Ǝbrəje 10
10
Məs Jeju ar loo gə́ to gə kəmee to tag
1Tɔgərɔ ya godndu lé gə́ wa ndil néje gə́ wɔji dɔ darɔ néje gə́ a gə ree lé to mbɔree’g ɓó to as səa béréré-béréré el. Togə́bè ɓa nékinjanéməsje gə́ deḛ d’inja d’ɔs ne goo na̰ goo na̰ gə ləb dee ləb dee lé d’askəm kar njeaje-je to ne maji d’ɔr njoroŋ el. 2Ɓó lé to togə́bè el ndá d’a kəw rɔ dee kun nékoga-kaiyaje kar Ala. Mbata njeaje-je lé gə́ d’wa Ala meḛ dee’g lé loo gə́ deḛ togo won kaiya lə dee gɔl kára mba̰ ndá meḛ dee a kaar kərm dɔ kaiya’g lə dee el ŋga. 3Nɛ nékinjanéməsje gə́ deḛ d’inja gə ləb dee ləb dee lé teg ne gel kaiya lə dee wad-wad. 4Mbata məs bɔ maŋgje əsé bàl bya̰je askəm kɔr kaiya meḛ dəwje’g el.
5Gelee gə́ nee ɓa, loo gə́ Kristi ree naŋg nee yeḛ pana:
I ndiŋga nékinjaməs gə nékar lé el,
Nɛ i gɔl kubururɔm am#Pak 40.7-9,
6Nékinjaməs gə́ roo gə nékoga-kaiyaje lé taa kəmi el.
7Yen ɓa ma m’pana: Aa oo, m’isi m’ree.
(Deḛ ndaŋg ta ləm mee maktub gə́ kə́ na̰’d mber-mber)
Ǝi Ala lé, mba ra torndui karee ɔr rɔd ya.
8Seḭ ooje gao, loo gə́ pa mba̰ pana: Nékulje gə́ d’inja gə́ məs ləm, gə nékarnojije ləm, gə nékulje gə́ roo dee ləma, gə nékoga-kaiyaje ləm tɔ lé i ndigi dee el (nɛ to né gə́ deḛ ra gə goo godndu lé). 9Tɔɓəi yeḛ tel pa maree tɔɓəi pana: Aa oo, m’isi m’ree mba ra torndui karee ɔr rɔd ya. Yee ɓa yeḛ tuji yee gə́ kédé pugudu mba tel ra yee gə́ njekɔm’g joo lé. 10Mbɔl dɔ torndu neelé ɓa yeḛ ɔr sí unda sí ne gə kəmee gə darɔ Jeju Kristi gə́ yeḛ ya̰ ar Ala lé gɔl kára ba kiao gə́ ŋgaŋgee.
11To gə́ njékinjanéməsje kára-kára lai d’aar keneŋ ndə̰gərə tɔl nékulje gə́ d’asəna kára ba ta-ta mba kuga ne kaiya ɓa kaiya ɔr el lé#Tr 29.38 12Kristi lé un nékòga kaiya ar Ala gɔl kára ba kiao gə́ ŋgaŋgee ɓa yeḛ rəm sí dɔ jikɔl Ala’g gə no̰#Pak 110.1. 13Yeḛ si ŋgina ne ndɔ gə́ njéba̰je ləa d’a tel to nétura-gɔl-kɔm ləa. 14Mbata mbɔl dɔ nékar Ala kára ba kiao gə́ yeḛ un aree lé ɓa yeḛ ar deḛ gə́ to gə kəmee tel to ne maji d’ɔr njoroŋ.
15Yee ɓa gə́ ta gə́ Ndilmeenda kara ɔr ginee ar sí tɔ, mbata loo gə́ yeḛ kédé pana:
16Aa ooje, manrɔ gə́ m’a man ne rɔm kar dee
Loo gə́ ndəaje neelé a dəs mba̰ ndá
M’a kula godndumje meḛ dee’g ləm,
M’a ndaŋg dee dɔɓəŋgərə dee’g ləm tɔ.
