Jeremi 52
52
Sedesias to rudu mbaije gə́ Juda
1Sedesias lé ləbee as rɔ-joo-giree-kára ɓa yeḛ tel to mbai ndá yeḛ si Jerusalem o̰ ne ɓee as ləb dɔg-giree-kára. Kea̰je ria lə Hamutal, ŋgolə Jeremi gə́ to dəw gə́ Libna. 2Yeḛ ra né gə́ majel kəm Njesigənea̰’g aree aw na̰’d béréré gə ka̰ Jojakim ya. 3Néje neelé teḛ mbata oŋg lə Njesigənea̰ ḭ səa pu dɔ Jerusalem’g gə Juda gə́ yeḛ ndigi kɔs dee rəw rəa’g.
Yen ŋga Sedesias ḭ ɔs mbai gə́ Babilɔn rəw. 4X Ləb ko̰ɓee lə Sedesias gə́ njekɔm’g jinaikara mee ndɔ dɔg lə naḭ gə́ njekɔm’g dɔg lé Nebukadnesar, mbai gə́ Babilɔn aw gə njérɔje ləa aw mba k’aw rɔ ne gə Jerusalem. Deḛ d’wa loo-si dee no̰ ɓee’g ndá deḛ d’uba dɔndalje gugu ne dəa sub . 5D’aḭ dɔ ɓee-boo neelé sub gə rɔ saar ləb gə́ njekɔm’g dɔg-giree-kára gə́ Sedesias to ne mbai lé.
6Ndɔ gə́ njekɔm’g jinaikara mee naḭ gə́ njekɔm’g sɔ lé ɓoo-boo taa mee ɓee-boo neelé pəl-pəl, ar nésɔ to keneŋ mbata koso-dəwje gə́ mee ɓee’g el. 7Yen ŋga njérɔje gə́ Babilɔn tɔs ndògo-bɔrɔ lə ɓee-boo mbudu. Ndá njérɔje lai d’unda loo mee ɓee-boo’g loondul’g teḛ d’aḭ gə tarəw gə́ to mbuna ndògo-bɔrɔje gə́ joo mbɔr loo-ndɔ’g lə mbai, loo gə́ Kaldeje d’aḭ dɔ ɓee-boo sub gə rɔ lé. Njékaḭje d’aḭ gə rəw gə́ aw ndag-loo’g . 8Nɛ njérɔje gə́ Kalde korə mbai Sedesias ndá d’iŋgá ndag-loo gə́ Jeriko, njérɔje ləa lai d’aḭ sané na̰ kad-kad d’yá̰. 9Deḛ d’wa mbai d’aw səa rɔ mbai gə́ Babilɔn’g mee ɓee-boo gə́ Ribla dɔ naŋg gə́ Amat ndá yeḛ gaŋgta dəa’g. 10Mbai gə́ Babilɔn ar dee tḭja gwɔb ŋgalə Sedesias kəmee’g. Tɔɓəi yeḛ ar dee tḭja gwɔb mbaije gə́ Juda lai mee ɓee-boo gə́ Ribla tɔ. 11Tɔɓəi yeḛ ar dee tɔs kəm Sedesias tɔ ɓa ar dee teá gə kúla larkas. Mbai gə́ Babilɔn aw səa Babilɔn aw ilá daŋgai’g saar as ndɔ kwəi ləa .
D’wa dəwje gə́ ɓeeko̰ gə́ Juda d’aw sə dee ɓee-ɓər’g
12Ndɔ dɔg mee naḭ gə́ njekɔm’g mi lə ləb gə́ njekɔm’g dɔg-giree-jinaikara gə́ Nebukadnesar, mbai gə́ Babilɔn o̰ ne ɓee lé Nebujaradan, mbai dɔ njéŋgəmlooje gə́ aw ra kula lə mbai gə́ Babilɔn lé ree Jerusalem. 13Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ . 14Njérɔje gə́ Kalde lai gə́ d’aw gə mbai dɔ njéŋgəmlooje lé təd ndògo-bɔrɔ gə́ gugu dɔ Jerusalem lé kərm-kərm.
