Njé gə́ Epesə 6
6
1Ŋganje, ilaje ŋgonkoji dɔ njékoji síje’g gə goo rəw gə́ Mbaidɔmbaije ɓa wɔji mbata yee ɓa to né gə́ to gə goo rəbee . 2Təd kag bɔbije gə kɔinje. Yee ɓa to godndu gə́ dɔtar gə́ yeḛ un ndia dɔ’g mba kar dee d’iŋga ne né pana : 3Yen ɓa dɔ naŋg nee gə́ seḭ sije keneŋ lé kur sí a kəw keneŋ waga ləm, rɔ sí a lel sí ne yaa̰ ləm tɔ.
4Seḭ, bɔ ŋganje lé undaje ndu dɔ ŋgan síje’g el nɛ odo deeje ndəji deeje ləm, ndoo deeje ta lə Mbaidɔmbaije ləm tɔ .
5Seḭ kuraje lé ilaje ŋgonkoji dɔ ɓée síje’g gə́ dɔ naŋg nee gə meendakaḭ, ɓəlje ne kəm dee ləm, osoje ne kul no̰ dee’g ləm tɔ, to gə́ seḭ ɓəlje ne Kristi . 6Raje togə́bè loo gə́ d’oo sí gə kəm dee əsé gə mba taa ne kəm dəwje goo kára ba el nɛ raje to gə́ kuraje lə Kristi gə́ ra torndu Ala lé gə meendakaḭ. 7Raje kula ar deeje gə meḛ sí gə́ kára ba to gə́ seḭ raje arje Mbaidɔmbaije ɓó arje dəwje ba el, 8mbata seḭ gərje gao, nana kara lé yeḛ to gə́ ɓər əsé to gə́ ŋgonkoji kara a kiŋga dɔjia ji Mbaidɔmbaije’g gə goo néra maji gə́ yeḛ ra lé.
9Seḭ ɓée deeje kara raje sə dee gə goo rəbee togə́bè to ɓó ɔgje rɔ sí paje sə dee ta rədədə mbata seḭ gərje gao ɓée deeje to gə ɓée sí-seḭje sí dara ləm, tɔɓəi no̰ Ala’g lé d’a kɔr kəm dəw kára kara keneŋ el ləm tɔ .
Odoje nérɔje lə Ala bura
10Ŋgakɔmje, namje kaar Mbaidɔmbaije’g lə sí taaje ne siŋgamoŋ ləa gə́ dum dɔ loo oreeje ne maree lə sí. 11Odoje nérɔje lə Ala bura ɔmje rɔ sí’g gə mba koma̰ ne gə njekurai dum ne négosɔje ləa. 12Mbata darɔ dəw əsé məsee ɓa jeḛ j’oma̰ səa el, nɛ dəw-dɔ-looje ləm, gə njéko̰ɓeeje ləm, gə mbai dɔ naŋg gə́ ka̰ loondul’gje ləma, gə ndilje gə́ majel gə́ d’aw pən dara’g ləm tɔ lé deḛ ɓa jeḛ j’oma̰ sə dee ya. 13Gelee gə́ nee ɓa, odoje nérɔje lə Ala bura, ɔmje rɔ sí’g mba kaar ne njaŋg ndɔ gə́ lookàr gə́ majel a kàr dɔ sí’g ləm, loo gə́ seḭ dumje dɔ majelje lai mba̰ ndá a kaarje ne dɔ gɔl sí’g njaŋg ya ləm tɔ.
