Teḛ-Raga 18
18
Moyis gə məmeeje gə́ Jetro
1Jetro gə́ njekinjanéməs gə́ Madian gə́ to məəm Moyisje lé oo ta néje lai gə́ Ala ra mbata lə Moyis ləm, gə mbata lə Israɛlje gə́ to dəwje ləa ləma, yeḛ oo to gə́ Njesigənea̰ ar Israɛlje d’unda loo mee ɓee gə́ Ejiptə teḛ ləm tɔ. 2Jetro gə́ məəm Moyisje lé ar ŋgonee gə́ Sepora, gə́ to dené lə Moyis gə́ yeḛ aree tel aw ɓée kédé lé si rəa’g#Tr 2.21-22. 3Ŋgalə Sepora gə́ diŋgam joo kara d’isi rəa’g tɔ, yeḛ gə́ kára ria lə Gersɔm mbata Moyis pa pana: M’isi ɓee-kaḭ’g#NNk 7.29, 4yeḛ gə́ raŋg ria lə Eliéjer mbata yeḛ pa pana: Ala lə bɔmje la səm, tɔɓəi yeḛ nja ɔrm ta kiambas’g lə Parao̰.
5Jetro gə́ məəm Moyisje lé ree gə ŋgalə Moyis gə dené ləa lé, ree sə dee dɔdilaloo’g loo gə́ yeḛ si mbɔr mbal’g lə Ala waga. 6Yeḛ ar dee d’ula Moyis pana: Neḛ Jetro gə́ n’to məmeeje lé ɓa n’aw n’ree gə́ rəa’g gə dené ləa gə ŋganeeje gə́ diŋgam gə́ joo lé. 7Moyis teḛ aw tila kəm məmeeje ndá yeḛ unda barmba nea̰’g tɔɓəi yeḛ il ɓɔlee tɔ. Deḛ dəji na̰ ta gə́ wɔji dɔ roŋgəŋ lə dee-deḛ ləm gə ka̰ njémeekəije ləm tɔ ndá deḛ d’andə d’aw mee kəi-kubu’g lə Moyis. 8Moyis ndaji ta néje lai gə́ Njesigənea̰ ra gə Parao̰ gə njé gə́ Ejiptə mbata lə Israɛlje ləm, gə némeekonje lai gə́ teḛ dɔ dee’g rəbə ləma, gə rəbee gə́ Njesigənea̰ ɔr dee ne keneŋ ləm tɔ, ar məmeeje oo. 9Mee Jetro lelee dɔ meemajije lai gə́ Njesigənea̰ ra mbata lə Israɛlje ləm, gə kɔr gə́ yeḛ ɔr dee ji njé gə́ Ejiptə’g ləm tɔ. 10Jetro pana: Maji kar dɔ Njesigənea̰ ai səgərə, yeḛ gə́ njekɔr sí ji njé gə́ Ejiptə’g ləm, gə ji Parao̰’g ləm tɔ, yeḛ gə́ njekɔr koso-dəwje ji njé gə́ Ejiptə’g lé. 11Ɓasinè, ma m’gər gao to gə́ Njesigənea̰ lé ur dɔ magəje’g lai, mbata némeeyèr lə njé gə́ Ejiptə lé tel oso dɔ dee-deḛ’g ya.
12Jetro gə́ məəm Moyisje lé inja nékinjaməs gə́ ka̰ roo ləm, gə nékinjanéməsje gə́ raŋg ləm tɔ ar Ala. Ndá Aaro̰ gə ŋgatɔgje lə Israɛlje lai ree d’usɔ né na̰’d gə məəm Moyisje no̰ Ala’g lé.
