Jɔb 33
33
Ta maḭ lə Elihu
1Ɓasinè, Jɔb, Maji kari oo taje ləm,
Maji kari ur mbii gèŋ dɔ taje’g ləm lai ya.
2Aa oo, ma m’teḛ tam,
Ndá ndo̰m rḛdə rəa mee kilm’g.
3Ma m’ndigi pata gə ŋgaw məəm gə́ kára ba ləm,
Kankəmta gə́ àr ŋgad-ŋgad ɓa m’a riba dəa gə tam ləm tɔ.
4Ndil Ala ɓa undam,
Kəmə lə Bao-siŋgamoŋ ɓa am m’isi ne kəmba ya.
5Ɓó lé i as ndá ilam keneŋ,
Wa dɔ gɔl rɔi mba taa dɔ rɔi.
6Aa oo, no̰ Ala’g lé ma m’to to gə́ i bèe ya tɔ.
Jeḛ səi joo bɔr naŋg ɓa d’uba sí ne.
7Togə́bè ɓa kəm kari unda bala nɔm’g el ləm, Siŋgam ur dɔi’g el ləm tɔ.
8Nɛ i pa taje mbim’g
Ndá m’oo ndu taje ləi gə́ i pa pana:
9I to njemeenda ləm, i ra kaiya kára el ləm,
I maji ɔr njoroŋ ləma, néra gə́ kori-kori godo rɔi’g ləm tɔ.
10Ndá Ala ɓa aw səi gə ta gə́ wɔji dɔ kḛji bəḭ-bəḭ,
Yeḛ ra səi né to gə́ njeba̰ ləa bèe,
11Yeḛ ila ɗa gɔli’g ləm,
Yeḛ unda kəmee lér-lér goo néraije’g lai ləm tɔ#Jɔb 13.27.
12M’a tel kilai dɔ ta’g neelé to gə́ i pa lée’g el,
Mbata Ala to gə́ boo unda dəw.
13See mbata ɗi ɓa i ndigi maḭ səa
Mbata tura gə́ yeḛ tura goo néreaje ari el wa.
14Lée togə́bè kara ndɔ kára Ala pata gə gosee gə́ kára,
Ndá ndɔ gə́ raŋg yeḛ pata gə gosee gə́ raŋg tɔ.
15Yeḛ pata gə nénije ləm, gə némḭdije gə́ loondul’g
Loo gə́ dəwje d’oso gə ɓi pərəg,
Loo gə́ deḛ d’aw toɓi dɔ tira-to dee’g ləm tɔ#Jɔb 4.13.
16Togə́bè ɓa yeḛ ndəji dee ne kɔr ləm,
Yeḛ unda nétorjia dɔ néndooje’g ləa ləm tɔ,
17Gə mba kar dəw unda rəa ɓad dɔ néra gə́ majel’g ləm,
Gə mba kɔgee ne dɔ ti-rɔ’g ləm,
18Gə mba kaji ne kankəmrea mee bwa’g ləma,
Gə mba təa ne ta kiambas’g ləm tɔ.
19Némeeko̰ ɓa Ala ndəji ne dəw loo-tée’g
Loo gə́ rɔnuŋga sɔ sḭgareaje gə́ kédé-kédé.
20Yen ŋga muru lel təa’g el ləm,
Nésɔje gə́ lelee kédé ya kara lel təa’g el ləm tɔ.
21Darea ndolè mbao-mbao kəm dee’g ləm,
Siŋgareaje gə́ dəw oo kédé el lé to raga njḭ ləm tɔ.
22Yeḛ aw pər gə́ bwa-dɔɓar’g ləm
Kəmə ləa ŋgəs gə́ mbɔr deḛ gə́ to njékaḭkulaje’g lə yoo ləm tɔ.
