Jujé 11
11
Rɔ-boo gə́ to mbɔr mán’d gə́ Merom lé
1Loo gə́ Jabḭ, mbai gə́ Asɔr oo ta néje neelé mba̰ ndá yeḛ ula kula rɔ Jobab, mbai gə́ Mado̰’g ləm, gə rɔ mbai gə́ simro̰’g ləm, gə rɔ mbai gə́ Aksap’g ləm, 2gə rɔ mbaije gə́ d’isi dɔgel par gə́ kaar mbalje’g ləm, gə deḛ gə́ d’isi ndag-loo’g par gə́ dɔkɔl lə Kineret ləm, gə deḛ gə́ d’isi wəl-loo’g ləm, gə deḛ gə́ d’isi dɔdərlooje gə́ Dor par gə́ dɔ-gó ləm, 3gə rɔ Kana̰je gə́ d’isi bər əsé dɔ-gó ləm, gə rɔ Amɔrje’g ləm, gə rɔ Hetje’g ləm, gə rɔ Peresje’g ləm, gə rɔ Yebusje gə́ d’isi kaar mbal’g ləma, gə rɔ Hebje gə́ d’isi mbɔr mbal gə́ Hermo̰ mee ɓee’d gə́ Mispa ləm tɔ. 4Mbaije neelé gə njérɔje lə deḛ lai d’ɔm na̰’d d’aw ar bula lə dee dum tura asəna gə nagəra gə́ ta baa-boo-kad’g bèe ləm, d’ar kunda-kaw-rɔje gə pusu-rɔje lə dee bula digi-digi ləm tɔ. 5Mbaije gə́ lai neelé d’wɔji loo d’iŋga na̰ keneŋ ɓa ree d’wa loo-si dee mbɔr mán gə́ Merom gə mba kḭ kaw rɔ gə Israɛlje ɓəi.
6Njesigənea̰ ula Juje pana: Ɓəl dee el mbata bèlè kàr to gə́ maree bèe ndá m’a kɔm yoo dee no̰ Israɛlje’g. I a tuga kwɔi kunda-kaw-rɔje lə dee gaŋg ləm, i a roo pusu-rɔje lə dee ləm tɔ.
7Juje gə njérɔje ləa lai teḛ dɔ dee’g wai mbɔr mán gə́ Merom ndá dee buŋga na̰ dɔ dee’g gə rɔ. 8Njesigənea̰ ya̰ dee ji Israɛlje’g, deḛ dum dɔ dee ləm, tuba goo dee saar teḛ sə dee Sido̰ gə́ boo’g ləm, saar teḛ sə dee Misrepot-Mayim’g ləma, saar teḛ ne wəl-loo gə́ Mispa par gə́ bər ləm tɔ, deḛ dum dɔ dee ɓó d’ya̰ loo d’ar dəw kára kara aḭ aw el. 9Juje ra sə dee to gə́ Njesigənea̰ ulá ne lé ya, yeḛ tuga kwɔi kunda-kaw-rɔje lə dee gaŋg ləm, yeḛ roo pusu-rɔje lə dee ləm tɔ.
Taa ɓee-boo gə́ Asɔr
10Mee ndəa’g neelé Juje tel ree ndá taa ɓee gə́ Asɔr tɔ. Yeḛ tɔl mbai gə́ keneŋ gə kiambas: kédé lé Asɔr to ɓee-boo gə́ ur dɔ mareeje’g mee ɓeeko̰je’g neelé lai ya. 11Deḛ tuji deḛ lai gə́ d’isi keneŋ pugudu-pugudu gə kiambas ɓó d’ya̰ né kára kara gə́ əmə keneŋ el ləm, deḛ roo Asɔr ləm tɔ. 12Juje taa ɓee-booje lə mbaije neelé lai ləm, wa mbaije gə́ keneŋ lai ləm tɔ ndá yeḛ tuji dee ne pugudu-pugudu gə kiambas to gə́ Moyis, kura lə Njesigənea̰ un ne ndia kédé aree lé. 13Nɛ ɓee-booje gə́ to dɔdərlooje’g lé Israɛlje roo dee kára kara el, nɛ Asɔr ya kára ba ɓa Juje roo tɔ. 14Israɛlje ŋgəm nébanrɔje lə ɓee-booje neelé lai ləm, gə nékulje gə́ keneŋ ləm tɔ, nɛ diŋgamje lai gə́ keneŋ lé deḛ tɔl dee gə kiambas ar né gə́ əmə kára kara nai kəmba el. 15Ndukunje lə Njesigənea̰ gə́ yeḛ un ar Moyis, kura ləa ləm, ar Moyis kara un ar Juje ləm tɔ lé Juje ra tɔl bém ɓó yeḛ ya̰ né kára kara gə́ Njesigənea̰ un ndia dɔ’g ar Moyis lé el.
Juje taa dɔ naŋg ɓeeje gə́ Kana̰ lai
16Togə́bè ɓa Juje taa ne ɓeeje neelé lai: loo gə́ kaar mbal’g ləm, gə loo gə́ par gə́ dɔkɔl lai ləm, gə loo gə́ Gosen lai ləm, gə loo gə́ to wəl-loo’g ləm, gə loo gə́ to ndag-loo’g ləma, gə loo gə́ to kaar mbal gə́ Israɛl əsé wəl-looje gə́ keneŋ ləm tɔ, 17un kudee kaar mbal gə́ né uba keneŋ el gə́ ḭ par gə́ Seir saar teḛ Baal-Gad gə́ to mee wəl-loo gə́ Liba̰, mbɔr mbal gə́ Hermo̰’g. Ndá yeḛ twa mbaije gə́ keneŋ lai kunda dee tɔl dee. 18Rɔ gə́ Juje rɔ gə mbaije neelé kuree əw yaa̰. 19Ɓee-boo kára kara gə́ ɔm na̰’d gə Israɛlje lé godo nɛ Hebje gə́ d’isi Gabao̰ ya kára ba ɓa d’ɔm sə dee na̰’d, ndá deḛ taa ɓee-booje neelé lai gə rɔ tɔ. 20Mbata Njesigənea̰ ar meḛ koso-dəwje gə́ neelé ndər siŋ-siŋ mba kar dee rɔ ne gə Israɛlje mba kar Israɛlje tuji dee pugudu-pugudu ɓó d’a koo kəmtondoo lə dee el, to gə́ Njesigənea̰ un ne ndia ar Moyis lé tɔ#TtG 7.16.
21Mee ndəaje’g neelé ya Juje ḭ aw rɔ gə Anakje gə́ d’isi kaar mbal gə́ Ebro̰ ləm, gə Dəbir ləm, gə Anab ləma, gə kaar mbal gə́ Juda gə kaar mbal gə́ Israɛl lai ləm tɔ, tɔl dee ne mbad-mbad, Juje tuji dee-deḛ gə ɓee-booje lə dee pugudu-pugudu. 22Anak kára kara nai mee ɓee’g lə Israɛlje el, nɛ mee ɓeeje gə́ Gaja, gə Gat, gə Asdod ɓa deḛ nai keneŋ ya. 23Togə́bè ɓa Juje taa ɓeeje neelé lai gə goo taje lai gə́ Njesigənea̰ ula Moyis kédé lé tɔ. Tɔɓəi Juje wa ɓee neelé ar Israɛlje gə́ né ka̰ dee-deḛ ar nana kara iŋga loo gə́ wɔji dəa-dəa gə goo ginkojee-kojee. Bèe ɓa ɓee neelé to ne lɔm ar rɔ godo keneŋ tɔ.
Currently Selected:
Jujé 11: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Jujé 11
11
Rɔ-boo gə́ to mbɔr mán’d gə́ Merom lé
1Loo gə́ Jabḭ, mbai gə́ Asɔr oo ta néje neelé mba̰ ndá yeḛ ula kula rɔ Jobab, mbai gə́ Mado̰’g ləm, gə rɔ mbai gə́ simro̰’g ləm, gə rɔ mbai gə́ Aksap’g ləm, 2gə rɔ mbaije gə́ d’isi dɔgel par gə́ kaar mbalje’g ləm, gə deḛ gə́ d’isi ndag-loo’g par gə́ dɔkɔl lə Kineret ləm, gə deḛ gə́ d’isi wəl-loo’g ləm, gə deḛ gə́ d’isi dɔdərlooje gə́ Dor par gə́ dɔ-gó ləm, 3gə rɔ Kana̰je gə́ d’isi bər əsé dɔ-gó ləm, gə rɔ Amɔrje’g ləm, gə rɔ Hetje’g ləm, gə rɔ Peresje’g ləm, gə rɔ Yebusje gə́ d’isi kaar mbal’g ləma, gə rɔ Hebje gə́ d’isi mbɔr mbal gə́ Hermo̰ mee ɓee’d gə́ Mispa ləm tɔ. 4Mbaije neelé gə njérɔje lə deḛ lai d’ɔm na̰’d d’aw ar bula lə dee dum tura asəna gə nagəra gə́ ta baa-boo-kad’g bèe ləm, d’ar kunda-kaw-rɔje gə pusu-rɔje lə dee bula digi-digi ləm tɔ. 5Mbaije gə́ lai neelé d’wɔji loo d’iŋga na̰ keneŋ ɓa ree d’wa loo-si dee mbɔr mán gə́ Merom gə mba kḭ kaw rɔ gə Israɛlje ɓəi.
6Njesigənea̰ ula Juje pana: Ɓəl dee el mbata bèlè kàr to gə́ maree bèe ndá m’a kɔm yoo dee no̰ Israɛlje’g. I a tuga kwɔi kunda-kaw-rɔje lə dee gaŋg ləm, i a roo pusu-rɔje lə dee ləm tɔ.
7Juje gə njérɔje ləa lai teḛ dɔ dee’g wai mbɔr mán gə́ Merom ndá dee buŋga na̰ dɔ dee’g gə rɔ. 8Njesigənea̰ ya̰ dee ji Israɛlje’g, deḛ dum dɔ dee ləm, tuba goo dee saar teḛ sə dee Sido̰ gə́ boo’g ləm, saar teḛ sə dee Misrepot-Mayim’g ləma, saar teḛ ne wəl-loo gə́ Mispa par gə́ bər ləm tɔ, deḛ dum dɔ dee ɓó d’ya̰ loo d’ar dəw kára kara aḭ aw el. 9Juje ra sə dee to gə́ Njesigənea̰ ulá ne lé ya, yeḛ tuga kwɔi kunda-kaw-rɔje lə dee gaŋg ləm, yeḛ roo pusu-rɔje lə dee ləm tɔ.
Taa ɓee-boo gə́ Asɔr
10Mee ndəa’g neelé Juje tel ree ndá taa ɓee gə́ Asɔr tɔ. Yeḛ tɔl mbai gə́ keneŋ gə kiambas: kédé lé Asɔr to ɓee-boo gə́ ur dɔ mareeje’g mee ɓeeko̰je’g neelé lai ya. 11Deḛ tuji deḛ lai gə́ d’isi keneŋ pugudu-pugudu gə kiambas ɓó d’ya̰ né kára kara gə́ əmə keneŋ el ləm, deḛ roo Asɔr ləm tɔ. 12Juje taa ɓee-booje lə mbaije neelé lai ləm, wa mbaije gə́ keneŋ lai ləm tɔ ndá yeḛ tuji dee ne pugudu-pugudu gə kiambas to gə́ Moyis, kura lə Njesigənea̰ un ne ndia kédé aree lé. 13Nɛ ɓee-booje gə́ to dɔdərlooje’g lé Israɛlje roo dee kára kara el, nɛ Asɔr ya kára ba ɓa Juje roo tɔ. 14Israɛlje ŋgəm nébanrɔje lə ɓee-booje neelé lai ləm, gə nékulje gə́ keneŋ ləm tɔ, nɛ diŋgamje lai gə́ keneŋ lé deḛ tɔl dee gə kiambas ar né gə́ əmə kára kara nai kəmba el. 15Ndukunje lə Njesigənea̰ gə́ yeḛ un ar Moyis, kura ləa ləm, ar Moyis kara un ar Juje ləm tɔ lé Juje ra tɔl bém ɓó yeḛ ya̰ né kára kara gə́ Njesigənea̰ un ndia dɔ’g ar Moyis lé el.
Juje taa dɔ naŋg ɓeeje gə́ Kana̰ lai
16Togə́bè ɓa Juje taa ne ɓeeje neelé lai: loo gə́ kaar mbal’g ləm, gə loo gə́ par gə́ dɔkɔl lai ləm, gə loo gə́ Gosen lai ləm, gə loo gə́ to wəl-loo’g ləm, gə loo gə́ to ndag-loo’g ləma, gə loo gə́ to kaar mbal gə́ Israɛl əsé wəl-looje gə́ keneŋ ləm tɔ, 17un kudee kaar mbal gə́ né uba keneŋ el gə́ ḭ par gə́ Seir saar teḛ Baal-Gad gə́ to mee wəl-loo gə́ Liba̰, mbɔr mbal gə́ Hermo̰’g. Ndá yeḛ twa mbaije gə́ keneŋ lai kunda dee tɔl dee. 18Rɔ gə́ Juje rɔ gə mbaije neelé kuree əw yaa̰. 19Ɓee-boo kára kara gə́ ɔm na̰’d gə Israɛlje lé godo nɛ Hebje gə́ d’isi Gabao̰ ya kára ba ɓa d’ɔm sə dee na̰’d, ndá deḛ taa ɓee-booje neelé lai gə rɔ tɔ. 20Mbata Njesigənea̰ ar meḛ koso-dəwje gə́ neelé ndər siŋ-siŋ mba kar dee rɔ ne gə Israɛlje mba kar Israɛlje tuji dee pugudu-pugudu ɓó d’a koo kəmtondoo lə dee el, to gə́ Njesigənea̰ un ne ndia ar Moyis lé tɔ#TtG 7.16.
21Mee ndəaje’g neelé ya Juje ḭ aw rɔ gə Anakje gə́ d’isi kaar mbal gə́ Ebro̰ ləm, gə Dəbir ləm, gə Anab ləma, gə kaar mbal gə́ Juda gə kaar mbal gə́ Israɛl lai ləm tɔ, tɔl dee ne mbad-mbad, Juje tuji dee-deḛ gə ɓee-booje lə dee pugudu-pugudu. 22Anak kára kara nai mee ɓee’g lə Israɛlje el, nɛ mee ɓeeje gə́ Gaja, gə Gat, gə Asdod ɓa deḛ nai keneŋ ya. 23Togə́bè ɓa Juje taa ɓeeje neelé lai gə goo taje lai gə́ Njesigənea̰ ula Moyis kédé lé tɔ. Tɔɓəi Juje wa ɓee neelé ar Israɛlje gə́ né ka̰ dee-deḛ ar nana kara iŋga loo gə́ wɔji dəa-dəa gə goo ginkojee-kojee. Bèe ɓa ɓee neelé to ne lɔm ar rɔ godo keneŋ tɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.