Moyis mbər mbaije gə́ njégaŋ-rəwtaje
13Bèlè lookàree lé, Moyis si gaŋg rəwta lə dəwje ndá, dəwje neelé d’aar tar nea̰’g gə ndɔ ya saar d’ar kàr ur naŋg jig. 14Məm Moyisje oo néje lai gə́ yeḛ ra mbata lə dəwje neelé ndá yeḛ pana: See ban ɓa i ra bèe gə dəwje neelé wa. See gelee ban ɓa i nja gə kari ba si naŋg nee ndá ar koso-dəwje lai d’aar tar nɔḭ’g gə ndɔ ya saar d’ar kàr ur naŋg jig bèe wa. 15Moyis tel ila məmeeje’g lé pana: To mbata dəwje neelé ree rɔm’g mba koo rəwta-gaŋg gə ḭ rɔ Ala’g lé. 16Loo gə́ ta gə́ kəm gɔl to mbuna dee’g ndá deḛ ree ne rɔm’g, ma m’ɔr kəm ta gə́ to mbuna dee’g ndá m’ar dee gər ne ndukunje lə Ala ləm, gə godndiaje ləm tɔ.
17Məm Moyisje ulá pana: Né gə́ i ra neelé to sur el. 18I lé a sané siŋgai ləm, dəwje gə́ d’aar nɔḭ’g nee lé kara i sané siŋga dee ləm tɔ, mbata né neelé al dɔ siŋgai ɓó i nja gə kari ba a kaskəm ra né neelé el. 19Yen, ɓasinè lé, maji kari oo ndum ya, m’a gə kwɔjii né gə́ kəm ra ndá maji kar Ala nai səi ya, maji kari to njenai gə́ dəwje no̰ Ala’g lé ləm, i a kun taje lə dee kaw ne nea̰’g ləm tɔ. 20Maji kari ndoo dee godndiaje gə torndiaje, ar dee-deḛ gər rəw gə́ kəm kar dee njaa keneŋ ləma, gə né gə́ kəm kar dee ra ləm tɔ. 21Nɛ mbuna dəwje’g lai lé maji kari mbər diŋgamje gə́ siŋga dee to kɔgərɔ-kɔgərɔ ləm, deḛ gə́ ɓəl Ala ləm, diŋgamje gə́ gel dee godo ləma, deḛ gə́ to mwəiyoolarje el ləm tɔ, maji kari unda dee gə́ njékaa dɔ mar deeje: njékaa dɔ dəwje gə́ tɔl-dɔg-dɔg (1.000) ləm, njékaa dɔ dəwje gə́ tɔl-tɔl (100) ləm, njékaa dɔ dəwje gə́ rɔ-mi rɔ-mi (50) ləma, gə njékaa dɔ dəwje gə́ dɔg-dɔg (10) ləm tɔ. 22Maji kar dee gaŋg rəwta dɔ dəwje’g gə ndɔ dee ndɔ dee, taje gə́ boo-boo ɓa d’a ree ne rɔi’g, nɛ ŋgan taje gə́ lam-lam lé deḛ nja maji kar dee ra gə dɔrɔ dee. Ar nékodo gə́ wɔi gə́ to dɔi’g neelé wɔilɔ pélé, mbata deḛ d’a kodo səi na̰’d ya. 23Ɓó lé i ra togə́bè ɓa Ala un ndia dɔ’g ari ndá, yee ɓa i a kaskəm ra ləm, dəwje lai neelé kara d’a teḛ loo gə́ deḛ d’isi d’aw gə́ keneŋ lé gə meelɔm ya ləm tɔ.
24Moyis oo ta lə məmeeje ndá ra néje lai gə́ yeḛ ulá lé ya tɔ. 25Moyis mbər diŋgamje gə́ siŋga dee to kɔgərɔ-kɔgərɔ mbuna koso-dəwje gə́ Israɛl lai ndá yeḛ unda dee gə́ njékaa dɔ dəwje gə́ tɔl-dɔg-dɔg (1.000) ləm, njékaa dɔ dəwje gə́ tɔl-tɔl (100) ləm, gə njékaa dɔ dəwje gə́ rɔ-mi rɔ-mi ləma, gə njékaa dɔ dəwje gə́ dɔg-dɔg ləm tɔ. 26Deḛ gaŋg rəwta dɔ dəwje’g gə ndɔ dee ndɔ dee, taje gə́ kədərə yaa̰ lé ɓa deḛ d’aw ne no̰ Moyis’g, nɛ ŋgan taje gə́ lam-lam ndá deḛ nja gɔl gə dɔrɔ dee tɔ.
27Yen ɓa Moyis ya̰ loo ar məmeeje gə́ Jetro tel aw mee ɓee’g ləa gogo ɓəi.
