(Los Hechos de los Apóstoles) 2
2
Wakaní Pegkeji taamu
1Tsawan Pentecostés jegamtai, ashí makichkinmag ijunjag batsataidau. 2Nuninai, pachiachbau nayaimpinmaya dase senchi dasentak kedegtuwama imatuk, jegá dita pekagbaunum tauwai; 3nuniaig, wantinjauwai jii kegama numamtin aidau, nunik ditan makí makichik kanajug pekamtujui; 4nunikmatai Wakaní Pegkeji ashí egkemtujajui, dutikam tikich chichaman chichaidau Wakan chichamtikamua dutiksag.
5Nu tsawanta duik, judío aidau Apajuí puyatjus umijin ashí tikich nugkanum batsamin aidau Jerusalén kaunawag batsataidau. 6Nu imatuk kedegtamun antukag aents aidauk ijunjajui; nunikag puyatkajui, wagki makí makichik ditá chichamen chichaidaun antuidau asag. 7Nunik puyatkag anentai jegachag chichainak:
—¿Ju chichaina jujú ashí galileanmaya ainatsuak? 8¿Wajukaya chichainawa makí makichik iina chichamen chichaidau antuinag dusha? 9Juwig partianmaya aidau, medianmaya aidaush, elamnumia, mesopotamianmaya, judeanmaya, capadocianmaya, pontonmaya, asianmaya, 10frigianmaya, panfilianmaya, egiptonmaya nuigtú Libia nugka aina nui, Cirene tikiju awa nuiya, Roma batsamnushkam juig pujuinawai; 11ujumak judío aidau nuigtú judío atajai tumabiag judío waigkú aidau, cretanmaya aidaushkam nuigtú arabianmaya aidaujai antuinaji iina chichamen Apajuí imanjin pachisag chichainamu.
12Tusag ashí puyatkaju, nunikag shiig anentaimainchau dekapenak, pempeentunisag iniininak:
—¿Jusha wagka juninawa? tudayinau.
13Tuinai tikich aidau dushikinak:
—Nampejajama, tuidau.
Pedro chichakbau
14Tiagtai Pedro, once aina nujai wajainiag, senchi chichaká: “Mina pataag judío aidauwah, nuigtú ashí atum Jerusalén batsamin aidautigmesh, jujú shiig dekaatajum wi titatjim nu. 15Atum nampegchajeash tajum duka nuninchauwai, yamá a las nueve weawai; 16juka profeta Joel nuniktinai tusa etsegkamua nuuwai, duka:
17“ ‘Tsawan inagnamunum, Apajuí tawai, mina Wakanjun ashí aentsun susatnaitjai.
Dutikawajam atumi uchijum aidau, nuigtú nawanjum aidaushkam mina pachittsag etsejiagtinai; nuniamunum
datsauch aidauk paan wainiagtinai, nuninai muuntuch aidauk kajanum kajabiagtinai.
18Aikasnuk aishmag, mina inakeg aina nuna, nuigtú
nuwa mina inakeg aina nunashkam nu tsawan atina duik mina Wakanjun susatnaitjai.
Dutikawajam mina pachittsag etsegtujiagtinai.
19Yakí nayaimpinum nuigtú nugkanmashkam nuninush wainchatain iwaintuktinuitjime: Numpan, jiin, yujagkim aidau bukuitamun.
20Etsag suwe wajastinai, nantushkam numpa wajastinai,
eke Apu Apajuí senchijijai tsawan wajas minitna nu jegatsaig.
21Tujash ashí aents Apu Jesusan adaiyas segauk uwemjatnai’,#2.21 Jl. 2.28-32. tawai.
22“Israel aidautigmesh ju chicham antuktajum: Jesús nazaretnumiaya nuna Apajuí awemauwai dutikau asa niina senchijinash susauwai, dutika niiní aents dutikmainchau aidaun, anentai jegagmainchau aidaunash nuigtú wainchatai aidaun atumin iwaintugmakajua duka atumek shiig dekagme; 23nunú sujukuitjume Apajuí wajuk dutikatasa emtikak dekauwaita dutiksagmek; dutikajum aents pegkegchau aidaujai ijuntugjum cruznum achigjum mau ainagme. 24Tujash Apajuí inankiuwai ni jaak najaimaku waittsamunash agkanmitka, wagki jata duka niinak depetmainchau aajakui.