23Nɛ ɓó lé yeḛ iŋga kura gə́ dara kára gə́ njéra rəwta ləa
Yeḛ gə́ kára mbuna deḛ gə́ tɔl dɔg’d (1.000) lé ɓa
Gə́ to njekula dəw rəw gə́ kəm karee njaa keneŋ ndá
24Mee Ala aw taḭ-taḭ dəa’g aree ula kura gə́ dara lé pana:
Maji karee ilá tar ɓó aree aw mee bwa-dɔɓar’g el,
Neḛ n’iŋga nékoga dəa mba̰!
25Bèe ɓa darəa tel idi pug-pug to gə́ kaw basa ləa bèe ləm,
Yeḛ tel dɔ ndɔ kaw basa’g ləa ləm tɔ.
26Yeḛ ra tamaji ta Ala’g lé ndá Ala ndigi səa rəgm ləm,
Yeḛ oo kəmee gə rɔlel ləma,
Ala tel gə meekarabasur ləa aree gogo ləm tɔ.
27Yeḛ ɔs pa no̰ dəwje’g pana:
Neḛ n’ra kaiya n’al ne dɔ néra gə́ danasur,
Nɛ Ala ar bo̰ néra neḛ ɔs ta neḛ’g to gə́ kəm karee ɔs ta neḛ’g lé el.
28Ala aji kankəmrɔ neḛ ɓó aree aw mee bwa-dɔɓar’g el,
Bèe ɓa neḛ n’al ne rɔ neḛ dan lookàr’g.
29Yee ɓa gə́ né gə́ Ala ra
Gə dəw gɔl joo əsé gɔl munda,
30Gə mba kɔree ne bwa-dɔɓar’g ləm,
Mba kar lookàr ndogó ne dɔ dəwje gə́ d’isi kəmba’g ləm tɔ.
31Jɔb, maji kari si kəmba oo ne ta ləm!
Wa tai ndá m’a kulai ta!
32Ɓó lé i aw gə ta mba pa ndá maji kari ilam’g!
Maji kari pata mbata ma m’ndigi kar ta ləi àr njai ya.
33Ɓó lé i oo né kára mba pa el ndá maji kari oo ta ləm!
Wa tai ndá m’a ndooi kəmkàr.
Currently Selected:
Jɔb 33: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Jɔb 33
33
Ta maḭ lə Elihu
1Ɓasinè, Jɔb, Maji kari oo taje ləm,
Maji kari ur mbii gèŋ dɔ taje’g ləm lai ya.
2Aa oo, ma m’teḛ tam,
Ndá ndo̰m rḛdə rəa mee kilm’g.
3Ma m’ndigi pata gə ŋgaw məəm gə́ kára ba ləm,
Kankəmta gə́ àr ŋgad-ŋgad ɓa m’a riba dəa gə tam ləm tɔ.
4Ndil Ala ɓa undam,
Kəmə lə Bao-siŋgamoŋ ɓa am m’isi ne kəmba ya.
5Ɓó lé i as ndá ilam keneŋ,
Wa dɔ gɔl rɔi mba taa dɔ rɔi.
6Aa oo, no̰ Ala’g lé ma m’to to gə́ i bèe ya tɔ.
Jeḛ səi joo bɔr naŋg ɓa d’uba sí ne.
7Togə́bè ɓa kəm kari unda bala nɔm’g el ləm, Siŋgam ur dɔi’g el ləm tɔ.
8Nɛ i pa taje mbim’g
Ndá m’oo ndu taje ləi gə́ i pa pana:
9I to njemeenda ləm, i ra kaiya kára el ləm,
I maji ɔr njoroŋ ləma, néra gə́ kori-kori godo rɔi’g ləm tɔ.
10Ndá Ala ɓa aw səi gə ta gə́ wɔji dɔ kḛji bəḭ-bəḭ,
Yeḛ ra səi né to gə́ njeba̰ ləa bèe,
11Yeḛ ila ɗa gɔli’g ləm,
Yeḛ unda kəmee lér-lér goo néraije’g lai ləm tɔ#Jɔb 13.27.
12M’a tel kilai dɔ ta’g neelé to gə́ i pa lée’g el,
Mbata Ala to gə́ boo unda dəw.
13See mbata ɗi ɓa i ndigi maḭ səa
Mbata tura gə́ yeḛ tura goo néreaje ari el wa.