15Kudu dəwje gə́ to njéndooje d’unda mar deeje mbuna koso-dəwje’g ləm, ges koso-dəwje gə́ d’isi mee ɓee-boo’g lé ləm, deḛ gə́ d’ya̰ rɔ dee d’ar mbai gə́ Babilɔn ləma, ges njégər goso kulaje gə́ nai ləm tɔ lé Nebujaradan, mbai dɔ njéŋgəmlooje wa dee aw sə dee ɓee-ɓər’g. 16Nɛ Nebujaradan, mbai dɔ njéŋgəmlooje ya̰ njé gə́ na̰je mbuna njéndooje gə́ mee ɓee’g mba kar dee to njémaa̰ nduúje ləm, gə njḛ́dɔ-ndɔje ləm tɔ.
17Kaldeje təd gaji kag larkasje gə́ gəd kəi lə Njesigənea̰ ləm, gə nékunda geleje’g ləm, gə dura larkas ləm tɔ gə́ to mee kəi’g lə Njesigənea̰ ndá d’odo larkas lai d’aw ne Babilɔn . 18Deḛ d’odo bai-girje ləm, gə əb-kuba-pərje ləm, gə kiaje gə baije ləm, gə ka-larje ləma, gə nékulaje lai gə́ ra gə larkas gə́ d’aw ra ne kula ləm tɔ. 19Tɔɓəi mbai dɔ njéŋgəmlooje odo bai-gel gə́ ka̰ togo rɔ ləm, gə əb-pərje ləm, gə ka-larje ləm, bai-girje ləm, gə kag pərndɔje ləm, gə kaje ləma, gə ŋgo-manje ləm tɔ, néje gə́ ra gə larlɔr ləm, gə néje gə́ ra gə larnda ləm tɔ lé yeḛ odo aw ne.
20Gajije joo ləm, gə dura ləm, gə néndaji bɔ maŋgje gə́ dɔg-gir-dee-joo gə́ ra dee gə larkas gə́ nékunda né dɔ’gje gə́ mbai Salomo̰ ra dee unda dee kəi lə Njesigənea̰ lé nékulaje nee lai gə́ ra gə larkas lé dəw gər kwɔi lə dee el. 21Ŋgal lə gaji gə́ kára lé as kəmkil dəw dɔg-giree-jinaijoo ndá kúla as kəmkil dəw dɔg-giree-joo gugu giree sub. Mée to bolo tɔɓəi dəree as ŋgan ji dəw sɔ tɔ. 22Dɔkuree gə́ tar lé deḛ ra gə larkas ndá ŋgal lə dɔkuree kára as kəmkil dəw mi. Deḛ tuga kúla larkas na̰’d to gə́ ba̰də bèe ləm, deḛ léḛ larkas ndaji ne kuri-dḭje ləm tɔ gugu ne gir dɔkuree lé. Gaji gə́ njekɔm’g joo lé kara ra togə́bè gə larkas gə́ deḛ léḛ ndaji ne kuri-dḭje keneŋ bèe tɔ. 23Larkas gə́ deḛ léḛ ndaji ne kuri-dḭje as rɔ-jinaikara-giree-misa̰ to dəb gaji’g kára-kára lai ləm, larkas gə́ ndaji ne kuri-dḭje gə́ gugu gir kúla lar gə́ tuga na̰’d to gə́ ba̰də bèe lé bula as tɔl (100) ləm tɔ.
24Mbai dɔ njéŋgəmlooje wa Seraja, ŋgɔ-njekinjanéməs ləm, gə Soponi, njekinjanéməs gə́ njekɔm’g joo ləma, gə njéŋgəm-tarəwkəije munda ləm tɔ. 25Tɔɓəi mee ɓee-boo’g neelé yeḛ wa njeko̰ɓee kára gə́ to njekaa dɔ njérɔje ləm, gə dəwje siri gə́ to gə́ mbuna njékwɔjita-kəmkàrje’g lə mbai gə́ yeḛ iŋga dee mee ɓee-boo’g neelé ləm, gə njendaji-maktub lə ɓée njérɔje gə́ d’ɔm kula ndaŋg ri dəw-mee-ɓeeje jia’g ləma, gə dəw-mee-ɓeeje rɔ-misa̰ gə́ d’isi mee ɓee-boo’g neelé ləm tɔ. 26Nebujaradan, ɓé-njéŋgəmlooje wa dee aw sə dee rɔ mbai’d gə́ Babilɔn mee ɓee gə́ Ribla ya. 27Mbai gə́ Babilɔn ar dee kunda dee tɔl dee Ribla dɔ naŋg gə́ Amat tɔ.
Bèe ɓa d’aw ne gə Judaje ɓee-ɓər gə́ əw gə ɓee lə dee.