25“Davidchakam Jesusan pachis tiuwai:
“ ‘Wainbaijai mina Apujuk tuke mina emtijui pujaun,
wagki mina untsujui pujawai nuniau asamtai umuchtumainchau ainawai.
26Nuadui mina anentaijuk shiig aneawai, nuniak shiig aneas kantamui,
nuigtushkam ashí mina iyashjuk niinu dekas atatui;
27wagki mina wakanjuk Hadesnumak idaisashtatme, nuigtush aminu Pegkegma duka kaugtí tichattame.
28Ame iwaintugkauwaitme jinta aidau pujutnumiaya nunú;
Dutijuam shiig aneemtijustatme ame pujau asam’.#2.28 Sal. 16.8-11.
29“Yatsug aidauh idaitustajum paan titajime, iina muunji David aajakua duka jakauwai, nunikmatai ukusaju ainawai, nu ukusbauk yamaikish jutiiní awai. 30Tujash Davitak profeta aajakui, nuniau asa dekajakui Apajuí chicham yapajimainchauwai anagkuak, ame weantunmayan makichik ame ekeemtaigmin ekentsatnaitjai tibauwa nuna. 31Nuna aatus emtikak Cristo aneantinun wainu asa, wakanig Hadesnumag juwakchatnai iyashigkesh kaugchatnai tiuwai. 32Nunú Jesusa nuna Apajuí inankiuwai, duka jutii ashí wainkau ainaji. 33Dutika eme anentai awajus nuigtú Apajuí niina untsujin ekentsam, Apají Wakaní Pegkejin anagtamauwa nuna juki sukagtusa nunú wainkaugme nuigtush antukugme. 34Wagki Davidchauwai nayaimpinum wakauwa duka, nigki juna:
“ ‘Apu mina Apujun chichajak, ekeemsata mina untsujui,
35wi amina shiwajum aidaunak amina dawemin ikautkatjame’,#2.35 Sal. 110.1. tiuwai.
36“Nunin asamtai shiig dekaskea ju ashí Israel aidautigmek dekaatajum, nunú Jesús atum achigbauwa nuna Apajuí etegka atumi Apujum nuigtú uwemtikagtin awasae”.
37Nuna antukag shiig senchi anentain najaimawaju, nunikag Pedron nuigtú tikich apóstol aidaun iniinak:
—Yatsug aidauh, ¿jutiish wajukmainaitji? tuidau.
38Tiagtai Pedro ayaak:
—Tudau takat idaikujum pujutjum yapajiatajum, nunikjum makí makichik yamimagtajum Jesucristo daajin, tudau tsagkugnagtag tabaunum; nunikjum Wakaní Pegkeji jukittagme. 39Wagki Apajuí anagkagtuamua duka atumdau ainawai, atumi uchijum aina nudau, nuigtú ashí atushat batsataina dushakam; ya aidauna Apu Apajuí untsuktatus wakegawa nudau ainawai.
40Nuigtú kuashat tikich chichamnash etsejak aents aidaun chichajak tiuwai:
—Aents pegkegchau aina duka ukuktajum.
41Nu tabaun chichaman antukag yamimakajui; nunikag nunú tsawanta duik tres mil aents tumain kawegkajui. 42Nunikag apóstol aidau jintiamua dutiksag umidau, nuninak shiig ijuntsag pempeentunisag yainidau, nunisag pagkan yuinak Apajuinash aujuidau.
Nagkamchak Jesusa nemagkaju aidau pujutji
43Ashí puyatjusag diidau aents aidauk, kuashat aents dutikmainchaun dutikainak apóstol aidau iwainagtai. 44Ashí Jesusa dekaskeapi tiaju aidauk makichik anentaiyaik ijunaidau, nunidau asag ashí wají aidaush betek ajuidau; 45ditá nugken nuigtú wajiijinash sujukag, ashí makí makichik atsumaina dutiksag akandayidau. 46Kashí kashinig jega Apajuí ememattainum ijuntsagké aidau, nuninak ditá jeenish ijunag shiig aneas wakegat anentaiyai pagkan yuidau, 47nuninak Apajuin emematuinak, imadiagtai ashí aents aidaushkam wakejus diidau. Nuniagtai Apu Apajuishkam kashí kashinig aents uwemaidaunak ikaweau.
Currently Selected:
(Los Hechos de los Apóstoles) 2: AGR
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc.
