Ləbije 19
19
Godnduje gə́ ɓəd-ɓəd
1Njesigənea̰ ula Moyis pana: 2Ula koso-dəwje lə Israɛlje lai pana: Seḭ a toje gə kəmee doi mbata ma m’to gə kəmee doi tɔ. Ma m’to Njesigənea̰, Ala lə sí ya#Ləb 11.44-45, 1Pi 1.16.
3Nana kara gə́ mbuna sí’g lé a təd kag kea̰ gə bɔbee ləm, a kaa dɔ ndɔ ndɔ-kwa-rɔje ləm kər-kər ləm tɔ. Ma m’to Njesigənea̰, Ala lə sí ya#Tr 20.8,12, TtG 5.12,16.
4Seḭ a telje rɔ sí goo magəje’g el ləm, seḭ a lḛ̀je né ndajije ne magəje el ləm tɔ. Ma m’to Njesigənea̰, Ala lə sí ya#Ləb 26.1, Tr 20.23, 34.17, TtG 27.15.
5Loo gə́ seḭ a kinjaje gwɔs nékinjaməs gə́ ka̰ kɔm na̰’d gə Njesigənea̰ ndá seḭ a kḭjáje gə goo rəbee mba karee taa kəmee ɓa. 6Mbata seḭ a sɔje da neelé mee ndəa gə́ seḭ ḭjáje gə́ nékinjaməs ya əsé bèlè lookàree tɔ, nɛ gesee gə́ nai saar nona lé seḭ a rooje gə́ roo ya. 7Ɓó lé dəw usɔ ndɔ gə́ njékɔm’g munda lé ndá a to né gə́ to lée’g el, tɔɓəi a taa kəm Njesigənea̰ el tɔ. 8Dəw gə́ sɔ da neelé ndá bo̰ kaiya ləa a kɔs təa’g mbata né gə́ d’unda gə kəmee d’ar Njesigənea̰ lé yeḛ aree tel to né gə́ sin kari ba, ndá dəw neelé d’a kɔree mbuna koso-dəwje’g ləa ya.
9Loo gə́ seḭ a kinjaje kó mee ɓee’g lə sí ndá seḭ a kya̰je kil ndɔ lə sí lal kinja kó keneŋ ləm, yee gə́ nai gə́ kəm kwa ɓuru lé kara seḭ a kwaje ləm-ləm el ləm tɔ#Ləb 26.1, Tr 20.23, 34.17, TtG 27.15. 10Seḭ a kinjaje ɗɔr nduú gə́ nai mee ndɔ-nduú’g lə sí el ləm, ka̰deeje gə́ ɔm naŋg kara seḭ a tɔsje ndo̰-ndo̰ el ləm tɔ, seḭ a kya̰je néje neelé karje njéndooje əsé dəw-dɔ-ɓeeje. Ma m’to Njesigənea̰, Ala lə sí.
11Seḭ a ɓogoje el ləm, seḭ a raje né gə́ ŋgɔm əsé a kundaje goso mbuna na̰’d el ləm tɔ#Tr 15.16, TtG 5.19,20. 12Seḭ a ɓarje rim kubuje ne rɔ sí gə taŋgɔm el mbata yee gə́ nee ɓa seḭ arje ri Ala lə sí tel to ne né gə́ sin kari ba. Ma m’to Njesigənea̰#Tr 20.7, TtG 5.11, Mat 5.33, 19.13, TtG 24.14-15 .
13Seḭ a buguruje mar síje el ləm, a ɓogo deeje el ləm tɔ. Njékulaje lə sí kara seḭ a ŋgəmje nékoga dɔ ji dee saar teḛ bèlè el tɔ#TtG 24.14-15. 14Seḭ a tajije njembikudu el ləm, seḭ a kilaje né no̰ njekəmtɔ’g mba karee un gɔlee aree oso el ləm tɔ, nɛ seḭ a ɓəlje Ala lə sí ya. Ma m’to Njesigənea̰#TtG 27.18.
15Seḭ a raje né gə́ lal najee loo-gaŋg-rəwta’g el ləm, seḭ a kɔrje kəmta lə njendoo ɓəd el ləma, seḭ a ndigije ta lə dəw gə́ boo el ləm tɔ, nɛ seḭ a kɔrje kəmta lə mar síje gə goo rəbee ya#Tr 23.6-8, TtG 16.19. 16Seḭ a kundaje nani mbuna koso-dəwje’g lə sí el. Seḭ a kilaje ta dɔ mar síje’g kar məs dee ɔm ne naŋg el tɔ. Ma m’to Njesigənea̰.
