Néra Njékaḭkulaje 26
26
Takɔr lə Pool no̰ mbai Agripa’g
1Agripa ula Pool pana: M’ya̰ loo m’ari gə mba kari ɔr ta ləi gə mba taa ne dɔi ŋga.
Yen ɓa Pool ula jia paar un kudu kula dee ta gə mba taa ne rəa pana: 2Mbai, Agripa, məəm lelm yaa̰ gə mbata kaar gə́ m’aar nɔḭ’g ɓogənè gə mba kɔr goo ta néje lai gə́ Jibje səgm ne lé, 3mbata néjiɓeeje lə dee lé i gər gəd-gəd ya ləm, tamaḭje lə dee kara i gər gao ləm tɔ. Ma m’ra ndòo rɔi’g gə mba kari ila kaari més oo ne ta ləm ya.
4Ma lé néramje lai un kudee loo gə́ m’nai basa ɓəi lé Jibje lai d’oo gao ya, mbata m’isi dan gin kamje’g Jerusalem’g ya. 5Deḛ gər gao, ɓó lé deḛ ndigi kulai kara deḛ ya d’a kulai to m’wa gel ɓee lə Parisiḛje gə́ kwa, deḛ gə́ to kudu-dəwje gə́ njédɔmoŋgje dɔ rəw kwa Ala’g lə sí meḛ dee’g d’unda mar deeje gə́ raŋg lai lé#NNk 23.6, Plb 3.5. 6Ɓasinè deḛ teḛ səm loo-gaŋg-rəwta’g mbata kunda gə́ m’unda məəm yel dɔ ndukun gə́ Ala un ar ka síje lé gə mba karee aw lée’g béréré. 7Ndukun neelé ginkoji síjeḛ gə́ aḭ dɔg-giree-joo lé kara ndiŋga ne rɔ dee ləm, d’wa ne Ala lé meḛ dee’g ta-ta dan kàrá gə loondul’g ləm tɔ. Wah mbai, ta lə kṵdameeyel neelé nja ɓa Jibje səgm ne gə mbəa. 8Kwii, see kunda gə́ Ala a kar dəwje d’unda loo teḛ loo-yoo’g lé see ooje né gə́ kəm kunda mee yel dɔ’g el wa.
9Ma lé kédé m’ula rɔm ndubu gə mba kar ri Jeju gə́ Najaret neelé udu bo̰, yee ɓa ma m’oo gə́ né gə́ kəm ra. 10Yee ɓa gə́ néram gə́ m’ra mee ɓee gə́ Jerusalem’g ya. Mbai dɔ njékinjanéməsje-je d’un ndu dee d’am ndá m’wa deḛ gə́ to gə kəmee lé bula m’ɓugu dee daŋgai’g ləm, loo gə́ deḛ tɔl dee kara m’ɔm na̰’d téréré gə njétɔl deeje lé ləm tɔ. 11Gɔl bula ya m’un goo dee kəi-kwa-dɔ-na̰je’g lə deḛ lai m’ra sə dee né gə́ kədərə ləm, m’ɔs dee m’ar dee d’ila ndɔl dɔ Ala’g ləm tɔ. Oŋg ləm gə́ nuŋga kəd-kəd dɔ dee’g lé am m’aw m’ula kəm dee ndòo saar dɔ ɓeeje’g raŋg’d tɔ#NNk 8.3, 22.4-5.
Pool ɔr gin meekun ləa
NNk 9.1-19, 22.6-16
12Yen ŋga ma m’isi m’aw ne gə́ Damas gə́ torndu mbai dɔ njékinjanéməsje-je gə́ d’un ne ndu dee d’am lé gə mba ra né gə́ togə́bè ya. 13Wah! Mbai, loo gə́ m’isi m’aw gə́ rəbee bèe ya ɓa kàr aar daŋdɔ bèe ya ndá m’oo loo ḭ dara ndogó gugu dɔm gə dɔ deḛ gə́ d’aw səm lé sub, ar loo neelé ndogó wərərə unda ka̰ kàr ya. 14Jeḛ lai n’guru naŋg rug ndá m’oo ndu dəw ɓar gə ta Ǝbrə gə́ ulam pana: Sool, Sool, see ban ɓa i ula kəm ndòo bèe wa. Nékad gə́ d’ɔs ne kudi ɓèsèsè-ɓèsèsè lé ɓó lé gad kudi gə́ gogo ndá a koso rɔi’g pal ya. 15Ma m’dəjee m’pana: Mbai, see i to nawa. Yeḛ ilam keneŋ pana: Ma m’to Jeju gə́ i ula kəm ndòo lé ya. 16Nɛ uba naŋg ḭ aar tar paar mbata ma m’teḛ dɔi’g, mbata ma m’teḛ dɔi’g m’ɔri gə mba kundai gə́ njekula ləm ləm, gə njekɔrgoota néje gə́ i oo mba̰ ləma, gə néje gə́ m’a teḛ ne dɔi’g ɓəi ləm tɔ. 17Ma m’kɔdi dan koso-dəwje’g neelé ləm, gə dan njépole-magəje gə́ m’a gə kulai par gə́ rɔ dee’g lé ləm tɔ, 18mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ#NNk 9.1-19, 22.6-16.