Currently Selected:
Teḛ-Raga 18: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Teḛ-Raga 18
18
Moyis gə məmeeje gə́ Jetro
1Jetro gə́ njekinjanéməs gə́ Madian gə́ to məəm Moyisje lé oo ta néje lai gə́ Ala ra mbata lə Moyis ləm, gə mbata lə Israɛlje gə́ to dəwje ləa ləma, yeḛ oo to gə́ Njesigənea̰ ar Israɛlje d’unda loo mee ɓee gə́ Ejiptə teḛ ləm tɔ. 2Jetro gə́ məəm Moyisje lé ar ŋgonee gə́ Sepora, gə́ to dené lə Moyis gə́ yeḛ aree tel aw ɓée kédé lé si rəa’g#Tr 2.21-22. 3Ŋgalə Sepora gə́ diŋgam joo kara d’isi rəa’g tɔ, yeḛ gə́ kára ria lə Gersɔm mbata Moyis pa pana: M’isi ɓee-kaḭ’g#NNk 7.29, 4yeḛ gə́ raŋg ria lə Eliéjer mbata yeḛ pa pana: Ala lə bɔmje la səm, tɔɓəi yeḛ nja ɔrm ta kiambas’g lə Parao̰.
5Jetro gə́ məəm Moyisje lé ree gə ŋgalə Moyis gə dené ləa lé, ree sə dee dɔdilaloo’g loo gə́ yeḛ si mbɔr mbal’g lə Ala waga. 6Yeḛ ar dee d’ula Moyis pana: Neḛ Jetro gə́ n’to məmeeje lé ɓa n’aw n’ree gə́ rəa’g gə dené ləa gə ŋganeeje gə́ diŋgam gə́ joo lé. 7Moyis teḛ aw tila kəm məmeeje ndá yeḛ unda barmba nea̰’g tɔɓəi yeḛ il ɓɔlee tɔ. Deḛ dəji na̰ ta gə́ wɔji dɔ roŋgəŋ lə dee-deḛ ləm gə ka̰ njémeekəije ləm tɔ ndá deḛ d’andə d’aw mee kəi-kubu’g lə Moyis. 8Moyis ndaji ta néje lai gə́ Njesigənea̰ ra gə Parao̰ gə njé gə́ Ejiptə mbata lə Israɛlje ləm, gə némeekonje lai gə́ teḛ dɔ dee’g rəbə ləma, gə rəbee gə́ Njesigənea̰ ɔr dee ne keneŋ ləm tɔ, ar məmeeje oo. 9Mee Jetro lelee dɔ meemajije lai gə́ Njesigənea̰ ra mbata lə Israɛlje ləm, gə kɔr gə́ yeḛ ɔr dee ji njé gə́ Ejiptə’g ləm tɔ. 10Jetro pana: Maji kar dɔ Njesigənea̰ ai səgərə, yeḛ gə́ njekɔr sí ji njé gə́ Ejiptə’g ləm, gə ji Parao̰’g ləm tɔ, yeḛ gə́ njekɔr koso-dəwje ji njé gə́ Ejiptə’g lé. 11Ɓasinè, ma m’gər gao to gə́ Njesigənea̰ lé ur dɔ magəje’g lai, mbata némeeyèr lə njé gə́ Ejiptə lé tel oso dɔ dee-deḛ’g ya.
12Jetro gə́ məəm Moyisje lé inja nékinjaməs gə́ ka̰ roo ləm, gə nékinjanéməsje gə́ raŋg ləm tɔ ar Ala. Ndá Aaro̰ gə ŋgatɔgje lə Israɛlje lai ree d’usɔ né na̰’d gə məəm Moyisje no̰ Ala’g lé.
Moyis mbər mbaije gə́ njégaŋ-rəwtaje
13Bèlè lookàree lé, Moyis si gaŋg rəwta lə dəwje ndá, dəwje neelé d’aar tar nea̰’g gə ndɔ ya saar d’ar kàr ur naŋg jig. 14Məm Moyisje oo néje lai gə́ yeḛ ra mbata lə dəwje neelé ndá yeḛ pana: See ban ɓa i ra bèe gə dəwje neelé wa. See gelee ban ɓa i nja gə kari ba si naŋg nee ndá ar koso-dəwje lai d’aar tar nɔḭ’g gə ndɔ ya saar d’ar kàr ur naŋg jig bèe wa. 15Moyis tel ila məmeeje’g lé pana: To mbata dəwje neelé ree rɔm’g mba koo rəwta-gaŋg gə ḭ rɔ Ala’g lé. 16Loo gə́ ta gə́ kəm gɔl to mbuna dee’g ndá deḛ ree ne rɔm’g, ma m’ɔr kəm ta gə́ to mbuna dee’g ndá m’ar dee gər ne ndukunje lə Ala ləm, gə godndiaje ləm tɔ.
17Məm Moyisje ulá pana: Né gə́ i ra neelé to sur el. 18I lé a sané siŋgai ləm, dəwje gə́ d’aar nɔḭ’g nee lé kara i sané siŋga dee ləm tɔ, mbata né neelé al dɔ siŋgai ɓó i nja gə kari ba a kaskəm ra né neelé el. 19Yen, ɓasinè lé, maji kari oo ndum ya, m’a gə kwɔjii né gə́ kəm ra ndá maji kar Ala nai səi ya, maji kari to njenai gə́ dəwje no̰ Ala’g lé ləm, i a kun taje lə dee kaw ne nea̰’g ləm tɔ. 20Maji kari ndoo dee godndiaje gə torndiaje, ar dee-deḛ gər rəw gə́ kəm kar dee njaa keneŋ ləma, gə né gə́ kəm kar dee ra ləm tɔ. 21Nɛ mbuna dəwje’g lai lé maji kari mbər diŋgamje gə́ siŋga dee to kɔgərɔ-kɔgərɔ ləm, deḛ gə́ ɓəl Ala ləm, diŋgamje gə́ gel dee godo ləma, deḛ gə́ to mwəiyoolarje el ləm tɔ, maji kari unda dee gə́ njékaa dɔ mar deeje: njékaa dɔ dəwje gə́ tɔl-dɔg-dɔg (1.000) ləm, njékaa dɔ dəwje gə́ tɔl-tɔl (100) ləm, njékaa dɔ dəwje gə́ rɔ-mi rɔ-mi (50) ləma, gə njékaa dɔ dəwje gə́ dɔg-dɔg (10) ləm tɔ. 22Maji kar dee gaŋg rəwta dɔ dəwje’g gə ndɔ dee ndɔ dee, taje gə́ boo-boo ɓa d’a ree ne rɔi’g, nɛ ŋgan taje gə́ lam-lam lé deḛ nja maji kar dee ra gə dɔrɔ dee. Ar nékodo gə́ wɔi gə́ to dɔi’g neelé wɔilɔ pélé, mbata deḛ d’a kodo səi na̰’d ya. 23Ɓó lé i ra togə́bè ɓa Ala un ndia dɔ’g ari ndá, yee ɓa i a kaskəm ra ləm, dəwje lai neelé kara d’a teḛ loo gə́ deḛ d’isi d’aw gə́ keneŋ lé gə meelɔm ya ləm tɔ.
24Moyis oo ta lə məmeeje ndá ra néje lai gə́ yeḛ ulá lé ya tɔ. 25Moyis mbər diŋgamje gə́ siŋga dee to kɔgərɔ-kɔgərɔ mbuna koso-dəwje gə́ Israɛl lai ndá yeḛ unda dee gə́ njékaa dɔ dəwje gə́ tɔl-dɔg-dɔg (1.000) ləm, njékaa dɔ dəwje gə́ tɔl-tɔl (100) ləm, gə njékaa dɔ dəwje gə́ rɔ-mi rɔ-mi ləma, gə njékaa dɔ dəwje gə́ dɔg-dɔg ləm tɔ. 26Deḛ gaŋg rəwta dɔ dəwje’g gə ndɔ dee ndɔ dee, taje gə́ kədərə yaa̰ lé ɓa deḛ d’aw ne no̰ Moyis’g, nɛ ŋgan taje gə́ lam-lam ndá deḛ nja gɔl gə dɔrɔ dee tɔ.
27Yen ɓa Moyis ya̰ loo ar məmeeje gə́ Jetro tel aw mee ɓee’g ləa gogo ɓəi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.