14Bèe ndá aarje dɔ gɔl sí’g njaŋg, waje ta meḛ sí gə ndar, yee ɓa gə́ kankəmta gə́ wa meḛ sí. Ulaje kubu-rɔ gə́ ŋgira kiŋ-kiŋ lé kaar sí’g, yee ɓa wɔji dɔ meekarabasur lé . 15Ulaje markob-rɔ gɔl sí’g, yee ɓa gə́ Tagə́maji gə́ seḭ a njaaje ne gə rɔkwɔilɔ lə sí gə mba kɔm ne dəwje na̰’d gə Ala lé . 16Odoje dərje lə sí ta-ta ɔnje ne rɔ sí bura, yee ɓa gə́ meekun lə sí gə́ seḭ a kasjekəm kunda ne ndo̰ niŋga pərje lə njekurai ɓad tɔlje ne pəree. 17Tulaje dɔgugu-kaji dɔ sí’g ləm, gə odoje niŋga lə Ndil gə́ to ta gə́ ḭ ta Ala’g lé ləm tɔ . 18Kàr gə́ rara kara raje tamaji dɔ néje’g lai ləm, raje ne mbai ta Ala’g gə goo Ndil gə́ to meḛ sí’g lé ləm tɔ. Sije dɔ kəji sí’g kəgəgə aije ne meḛ sí sam-sam raje mbai ta Ala’g mbata lə deḛ gə́ to gə kəmee lai ya. 19Raje tamaji mbata ləm-ma tɔ gə mba kar loo gə́ m’a teḛ tam mba teg ne gin Tagə́maji gə́ to loo-kiya’g lé m’a pata gə kəm ŋgondiŋgam gə tam gə́ wɔilɔ pélé-pélé, 20Yee ɓa ma m’to ne njenai gə dəwje mba Kristi nɛ m’isi gə kúla lar gwɔsm’g. Bèe ndá raje tamaji mba karm m’pa ne ta gə́ dum maḭ gə́ to kəm karm m’pa taree lé ya.
21Tisik, ŋgoko̰ sí gə́ jeḛ j’undá dan kəm sí’g ləm, gə́ to majikula lə Mbaidɔmbaije ləm tɔ lé yeḛ nja ɓa a kula sí taje lai gə́ wɔji dɔm ləm, gə né gə́ ma m’isi m’ra ləm tɔ . 22Yee ɓa ma m’ulá rɔ sí’g gə mbəa mba kar sí ooje ne ta lə sí ləm, gə mba karee gɔl meḛ sí kar meḛ sí oso ne naŋg po̰ ləm tɔ.
23Maji kar meelɔm, gə meenoji gə́ aw gə meekun gə́ ḭ rɔ Ala Bɔ síjeḛ ləm, gə rɔ Mbaidɔmbaije Jeju Kristi ləm tɔ lé nai gə ŋgako̰ síjeḛ lai! 24Maji kar noji lé nai gə deḛ lai gə́ d’unda Mbaidɔmbaije lə sí Jeju Kristi dan kəm dee’g gə meenda kaḭ ya!
Currently Selected:
Njé gə́ Epesə 6: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Njé gə́ Epesə 6
6
1Ŋganje, ilaje ŋgonkoji dɔ njékoji síje’g gə goo rəw gə́ Mbaidɔmbaije ɓa wɔji mbata yee ɓa to né gə́ to gə goo rəbee . 2Təd kag bɔbije gə kɔinje. Yee ɓa to godndu gə́ dɔtar gə́ yeḛ un ndia dɔ’g mba kar dee d’iŋga ne né pana : 3Yen ɓa dɔ naŋg nee gə́ seḭ sije keneŋ lé kur sí a kəw keneŋ waga ləm, rɔ sí a lel sí ne yaa̰ ləm tɔ.
4Seḭ, bɔ ŋganje lé undaje ndu dɔ ŋgan síje’g el nɛ odo deeje ndəji deeje ləm, ndoo deeje ta lə Mbaidɔmbaije ləm tɔ .
5Seḭ kuraje lé ilaje ŋgonkoji dɔ ɓée síje’g gə́ dɔ naŋg nee gə meendakaḭ, ɓəlje ne kəm dee ləm, osoje ne kul no̰ dee’g ləm tɔ, to gə́ seḭ ɓəlje ne Kristi . 6Raje togə́bè loo gə́ d’oo sí gə kəm dee əsé gə mba taa ne kəm dəwje goo kára ba el nɛ raje to gə́ kuraje lə Kristi gə́ ra torndu Ala lé gə meendakaḭ. 7Raje kula ar deeje gə meḛ sí gə́ kára ba to gə́ seḭ raje arje Mbaidɔmbaije ɓó arje dəwje ba el, 8mbata seḭ gərje gao, nana kara lé yeḛ to gə́ ɓər əsé to gə́ ŋgonkoji kara a kiŋga dɔjia ji Mbaidɔmbaije’g gə goo néra maji gə́ yeḛ ra lé.
9Seḭ ɓée deeje kara raje sə dee gə goo rəbee togə́bè to ɓó ɔgje rɔ sí paje sə dee ta rədədə mbata seḭ gərje gao ɓée deeje to gə ɓée sí-seḭje sí dara ləm, tɔɓəi no̰ Ala’g lé d’a kɔr kəm dəw kára kara keneŋ el ləm tɔ .