(Los Hechos de los Apóstoles) 2
2
Wakaní Pegkeji taamu
1Tsawan Pentecostés jegamtai, ashí makichkinmag ijunjag batsataidau. 2Nuninai, pachiachbau nayaimpinmaya dase senchi dasentak kedegtuwama imatuk, jegá dita pekagbaunum tauwai; 3nuniaig, wantinjauwai jii kegama numamtin aidau, nunik ditan makí makichik kanajug pekamtujui; 4nunikmatai Wakaní Pegkeji ashí egkemtujajui, dutikam tikich chichaman chichaidau Wakan chichamtikamua dutiksag.
5Nu tsawanta duik, judío aidau Apajuí puyatjus umijin ashí tikich nugkanum batsamin aidau Jerusalén kaunawag batsataidau. 6Nu imatuk kedegtamun antukag aents aidauk ijunjajui; nunikag puyatkajui, wagki makí makichik ditá chichamen chichaidaun antuidau asag. 7Nunik puyatkag anentai jegachag chichainak:
—¿Ju chichaina jujú ashí galileanmaya ainatsuak? 8¿Wajukaya chichainawa makí makichik iina chichamen chichaidau antuinag dusha? 9Juwig partianmaya aidau, medianmaya aidaush, elamnumia, mesopotamianmaya, judeanmaya, capadocianmaya, pontonmaya, asianmaya, 10frigianmaya, panfilianmaya, egiptonmaya nuigtú Libia nugka aina nui, Cirene tikiju awa nuiya, Roma batsamnushkam juig pujuinawai; 11ujumak judío aidau nuigtú judío atajai tumabiag judío waigkú aidau, cretanmaya aidaushkam nuigtú arabianmaya aidaujai antuinaji iina chichamen Apajuí imanjin pachisag chichainamu.
12Tusag ashí puyatkaju, nunikag shiig anentaimainchau dekapenak, pempeentunisag iniininak:
—¿Jusha wagka juninawa? tudayinau.
13Tuinai tikich aidau dushikinak:
—Nampejajama, tuidau.
Pedro chichakbau
14Tiagtai Pedro, once aina nujai wajainiag, senchi chichaká: “Mina pataag judío aidauwah, nuigtú ashí atum Jerusalén batsamin aidautigmesh, jujú shiig dekaatajum wi titatjim nu. 15Atum nampegchajeash tajum duka nuninchauwai, yamá a las nueve weawai; 16juka profeta Joel nuniktinai tusa etsegkamua nuuwai, duka:
17“ ‘Tsawan inagnamunum, Apajuí tawai, mina Wakanjun ashí aentsun susatnaitjai.
Dutikawajam atumi uchijum aidau, nuigtú nawanjum aidaushkam mina pachittsag etsejiagtinai; nuniamunum
datsauch aidauk paan wainiagtinai, nuninai muuntuch aidauk kajanum kajabiagtinai.
18Aikasnuk aishmag, mina inakeg aina nuna, nuigtú
nuwa mina inakeg aina nunashkam nu tsawan atina duik mina Wakanjun susatnaitjai.
Dutikawajam mina pachittsag etsegtujiagtinai.
19Yakí nayaimpinum nuigtú nugkanmashkam nuninush wainchatain iwaintuktinuitjime: Numpan, jiin, yujagkim aidau bukuitamun.
20Etsag suwe wajastinai, nantushkam numpa wajastinai,
eke Apu Apajuí senchijijai tsawan wajas minitna nu jegatsaig.
21Tujash ashí aents Apu Jesusan adaiyas segauk uwemjatnai’,#2.21 Jl. 2.28-32. tawai.
22“Israel aidautigmesh ju chicham antuktajum: Jesús nazaretnumiaya nuna Apajuí awemauwai dutikau asa niina senchijinash susauwai, dutika niiní aents dutikmainchau aidaun, anentai jegagmainchau aidaunash nuigtú wainchatai aidaun atumin iwaintugmakajua duka atumek shiig dekagme; 23nunú sujukuitjume Apajuí wajuk dutikatasa emtikak dekauwaita dutiksagmek; dutikajum aents pegkegchau aidaujai ijuntugjum cruznum achigjum mau ainagme. 24Tujash Apajuí inankiuwai ni jaak najaimaku waittsamunash agkanmitka, wagki jata duka niinak depetmainchau aajakui.
