra ɓa seḭ a kəwje rɔ sí
Kulaje sul dɔ rɔnduba’g ləm wa.
See ndɔ gə́ ra ɓa seḭ a kəwje rɔ sí
Ndigije néje gə́ gə mḭdé ba ləm,
Ǝsé ndolèje goo taŋgɔmje ləm tɔ wa.
4Maji kar sí ooje to gə́ Njesigənea̰
Mbər dəw gə́ njemeemaji lé,
Njesigənea̰ lé loo gə́ m’ra né wəl gə́ rəa’g ndá
Yeḛ oo ndum ya tɔ.
5Ɓó lé oŋg ḭ sə sí ndá raje ne kaiya el,
Ǝ̰jije ta meḛ sí’g loo-to sí’g ndá toje lɔm#Epe 4.26.
6Nékinjaməs gə́ gə goo rəbee lé
Maji kar sí injaje ndá
Ɔmje ne meḛ sí jəb-jəb dɔ Njesigənea̰’g.
7Njé gə́ na̰je bula pana:
See na̰ ɓa a kar sí j’isi dan némajije’g wa.
Ǝi Njesigənea̰, maji kar kəmi gə́ to lookàr lé ndogó dɔ sí’g!
8Rɔlel gə́ i unda dɔɓəŋgərəm’g lé
Ur dɔ ka̰ dee-deḛ’g
Loo gə́ koje gə nduúje lə dee daa na̰ rɔ dee’g lé.
9M’to naŋg m’toɓi gə meekulɔm
Mbata i Njesigənea̰ nja kára ba am m’isi ne lɔm loo-sim’g.
Currently Selected:
Pakɔsje 4: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Pakɔsje 4
4
Tamaji gə́ ra loondul’g kwa ne Ala mee’g
1Pa lə Dabid gə́ ar bao-pa mba karee ɔs sə dee lé. D’ɔs gə kṵdu-ko̰déje ya.
2Loo gə́ m’no̰ m’ɓari ndá
Maji kari ilam keneŋ
I Ala gə́ njegaŋ-rəwta ləm gə goo rəbee lé.
Loo gə́ m’isi dan néɓəŋgərəti’g lé ndá
Maji kari ajim!
Maji kari oo tamaji ləm, oo ne kəm lootondoo’g ya kari!
3Seḭ dəwje lé see ndɔ gə́ ra ɓa seḭ a kəwje rɔ sí
Kulaje sul dɔ rɔnduba’g ləm wa.
See ndɔ gə́ ra ɓa seḭ a kəwje rɔ sí
Ndigije néje gə́ gə mḭdé ba ləm,
Ǝsé ndolèje goo taŋgɔmje ləm tɔ wa.
4Maji kar sí ooje to gə́ Njesigənea̰
Mbər dəw gə́ njemeemaji lé,
Njesigənea̰ lé loo gə́ m’ra né wəl gə́ rəa’g ndá
Yeḛ oo ndum ya tɔ.
5Ɓó lé oŋg ḭ sə sí ndá raje ne kaiya el,
Ǝ̰jije ta meḛ sí’g loo-to sí’g ndá toje lɔm#Epe 4.26.
6Nékinjaməs gə́ gə goo rəbee lé
Maji kar sí injaje ndá
Ɔmje ne meḛ sí jəb-jəb dɔ Njesigənea̰’g.
7Njé gə́ na̰je bula pana:
See na̰ ɓa a kar sí j’isi dan némajije’g wa.
Ǝi Njesigənea̰, maji kar kəmi gə́ to lookàr lé ndogó dɔ sí’g!
8Rɔlel gə́ i unda dɔɓəŋgərəm’g lé
Ur dɔ ka̰ dee-deḛ’g
Loo gə́ koje gə nduúje lə dee daa na̰ rɔ dee’g lé.
9M’to naŋg m’toɓi gə meekulɔm
Mbata i Njesigənea̰ nja kára ba am m’isi ne lɔm loo-sim’g.
Ngambai Bible © Alliance Biblique du Tchad 1989, 2015.