Tito 2
2
Ri sakil c'utunic
1No'j ri'at Tito, lic chirajawaxic e ronoje ri cac'utu xaki junam ruc' ri sakil c'utunic re ri Dios. 2Chebapixabaj rachijab e nimak winak chic cha' caquich'ob chi utz janipa ri caqui'ano, caquichajij chi utz ri quibinic quisilabic chiquiwach ri jujun chic, caquichajij quib cha' na quetzak ta pa mac, yey e sakil ri cubulibal quic'u'x, ri rutzil quic'u'x y ri unimal quic'u'x.
3Yey chabi'ij chique rixokib e nimak winak chic: C'ola xi'in ib cuc' chwach ri Dios chwi ri quibinic quisilabic, mebu'an e aj molot, maquiya quib che k'abaric, e chek'ilon chwi ri utz. 4Quic'utu c'u chique ri e c'ac'al ixokib cha' c'ax quequina' ri cachijil y ri calc'o'al, 5caquichajij quib cha' na quetzak ta pa mac y jela' chom ri quibinic quisilabic, quechacun chi utz pa ja, caquic'ut ri rutzil quic'u'x y caquitakej ri cachijil. Caqui'an c'u ronoje wa' cha' jela' na jinta junok tzel cach'a't chirij Rutzij Upixab ri Dios.
6Chabi'ij c'u chique ralabo caquichajij quib cha' na quetzak ta pa mac. 7Yey ri'at Tito, e chac'utu ri utz chiquiwach ruc' ri sakil abinic asilabic chwi ronoje ri ca'ano. Chatc'utun chi jusuc' ruc' sakil na'oj 8y ruc' utzilaj ch'a'tem cha' jela' we c'o junok cach'a't chawij, utuquel cuya uq'uix ma na jinta mac carikitaj chawij.
9Yey chebapixabaj raj chaquib cha' caquinimaj quitzij ri cajaw, caqui'an chi utz ronoje cha' ri cajaw quequi'cot cuc' y na quec'ulila'n taj. 10Maqui'an ne qui'que che rubitak re ri cajaw; e qui'ana ronoje chi jusuc' cha' jela' cak'alajinic lic chom ri c'utunic re ri Dios Kacolobenel.
11Ma ri Dios uk'alajisam chi ri unimal rutzil uc'u'x cha' conoje ri ticawex quecolobetajic. 12Ec'u ri' ri unimal rutzil uc'u'x ri Dios c'utuyum chike sa' u'anic cakaya can ronoje mac y ronoje ri rayibal na utz ta uwach, yey e c'utuyum chike chirajawaxic cakach'ob chi utz ri caka'ano cha' wak'ij ora cojbin jusuc' ruc' jun sakil binic silabic chwach ri Dios. 13Lic chirajawaxic caka'an wa' y cakacuba' pana kac'u'x che ri chomilaj k'ij re qui'cotemal echiri' cac'un tanchi ri Dios Kajawxel, ri Kacolobenel Jesucristo. 14Rire xuya rib pa camic kuma ri'oj, xojulok'o cha' cojresaj che ronoje ri na utz taj, cuchomaj ri kabinic kasilabic y jela' coju'an oj utinamit lic kaya'om kib che u'anic chomilaj tak chac.
15E chac'utu' janipa tak wa ximbi'ij chawe; chatpixaban chi utz y chach'a'bej quipa tak ri caqui'an ri na utz taj. Cha'ana c'u wa' ma pak'ab ri'at ya'tal wi ca'ano; maya c'u luwar che junok cuc'ak bi ak'ij.
Currently Selected:
Tito 2: acrT
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
Tito 2
2
Ri sakil c'utunic
1No'j ri'at Tito, lic chirajawaxic e ronoje ri cac'utu xaki junam ruc' ri sakil c'utunic re ri Dios. 2Chebapixabaj rachijab e nimak winak chic cha' caquich'ob chi utz janipa ri caqui'ano, caquichajij chi utz ri quibinic quisilabic chiquiwach ri jujun chic, caquichajij quib cha' na quetzak ta pa mac, yey e sakil ri cubulibal quic'u'x, ri rutzil quic'u'x y ri unimal quic'u'x.
3Yey chabi'ij chique rixokib e nimak winak chic: C'ola xi'in ib cuc' chwach ri Dios chwi ri quibinic quisilabic, mebu'an e aj molot, maquiya quib che k'abaric, e chek'ilon chwi ri utz. 4Quic'utu c'u chique ri e c'ac'al ixokib cha' c'ax quequina' ri cachijil y ri calc'o'al, 5caquichajij quib cha' na quetzak ta pa mac y jela' chom ri quibinic quisilabic, quechacun chi utz pa ja, caquic'ut ri rutzil quic'u'x y caquitakej ri cachijil. Caqui'an c'u ronoje wa' cha' jela' na jinta junok tzel cach'a't chirij Rutzij Upixab ri Dios.
6Chabi'ij c'u chique ralabo caquichajij quib cha' na quetzak ta pa mac. 7Yey ri'at Tito, e chac'utu ri utz chiquiwach ruc' ri sakil abinic asilabic chwi ronoje ri ca'ano. Chatc'utun chi jusuc' ruc' sakil na'oj 8y ruc' utzilaj ch'a'tem cha' jela' we c'o junok cach'a't chawij, utuquel cuya uq'uix ma na jinta mac carikitaj chawij.
9Yey chebapixabaj raj chaquib cha' caquinimaj quitzij ri cajaw, caqui'an chi utz ronoje cha' ri cajaw quequi'cot cuc' y na quec'ulila'n taj. 10Maqui'an ne qui'que che rubitak re ri cajaw; e qui'ana ronoje chi jusuc' cha' jela' cak'alajinic lic chom ri c'utunic re ri Dios Kacolobenel.
11Ma ri Dios uk'alajisam chi ri unimal rutzil uc'u'x cha' conoje ri ticawex quecolobetajic. 12Ec'u ri' ri unimal rutzil uc'u'x ri Dios c'utuyum chike sa' u'anic cakaya can ronoje mac y ronoje ri rayibal na utz ta uwach, yey e c'utuyum chike chirajawaxic cakach'ob chi utz ri caka'ano cha' wak'ij ora cojbin jusuc' ruc' jun sakil binic silabic chwach ri Dios. 13Lic chirajawaxic caka'an wa' y cakacuba' pana kac'u'x che ri chomilaj k'ij re qui'cotemal echiri' cac'un tanchi ri Dios Kajawxel, ri Kacolobenel Jesucristo. 14Rire xuya rib pa camic kuma ri'oj, xojulok'o cha' cojresaj che ronoje ri na utz taj, cuchomaj ri kabinic kasilabic y jela' coju'an oj utinamit lic kaya'om kib che u'anic chomilaj tak chac.
15E chac'utu' janipa tak wa ximbi'ij chawe; chatpixaban chi utz y chach'a'bej quipa tak ri caqui'an ri na utz taj. Cha'ana c'u wa' ma pak'ab ri'at ya'tal wi ca'ano; maya c'u luwar che junok cuc'ak bi ak'ij.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.