17Seḭ a kwaje ŋgako̰ síje gə meḛ sí el, lé riri kara seḭ a ndaŋgje mar síje dɔ néra deeje’g, nɛ seḭ a karje ta kaiya wa dɔ sí gə mba dee el#Mat 18.15. 18Seḭ a dalje ba̰ lə sí el ləm, seḭ a kwaje gə oŋg lə sí gə́ kédé-kédé dɔ ŋgan meḛ dəwje’g lə sí el ləm tɔ. Seḭ a kundaje mar síje dan kəm sí’g to gə́ seḭ raje ne gə darɔ sí bèe ya. Ma m’to Njesigənea̰#Mat 5.43, 19.19, 22.39, Mar 12.31, Lug 10.27, Rɔm 13.9, Gal 5.14, Jak 2.8.
19Seḭ a kaaje dɔ godndumje kər-kər. Nékulje gə́ gel dee ɓəd-ɓəd joo lé seḭ a kila deeje dɔ na̰’d kar dee d’oji ne na̰ el ləm, mee ndɔje lə sí kara seḭ a kodoje koje gə́ gel dee ɓəd-ɓəd joo dubu deeje keneŋ el ləma, seḭ a kulaje kubu gə́ d’ṵji gə kulaje gə́ gel dee ɓəd-ɓəd joo rɔ sí’g el ləm tɔ#TtG 22.9-11.
20Ɓó lé dəw gə́ rara ɓa gə́ to gə dené, gə́ to ɓər gə́ njemɔr ləa sí gən, nɛ d’uga dəa əsé lal kɔr ta ɓər dəa’g ɓəi ndá d’a kunda ɓaŋg dɔ dee’g kar dee d’uga ɓó, d’a tɔl dee el mbata dené neelé d’ɔr ta ɓər dəa’g el ɓəi. 21Diŋgam neelé a ree gə bàl badə gə́ nékinjaməs gə́ ka̰ ta gə́ wa dəa rɔ Njesigənea̰’g ta kəi-kubu-kiŋga-na̰’g mbata ta gə́ wa dəa lé. 22Njekinjanéməs a ra né kuga ne dɔ kaiya ləa no̰ Njesigənea̰’g mbata kaiya gə́ yeḛ ra lé ndá bàl badə lé yeḛ a kinja gwɔsee gə́ nékinjaməs gə́ ka̰ ta gə́ wa dəa ndá ta kaiya gə́ yeḛ ra lé a kɔr ne dəa’g ya.
23Loo gə́ seḭ a ka̰dje mee ɓee’g ɓa seḭ maa̰je kag-sɔje ɓəd-ɓəd ndá seḭ a kooje kandə dee gə́ néje gə́ mina̰ as ləb sí munda, seḭ a koo deeje gə́ néje gə́ mina̰ ndá seḭ a sɔ deeje el. 24Ləb gə́ njekɔm’g sɔ lé seḭ a kundaje kandə deeje lai gə kəmee karje Njesigənea̰ mba pidee ne ya. 25Ləb gə́ njekɔm’g mi lé seḭ a sɔje kandə deeje ləm, a kinjaje kandə dee gə́ kédé-kédé ləm tɔ. Ma m’to Njesigənea̰, Ala lə sí.
26Seḭ a sɔje da kára kara gə məsee na̰’d el. Seḭ a toje njénékooje el ləm, a toje njéndo̰-ərje gə mba koo ne né gə́ a gə teḛ dɔ sí’g el ləm tɔ#Gn 9.4, Ləb 7.26-27, 17.10-14, TtG 12.16,23, 15.23, 18.10. 27Seḭ a kinjaje dɔ sí gubér el ləm, seḭ a ndisaje kil mbai ta sí el ləm tɔ#Ləb 21.5, TtG 14.1. 28Seḭ a tḭjaje ndaji rɔsi’g kwaje ne ndòo yoo el ləm, seḭ a tḭjaje liba rɔ sí’g el ləm tɔ. Ma m’to Njesigənea̰.
29Seḭ a kooje ŋgan síje gə́ dené gə́ né el kɔsje ne gel dee mba kar dee ra mɔdkaiya loo magə-poleje’g lé, nà ɓee lé a tel to loo kaiya, kar néra gə́ to kḛji ɓa taa loo keneŋ pəl-pəl ləm tɔ#TtG 23.18. 30Seḭ a kaaje dɔ ndɔ-kwa-rɔje ləm kər-kər ləm, seḭ a ɓəlje kəi ləm gə́ to gə kəmee ləm tɔ. Ma m’to Njesigənea̰#Ləb 26.2.