Mbaidɔmbaije ɓa pa bèe:
Tɔɓəi yeḛ ila maree dɔ’g pana#Jer 31.33:
17Meem a kolé dɔ kaiya’g lə dee əsé néra gə́ kori-korije’g lə dee gogo nda̰ el#Jer 31.34.
18Kaiyaje gə́ Ala ar mée oso lemsé dɔ dee’g mba̰ ndá d’a kinja néməs mba kuga ne dɔ dee’g gogo el ŋga.
Ar sí n’rəmje pər gə́ rɔ Ala’g lé
19Ŋgakɔmje, məs Jeju ɓa ar rəw-kaw mee loo gə́ to gə kəmee to ne tag ar sí j’askəm kandə keneŋ gə meendakaḭ. 20Jeju lé woḭ kəm kubu ar sí j’andə ne rəw gə́ sigi gə́ to kor-kor. Nɛ kubee lé to gə́ darəa-yeḛ. 21Yee ɓa jeḛ j’iŋga ne ŋgɔ-njekinjanéməs gə́ to mbai dɔ kəi-Ala 22ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ#Ləb 8.30, Ejk 36.25. 23Meḛ sí gə́ j’unda yel gə́ dəa’g lé ar sí j’aarje keneŋ njaŋg ɓó j’awje ne yo-yo nee-nee el mbata yeḛ gə́ un ndia ar sí lé to gə́ njemeenda londoŋ ya. 24Tɔɓəi ar sí j’ə̰ji tor na̰ gə mba kɔs kudu na̰ dɔ nojikwa’g ləm, gə dɔ kula ra gə́ maji’g ləm tɔ. 25Njé gə́ na̰je lal kwa dɔ na̰, nɛ maji kar sí n’raje to gə́ deḛ ra el. Nɛ maji kar sí j’ulaje diŋgam meḛ na̰’d unda nje gə́ kédé mbata seḭ ooje ndɔ gə́ boo lé si aw gə́ nee dəb ya.
26Jeḛ gə́ kəm sí inja dɔ kankəmta’g mba̰, ɓó lé jeḛ n’sula rɔ sí sɔgɔ dan kaiya’g lə sí gogo ndá nékinjaməs gə́ raŋg gə́ ka̰ kuga kaiya lé godo. 27Nɛ néngina gə́ to ɓəl kədm-kədm gə́ to rəwta-gaŋg lé ləm, gə pər gə́ o̰ bilim-bilim gə́ a gə kuba njékaltaje naŋg bus roo dee ne ləm tɔ#Esa 26.11. 28Yeḛ gə́ al dɔ godndu Moyis lé ta wa dəa gə goo ta gə́ njékɔrgootaje jooje munda jén d’ɔm dəa’g ndá d’a kun kəm dee tim-tim karee uga ne gə rəa#TtG 17.6, 19.15. 29Nɛ ɓəd ɓa see yeḛ gə́ njaa dɔ Ŋgon-Ala’g lé ləm, oo məs manrɔ gə́ aree to ne dəw gə́ to gə kəmee lé oo gə́ né el ləma, ila ndɔl dɔ Ndil gə́ njenoji’g ləm tɔ ndá yeḛ gə́ ra togə́bè lé see tuji gə́ a koso dəa’g lé a kur dɔ maree’g nee el wa#Tr 24.8. 30Mbata yeḛ gə́ pana: Dal ba̰ to kama, ma ɓa m’a dal bea̰ lé jeḛ n’gəree gao ya. Tɔɓəi yeḛ pana: Mbaidɔmbaije a gaŋg-rəwta dɔ koso-dəwje’g ləa#TtG 32.35-36. 31Koso gə́ dəw a koso ji Ala gə́ njesikəmba’g lé a to né gə́ to ɓəl kədm-kədm.
