Romanos 16
16
Ri Pablo cuya pan rutzil quiwach ri hermanos e c'o Roma
1Cantz'ibaj pan che alak puwi ri ka hermana Febe, ri e cuq'uil raj chaquib e to'bel pa riglesia c'o Cencrea; rire uch'obom copon uc' alak. 2Cantz'onoj co che alak, c'ulu alak chi utz wa hermana pa rubi' ri Kanimajawal Jesucristo jela' pacha' ri takalic ca'an chiquixo'l ri quicojom rubi' ri Cristo. To'o co alak ruc' tak janipa ri cajawax che, ma rire lic e q'ui ri ebuto'om y lic ne inuto'om ri'in.
3Ya'a alak rutzil quiwach ri Priscila y ri Aquila, ri e wachbi'il pa ruchac ri Kanimajawal Jesucristo. 4Yey xtewun ne ri camic paquiwi rique ruma xinquito'o. E uwari'che, na xew ta ri'in quintioxin pan chique, ma quetioxin pan conoje riglesias que ri na e ta aj Israel.
5Ya'a alak rutzil quiwach conoje ri hermanos ri caquimol quib pa cocho ri Aquila y ri Priscila.
Ya'a alak rutzil uwach ri Epeneto, ri lic c'ax canna'o, ma e rire ri nabe xucoj rubi' ri Cristo wara Acaya.
6Ya'a alak rutzil uwach ri María, ri lic chacuninak chixo'libal alak.
7Ya'a alak rutzil quiwach ri Andrónico y ri Junias; ri e watz-nuchak' yey xec'oji' junam wuc' pa cárcel. Rique lic calok'ox quik'ij chikaxo'l ri oj utako'n ri Jesús, yey rique xquicoj rubi' ri Cristo nabe chinuwach ri'in.
8Ya'a alak rutzil uwach ri Amplias, jun hermano lic c'ax canna' chupa rubi' ri Kanimajawal.
9Ya'a alak rutzil uwach ri Urbano; rire e jun kachbi'il pa ruchac ri Cristo.
Ya'a alak rutzil uwach ri Estaquis, jun hermano lic c'ax canna' ri'in.
10Ya'a alak rutzil uwach ri Apeles, ri lic uc'utum ri cubulibal uc'u'x ruc' ri Cristo.
Ya'a alak rutzil quiwach conoje ri e c'o pa rocho ri Aristóbulo.
11Ya'a alak rutzil uwach ri watz-nuchak' Herodión.
Ya'a alak rutzil quiwach conoje ri e c'o pa rocho ri Narciso, ri quicojom rubi' ri Kanimajawal.
12Ya'a alak rutzil uwach ri Trifena y ri Trifosa; rique lic quiya'om quib pa ruchac ri Kanimajawal.
Ya'a alak rutzil uwach ri Pérsida, ri lic c'ax cana'ic yey lic chacuninak pa ruchac ri Kanimajawal.
13Ya'a alak rutzil uwach ri Rufo; wa' e jun hermano lic chom rubinic usilabic chwach ri Kanimajawal. Yey ya'a alak rutzil uwach ruchu, ma rire u'anom pacha' nuchu ri'in.
14Ya'a alak rutzil quiwach ri Asíncrito, ri Flegonte, ri Hermas, ri Patrobas, ri Hermes y ri jujun chic hermanos e c'o cuc' rique.
15Ya'a alak rutzil quiwach ri Filólogo y ri Julia, ri Nereo ruc' ri ranab yey ri Olimpas cuc' conoje rutinamit ri Dios e c'o cuc' rique.
16Ya'a rutzil wach alak chiwach alak ruc' jun sakil tz'ubuj chi'aj chwach ri Dios.#16:16 Ri Pablo jewa' xubi'ij ma rique e caqui'an wa' chiquiwach echiri' caquiya rutzil quiwach.
Conoje ri hermanos wara re pa tak riglesias re ri Cristo caquiya pan rutzil wach alak.
17Lic c'u cantz'onoj che alak hermanos, e lic cachajij ib alak chiquiwach ri caquijach upa riglesia y caquicoj tzakibal chirij ri sakil c'utunic cha' e c'o jujun chic na caquicoj ta ri c'ulum chi ralak. Chiquij c'u wa', chesaj ib alak; 18ma na e ta quitakem ri Cristo, e lic quitakem ri quirayibal rique. Ri quich'a'tem lic chacojo' y lic chom catatajic, pero ruc' wa' quequisoc ri ticawex na jinta co quina'oj.
19Lic c'ut eta'matal chi cuma conoje e lic takem alak ri sakil c'utunic, y lic quinqui'cot che alak ruma wa'. Yey ri cuaj che alak e lic c'ola na'oj alak che u'anic ri utz, na che ta u'anic ri na utz taj. 20Ec'u ri Dios, ri aj ya'l utzil chomal, na camayin ta che cuyik'ilibej uwi' ri Satanás chuxe' ri akan alak; ma e cuya che alak ri cach'ij alak uchuk'ab ri Satanás. C'ulu c'u alak ri unimal rutzil uc'u'x ri Kanimajawal Jesucristo.