Odoje nérɔje lə Ala bura
10Ŋgakɔmje, namje kaar Mbaidɔmbaije’g lə sí taaje ne siŋgamoŋ ləa gə́ dum dɔ loo oreeje ne maree lə sí. 11Odoje nérɔje lə Ala bura ɔmje rɔ sí’g gə mba koma̰ ne gə njekurai dum ne négosɔje ləa. 12Mbata darɔ dəw əsé məsee ɓa jeḛ j’oma̰ səa el, nɛ dəw-dɔ-looje ləm, gə njéko̰ɓeeje ləm, gə mbai dɔ naŋg gə́ ka̰ loondul’gje ləma, gə ndilje gə́ majel gə́ d’aw pən dara’g ləm tɔ lé deḛ ɓa jeḛ j’oma̰ sə dee ya. 13Gelee gə́ nee ɓa, odoje nérɔje lə Ala bura, ɔmje rɔ sí’g mba kaar ne njaŋg ndɔ gə́ lookàr gə́ majel a kàr dɔ sí’g ləm, loo gə́ seḭ dumje dɔ majelje lai mba̰ ndá a kaarje ne dɔ gɔl sí’g njaŋg ya ləm tɔ.
14Bèe ndá aarje dɔ gɔl sí’g njaŋg, waje ta meḛ sí gə ndar, yee ɓa gə́ kankəmta gə́ wa meḛ sí. Ulaje kubu-rɔ gə́ ŋgira kiŋ-kiŋ lé kaar sí’g, yee ɓa wɔji dɔ meekarabasur lé . 15Ulaje markob-rɔ gɔl sí’g, yee ɓa gə́ Tagə́maji gə́ seḭ a njaaje ne gə rɔkwɔilɔ lə sí gə mba kɔm ne dəwje na̰’d gə Ala lé . 16Odoje dərje lə sí ta-ta ɔnje ne rɔ sí bura, yee ɓa gə́ meekun lə sí gə́ seḭ a kasjekəm kunda ne ndo̰ niŋga pərje lə njekurai ɓad tɔlje ne pəree. 17Tulaje dɔgugu-kaji dɔ sí’g ləm, gə odoje niŋga lə Ndil gə́ to ta gə́ ḭ ta Ala’g lé ləm tɔ . 18Kàr gə́ rara kara raje tamaji dɔ néje’g lai ləm, raje ne mbai ta Ala’g gə goo Ndil gə́ to meḛ sí’g lé ləm tɔ. Sije dɔ kəji sí’g kəgəgə aije ne meḛ sí sam-sam raje mbai ta Ala’g mbata lə deḛ gə́ to gə kəmee lai ya. 19Raje tamaji mbata ləm-ma tɔ gə mba kar loo gə́ m’a teḛ tam mba teg ne gin Tagə́maji gə́ to loo-kiya’g lé m’a pata gə kəm ŋgondiŋgam gə tam gə́ wɔilɔ pélé-pélé, 20Yee ɓa ma m’to ne njenai gə dəwje mba Kristi nɛ m’isi gə kúla lar gwɔsm’g. Bèe ndá raje tamaji mba karm m’pa ne ta gə́ dum maḭ gə́ to kəm karm m’pa taree lé ya.
21Tisik, ŋgoko̰ sí gə́ jeḛ j’undá dan kəm sí’g ləm, gə́ to majikula lə Mbaidɔmbaije ləm tɔ lé yeḛ nja ɓa a kula sí taje lai gə́ wɔji dɔm ləm, gə né gə́ ma m’isi m’ra ləm tɔ . 22Yee ɓa ma m’ulá rɔ sí’g gə mbəa mba kar sí ooje ne ta lə sí ləm, gə mba karee gɔl meḛ sí kar meḛ sí oso ne naŋg po̰ ləm tɔ.
23Maji kar meelɔm, gə meenoji gə́ aw gə meekun gə́ ḭ rɔ Ala Bɔ síjeḛ ləm, gə rɔ Mbaidɔmbaije Jeju Kristi ləm tɔ lé nai gə ŋgako̰ síjeḛ lai! 24Maji kar noji lé nai gə deḛ lai gə́ d’unda Mbaidɔmbaije lə sí Jeju Kristi dan kəm dee’g gə meenda kaḭ ya!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.