31Telje rɔ sí go deḛ gə́ njesaŋ ndil dəwje gə́ d’wəi el ləm, əsé go njéndo̰-ərje’g el ləm tɔ, ndolèje goo dee el nà seḭ a mina̰je ne. Ma m’to Njesigənea̰, Ala lə sí#TtG 18.11, 1Sam 28.3, 2Mb 23.4, Esa 8.19.
32Seḭ a kḭje tar no̰ dəw gə́ dəa pudu’g ləm, seḭ a kilaje koji dɔ ɓugaje’g ləm tɔ. Bèe ɓa seḭ a ɓəlje ne Ala lə sí ya. Ma m’to Njesigənea̰.
33Ɓó lé dəw-dɔ-ɓee ree si sə sí mee ɓee’g lə sí ndá seḭ a bugureje el#Tr 22.20, TtG 24.17-18, 27.19. 34Dəw-dɔ-ɓee gə́ si mbuna sí’g lé seḭ a kéeje asəna gə kojiɓee mbuna sí’g bèe ya, seḭ a kṵdáje dan kəm sí’g to gə́ seḭ raje ne gə rɔ sí bèe mbata kédé lé seḭje kara toje gə́ dəw-dɔ-ɓeeje mee ɓee gə́ Ejiptə tɔ. Ma m’to Njesigənea̰, Ala lə sí.
35Seḭ a raje né gə́ lal najee loo-gaŋg-rəwta’g el ləm, əsé kúla kwɔji ŋgal lə néje el ləm, əsé loo kwɔji kwɔi lə néje el ləma, əsé loo kwɔji né kɔm néje keneŋ el ləm tɔ#TtG 25.13-16, GTK 20.10, Ejk 45.10. 36Seḭ a kilaje né gə́ gə goo rəbee ɓa dɔ némbwɔji-né’g ləm, dɔ néje’g lə sí gə́ wɔi ləma, dɔ nduji gə mán’g lə sí ləm tɔ. Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje lé ya.
37Seḭ a kaaje dɔ godndumje, gə dɔ ndukunje ləm lai kər-kər ndá seḭ a raje née tɔ. Ma m’to Njesigənea̰.
Currently Selected:
Ləbije 19: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Ləbije 19
19
Godnduje gə́ ɓəd-ɓəd
1Njesigənea̰ ula Moyis pana: 2Ula koso-dəwje lə Israɛlje lai pana: Seḭ a toje gə kəmee doi mbata ma m’to gə kəmee doi tɔ. Ma m’to Njesigənea̰, Ala lə sí ya#Ləb 11.44-45, 1Pi 1.16.
3Nana kara gə́ mbuna sí’g lé a təd kag kea̰ gə bɔbee ləm, a kaa dɔ ndɔ ndɔ-kwa-rɔje ləm kər-kər ləm tɔ. Ma m’to Njesigənea̰, Ala lə sí ya#Tr 20.8,12, TtG 5.12,16.
4Seḭ a telje rɔ sí goo magəje’g el ləm, seḭ a lḛ̀je né ndajije ne magəje el ləm tɔ. Ma m’to Njesigənea̰, Ala lə sí ya#Ləb 26.1, Tr 20.23, 34.17, TtG 27.15.
5Loo gə́ seḭ a kinjaje gwɔs nékinjaməs gə́ ka̰ kɔm na̰’d gə Njesigənea̰ ndá seḭ a kḭjáje gə goo rəbee mba karee taa kəmee ɓa. 6Mbata seḭ a sɔje da neelé mee ndəa gə́ seḭ ḭjáje gə́ nékinjaməs ya əsé bèlè lookàree tɔ, nɛ gesee gə́ nai saar nona lé seḭ a rooje gə́ roo ya. 7Ɓó lé dəw usɔ ndɔ gə́ njékɔm’g munda lé ndá a to né gə́ to lée’g el, tɔɓəi a taa kəm Njesigənea̰ el tɔ. 8Dəw gə́ sɔ da neelé ndá bo̰ kaiya ləa a kɔs təa’g mbata né gə́ d’unda gə kəmee d’ar Njesigənea̰ lé yeḛ aree tel to né gə́ sin kari ba, ndá dəw neelé d’a kɔree mbuna koso-dəwje’g ləa ya.