14Lée togə́bè kara ndɔ kára Ala pata gə gosee gə́ kára,
Ndá ndɔ gə́ raŋg yeḛ pata gə gosee gə́ raŋg tɔ.
15Yeḛ pata gə nénije ləm, gə némḭdije gə́ loondul’g
Loo gə́ dəwje d’oso gə ɓi pərəg,
Loo gə́ deḛ d’aw toɓi dɔ tira-to dee’g ləm tɔ#Jɔb 4.13.
16Togə́bè ɓa yeḛ ndəji dee ne kɔr ləm,
Yeḛ unda nétorjia dɔ néndooje’g ləa ləm tɔ,
17Gə mba kar dəw unda rəa ɓad dɔ néra gə́ majel’g ləm,
Gə mba kɔgee ne dɔ ti-rɔ’g ləm,
18Gə mba kaji ne kankəmrea mee bwa’g ləma,
Gə mba təa ne ta kiambas’g ləm tɔ.
19Némeeko̰ ɓa Ala ndəji ne dəw loo-tée’g
Loo gə́ rɔnuŋga sɔ sḭgareaje gə́ kédé-kédé.
20Yen ŋga muru lel təa’g el ləm,
Nésɔje gə́ lelee kédé ya kara lel təa’g el ləm tɔ.
21Darea ndolè mbao-mbao kəm dee’g ləm,
Siŋgareaje gə́ dəw oo kédé el lé to raga njḭ ləm tɔ.
22Yeḛ aw pər gə́ bwa-dɔɓar’g ləm
Kəmə ləa ŋgəs gə́ mbɔr deḛ gə́ to njékaḭkulaje’g lə yoo ləm tɔ.
23Nɛ ɓó lé yeḛ iŋga kura gə́ dara kára gə́ njéra rəwta ləa
Yeḛ gə́ kára mbuna deḛ gə́ tɔl dɔg’d (1.000) lé ɓa
Gə́ to njekula dəw rəw gə́ kəm karee njaa keneŋ ndá
24Mee Ala aw taḭ-taḭ dəa’g aree ula kura gə́ dara lé pana:
Maji karee ilá tar ɓó aree aw mee bwa-dɔɓar’g el,
Neḛ n’iŋga nékoga dəa mba̰!
25Bèe ɓa darəa tel idi pug-pug to gə́ kaw basa ləa bèe ləm,
Yeḛ tel dɔ ndɔ kaw basa’g ləa ləm tɔ.
26Yeḛ ra tamaji ta Ala’g lé ndá Ala ndigi səa rəgm ləm,
Yeḛ oo kəmee gə rɔlel ləma,
Ala tel gə meekarabasur ləa aree gogo ləm tɔ.
27Yeḛ ɔs pa no̰ dəwje’g pana:
Neḛ n’ra kaiya n’al ne dɔ néra gə́ danasur,
Nɛ Ala ar bo̰ néra neḛ ɔs ta neḛ’g to gə́ kəm karee ɔs ta neḛ’g lé el.
28Ala aji kankəmrɔ neḛ ɓó aree aw mee bwa-dɔɓar’g el,
Bèe ɓa neḛ n’al ne rɔ neḛ dan lookàr’g.
29Yee ɓa gə́ né gə́ Ala ra
Gə dəw gɔl joo əsé gɔl munda,
30Gə mba kɔree ne bwa-dɔɓar’g ləm,
Mba kar lookàr ndogó ne dɔ dəwje gə́ d’isi kəmba’g ləm tɔ.
31Jɔb, maji kari si kəmba oo ne ta ləm!
Wa tai ndá m’a kulai ta!
32Ɓó lé i aw gə ta mba pa ndá maji kari ilam’g!
Maji kari pata mbata ma m’ndigi kar ta ləi àr njai ya.
33Ɓó lé i oo né kára mba pa el ndá maji kari oo ta ləm!
Wa tai ndá m’a ndooi kəmkàr.
Ngambai Bible © Alliance Biblique du Tchad 1989, 2015.