Teḛ-Raga 24
24
Manrɔ gə́ mbuna Ala’g gə Israɛlje lé to njaŋg
1Ala ula Moyis pana: Al ree rɔ Njesigənea̰’g i seḭ gə Aaro̰, gə Nadab, gə Abihu, gə ŋgatɔgje lə Israɛlje rɔ-siri ndá seḭ a kundaje barmba gə kuree ɗegəse. 2Moyis nja gə karee ba ɓa a rəm pər gə́ rɔ Njesigənea̰’g, nɛ njé gə́ raŋg lé d’a rəm gə́ mbɔree’g el ləm, koso-dəwje kara d’a kal ree səa na̰’d el ləm tɔ.
3Moyis ree ula koso-dəwje taje lə Njesigənea̰ lai ləm, gə godndiaje lai ləm tɔ ndá koso-dəwje lai d’unda ndu dee na̰’d kára ba pana: Jeḛ j’a raje néje lai gə́ Njesigənea̰ pa lé ya.
4Moyis ndaŋg taje lə Njesigənea̰ lé lai. Tɔɓəi yeḛ ḭta gə ndɔ rad, ndá yeḛ unda loo-nékinjaməs mbɔr mbal’g, yeḛ tɔs kɔr mbalje dɔg-gir-dee-joo dɔ na̰’d wɔji ne dɔ ginkoji lə Israɛlje gə́ dɔg-gir-dee-joo lé. 5Yeḛ ula basaje gə́ mbuna Israɛlje’g mba kar dee ree gə nékinjanéməsje gə́ ka̰ roo kar Njesigənea̰ ləm, gə mba kar dee tɔl bɔ maŋgje gə́ nékinjanéməsje gə́ ka̰ kɔm na̰’d ləm tɔ. 6Moyis taa ges məs ɓa ɔm mee baije’g lé ndá ges məs gə́ nai lé yeḛ saga dɔ loo-nékinjaməs’g lé. 7Yeḛ un maktub manrɔ tura kəm dəwje’g, ndá deḛ pana: Jeḛ j’a raje néje lai gə́ Njesigənea̰ pa ləm, j’a kilaje ŋgonkoji dəa’g ləm tɔ.
8Moyis taa məs lé ndá yeḛ saga dɔ dəwje’g ɓa pana: Aa ooje, məs manrɔ gə́ Njesigənea̰ mán ne rəa ar sí gə goo taje lai gə́ Yeḛ pa lé ɓa nee ya#Mat 26.28, Mar 14.24, Lug 22.20, 1Kɔr 11.25, Ǝbr 9.19-20, 10.29.
9Moyis deḛ gə Aaro̰, gə Nadab, gə Abihu, gə ŋgatɔgje lə Israɛlje gə́ rɔ-siri lé d’al d’aw dɔ mbal’g tar. 10Deḛ d’oo Ala lə Israɛlje, loo gə́ gel gɔlee’g to asəna gə né gə́ ra gə jər sapir gə́ ndogó jol-jol bèe ləm, asəna gə dara gə́ tḭja péd-péd bèe ləm tɔ. 11Yeḛ ar jia wɔi ndiŋ-ndiŋ dɔ njekɔrno̰ Israɛlje’g neelé el. Deḛ d’oo Ala ndá deḛ d’usɔ né ləm, d’ai né ləm tɔ.
Moyis iŋga Ala dɔ mbal’g
12Njesigənea̰ ula Moyis pana: Al gə́ rɔm’g dɔ mbal’g neelé ndá sí keneŋ nee, m’a gə kari bəgərə mbalje, loo gə́ ma m’ndaŋg godndumje gə torndumje keneŋ mba kari ndoo dee lé.
13Moyis ḭta, deḛ gə Juje gə́ nje la səa dɔ kula’g lé, ndá Moyis al aw dɔ mbal’g lə Ala. 14Yeḛ ula ŋgatɔgje pana: Ŋgina síje loo gə́ nee’g saar kar sí n’telje reeje rɔ sí’g ya. Aaro̰ gə Hur d’a nai sə sí, ɓó lé dəw aw gə ta mba gɔl ndá yeḛ a kaw ne rɔ dee-deḛ’g ya. 15Loo gə́ Moyis si al aw gə́ dɔ mbal’g neelé ndá mum ɔn dɔ mbal lé mbèd. 16Rɔnduba lə Njesigənea̰ nai dɔ mbal gə́ Sinai’g ndá Njesigənea̰ ɓar Moyis dan mum’g. 17Kəm Israɛlje’g lé rɔnduba lə Njesigənea̰ to asəna gə pər gə́ o̰ bilim-bilim bèe sém mbal gə́ tar. 18Moyis andə aw dan mum’g ndá yeḛ al aw dɔ mbal’g. Moyis si dɔ mbal’g neelé ndəa rɔ-sɔ dan kàrá gə loondul’g tɔ#TtG 9.9.