32Arje meḛ sí olé dɔ ndɔ gə́ dɔtar loo gə́ kəm sí inja mba̰ ndá seḭ ulaje rɔ sí ndubu dan nékəmndooje’g. 33Loo gə́ na̰je deḛ d’ila rɔkul dɔ sí’g kəm dəwje’g d’ar sí sije ne dan némeekonje’g ləm, loo gə́ na̰je loo gə́ deḛ ra togə́bè gə mar síje ndá seḭ oreeje rɔ sí sə dee na̰’d més ləm tɔ. 34Tɔgərɔ ya seḭ ooje kəmtondoo lə daŋgaije ləm, loo gə́ deḛ tuji néje lə sí ndá seḭ raje rɔlel dɔ’g ləm tɔ mbata seḭ gərje gao, nébaoje lə sí gə́ maji unda gə́ to gə no̰ lé to gən. 35Bèe ndá né gə́ seḭ ndaje meḛ sí kaḭ dɔ’g lé ya̰je gée yɔgɔ el, yee neelé to né gə́ gadee dum loo ya. 36Mbata kai meḛ sí sam-sam ɓa gə́ kuma̰ mba kar loo gə́ seḭ raje torndu Ala areeje ɔr rɔd mba̰ ɓa seḭ a kiŋgaje ne né gə́ yeḛ un ndia mba kar sí lé ɓəi.
37Waga, waga ndá yeḛ gə́ a gə ree lé a ree ya
Ɓó a ŋgira kudee el#Hab 2.3-4.
38Meekun ɓa njemeekarabasur ləm a si ne kəmba lé
Nɛ ɓó lé yeḛ sa rəa rəw ndá məəm a ndá dəa’g el.
39Jeḛ lé jeḛ n’to dəwje gə́ njésa rɔ deeje gə mba tuji ne el. Nɛ jeḛ n’to dəwje gə́ j’aar dɔ meekun’g lə sí njaŋg mba kaji ne ya.
Currently Selected:
Ǝbrəje 10: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Ǝbrəje 10
10
Məs Jeju ar loo gə́ to gə kəmee to tag
1Tɔgərɔ ya godndu lé gə́ wa ndil néje gə́ wɔji dɔ darɔ néje gə́ a gə ree lé to mbɔree’g ɓó to as səa béréré-béréré el. Togə́bè ɓa nékinjanéməsje gə́ deḛ d’inja d’ɔs ne goo na̰ goo na̰ gə ləb dee ləb dee lé d’askəm kar njeaje-je to ne maji d’ɔr njoroŋ el. 2Ɓó lé to togə́bè el ndá d’a kəw rɔ dee kun nékoga-kaiyaje kar Ala. Mbata njeaje-je lé gə́ d’wa Ala meḛ dee’g lé loo gə́ deḛ togo won kaiya lə dee gɔl kára mba̰ ndá meḛ dee a kaar kərm dɔ kaiya’g lə dee el ŋga. 3Nɛ nékinjanéməsje gə́ deḛ d’inja gə ləb dee ləb dee lé teg ne gel kaiya lə dee wad-wad. 4Mbata məs bɔ maŋgje əsé bàl bya̰je askəm kɔr kaiya meḛ dəwje’g el.
5Gelee gə́ nee ɓa, loo gə́ Kristi ree naŋg nee yeḛ pana:
I ndiŋga nékinjaməs gə nékar lé el,
Nɛ i gɔl kubururɔm am#Pak 40.7-9,
6Nékinjaməs gə́ roo gə nékoga-kaiyaje lé taa kəmi el.
7Yen ɓa ma m’pana: Aa oo, m’isi m’ree.
(Deḛ ndaŋg ta ləm mee maktub gə́ kə́ na̰’d mber-mber)
Ǝi Ala lé, mba ra torndui karee ɔr rɔd ya.
8Seḭ ooje gao, loo gə́ pa mba̰ pana: Nékulje gə́ d’inja gə́ məs ləm, gə nékarnojije ləm, gə nékulje gə́ roo dee ləma, gə nékoga-kaiyaje ləm tɔ lé i ndigi dee el (nɛ to né gə́ deḛ ra gə goo godndu lé). 9Tɔɓəi yeḛ tel pa maree tɔɓəi pana: Aa oo, m’isi m’ree mba ra torndui karee ɔr rɔd ya. Yee ɓa yeḛ tuji yee gə́ kédé pugudu mba tel ra yee gə́ njekɔm’g joo lé. 10Mbɔl dɔ torndu neelé ɓa yeḛ ɔr sí unda sí ne gə kəmee gə darɔ Jeju Kristi gə́ yeḛ ya̰ ar Ala lé gɔl kára ba kiao gə́ ŋgaŋgee.
11To gə́ njékinjanéməsje kára-kára lai d’aar keneŋ ndə̰gərə tɔl nékulje gə́ d’asəna kára ba ta-ta mba kuga ne kaiya ɓa kaiya ɔr el lé#Tr 29.38 12Kristi lé un nékòga kaiya ar Ala gɔl kára ba kiao gə́ ŋgaŋgee ɓa yeḛ rəm sí dɔ jikɔl Ala’g gə no̰#Pak 110.1. 13Yeḛ si ŋgina ne ndɔ gə́ njéba̰je ləa d’a tel to nétura-gɔl-kɔm ləa. 14Mbata mbɔl dɔ nékar Ala kára ba kiao gə́ yeḛ un aree lé ɓa yeḛ ar deḛ gə́ to gə kəmee tel to ne maji d’ɔr njoroŋ.
15Yee ɓa gə́ ta gə́ Ndilmeenda kara ɔr ginee ar sí tɔ, mbata loo gə́ yeḛ kédé pana:
16Aa ooje, manrɔ gə́ m’a man ne rɔm kar dee
Loo gə́ ndəaje neelé a dəs mba̰ ndá
M’a kula godndumje meḛ dee’g ləm,
M’a ndaŋg dee dɔɓəŋgərə dee’g ləm tɔ.
Mbaidɔmbaije ɓa pa bèe:
Tɔɓəi yeḛ ila maree dɔ’g pana#Jer 31.33:
17Meem a kolé dɔ kaiya’g lə dee əsé néra gə́ kori-korije’g lə dee gogo nda̰ el#Jer 31.34.
18Kaiyaje gə́ Ala ar mée oso lemsé dɔ dee’g mba̰ ndá d’a kinja néməs mba kuga ne dɔ dee’g gogo el ŋga.
Ar sí n’rəmje pər gə́ rɔ Ala’g lé
19Ŋgakɔmje, məs Jeju ɓa ar rəw-kaw mee loo gə́ to gə kəmee to ne tag ar sí j’askəm kandə keneŋ gə meendakaḭ. 20Jeju lé woḭ kəm kubu ar sí j’andə ne rəw gə́ sigi gə́ to kor-kor. Nɛ kubee lé to gə́ darəa-yeḛ. 21Yee ɓa jeḛ j’iŋga ne ŋgɔ-njekinjanéməs gə́ to mbai dɔ kəi-Ala 22ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ#Ləb 8.30, Ejk 36.25. 23Meḛ sí gə́ j’unda yel gə́ dəa’g lé ar sí j’aarje keneŋ njaŋg ɓó j’awje ne yo-yo nee-nee el mbata yeḛ gə́ un ndia ar sí lé to gə́ njemeenda londoŋ ya. 24Tɔɓəi ar sí j’ə̰ji tor na̰ gə mba kɔs kudu na̰ dɔ nojikwa’g ləm, gə dɔ kula ra gə́ maji’g ləm tɔ. 25Njé gə́ na̰je lal kwa dɔ na̰, nɛ maji kar sí n’raje to gə́ deḛ ra el. Nɛ maji kar sí j’ulaje diŋgam meḛ na̰’d unda nje gə́ kédé mbata seḭ ooje ndɔ gə́ boo lé si aw gə́ nee dəb ya.
26Jeḛ gə́ kəm sí inja dɔ kankəmta’g mba̰, ɓó lé jeḛ n’sula rɔ sí sɔgɔ dan kaiya’g lə sí gogo ndá nékinjaməs gə́ raŋg gə́ ka̰ kuga kaiya lé godo. 27Nɛ néngina gə́ to ɓəl kədm-kədm gə́ to rəwta-gaŋg lé ləm, gə pər gə́ o̰ bilim-bilim gə́ a gə kuba njékaltaje naŋg bus roo dee ne ləm tɔ#Esa 26.11. 28Yeḛ gə́ al dɔ godndu Moyis lé ta wa dəa gə goo ta gə́ njékɔrgootaje jooje munda jén d’ɔm dəa’g ndá d’a kun kəm dee tim-tim karee uga ne gə rəa#TtG 17.6, 19.15. 29Nɛ ɓəd ɓa see yeḛ gə́ njaa dɔ Ŋgon-Ala’g lé ləm, oo məs manrɔ gə́ aree to ne dəw gə́ to gə kəmee lé oo gə́ né el ləma, ila ndɔl dɔ Ndil gə́ njenoji’g ləm tɔ ndá yeḛ gə́ ra togə́bè lé see tuji gə́ a koso dəa’g lé a kur dɔ maree’g nee el wa#Tr 24.8. 30Mbata yeḛ gə́ pana: Dal ba̰ to kama, ma ɓa m’a dal bea̰ lé jeḛ n’gəree gao ya. Tɔɓəi yeḛ pana: Mbaidɔmbaije a gaŋg-rəwta dɔ koso-dəwje’g ləa#TtG 32.35-36. 31Koso gə́ dəw a koso ji Ala gə́ njesikəmba’g lé a to né gə́ to ɓəl kədm-kədm.
32Arje meḛ sí olé dɔ ndɔ gə́ dɔtar loo gə́ kəm sí inja mba̰ ndá seḭ ulaje rɔ sí ndubu dan nékəmndooje’g. 33Loo gə́ na̰je deḛ d’ila rɔkul dɔ sí’g kəm dəwje’g d’ar sí sije ne dan némeekonje’g ləm, loo gə́ na̰je loo gə́ deḛ ra togə́bè gə mar síje ndá seḭ oreeje rɔ sí sə dee na̰’d més ləm tɔ. 34Tɔgərɔ ya seḭ ooje kəmtondoo lə daŋgaije ləm, loo gə́ deḛ tuji néje lə sí ndá seḭ raje rɔlel dɔ’g ləm tɔ mbata seḭ gərje gao, nébaoje lə sí gə́ maji unda gə́ to gə no̰ lé to gən. 35Bèe ndá né gə́ seḭ ndaje meḛ sí kaḭ dɔ’g lé ya̰je gée yɔgɔ el, yee neelé to né gə́ gadee dum loo ya. 36Mbata kai meḛ sí sam-sam ɓa gə́ kuma̰ mba kar loo gə́ seḭ raje torndu Ala areeje ɔr rɔd mba̰ ɓa seḭ a kiŋgaje ne né gə́ yeḛ un ndia mba kar sí lé ɓəi.
37Waga, waga ndá yeḛ gə́ a gə ree lé a ree ya
Ɓó a ŋgira kudee el#Hab 2.3-4.
38Meekun ɓa njemeekarabasur ləm a si ne kəmba lé
Nɛ ɓó lé yeḛ sa rəa rəw ndá məəm a ndá dəa’g el.
39Jeḛ lé jeḛ n’to dəwje gə́ njésa rɔ deeje gə mba tuji ne el. Nɛ jeḛ n’to dəwje gə́ j’aar dɔ meekun’g lə sí njaŋg mba kaji ne ya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.