Ojee 2
2
Ndɔ gə́ boo lə Jisreel
1Nɛ lé togə́bè kara bula lə Israɛlje
A to kasəna gə nagəra gə́ ta baa-boo-kad’d
Gə́ dəw askəm kwɔji əsé tura el.
Loo gə́ Ala ula dee keneŋ kédé pana:
Seḭ toje koso-dəwje ləm el lé
Ndá a tel kula dee pana:
Seḭ toje ŋgan-Alaje gə́ Njesikəmba lé !
2Yen ŋga Judaje gə Israɛlje lé
D’a tel mbo̰ dɔ na̰ kɔr dəw kára kundá gə́ mbai dɔ dee’g
Ndá d’a kunda loo mee ɓee’g neelé teḛ:
Mbata ndɔ lə Jisreel a to ndɔ gə́ boo.
3Maji kar sí ulaje ŋgako̰ síje pajena: Ami! (kɔr gelee pana: Koso-dəwje ləm)
Tɔɓəi a ɓarje kɔnan sí pajena: Ruhama! (kɔr gelee pana: Yeḛ gə́ d’oo kəmtondoo ləa)
Israɛlje to d’asəna gə dené gə́ uba ŋgabeeje yá̰ bèe
4Njesigənea̰ pana:
Maji kar sí no̰je ilaje ne ta dɔ ko̰ síje’g
Mbata yeḛ to dené lə neḛ el ŋga ləm,
Neḛ kara n’to ŋgabeeje el ŋga ləm tɔ!
Maji karee tuji ndaji néra kaiya-dené gə́ to kəmee’g ləm,
Gə tuji ndaji némɔdkaiyaje gə́ Karee’g lé ləm tɔ.
5Ɓó lé bèe el ndá n’a tɔr kubu rəa’g,
Kyán kudee dum to gə́ ndɔ kojee’g bèe ləm,
N’a karee to asəna gə dɔdilaloo gə́ tudu kurum-kurum bèe ləma,
N’a karee wəi yoo-kunda-mán ləm tɔ.
6N’a koo kəmtondoo lə ŋganeeje lé el
Mbata deḛ to ŋganeeje gə́ to ŋgan kaiyaje
7Ko̰ deeje ra néra kaiya-dené,
Yeḛ gə́ əskèm dee lé ula ne sul dɔ rəa’g
Mbata yeḛ pana:
N’a kaw goo njéto sə neḛje’d
Gə́ d’ar neḛ muru gə mán-kai ləm,
Gə kubu gə́ bḭ-maji gə kubu gə́ d’ṵji gə kúla palégal ləma,
Gə ubu gə́ ka̰ ndèm gə nékai ləm tɔ.
8Gelee gə́ nee ɓa aa oo,
Neḛ Njesigənea̰ lé
N’a kudu rəw-kabee gə kunje ləm,
N’a kunda ndògo-bɔrɔ gaŋgee ne ləm tɔ
Gə mba karee iŋga kila-rəwje ləa el ŋga.
9Yeḛ a ndoné goo njéto səaje’g
Nɛ yeḛ a kiŋga dee el,
Yeḛ a saŋg dee nɛ a kiŋga dee el tɔ.
Tɔɓəi yeḛ a pana:
N’a tel kaw rɔ ŋgaw neḛje’d gə́ dɔtar,
Mbata rɔlel gə́ n’iŋga kédé lé
Ur dɔ yee gə́ n’isi ne ɓasinè.
10Yeḛ gər to gə́ neḛ ɓa n’aree kó gə mán-nduú gə ubu bèe el ləm,
Larnda gə larlɔr gə́ neḛ n’aree lé kara
Deḛ d’un d’ar magə-Baal lé ləm tɔ.
11Gelee gə́ nee ɓa n’a tel taa kó lə neḛ mee ndɔ kḭjá’g ləm,
Gə mán-nduú mee naḭyee’g ləma,
N’a kɔr kubu lə neḛ gə́ bḭ-maji
Gə kubu gə́ d’ṵji gə kúla palégal
Gə́ yeḛ o̰ ne kudee lé rəa’g ləm tɔ.
12Bèe ɓa ɓasinè n’a kɔr kubu kudee’g kəm njéto səaje’g
Ndá dəw kára kara a kɔree ji neḛ’g el.
13Nérɔlelje ləa lai ləm, gə ra naḭje ləa ləm,
Gə naḭje ləa gə́ teḛ sigi ləm
Gə ndɔ-kwa-rɔje ləa ləma,
Gə néje ləa lai gə́ gə nduree-nduree ləm tɔ lé
N’a kar dee godo.
14N’a tuji kag-nduúje ləa gə kag-kodéje ləa gə́ yeḛ pa ne pana:
To né gə́ njéto sə neḛje d’ar neḛ
Gə́ nékoga dɔ ji neḛ lé!
N’a kar dee tel to kag-kɔr
Kar daje gə́ wala d’a sɔ lai-lai tɔ.
15N’a kar bo̰ nérea ɔs təa’g
Mbata lə ndɔje gə́ yeḛ aw roo né gə́ ə̰də sululu no̰ magə-Baal’gje lé ləm,
Gə loo gə́ yeḛ ɔm ne ŋgamaje gə mərje rəa’g ləma,
Gə mbata kaw gə́ yeḛ aw goo njéto səa’gje
Ar mée wəi ne dɔ neḛ’g ləm tɔ,
Njesigənea̰ ɓa pa bèe.
16Gelee gə́ nee ɓa, aa oo,
N’a kəree kɔree kaw səa dɔdilaloo’g
Gə mba gɔl mée gə ta gə́ kul.
17Lée gə́ neelé ɓa n’a karee kag-nduúje ləa ləm,
Gə kəm wəl-loo gə́ ria lə Akɔr lé
N’a karee tel to tarəw kunda mee yel ləm tɔ.
Lée neelé ɓa yeḛ a kɔs pa keneŋ
Asəna gə loo gə́ yeḛ nai ne gə ma̰dee ɓəi lé ləm,
Esé asəna gə ndɔ gə́ yeḛ unda ne loo mee ɓee gə́ Ejiptə teḛ lé ləm tɔ .
Ndɔ tel kɔm na̰’d lé
18Njesigənea̰ pana: Mee ndəa’g neelé
Yeḛ a ɓarm ŋgabeeje
Ɓó yeḛ a ɓar rəa ɓər ləm el ŋga!
19M’a kɔr ri magə-Baalje təa’g
Mba kar ri dee ɓar təa’g gogo el ŋga.
20Mee ndəa’g neelé m’a kar manrɔ ləm tɔ mbuna dee-deḛ’g
Gə daje gə́ wala ləm, gə yelje gə́ pə̰ dara’g ləma,
Gə néje gə́ d’ag naŋg gə ta meḛ dee ləm tɔ.
M’a kar ɓandaŋgje, gə kiambasje, gə nérɔje godo mee ɓee’g
Gə mba kar dəwje d’wa rɔ dee d’isi gə meekulɔm.
21Israɛl, m’a to njemɔr ləi gə́ gəd gə́ gə no̰ ləm,
M’a to njemɔr ləi gə́ gəd gə goo meekarabasur ləm,
Gə goo néra gə́ gə dɔ najee ləm,
Gə goo meenoji ləma, gə goo meekɔrjol ləm tɔ.
22M’a to njemɔr ləi gə́ gəd gə goo ŋgonkoji,
Yee ɓa i a gərm ne gə́ Njesigənea̰ ya.
23Njesigənea̰ pa togə́bè pana:
Mee ndəa’g neelé m’a to Ala gə́ njekoo ta kila’g,
M’a koo ndukwɔi lə dara ndá
Dara a koo ndukwɔi lə naŋg nee tɔ,
24Naŋg nee a koo ndukwɔi lə kó ləm,
Gə mán-nduú ləma, gə ubu ləm tɔ,
Ndá deḛ lé d’a koo ndukwɔi lə Jisjreel tɔ.
25M’a ma̰a Lo-Ruhama mee ɓee’g mbata ləm ma
Ndá m’a ra səa gə goo meekɔrjol,
M’a kula Lo-Ami pana:
I to gin koso-dəwje ləm,
Ndá yeḛ a kilam keneŋ pana:
I to Ala ləm !
Currently Selected:
Ojee 2: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Ojee 2
2
Ndɔ gə́ boo lə Jisreel
1Nɛ lé togə́bè kara bula lə Israɛlje
A to kasəna gə nagəra gə́ ta baa-boo-kad’d
Gə́ dəw askəm kwɔji əsé tura el.
Loo gə́ Ala ula dee keneŋ kédé pana:
Seḭ toje koso-dəwje ləm el lé
Ndá a tel kula dee pana:
Seḭ toje ŋgan-Alaje gə́ Njesikəmba lé !
2Yen ŋga Judaje gə Israɛlje lé
D’a tel mbo̰ dɔ na̰ kɔr dəw kára kundá gə́ mbai dɔ dee’g
Ndá d’a kunda loo mee ɓee’g neelé teḛ:
Mbata ndɔ lə Jisreel a to ndɔ gə́ boo.
3Maji kar sí ulaje ŋgako̰ síje pajena: Ami! (kɔr gelee pana: Koso-dəwje ləm)
Tɔɓəi a ɓarje kɔnan sí pajena: Ruhama! (kɔr gelee pana: Yeḛ gə́ d’oo kəmtondoo ləa)
Israɛlje to d’asəna gə dené gə́ uba ŋgabeeje yá̰ bèe
4Njesigənea̰ pana:
Maji kar sí no̰je ilaje ne ta dɔ ko̰ síje’g
Mbata yeḛ to dené lə neḛ el ŋga ləm,
Neḛ kara n’to ŋgabeeje el ŋga ləm tɔ!
Maji karee tuji ndaji néra kaiya-dené gə́ to kəmee’g ləm,
Gə tuji ndaji némɔdkaiyaje gə́ Karee’g lé ləm tɔ.
5Ɓó lé bèe el ndá n’a tɔr kubu rəa’g,
Kyán kudee dum to gə́ ndɔ kojee’g bèe ləm,
N’a karee to asəna gə dɔdilaloo gə́ tudu kurum-kurum bèe ləma,
N’a karee wəi yoo-kunda-mán ləm tɔ.
6N’a koo kəmtondoo lə ŋganeeje lé el
Mbata deḛ to ŋganeeje gə́ to ŋgan kaiyaje
7Ko̰ deeje ra néra kaiya-dené,
Yeḛ gə́ əskèm dee lé ula ne sul dɔ rəa’g
Mbata yeḛ pana:
N’a kaw goo njéto sə neḛje’d
Gə́ d’ar neḛ muru gə mán-kai ləm,
Gə kubu gə́ bḭ-maji gə kubu gə́ d’ṵji gə kúla palégal ləma,
Gə ubu gə́ ka̰ ndèm gə nékai ləm tɔ.
8Gelee gə́ nee ɓa aa oo,
Neḛ Njesigənea̰ lé
N’a kudu rəw-kabee gə kunje ləm,
N’a kunda ndògo-bɔrɔ gaŋgee ne ləm tɔ
Gə mba karee iŋga kila-rəwje ləa el ŋga.
9Yeḛ a ndoné goo njéto səaje’g
Nɛ yeḛ a kiŋga dee el,
Yeḛ a saŋg dee nɛ a kiŋga dee el tɔ.
Tɔɓəi yeḛ a pana:
N’a tel kaw rɔ ŋgaw neḛje’d gə́ dɔtar,
Mbata rɔlel gə́ n’iŋga kédé lé
Ur dɔ yee gə́ n’isi ne ɓasinè.
10Yeḛ gər to gə́ neḛ ɓa n’aree kó gə mán-nduú gə ubu bèe el ləm,
Larnda gə larlɔr gə́ neḛ n’aree lé kara
Deḛ d’un d’ar magə-Baal lé ləm tɔ.
11Gelee gə́ nee ɓa n’a tel taa kó lə neḛ mee ndɔ kḭjá’g ləm,
Gə mán-nduú mee naḭyee’g ləma,
N’a kɔr kubu lə neḛ gə́ bḭ-maji
Gə kubu gə́ d’ṵji gə kúla palégal
Gə́ yeḛ o̰ ne kudee lé rəa’g ləm tɔ.