9Loo gə́ seḭ a kinjaje kó mee ɓee’g lə sí ndá seḭ a kya̰je kil ndɔ lə sí lal kinja kó keneŋ ləm, yee gə́ nai gə́ kəm kwa ɓuru lé kara seḭ a kwaje ləm-ləm el ləm tɔ#Ləb 26.1, Tr 20.23, 34.17, TtG 27.15. 10Seḭ a kinjaje ɗɔr nduú gə́ nai mee ndɔ-nduú’g lə sí el ləm, ka̰deeje gə́ ɔm naŋg kara seḭ a tɔsje ndo̰-ndo̰ el ləm tɔ, seḭ a kya̰je néje neelé karje njéndooje əsé dəw-dɔ-ɓeeje. Ma m’to Njesigənea̰, Ala lə sí.
11Seḭ a ɓogoje el ləm, seḭ a raje né gə́ ŋgɔm əsé a kundaje goso mbuna na̰’d el ləm tɔ#Tr 15.16, TtG 5.19,20. 12Seḭ a ɓarje rim kubuje ne rɔ sí gə taŋgɔm el mbata yee gə́ nee ɓa seḭ arje ri Ala lə sí tel to ne né gə́ sin kari ba. Ma m’to Njesigənea̰#Tr 20.7, TtG 5.11, Mat 5.33, 19.13, TtG 24.14-15 .
13Seḭ a buguruje mar síje el ləm, a ɓogo deeje el ləm tɔ. Njékulaje lə sí kara seḭ a ŋgəmje nékoga dɔ ji dee saar teḛ bèlè el tɔ#TtG 24.14-15. 14Seḭ a tajije njembikudu el ləm, seḭ a kilaje né no̰ njekəmtɔ’g mba karee un gɔlee aree oso el ləm tɔ, nɛ seḭ a ɓəlje Ala lə sí ya. Ma m’to Njesigənea̰#TtG 27.18.
15Seḭ a raje né gə́ lal najee loo-gaŋg-rəwta’g el ləm, seḭ a kɔrje kəmta lə njendoo ɓəd el ləma, seḭ a ndigije ta lə dəw gə́ boo el ləm tɔ, nɛ seḭ a kɔrje kəmta lə mar síje gə goo rəbee ya#Tr 23.6-8, TtG 16.19. 16Seḭ a kundaje nani mbuna koso-dəwje’g lə sí el. Seḭ a kilaje ta dɔ mar síje’g kar məs dee ɔm ne naŋg el tɔ. Ma m’to Njesigənea̰.
17Seḭ a kwaje ŋgako̰ síje gə meḛ sí el, lé riri kara seḭ a ndaŋgje mar síje dɔ néra deeje’g, nɛ seḭ a karje ta kaiya wa dɔ sí gə mba dee el#Mat 18.15. 18Seḭ a dalje ba̰ lə sí el ləm, seḭ a kwaje gə oŋg lə sí gə́ kédé-kédé dɔ ŋgan meḛ dəwje’g lə sí el ləm tɔ. Seḭ a kundaje mar síje dan kəm sí’g to gə́ seḭ raje ne gə darɔ sí bèe ya. Ma m’to Njesigənea̰#Mat 5.43, 19.19, 22.39, Mar 12.31, Lug 10.27, Rɔm 13.9, Gal 5.14, Jak 2.8.
19Seḭ a kaaje dɔ godndumje kər-kər. Nékulje gə́ gel dee ɓəd-ɓəd joo lé seḭ a kila deeje dɔ na̰’d kar dee d’oji ne na̰ el ləm, mee ndɔje lə sí kara seḭ a kodoje koje gə́ gel dee ɓəd-ɓəd joo dubu deeje keneŋ el ləma, seḭ a kulaje kubu gə́ d’ṵji gə kulaje gə́ gel dee ɓəd-ɓəd joo rɔ sí’g el ləm tɔ#TtG 22.9-11.
20Ɓó lé dəw gə́ rara ɓa gə́ to gə dené, gə́ to ɓər gə́ njemɔr ləa sí gən, nɛ d’uga dəa əsé lal kɔr ta ɓər dəa’g ɓəi ndá d’a kunda ɓaŋg dɔ dee’g kar dee d’uga ɓó, d’a tɔl dee el mbata dené neelé d’ɔr ta ɓər dəa’g el ɓəi. 21Diŋgam neelé a ree gə bàl badə gə́ nékinjaməs gə́ ka̰ ta gə́ wa dəa rɔ Njesigənea̰’g ta kəi-kubu-kiŋga-na̰’g mbata ta gə́ wa dəa lé. 22Njekinjanéməs a ra né kuga ne dɔ kaiya ləa no̰ Njesigənea̰’g mbata kaiya gə́ yeḛ ra lé ndá bàl badə lé yeḛ a kinja gwɔsee gə́ nékinjaməs gə́ ka̰ ta gə́ wa dəa ndá ta kaiya gə́ yeḛ ra lé a kɔr ne dəa’g ya.