28Aa ooje, koso-dəwje gə́ Nebukadnesar wa dee aw sə dee ɓee-ɓər’g lé ɓa nee: Jibje d’as tɔl-dɔg-loo-munda gə dɔ dee rɔ-joo-gir-dee-munda (3.023) mee ləb gə́ njekɔm’g siri. 29Mee ləb ko̰ɓee lə Nebukadnesar gə́ njekɔm’g dɔg-giree-jinaijoo lé yeḛ wa dəwje gə́ Jerusalem as tɔl jinaijoo gə dɔ dee rɔ-munda-gir-dee-joo (832) aw sə dee. 30Ləb ko̰ɓee lə Nebukadnesar gə́ njekɔm’g rɔ-joo-giree-munda lé Nebujaradan, mbai dɔ njéŋgəmlooje wa Jibje tɔl-siri gə dɔ dee rɔ-sɔ-gir-dee-mi (745) aw sə dee. Bula lə dəwje lai as tɔl-dɔg-loo-sɔ gə dɔ dee tɔl-misa̰ (4.600).
Kila gə́ d’ila Jojakḭ tar lé
31Ləb gə́ njekɔm’g rɔ-munda-giree-siri gə́ Jojakḭ, mbai gə́ Juda si ne ɓee-ɓər’g lé naḭ gə́ njekɔm’g dɔg-giree-joo, ra ndɔ rɔ-joo-giree-mi ndá Ebil-Merodak, mbai gə́ Babilɔn ra meemaji gə Jojakḭ, mbai gə́ Juda ɔree kəi-daŋgai’g mee ləb ko̰ɓee’g ləa gə́ dɔtar ilá tar. 32Yeḛ ulá ta gə meemaji ləm, yeḛ ar kalimbai ləa ur dɔ ka̰ mbaije gə́ d’isi səa Babilɔn ləm tɔ. 33Yeḛ aree tɔr kubu-daŋgai rəa’g ya̰ tula kubuje gə́ raŋg ndá Jojakḭ sɔ səa né ndɔje kára-kára lai mee ndɔje gə́ yeḛ si ne kəmba lé tɔ. 34Mbai gə́ Babilɔn aree nḛ́gəmrea gə ndɔje kára-kára lai gə́ yeḛ si ne kəmba lé saar ndɔ kwəi’g ləa tɔ.
Currently Selected:
Jeremi 52: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Jeremi 52
52
Sedesias to rudu mbaije gə́ Juda
1Sedesias lé ləbee as rɔ-joo-giree-kára ɓa yeḛ tel to mbai ndá yeḛ si Jerusalem o̰ ne ɓee as ləb dɔg-giree-kára. Kea̰je ria lə Hamutal, ŋgolə Jeremi gə́ to dəw gə́ Libna. 2Yeḛ ra né gə́ majel kəm Njesigənea̰’g aree aw na̰’d béréré gə ka̰ Jojakim ya. 3Néje neelé teḛ mbata oŋg lə Njesigənea̰ ḭ səa pu dɔ Jerusalem’g gə Juda gə́ yeḛ ndigi kɔs dee rəw rəa’g.
Yen ŋga Sedesias ḭ ɔs mbai gə́ Babilɔn rəw. 4X Ləb ko̰ɓee lə Sedesias gə́ njekɔm’g jinaikara mee ndɔ dɔg lə naḭ gə́ njekɔm’g dɔg lé Nebukadnesar, mbai gə́ Babilɔn aw gə njérɔje ləa aw mba k’aw rɔ ne gə Jerusalem. Deḛ d’wa loo-si dee no̰ ɓee’g ndá deḛ d’uba dɔndalje gugu ne dəa sub . 5D’aḭ dɔ ɓee-boo neelé sub gə rɔ saar ləb gə́ njekɔm’g dɔg-giree-kára gə́ Sedesias to ne mbai lé.
