Jɔb 26
26
Jɔb tel ila Bildad’g
1Jɔb un ta pana:
2See i lé gər loo ree la gə yeḛ gə́ siŋgá godo ya wa.
See i lé gər loo gəd kag ji dəw gə́ unda ndolè ya wa.
3See takwɔji-kəmkàr gə́ maji gə́ ra ɓa i ar dəw gə́ gosonégər lalee wa.
See boo-takəmkàrje gə́ ra ɓa i riba dəa wa.
4See na̰ ɓa i ulá taje ləi wa.
See na̰ ɓa ɔm ta nee tai’g wa.
Siŋgamoŋ lə Ala un naŋg nee lad
5No̰ Ala’g lé njé gə́ d’wəi d’unda bala tigi-tigi
Gel manje’g loo gə́ d’isi keneŋ.
6Loo gə́ nea̰’g lé ɓee lə njé gə́ d’wəi to raga ndəgəsə ləm,
Ɓul mán lé né gə́ nje ko̰ təa godo ləm tɔ.
7Dara gə́ par gə́ dɔgel lé yeḛ najee mbuna loo gə́ kari ba’g ləm
Yeḛ naa̰ naŋg mbuna loo gə́ kari ba’g rḭdoŋ ləm tɔ.
8Yeḛ ŋgəm manje dan loo-kil’g-lə-ndi
Ndá loo-kil-lə-ndi lé kara ndubu mbata kwɔi lə mán ndi lé el.
9Yeḛ o̰ kəm naḭ gə́ ndá mbèd ləm,
Yeḛ la loo-kil-lə-ndi ləa dɔ’g ləm tɔ.
10Yeḛ inja ŋgaŋ loo dɔ manje’g
Aree to gə́ rəw-nim gə́ to mbuna loondul gə lookàr’g bèe.
11Gajije gə́ ka̰ gəd dara yə,
Deḛ ndəb pəd-pəd mbata ndaŋg ləa.
12Gə goo siŋgamoŋ ləa lé yeḛ ar baa-boo ḭ ne ləm,
Gə goo gosonégər ləa lé yeḛ tuji ne beelé ləa pugudu ləm tɔ.
13Kila kəmə pugudu ləa ar dara àr ŋgad-ŋgad ləm,
Jia ɔs li gə́ njekaḭ mbudu ləm tɔ.
14Yee nee ɓa gə́ ŋgaŋ kula reaje,
To gə́ kaa né gə́ ɓar lam-lam oso mbi sí’g,
Nɛ see na̰ ɓa a koo ndaŋg lə siŋgamoŋ ləa gə́ ɓar paḭ-paḭ lé wa.
Currently Selected:
Jɔb 26: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Jɔb 26
26
Jɔb tel ila Bildad’g
1Jɔb un ta pana:
2See i lé gər loo ree la gə yeḛ gə́ siŋgá godo ya wa.
See i lé gər loo gəd kag ji dəw gə́ unda ndolè ya wa.
3See takwɔji-kəmkàr gə́ maji gə́ ra ɓa i ar dəw gə́ gosonégər lalee wa.
See boo-takəmkàrje gə́ ra ɓa i riba dəa wa.
4See na̰ ɓa i ulá taje ləi wa.
See na̰ ɓa ɔm ta nee tai’g wa.
Siŋgamoŋ lə Ala un naŋg nee lad
5No̰ Ala’g lé njé gə́ d’wəi d’unda bala tigi-tigi
Gel manje’g loo gə́ d’isi keneŋ.
6Loo gə́ nea̰’g lé ɓee lə njé gə́ d’wəi to raga ndəgəsə ləm,
Ɓul mán lé né gə́ nje ko̰ təa godo ləm tɔ.
7Dara gə́ par gə́ dɔgel lé yeḛ najee mbuna loo gə́ kari ba’g ləm
Yeḛ naa̰ naŋg mbuna loo gə́ kari ba’g rḭdoŋ ləm tɔ.
8Yeḛ ŋgəm manje dan loo-kil’g-lə-ndi
Ndá loo-kil-lə-ndi lé kara ndubu mbata kwɔi lə mán ndi lé el.
9Yeḛ o̰ kəm naḭ gə́ ndá mbèd ləm,
Yeḛ la loo-kil-lə-ndi ləa dɔ’g ləm tɔ.
10Yeḛ inja ŋgaŋ loo dɔ manje’g
Aree to gə́ rəw-nim gə́ to mbuna loondul gə lookàr’g bèe.
11Gajije gə́ ka̰ gəd dara yə,
Deḛ ndəb pəd-pəd mbata ndaŋg ləa.
12Gə goo siŋgamoŋ ləa lé yeḛ ar baa-boo ḭ ne ləm,
Gə goo gosonégər ləa lé yeḛ tuji ne beelé ləa pugudu ləm tɔ.
13Kila kəmə pugudu ləa ar dara àr ŋgad-ŋgad ləm,
Jia ɔs li gə́ njekaḭ mbudu ləm tɔ.
14Yee nee ɓa gə́ ŋgaŋ kula reaje,
To gə́ kaa né gə́ ɓar lam-lam oso mbi sí’g,
Nɛ see na̰ ɓa a koo ndaŋg lə siŋgamoŋ ləa gə́ ɓar paḭ-paḭ lé wa.
Ngambai Bible © Alliance Biblique du Tchad 1989, 2015.