12Bèe ɓa ɓasinè n’a kɔr kubu kudee’g kəm njéto səaje’g
Ndá dəw kára kara a kɔree ji neḛ’g el.
13Nérɔlelje ləa lai ləm, gə ra naḭje ləa ləm,
Gə naḭje ləa gə́ teḛ sigi ləm
Gə ndɔ-kwa-rɔje ləa ləma,
Gə néje ləa lai gə́ gə nduree-nduree ləm tɔ lé
N’a kar dee godo.
14N’a tuji kag-nduúje ləa gə kag-kodéje ləa gə́ yeḛ pa ne pana:
To né gə́ njéto sə neḛje d’ar neḛ
Gə́ nékoga dɔ ji neḛ lé!
N’a kar dee tel to kag-kɔr
Kar daje gə́ wala d’a sɔ lai-lai tɔ.
15N’a kar bo̰ nérea ɔs təa’g
Mbata lə ndɔje gə́ yeḛ aw roo né gə́ ə̰də sululu no̰ magə-Baal’gje lé ləm,
Gə loo gə́ yeḛ ɔm ne ŋgamaje gə mərje rəa’g ləma,
Gə mbata kaw gə́ yeḛ aw goo njéto səa’gje
Ar mée wəi ne dɔ neḛ’g ləm tɔ,
Njesigənea̰ ɓa pa bèe.
16Gelee gə́ nee ɓa, aa oo,
N’a kəree kɔree kaw səa dɔdilaloo’g
Gə mba gɔl mée gə ta gə́ kul.
17Lée gə́ neelé ɓa n’a karee kag-nduúje ləa ləm,
Gə kəm wəl-loo gə́ ria lə Akɔr lé
N’a karee tel to tarəw kunda mee yel ləm tɔ.
Lée neelé ɓa yeḛ a kɔs pa keneŋ
Asəna gə loo gə́ yeḛ nai ne gə ma̰dee ɓəi lé ləm,
Esé asəna gə ndɔ gə́ yeḛ unda ne loo mee ɓee gə́ Ejiptə teḛ lé ləm tɔ .
Ndɔ tel kɔm na̰’d lé
18Njesigənea̰ pana: Mee ndəa’g neelé
Yeḛ a ɓarm ŋgabeeje
Ɓó yeḛ a ɓar rəa ɓər ləm el ŋga!
19M’a kɔr ri magə-Baalje təa’g
Mba kar ri dee ɓar təa’g gogo el ŋga.
20Mee ndəa’g neelé m’a kar manrɔ ləm tɔ mbuna dee-deḛ’g
Gə daje gə́ wala ləm, gə yelje gə́ pə̰ dara’g ləma,
Gə néje gə́ d’ag naŋg gə ta meḛ dee ləm tɔ.
M’a kar ɓandaŋgje, gə kiambasje, gə nérɔje godo mee ɓee’g
Gə mba kar dəwje d’wa rɔ dee d’isi gə meekulɔm.
21Israɛl, m’a to njemɔr ləi gə́ gəd gə́ gə no̰ ləm,
M’a to njemɔr ləi gə́ gəd gə goo meekarabasur ləm,
Gə goo néra gə́ gə dɔ najee ləm,
Gə goo meenoji ləma, gə goo meekɔrjol ləm tɔ.
22M’a to njemɔr ləi gə́ gəd gə goo ŋgonkoji,
Yee ɓa i a gərm ne gə́ Njesigənea̰ ya.
23Njesigənea̰ pa togə́bè pana:
Mee ndəa’g neelé m’a to Ala gə́ njekoo ta kila’g,
M’a koo ndukwɔi lə dara ndá
Dara a koo ndukwɔi lə naŋg nee tɔ,
24Naŋg nee a koo ndukwɔi lə kó ləm,
Gə mán-nduú ləma, gə ubu ləm tɔ,
Ndá deḛ lé d’a koo ndukwɔi lə Jisjreel tɔ.
25M’a ma̰a Lo-Ruhama mee ɓee’g mbata ləm ma
Ndá m’a ra səa gə goo meekɔrjol,
M’a kula Lo-Ami pana:
I to gin koso-dəwje ləm,
Ndá yeḛ a kilam keneŋ pana:
I to Ala ləm !
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.