6Ndɔ gə́ njekɔm’g jinaikara mee naḭ gə́ njekɔm’g sɔ lé ɓoo-boo taa mee ɓee-boo neelé pəl-pəl, ar nésɔ to keneŋ mbata koso-dəwje gə́ mee ɓee’g el. 7Yen ŋga njérɔje gə́ Babilɔn tɔs ndògo-bɔrɔ lə ɓee-boo mbudu. Ndá njérɔje lai d’unda loo mee ɓee-boo’g loondul’g teḛ d’aḭ gə tarəw gə́ to mbuna ndògo-bɔrɔje gə́ joo mbɔr loo-ndɔ’g lə mbai, loo gə́ Kaldeje d’aḭ dɔ ɓee-boo sub gə rɔ lé. Njékaḭje d’aḭ gə rəw gə́ aw ndag-loo’g . 8Nɛ njérɔje gə́ Kalde korə mbai Sedesias ndá d’iŋgá ndag-loo gə́ Jeriko, njérɔje ləa lai d’aḭ sané na̰ kad-kad d’yá̰. 9Deḛ d’wa mbai d’aw səa rɔ mbai gə́ Babilɔn’g mee ɓee-boo gə́ Ribla dɔ naŋg gə́ Amat ndá yeḛ gaŋgta dəa’g. 10Mbai gə́ Babilɔn ar dee tḭja gwɔb ŋgalə Sedesias kəmee’g. Tɔɓəi yeḛ ar dee tḭja gwɔb mbaije gə́ Juda lai mee ɓee-boo gə́ Ribla tɔ. 11Tɔɓəi yeḛ ar dee tɔs kəm Sedesias tɔ ɓa ar dee teá gə kúla larkas. Mbai gə́ Babilɔn aw səa Babilɔn aw ilá daŋgai’g saar as ndɔ kwəi ləa .
D’wa dəwje gə́ ɓeeko̰ gə́ Juda d’aw sə dee ɓee-ɓər’g
12Ndɔ dɔg mee naḭ gə́ njekɔm’g mi lə ləb gə́ njekɔm’g dɔg-giree-jinaikara gə́ Nebukadnesar, mbai gə́ Babilɔn o̰ ne ɓee lé Nebujaradan, mbai dɔ njéŋgəmlooje gə́ aw ra kula lə mbai gə́ Babilɔn lé ree Jerusalem. 13Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ . 14Njérɔje gə́ Kalde lai gə́ d’aw gə mbai dɔ njéŋgəmlooje lé təd ndògo-bɔrɔ gə́ gugu dɔ Jerusalem lé kərm-kərm.
15Kudu dəwje gə́ to njéndooje d’unda mar deeje mbuna koso-dəwje’g ləm, ges koso-dəwje gə́ d’isi mee ɓee-boo’g lé ləm, deḛ gə́ d’ya̰ rɔ dee d’ar mbai gə́ Babilɔn ləma, ges njégər goso kulaje gə́ nai ləm tɔ lé Nebujaradan, mbai dɔ njéŋgəmlooje wa dee aw sə dee ɓee-ɓər’g. 16Nɛ Nebujaradan, mbai dɔ njéŋgəmlooje ya̰ njé gə́ na̰je mbuna njéndooje gə́ mee ɓee’g mba kar dee to njémaa̰ nduúje ləm, gə njḛ́dɔ-ndɔje ləm tɔ.
17Kaldeje təd gaji kag larkasje gə́ gəd kəi lə Njesigənea̰ ləm, gə nékunda geleje’g ləm, gə dura larkas ləm tɔ gə́ to mee kəi’g lə Njesigənea̰ ndá d’odo larkas lai d’aw ne Babilɔn . 18Deḛ d’odo bai-girje ləm, gə əb-kuba-pərje ləm, gə kiaje gə baije ləm, gə ka-larje ləma, gə nékulaje lai gə́ ra gə larkas gə́ d’aw ra ne kula ləm tɔ. 19Tɔɓəi mbai dɔ njéŋgəmlooje odo bai-gel gə́ ka̰ togo rɔ ləm, gə əb-pərje ləm, gə ka-larje ləm, bai-girje ləm, gə kag pərndɔje ləm, gə kaje ləma, gə ŋgo-manje ləm tɔ, néje gə́ ra gə larlɔr ləm, gə néje gə́ ra gə larnda ləm tɔ lé yeḛ odo aw ne.
20Gajije joo ləm, gə dura ləm, gə néndaji bɔ maŋgje gə́ dɔg-gir-dee-joo gə́ ra dee gə larkas gə́ nékunda né dɔ’gje gə́ mbai Salomo̰ ra dee unda dee kəi lə Njesigənea̰ lé nékulaje nee lai gə́ ra gə larkas lé dəw gər kwɔi lə dee el. 21Ŋgal lə gaji gə́ kára lé as kəmkil dəw dɔg-giree-jinaijoo ndá kúla as kəmkil dəw dɔg-giree-joo gugu giree sub. Mée to bolo tɔɓəi dəree as ŋgan ji dəw sɔ tɔ. 22Dɔkuree gə́ tar lé deḛ ra gə larkas ndá ŋgal lə dɔkuree kára as kəmkil dəw mi. Deḛ tuga kúla larkas na̰’d to gə́ ba̰də bèe ləm, deḛ léḛ larkas ndaji ne kuri-dḭje ləm tɔ gugu ne gir dɔkuree lé. Gaji gə́ njekɔm’g joo lé kara ra togə́bè gə larkas gə́ deḛ léḛ ndaji ne kuri-dḭje keneŋ bèe tɔ. 23Larkas gə́ deḛ léḛ ndaji ne kuri-dḭje as rɔ-jinaikara-giree-misa̰ to dəb gaji’g kára-kára lai ləm, larkas gə́ ndaji ne kuri-dḭje gə́ gugu gir kúla lar gə́ tuga na̰’d to gə́ ba̰də bèe lé bula as tɔl (100) ləm tɔ.
24Mbai dɔ njéŋgəmlooje wa Seraja, ŋgɔ-njekinjanéməs ləm, gə Soponi, njekinjanéməs gə́ njekɔm’g joo ləma, gə njéŋgəm-tarəwkəije munda ləm tɔ. 25Tɔɓəi mee ɓee-boo’g neelé yeḛ wa njeko̰ɓee kára gə́ to njekaa dɔ njérɔje ləm, gə dəwje siri gə́ to gə́ mbuna njékwɔjita-kəmkàrje’g lə mbai gə́ yeḛ iŋga dee mee ɓee-boo’g neelé ləm, gə njendaji-maktub lə ɓée njérɔje gə́ d’ɔm kula ndaŋg ri dəw-mee-ɓeeje jia’g ləma, gə dəw-mee-ɓeeje rɔ-misa̰ gə́ d’isi mee ɓee-boo’g neelé ləm tɔ. 26Nebujaradan, ɓé-njéŋgəmlooje wa dee aw sə dee rɔ mbai’d gə́ Babilɔn mee ɓee gə́ Ribla ya. 27Mbai gə́ Babilɔn ar dee kunda dee tɔl dee Ribla dɔ naŋg gə́ Amat tɔ.
Bèe ɓa d’aw ne gə Judaje ɓee-ɓər gə́ əw gə ɓee lə dee.
28Aa ooje, koso-dəwje gə́ Nebukadnesar wa dee aw sə dee ɓee-ɓər’g lé ɓa nee: Jibje d’as tɔl-dɔg-loo-munda gə dɔ dee rɔ-joo-gir-dee-munda (3.023) mee ləb gə́ njekɔm’g siri. 29Mee ləb ko̰ɓee lə Nebukadnesar gə́ njekɔm’g dɔg-giree-jinaijoo lé yeḛ wa dəwje gə́ Jerusalem as tɔl jinaijoo gə dɔ dee rɔ-munda-gir-dee-joo (832) aw sə dee. 30Ləb ko̰ɓee lə Nebukadnesar gə́ njekɔm’g rɔ-joo-giree-munda lé Nebujaradan, mbai dɔ njéŋgəmlooje wa Jibje tɔl-siri gə dɔ dee rɔ-sɔ-gir-dee-mi (745) aw sə dee. Bula lə dəwje lai as tɔl-dɔg-loo-sɔ gə dɔ dee tɔl-misa̰ (4.600).
Kila gə́ d’ila Jojakḭ tar lé
31Ləb gə́ njekɔm’g rɔ-munda-giree-siri gə́ Jojakḭ, mbai gə́ Juda si ne ɓee-ɓər’g lé naḭ gə́ njekɔm’g dɔg-giree-joo, ra ndɔ rɔ-joo-giree-mi ndá Ebil-Merodak, mbai gə́ Babilɔn ra meemaji gə Jojakḭ, mbai gə́ Juda ɔree kəi-daŋgai’g mee ləb ko̰ɓee’g ləa gə́ dɔtar ilá tar. 32Yeḛ ulá ta gə meemaji ləm, yeḛ ar kalimbai ləa ur dɔ ka̰ mbaije gə́ d’isi səa Babilɔn ləm tɔ. 33Yeḛ aree tɔr kubu-daŋgai rəa’g ya̰ tula kubuje gə́ raŋg ndá Jojakḭ sɔ səa né ndɔje kára-kára lai mee ndɔje gə́ yeḛ si ne kəmba lé tɔ. 34Mbai gə́ Babilɔn aree nḛ́gəmrea gə ndɔje kára-kára lai gə́ yeḛ si ne kəmba lé saar ndɔ kwəi’g ləa tɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.