Pool ɔr goo kula rəa
19Mbai Agripa, yee gə́ bèe ɓa né gə́ ḭ dara gə́ ram gə́ mḭdi lé m’ɔs rəw el. 20M’aw Damas kédé ɓa m’aw Jerusalem ləm, gə ɓeeje lai gə́ to ɓeeko̰ gə́ Jude ləma, gə goo ɓeeje lə njépole-magəje lé ləm tɔ lé m’ula dee ta kwa ndòo rɔ dɔ kaiya’g lə dee ləm, gə kɔs badm tel gə́ rɔ Ala’g ləma, gə néra gə́ a kwa bua kwa ndòo rɔ dɔ kaiya’g ləm tɔ#NNk 9.20, 28.29. 21Gelee gə́ nee ɓa Jibje d’wam ne mee kəi-Ala saŋg rəw gə mba kam m’udu ne bo̰ gə mbəa ya. 22Nɛ mbɔl dɔ la gə́ Ala lé la səm lé m’isi ne saar m’teḛ ɓogənè m’ɔr ne goo ta ləa no̰ mbaije’g ləm, gə no̰ dəwje gə́ kari ləm tɔ. Ta néje gə́ njéteggintaje ləm gə Moyis pa ləm pana: A gə ree lé yee ɓa m’aar dɔ’g ɓó m’ya̰ rəbee bèe el. 23Deḛje neelé pana: Kristi lé némeeko̰ a gə rəa ləm, yeḛ nja a to dəw gə́ doŋgɔr gə́ a teḛ dan njé gə́ d’wəi’g ləma, yeḛ nja a kila mber ta lə lookàr lé kar koso-dəwje ləm, ginkoji dəwje gə raŋg ləm tɔ#Esa 42.6, 49.6, 1Kɔr 15.20.
24To gə́ yeḛ aar pata bèe-bèe gə mba taa ne rəa lé ndá Pestus pata wəl pana: Pool, kɔr oso dɔi’g! Boo-négərje ləi ɔm kɔr dɔi’g ya.
25Pool ilá keneŋ pana: Pestus, i gə́ maji dum lé to kɔr ɓa ram el ɓòo. Nɛ ta néje lai gə́ m’pa lé to gə́ kankəmta ləm, to ta gə́ to gə goo rəbee ya ləm tɔ. 26Kəm mbai inja dɔ taje’g neelé yee ɓa m’wɔji ne səa ta yororo-yororo, ma m’gər gao, ta néje neelé kára kara a lal mbia el, mbata néje gə́ m’wɔji sí lé taree teḛ kəm dəwje’g lai ɓó to né gə́ ra loo-kiya’g el. 27Mbai Agripa, see i ɔm məəi dɔ njéteggintaje’g wa. Ma m’gər gao, i ɔm məəi dɔ dee’g ya.
28Agripa ula Pool pana: Nai lam bèe gə mba kari ula ta məəm’g telm ne gə́ njetaamee-Kristi to ŋga.
29Pool tel ilá keneŋ pana: Nai lam bèe əsé kuree a kəw waga ɓəi kara ma m’ra ndòo rɔ Ala’g gə mba karee teli to gə́ ma bèe ya, i ɓa gə kari el nɛ deḛ lai gə́ d’isi d’oo ta ləm ɓogənè lé tɔ, nɛ kúla lar gə́ wam lé ɓa maji karee tibi mbɔri sí el.
30Yen ŋga mbai ləm, gə njeguburuɓee ləm, gə Berenisə ləma, gə deḛ lai gə́ d’isi sə dee keneŋ ləm tɔ lé d’uba naŋg kiu d’ḭta. 31Loo gə́ deḛ d’isi sa rɔ dee ŋgədəŋ ndá deḛ d’ula na̰ pana: Dəw neelé ra né gə́ as yoo əsé daŋgai el.
32Agripa ula Pestus pana: Dəw neelé ɓó lé ɓar ri Sesar el ndá to kəm kila tar ya.
Currently Selected:
Néra Njékaḭkulaje 26: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Néra Njékaḭkulaje 26
26
Takɔr lə Pool no̰ mbai Agripa’g
1Agripa ula Pool pana: M’ya̰ loo m’ari gə mba kari ɔr ta ləi gə mba taa ne dɔi ŋga.
Yen ɓa Pool ula jia paar un kudu kula dee ta gə mba taa ne rəa pana: 2Mbai, Agripa, məəm lelm yaa̰ gə mbata kaar gə́ m’aar nɔḭ’g ɓogənè gə mba kɔr goo ta néje lai gə́ Jibje səgm ne lé, 3mbata néjiɓeeje lə dee lé i gər gəd-gəd ya ləm, tamaḭje lə dee kara i gər gao ləm tɔ. Ma m’ra ndòo rɔi’g gə mba kari ila kaari més oo ne ta ləm ya.
4Ma lé néramje lai un kudee loo gə́ m’nai basa ɓəi lé Jibje lai d’oo gao ya, mbata m’isi dan gin kamje’g Jerusalem’g ya. 5Deḛ gər gao, ɓó lé deḛ ndigi kulai kara deḛ ya d’a kulai to m’wa gel ɓee lə Parisiḛje gə́ kwa, deḛ gə́ to kudu-dəwje gə́ njédɔmoŋgje dɔ rəw kwa Ala’g lə sí meḛ dee’g d’unda mar deeje gə́ raŋg lai lé#NNk 23.6, Plb 3.5. 6Ɓasinè deḛ teḛ səm loo-gaŋg-rəwta’g mbata kunda gə́ m’unda məəm yel dɔ ndukun gə́ Ala un ar ka síje lé gə mba karee aw lée’g béréré. 7Ndukun neelé ginkoji síjeḛ gə́ aḭ dɔg-giree-joo lé kara ndiŋga ne rɔ dee ləm, d’wa ne Ala lé meḛ dee’g ta-ta dan kàrá gə loondul’g ləm tɔ. Wah mbai, ta lə kṵdameeyel neelé nja ɓa Jibje səgm ne gə mbəa. 8Kwii, see kunda gə́ Ala a kar dəwje d’unda loo teḛ loo-yoo’g lé see ooje né gə́ kəm kunda mee yel dɔ’g el wa.
9Ma lé kédé m’ula rɔm ndubu gə mba kar ri Jeju gə́ Najaret neelé udu bo̰, yee ɓa ma m’oo gə́ né gə́ kəm ra. 10Yee ɓa gə́ néram gə́ m’ra mee ɓee gə́ Jerusalem’g ya. Mbai dɔ njékinjanéməsje-je d’un ndu dee d’am ndá m’wa deḛ gə́ to gə kəmee lé bula m’ɓugu dee daŋgai’g ləm, loo gə́ deḛ tɔl dee kara m’ɔm na̰’d téréré gə njétɔl deeje lé ləm tɔ. 11Gɔl bula ya m’un goo dee kəi-kwa-dɔ-na̰je’g lə deḛ lai m’ra sə dee né gə́ kədərə ləm, m’ɔs dee m’ar dee d’ila ndɔl dɔ Ala’g ləm tɔ. Oŋg ləm gə́ nuŋga kəd-kəd dɔ dee’g lé am m’aw m’ula kəm dee ndòo saar dɔ ɓeeje’g raŋg’d tɔ#NNk 8.3, 22.4-5.
Pool ɔr gin meekun ləa
NNk 9.1-19, 22.6-16
12Yen ŋga ma m’isi m’aw ne gə́ Damas gə́ torndu mbai dɔ njékinjanéməsje-je gə́ d’un ne ndu dee d’am lé gə mba ra né gə́ togə́bè ya. 13Wah! Mbai, loo gə́ m’isi m’aw gə́ rəbee bèe ya ɓa kàr aar daŋdɔ bèe ya ndá m’oo loo ḭ dara ndogó gugu dɔm gə dɔ deḛ gə́ d’aw səm lé sub, ar loo neelé ndogó wərərə unda ka̰ kàr ya. 14Jeḛ lai n’guru naŋg rug ndá m’oo ndu dəw ɓar gə ta Ǝbrə gə́ ulam pana: Sool, Sool, see ban ɓa i ula kəm ndòo bèe wa. Nékad gə́ d’ɔs ne kudi ɓèsèsè-ɓèsèsè lé ɓó lé gad kudi gə́ gogo ndá a koso rɔi’g pal ya. 15Ma m’dəjee m’pana: Mbai, see i to nawa. Yeḛ ilam keneŋ pana: Ma m’to Jeju gə́ i ula kəm ndòo lé ya. 16Nɛ uba naŋg ḭ aar tar paar mbata ma m’teḛ dɔi’g, mbata ma m’teḛ dɔi’g m’ɔri gə mba kundai gə́ njekula ləm ləm, gə njekɔrgoota néje gə́ i oo mba̰ ləma, gə néje gə́ m’a teḛ ne dɔi’g ɓəi ləm tɔ. 17Ma m’kɔdi dan koso-dəwje’g neelé ləm, gə dan njépole-magəje gə́ m’a gə kulai par gə́ rɔ dee’g lé ləm tɔ, 18mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ#NNk 9.1-19, 22.6-16.
Pool ɔr goo kula rəa
19Mbai Agripa, yee gə́ bèe ɓa né gə́ ḭ dara gə́ ram gə́ mḭdi lé m’ɔs rəw el. 20M’aw Damas kédé ɓa m’aw Jerusalem ləm, gə ɓeeje lai gə́ to ɓeeko̰ gə́ Jude ləma, gə goo ɓeeje lə njépole-magəje lé ləm tɔ lé m’ula dee ta kwa ndòo rɔ dɔ kaiya’g lə dee ləm, gə kɔs badm tel gə́ rɔ Ala’g ləma, gə néra gə́ a kwa bua kwa ndòo rɔ dɔ kaiya’g ləm tɔ#NNk 9.20, 28.29. 21Gelee gə́ nee ɓa Jibje d’wam ne mee kəi-Ala saŋg rəw gə mba kam m’udu ne bo̰ gə mbəa ya. 22Nɛ mbɔl dɔ la gə́ Ala lé la səm lé m’isi ne saar m’teḛ ɓogənè m’ɔr ne goo ta ləa no̰ mbaije’g ləm, gə no̰ dəwje gə́ kari ləm tɔ. Ta néje gə́ njéteggintaje ləm gə Moyis pa ləm pana: A gə ree lé yee ɓa m’aar dɔ’g ɓó m’ya̰ rəbee bèe el. 23Deḛje neelé pana: Kristi lé némeeko̰ a gə rəa ləm, yeḛ nja a to dəw gə́ doŋgɔr gə́ a teḛ dan njé gə́ d’wəi’g ləma, yeḛ nja a kila mber ta lə lookàr lé kar koso-dəwje ləm, ginkoji dəwje gə raŋg ləm tɔ#Esa 42.6, 49.6, 1Kɔr 15.20.
24To gə́ yeḛ aar pata bèe-bèe gə mba taa ne rəa lé ndá Pestus pata wəl pana: Pool, kɔr oso dɔi’g! Boo-négərje ləi ɔm kɔr dɔi’g ya.
25Pool ilá keneŋ pana: Pestus, i gə́ maji dum lé to kɔr ɓa ram el ɓòo. Nɛ ta néje lai gə́ m’pa lé to gə́ kankəmta ləm, to ta gə́ to gə goo rəbee ya ləm tɔ. 26Kəm mbai inja dɔ taje’g neelé yee ɓa m’wɔji ne səa ta yororo-yororo, ma m’gər gao, ta néje neelé kára kara a lal mbia el, mbata néje gə́ m’wɔji sí lé taree teḛ kəm dəwje’g lai ɓó to né gə́ ra loo-kiya’g el. 27Mbai Agripa, see i ɔm məəi dɔ njéteggintaje’g wa. Ma m’gər gao, i ɔm məəi dɔ dee’g ya.
28Agripa ula Pool pana: Nai lam bèe gə mba kari ula ta məəm’g telm ne gə́ njetaamee-Kristi to ŋga.
29Pool tel ilá keneŋ pana: Nai lam bèe əsé kuree a kəw waga ɓəi kara ma m’ra ndòo rɔ Ala’g gə mba karee teli to gə́ ma bèe ya, i ɓa gə kari el nɛ deḛ lai gə́ d’isi d’oo ta ləm ɓogənè lé tɔ, nɛ kúla lar gə́ wam lé ɓa maji karee tibi mbɔri sí el.
30Yen ŋga mbai ləm, gə njeguburuɓee ləm, gə Berenisə ləma, gə deḛ lai gə́ d’isi sə dee keneŋ ləm tɔ lé d’uba naŋg kiu d’ḭta. 31Loo gə́ deḛ d’isi sa rɔ dee ŋgədəŋ ndá deḛ d’ula na̰ pana: Dəw neelé ra né gə́ as yoo əsé daŋgai el.
32Agripa ula Pestus pana: Dəw neelé ɓó lé ɓar ri Sesar el ndá to kəm kila tar ya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.