23Loo gə́ seḭ a ka̰dje mee ɓee’g ɓa seḭ maa̰je kag-sɔje ɓəd-ɓəd ndá seḭ a kooje kandə dee gə́ néje gə́ mina̰ as ləb sí munda, seḭ a koo deeje gə́ néje gə́ mina̰ ndá seḭ a sɔ deeje el. 24Ləb gə́ njekɔm’g sɔ lé seḭ a kundaje kandə deeje lai gə kəmee karje Njesigənea̰ mba pidee ne ya. 25Ləb gə́ njekɔm’g mi lé seḭ a sɔje kandə deeje ləm, a kinjaje kandə dee gə́ kédé-kédé ləm tɔ. Ma m’to Njesigənea̰, Ala lə sí.
26Seḭ a sɔje da kára kara gə məsee na̰’d el. Seḭ a toje njénékooje el ləm, a toje njéndo̰-ərje gə mba koo ne né gə́ a gə teḛ dɔ sí’g el ləm tɔ#Gn 9.4, Ləb 7.26-27, 17.10-14, TtG 12.16,23, 15.23, 18.10. 27Seḭ a kinjaje dɔ sí gubér el ləm, seḭ a ndisaje kil mbai ta sí el ləm tɔ#Ləb 21.5, TtG 14.1. 28Seḭ a tḭjaje ndaji rɔsi’g kwaje ne ndòo yoo el ləm, seḭ a tḭjaje liba rɔ sí’g el ləm tɔ. Ma m’to Njesigənea̰.
29Seḭ a kooje ŋgan síje gə́ dené gə́ né el kɔsje ne gel dee mba kar dee ra mɔdkaiya loo magə-poleje’g lé, nà ɓee lé a tel to loo kaiya, kar néra gə́ to kḛji ɓa taa loo keneŋ pəl-pəl ləm tɔ#TtG 23.18. 30Seḭ a kaaje dɔ ndɔ-kwa-rɔje ləm kər-kər ləm, seḭ a ɓəlje kəi ləm gə́ to gə kəmee ləm tɔ. Ma m’to Njesigənea̰#Ləb 26.2.
31Telje rɔ sí go deḛ gə́ njesaŋ ndil dəwje gə́ d’wəi el ləm, əsé go njéndo̰-ərje’g el ləm tɔ, ndolèje goo dee el nà seḭ a mina̰je ne. Ma m’to Njesigənea̰, Ala lə sí#TtG 18.11, 1Sam 28.3, 2Mb 23.4, Esa 8.19.
32Seḭ a kḭje tar no̰ dəw gə́ dəa pudu’g ləm, seḭ a kilaje koji dɔ ɓugaje’g ləm tɔ. Bèe ɓa seḭ a ɓəlje ne Ala lə sí ya. Ma m’to Njesigənea̰.
33Ɓó lé dəw-dɔ-ɓee ree si sə sí mee ɓee’g lə sí ndá seḭ a bugureje el#Tr 22.20, TtG 24.17-18, 27.19. 34Dəw-dɔ-ɓee gə́ si mbuna sí’g lé seḭ a kéeje asəna gə kojiɓee mbuna sí’g bèe ya, seḭ a kṵdáje dan kəm sí’g to gə́ seḭ raje ne gə rɔ sí bèe mbata kédé lé seḭje kara toje gə́ dəw-dɔ-ɓeeje mee ɓee gə́ Ejiptə tɔ. Ma m’to Njesigənea̰, Ala lə sí.
35Seḭ a raje né gə́ lal najee loo-gaŋg-rəwta’g el ləm, əsé kúla kwɔji ŋgal lə néje el ləm, əsé loo kwɔji kwɔi lə néje el ləma, əsé loo kwɔji né kɔm néje keneŋ el ləm tɔ#TtG 25.13-16, GTK 20.10, Ejk 45.10. 36Seḭ a kilaje né gə́ gə goo rəbee ɓa dɔ némbwɔji-né’g ləm, dɔ néje’g lə sí gə́ wɔi ləma, dɔ nduji gə mán’g lə sí ləm tɔ. Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje lé ya.
37Seḭ a kaaje dɔ godndumje, gə dɔ ndukunje ləm lai kər-kər ndá seḭ a raje née tɔ. Ma m’to Njesigənea̰.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.