21Cuya pan rutzil wach alak ri Timoteo, ri wachbi'il pa ruchac ri Cristo. Jenela' caquiya pan rutzil wach alak ri e watz-nuchak' Lucio, ri Jasón y ri Sosípater.
22Yey ri'in in Tercio, ri quintajin che utz'ibaxic wa' wa carta e chirij ri cubi'ij ri Pablo che alak, canya pan rutzil wach alak pa rubi' ri Kanimajawal.
23Ri Gayo cuya pan rutzil wach alak; rire inuc'ulum pa rocho y uya'om chique conoje ri hermanos ri e aj wara caquimol quib pa rocho. Jenela' cuya pan rutzil wach alak ri Erasto, ri aj c'olol puak re wa tinamit; jenela' ri hermano Cuarto cuya pan rutzil wach alak.
24Ri unimal rutzil uc'u'x ri Kanimajawal Jesucristo c'ola uc' onoje alak. Amén.
Ri Pablo cuyac uk'ij ri Dios
25Kayaca c'u uk'ij ri Dios, ri c'o puk'ab cutiquiba' alak chi utz chupa ri Utzilaj Tzij re ri Kanimajawal Jesucristo, ri nutzijom lok. Wa' e puwi ri na uk'alajisam ta lo ri Dios ojertan, 26yey ec'u wo'ora xk'alajisax chikawach. Jec'ula' cak'alajin chi utz ri tz'ibital can puwi ri K'ijsak chupa Ruch'a'tem ri Dios cuma ri k'alajisanelab. Ri Dios, ri na jinta utakexic ruc'aslemal, e xtakan che catzijox ri K'ijsak puwi ri Cristo chique conoje ruq'uiyal quiwach tak ri ticawex e c'o che ruwachulew. Xu'an c'u wa' cha' rique caqueta'maj wa K'ijsak, caquicoj utzij Rire y cacubi' quic'u'x ruc'. 27Xa jun ri Dios c'olic y xew Rire lic c'o una'oj. Che c'u Rire takal wi cakayac uk'ij na jinta utakexic ruma ri xu'an ri Kanimajawal Jesucristo. Amén.
Currently Selected:
Romanos 16: acrT
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
Romanos 16
16
Ri Pablo cuya pan rutzil quiwach ri hermanos e c'o Roma
1Cantz'ibaj pan che alak puwi ri ka hermana Febe, ri e cuq'uil raj chaquib e to'bel pa riglesia c'o Cencrea; rire uch'obom copon uc' alak. 2Cantz'onoj co che alak, c'ulu alak chi utz wa hermana pa rubi' ri Kanimajawal Jesucristo jela' pacha' ri takalic ca'an chiquixo'l ri quicojom rubi' ri Cristo. To'o co alak ruc' tak janipa ri cajawax che, ma rire lic e q'ui ri ebuto'om y lic ne inuto'om ri'in.
3Ya'a alak rutzil quiwach ri Priscila y ri Aquila, ri e wachbi'il pa ruchac ri Kanimajawal Jesucristo. 4Yey xtewun ne ri camic paquiwi rique ruma xinquito'o. E uwari'che, na xew ta ri'in quintioxin pan chique, ma quetioxin pan conoje riglesias que ri na e ta aj Israel.
5Ya'a alak rutzil quiwach conoje ri hermanos ri caquimol quib pa cocho ri Aquila y ri Priscila.
Ya'a alak rutzil uwach ri Epeneto, ri lic c'ax canna'o, ma e rire ri nabe xucoj rubi' ri Cristo wara Acaya.
6Ya'a alak rutzil uwach ri María, ri lic chacuninak chixo'libal alak.
7Ya'a alak rutzil quiwach ri Andrónico y ri Junias; ri e watz-nuchak' yey xec'oji' junam wuc' pa cárcel. Rique lic calok'ox quik'ij chikaxo'l ri oj utako'n ri Jesús, yey rique xquicoj rubi' ri Cristo nabe chinuwach ri'in.
8Ya'a alak rutzil uwach ri Amplias, jun hermano lic c'ax canna' chupa rubi' ri Kanimajawal.
9Ya'a alak rutzil uwach ri Urbano; rire e jun kachbi'il pa ruchac ri Cristo.
Ya'a alak rutzil uwach ri Estaquis, jun hermano lic c'ax canna' ri'in.
10Ya'a alak rutzil uwach ri Apeles, ri lic uc'utum ri cubulibal uc'u'x ruc' ri Cristo.
Ya'a alak rutzil quiwach conoje ri e c'o pa rocho ri Aristóbulo.
11Ya'a alak rutzil uwach ri watz-nuchak' Herodión.
Ya'a alak rutzil quiwach conoje ri e c'o pa rocho ri Narciso, ri quicojom rubi' ri Kanimajawal.
12Ya'a alak rutzil uwach ri Trifena y ri Trifosa; rique lic quiya'om quib pa ruchac ri Kanimajawal.
Ya'a alak rutzil uwach ri Pérsida, ri lic c'ax cana'ic yey lic chacuninak pa ruchac ri Kanimajawal.
13Ya'a alak rutzil uwach ri Rufo; wa' e jun hermano lic chom rubinic usilabic chwach ri Kanimajawal. Yey ya'a alak rutzil uwach ruchu, ma rire u'anom pacha' nuchu ri'in.
14Ya'a alak rutzil quiwach ri Asíncrito, ri Flegonte, ri Hermas, ri Patrobas, ri Hermes y ri jujun chic hermanos e c'o cuc' rique.
15Ya'a alak rutzil quiwach ri Filólogo y ri Julia, ri Nereo ruc' ri ranab yey ri Olimpas cuc' conoje rutinamit ri Dios e c'o cuc' rique.
16Ya'a rutzil wach alak chiwach alak ruc' jun sakil tz'ubuj chi'aj chwach ri Dios.#16:16 Ri Pablo jewa' xubi'ij ma rique e caqui'an wa' chiquiwach echiri' caquiya rutzil quiwach.
Conoje ri hermanos wara re pa tak riglesias re ri Cristo caquiya pan rutzil wach alak.
17Lic c'u cantz'onoj che alak hermanos, e lic cachajij ib alak chiquiwach ri caquijach upa riglesia y caquicoj tzakibal chirij ri sakil c'utunic cha' e c'o jujun chic na caquicoj ta ri c'ulum chi ralak. Chiquij c'u wa', chesaj ib alak; 18ma na e ta quitakem ri Cristo, e lic quitakem ri quirayibal rique. Ri quich'a'tem lic chacojo' y lic chom catatajic, pero ruc' wa' quequisoc ri ticawex na jinta co quina'oj.
19Lic c'ut eta'matal chi cuma conoje e lic takem alak ri sakil c'utunic, y lic quinqui'cot che alak ruma wa'. Yey ri cuaj che alak e lic c'ola na'oj alak che u'anic ri utz, na che ta u'anic ri na utz taj. 20Ec'u ri Dios, ri aj ya'l utzil chomal, na camayin ta che cuyik'ilibej uwi' ri Satanás chuxe' ri akan alak; ma e cuya che alak ri cach'ij alak uchuk'ab ri Satanás. C'ulu c'u alak ri unimal rutzil uc'u'x ri Kanimajawal Jesucristo.
21Cuya pan rutzil wach alak ri Timoteo, ri wachbi'il pa ruchac ri Cristo. Jenela' caquiya pan rutzil wach alak ri e watz-nuchak' Lucio, ri Jasón y ri Sosípater.
22Yey ri'in in Tercio, ri quintajin che utz'ibaxic wa' wa carta e chirij ri cubi'ij ri Pablo che alak, canya pan rutzil wach alak pa rubi' ri Kanimajawal.
23Ri Gayo cuya pan rutzil wach alak; rire inuc'ulum pa rocho y uya'om chique conoje ri hermanos ri e aj wara caquimol quib pa rocho. Jenela' cuya pan rutzil wach alak ri Erasto, ri aj c'olol puak re wa tinamit; jenela' ri hermano Cuarto cuya pan rutzil wach alak.
24Ri unimal rutzil uc'u'x ri Kanimajawal Jesucristo c'ola uc' onoje alak. Amén.
Ri Pablo cuyac uk'ij ri Dios
25Kayaca c'u uk'ij ri Dios, ri c'o puk'ab cutiquiba' alak chi utz chupa ri Utzilaj Tzij re ri Kanimajawal Jesucristo, ri nutzijom lok. Wa' e puwi ri na uk'alajisam ta lo ri Dios ojertan, 26yey ec'u wo'ora xk'alajisax chikawach. Jec'ula' cak'alajin chi utz ri tz'ibital can puwi ri K'ijsak chupa Ruch'a'tem ri Dios cuma ri k'alajisanelab. Ri Dios, ri na jinta utakexic ruc'aslemal, e xtakan che catzijox ri K'ijsak puwi ri Cristo chique conoje ruq'uiyal quiwach tak ri ticawex e c'o che ruwachulew. Xu'an c'u wa' cha' rique caqueta'maj wa K'ijsak, caquicoj utzij Rire y cacubi' quic'u'x ruc'. 27Xa jun ri Dios c'olic y xew Rire lic c'o una'oj. Che c'u Rire takal wi cakayac uk'ij na jinta utakexic ruma ri xu'an ri Kanimajawal Jesucristo. Amén.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.