Currently Selected:
Teḛ-Raga 24: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Teḛ-Raga 24
24
Manrɔ gə́ mbuna Ala’g gə Israɛlje lé to njaŋg
1Ala ula Moyis pana: Al ree rɔ Njesigənea̰’g i seḭ gə Aaro̰, gə Nadab, gə Abihu, gə ŋgatɔgje lə Israɛlje rɔ-siri ndá seḭ a kundaje barmba gə kuree ɗegəse. 2Moyis nja gə karee ba ɓa a rəm pər gə́ rɔ Njesigənea̰’g, nɛ njé gə́ raŋg lé d’a rəm gə́ mbɔree’g el ləm, koso-dəwje kara d’a kal ree səa na̰’d el ləm tɔ.
3Moyis ree ula koso-dəwje taje lə Njesigənea̰ lai ləm, gə godndiaje lai ləm tɔ ndá koso-dəwje lai d’unda ndu dee na̰’d kára ba pana: Jeḛ j’a raje néje lai gə́ Njesigənea̰ pa lé ya.
4Moyis ndaŋg taje lə Njesigənea̰ lé lai. Tɔɓəi yeḛ ḭta gə ndɔ rad, ndá yeḛ unda loo-nékinjaməs mbɔr mbal’g, yeḛ tɔs kɔr mbalje dɔg-gir-dee-joo dɔ na̰’d wɔji ne dɔ ginkoji lə Israɛlje gə́ dɔg-gir-dee-joo lé. 5Yeḛ ula basaje gə́ mbuna Israɛlje’g mba kar dee ree gə nékinjanéməsje gə́ ka̰ roo kar Njesigənea̰ ləm, gə mba kar dee tɔl bɔ maŋgje gə́ nékinjanéməsje gə́ ka̰ kɔm na̰’d ləm tɔ. 6Moyis taa ges məs ɓa ɔm mee baije’g lé ndá ges məs gə́ nai lé yeḛ saga dɔ loo-nékinjaməs’g lé. 7Yeḛ un maktub manrɔ tura kəm dəwje’g, ndá deḛ pana: Jeḛ j’a raje néje lai gə́ Njesigənea̰ pa ləm, j’a kilaje ŋgonkoji dəa’g ləm tɔ.
8Moyis taa məs lé ndá yeḛ saga dɔ dəwje’g ɓa pana: Aa ooje, məs manrɔ gə́ Njesigənea̰ mán ne rəa ar sí gə goo taje lai gə́ Yeḛ pa lé ɓa nee ya#Mat 26.28, Mar 14.24, Lug 22.20, 1Kɔr 11.25, Ǝbr 9.19-20, 10.29.
9Moyis deḛ gə Aaro̰, gə Nadab, gə Abihu, gə ŋgatɔgje lə Israɛlje gə́ rɔ-siri lé d’al d’aw dɔ mbal’g tar. 10Deḛ d’oo Ala lə Israɛlje, loo gə́ gel gɔlee’g to asəna gə né gə́ ra gə jər sapir gə́ ndogó jol-jol bèe ləm, asəna gə dara gə́ tḭja péd-péd bèe ləm tɔ. 11Yeḛ ar jia wɔi ndiŋ-ndiŋ dɔ njekɔrno̰ Israɛlje’g neelé el. Deḛ d’oo Ala ndá deḛ d’usɔ né ləm, d’ai né ləm tɔ.
Moyis iŋga Ala dɔ mbal’g
12Njesigənea̰ ula Moyis pana: Al gə́ rɔm’g dɔ mbal’g neelé ndá sí keneŋ nee, m’a gə kari bəgərə mbalje, loo gə́ ma m’ndaŋg godndumje gə torndumje keneŋ mba kari ndoo dee lé.
13Moyis ḭta, deḛ gə Juje gə́ nje la səa dɔ kula’g lé, ndá Moyis al aw dɔ mbal’g lə Ala. 14Yeḛ ula ŋgatɔgje pana: Ŋgina síje loo gə́ nee’g saar kar sí n’telje reeje rɔ sí’g ya. Aaro̰ gə Hur d’a nai sə sí, ɓó lé dəw aw gə ta mba gɔl ndá yeḛ a kaw ne rɔ dee-deḛ’g ya. 15Loo gə́ Moyis si al aw gə́ dɔ mbal’g neelé ndá mum ɔn dɔ mbal lé mbèd. 16Rɔnduba lə Njesigənea̰ nai dɔ mbal gə́ Sinai’g ndá Njesigənea̰ ɓar Moyis dan mum’g. 17Kəm Israɛlje’g lé rɔnduba lə Njesigənea̰ to asəna gə pər gə́ o̰ bilim-bilim bèe sém mbal gə́ tar. 18Moyis andə aw dan mum’g ndá yeḛ al aw dɔ mbal’g. Moyis si dɔ mbal’g neelé ndəa rɔ-sɔ dan kàrá gə loondul’g tɔ#TtG 9.9.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.