25“Davidchakam Jesusan pachis tiuwai:
“ ‘Wainbaijai mina Apujuk tuke mina emtijui pujaun,
wagki mina untsujui pujawai nuniau asamtai umuchtumainchau ainawai.
26Nuadui mina anentaijuk shiig aneawai, nuniak shiig aneas kantamui,
nuigtushkam ashí mina iyashjuk niinu dekas atatui;
27wagki mina wakanjuk Hadesnumak idaisashtatme, nuigtush aminu Pegkegma duka kaugtí tichattame.
28Ame iwaintugkauwaitme jinta aidau pujutnumiaya nunú;
Dutijuam shiig aneemtijustatme ame pujau asam’.#2.28 Sal. 16.8-11.
29“Yatsug aidauh idaitustajum paan titajime, iina muunji David aajakua duka jakauwai, nunikmatai ukusaju ainawai, nu ukusbauk yamaikish jutiiní awai. 30Tujash Davitak profeta aajakui, nuniau asa dekajakui Apajuí chicham yapajimainchauwai anagkuak, ame weantunmayan makichik ame ekeemtaigmin ekentsatnaitjai tibauwa nuna. 31Nuna aatus emtikak Cristo aneantinun wainu asa, wakanig Hadesnumag juwakchatnai iyashigkesh kaugchatnai tiuwai. 32Nunú Jesusa nuna Apajuí inankiuwai, duka jutii ashí wainkau ainaji. 33Dutika eme anentai awajus nuigtú Apajuí niina untsujin ekentsam, Apají Wakaní Pegkejin anagtamauwa nuna juki sukagtusa nunú wainkaugme nuigtush antukugme. 34Wagki Davidchauwai nayaimpinum wakauwa duka, nigki juna:
“ ‘Apu mina Apujun chichajak, ekeemsata mina untsujui,
35wi amina shiwajum aidaunak amina dawemin ikautkatjame’,#2.35 Sal. 110.1. tiuwai.
36“Nunin asamtai shiig dekaskea ju ashí Israel aidautigmek dekaatajum, nunú Jesús atum achigbauwa nuna Apajuí etegka atumi Apujum nuigtú uwemtikagtin awasae”.
37Nuna antukag shiig senchi anentain najaimawaju, nunikag Pedron nuigtú tikich apóstol aidaun iniinak:
—Yatsug aidauh, ¿jutiish wajukmainaitji? tuidau.
38Tiagtai Pedro ayaak:
—Tudau takat idaikujum pujutjum yapajiatajum, nunikjum makí makichik yamimagtajum Jesucristo daajin, tudau tsagkugnagtag tabaunum; nunikjum Wakaní Pegkeji jukittagme. 39Wagki Apajuí anagkagtuamua duka atumdau ainawai, atumi uchijum aina nudau, nuigtú ashí atushat batsataina dushakam; ya aidauna Apu Apajuí untsuktatus wakegawa nudau ainawai.
40Nuigtú kuashat tikich chichamnash etsejak aents aidaun chichajak tiuwai:
—Aents pegkegchau aina duka ukuktajum.
41Nu tabaun chichaman antukag yamimakajui; nunikag nunú tsawanta duik tres mil aents tumain kawegkajui. 42Nunikag apóstol aidau jintiamua dutiksag umidau, nuninak shiig ijuntsag pempeentunisag yainidau, nunisag pagkan yuinak Apajuinash aujuidau.
Nagkamchak Jesusa nemagkaju aidau pujutji
43Ashí puyatjusag diidau aents aidauk, kuashat aents dutikmainchaun dutikainak apóstol aidau iwainagtai. 44Ashí Jesusa dekaskeapi tiaju aidauk makichik anentaiyaik ijunaidau, nunidau asag ashí wají aidaush betek ajuidau; 45ditá nugken nuigtú wajiijinash sujukag, ashí makí makichik atsumaina dutiksag akandayidau. 46Kashí kashinig jega Apajuí ememattainum ijuntsagké aidau, nuninak ditá jeenish ijunag shiig aneas wakegat anentaiyai pagkan yuidau, 47nuninak Apajuin emematuinak, imadiagtai ashí aents aidaushkam wakejus diidau. Nuniagtai Apu Apajuishkam kashí kashinig aents uwemaidaunak ikaweau.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc.