Matiyo 1
1
Ginka Jeju Kristi lé
1Ginka Jeju Kristi, yeḛ gə́ to ŋgoka Dabid ləm, gə ŋgoka Abrakam ləm tɔ.
2Abrakam to bɔ Isaak, Isaak to bɔ Jakob, Jakob to bɔ Juda deḛ gə ŋgakea̰je. 3Juda to bɔ Parɛs gə Jara gə́ yeḛ oji dee gə Tamar, Parɛs to bɔ Esrɔm, Esrɔm to bɔ Aram, 4Aram to bɔ Aminadab, Aminadab to bɔ Naaso̰, Naaso̰ to bɔ Salmo̰, 5Salmo̰ to bɔ Boaj gə́ yeḛ ojee gə Rahab, Boaj to bɔ Obed gə́ yeḛ ojee gə Rudu, 6Obed to bɔ Isai, Isai to bɔ Dabid gə́ to mbai lé.
Dabid lé to bɔ Salomo̰ gə́ yeḛ ojee gə dené lə Uri, 7Salomo̰ to bɔ Roboam, Roboam to bɔ Abia, Abia to bɔ Asa, 8Asa to bɔ Josapat, Josapat to bɔ Joram, Joram to bɔ Ojias, 9Ojias to bɔ Joatam, Joatam to bɔ Ahas, Ahas to bɔ Ejekias, 10Ejekias to bɔ Manasə, Manasə to bɔ Amo̰, Amo̰ to bɔ Josias, 11Josias to bɔ Jekonias gə ŋgakea̰je mee ndəa gə́ d’wa dee d’aw sə dee Babilɔn lé .
12Loo gə́ d’wa dee d’aw sə dee Babilɔn’g mba̰ ndá Jekonias oji Salatiel, Salatiel oji Jorobabel, 13Jorobabel oji Abiud, Abiud oji Eliakim, Eliakim oji Ajor, 14Ajor oji Sadɔk, Sadɔk oji Asim, Asim oji Eliud, 15Eliud oji Eləajar, Eləajar oji Matan, Matan oji Jakob, 16Jakob lé oji Jisəb gə́ to ŋgaw Mari gə́ oji Jeju gə́ deḛ ɓaree Kristi lé tɔ.
17Bèe ndá un kudee mee ndəa’g lə Abrakam saar teḛ ne ndɔ ka̰ Dabid’g lé ŋgakadɔgeeje lé d’as dɔg-gir-dee-sɔ ləm, un kudee mee ndəa’g lə Dabid saar teḛ ne ndəa gə́ d’wa dee keneŋ d’aw ne sə dee Babilɔn’g lé ŋgakadɔgeeje d’as dɔg-gir-dee-sɔ ləma, un kudee mee ndəa gə́ d’wa dee d’aw dee Babilɔn’g saar ndɔ koji Kristi lé ŋgakadɔgeeje d’as dɔg-gir-dee-sɔ ləm tɔ.
Ndɔ koji Jeju Kristi
18Koji Jeju Kristi lé to togə́bè: Mari gə́ kea̰je lé to njemɔr lə Jisəb, deḛ səa taa na̰ el ɓəi nɛ yeḛ aw gə kèm mée’g: kèm lé to gə goo siŋgamoŋ lə Ndilmeenda . 19Jisəb gə́ to gə́ ŋgabeeje gə́ to njera né gə dɔ najee lé wɔji-kwɔji tubá gə goo ŋgəḭ ɓó yeḛ ndigi teḛ səa raga kila ne rɔkul dəa’g el. 20Loo gə́ yeḛ si ə̰ji taree mée’g bèe ɓəi ndá né gə́ mḭdi ɓa kura lə Mbaidɔmbaije gə́ dara teḛ ne dəa’g ulá ne pana: Jisəb, ŋgon Dabid, maji kari ɓəl mba taa Mari gə́ dené ləi el mbata kèm gə́ to mée’g lé to ka̰ Ndilmeenda ya. Yeḛ a koji ŋgon gə́ diŋgam ndá i a kunda ria lə Jeju. 21Yeḛ nja a kaji dəwje ləa kɔr dee ne dan kaiyaje’g lə dee .
22Né neelé teḛ togə́bè mba kar ta lə Mbaidɔmbaije gə́ yeḛ pa gə ndu njetegginta lé aw lée’g béréré ya:
23Aa oo, ŋgoma̰də a taa kèm ndá a koji ŋgon gə́ diŋgam,
D’a kunda ria lə Emanuɛl (tel ta koji sí, Ala nai sə síjeḛ) .
24Jisəb teḛ kəmee dɔ ɓi’g yərərə, aw ra to gə́ kura lə Mbaidɔmbaije gə́ dara wɔjee lé ndá yeḛ wa dené ləa gə́ rəa’g. 25Nɛ deḛ gər na̰ el saar yeḛ oji ŋgon gə́ diŋgam ndá yeḛ unda ria lə Jeju .
Currently Selected:
Matiyo 1: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.