Efesios 2
2
Ri Dios cuya c'ac' c'aslemal chike
1Ri Dios uya'om c'ac' c'aslemal che alak, tob ojertan caminak alak chwach ri Dios ruma xmacun alak y xpalajij alak Rutzij. 2Ma rojertan ri binic silabic alak e junam ruc' ri quibinic tak ri winak re ruwachulew. E xnimaj alak janipa rutakanic ri jun catakan xa pa tew, wa' e ri itzel uxlabixel, ri catakan wak'ij ora cuc' tak ri winak caquipalajij Rutzij ri Dios. 3Konoje ri'oj ojertan xka'an ke'oj cuc' rique, ma e xkatakej janipa tak ri rayibal re ri kati'jil y tak ri na utz taj cac'un pa kajolom. Lic kalaxibem chi lo wa' oj aj maquib. Ruma c'u la', lic takal chike we ta xpe ri royowal ri Dios pakawi' jela' pacha' ri cu'an cuc' conoje ri e aj maquib. 4Pero ri Dios ruma lic c'o unimal rutzil uc'u'x, xoj-juch' ca'n che y c'ax xojuna'o. 5Ma echiri' c'a oj caminak chwach Rire ruma ri kamac, xuya c'ac' c'aslemal chike junam ruc' ri Cristo. Ruma c'u ri unimal rutzil uc'u'x ri Dios c'o kacolobetajic. 6Y junam ruc' ri Kanimajawal Jesucristo xojuc'astajisaj lok y xuya chike cojtakan ruc' Rire chila' chicaj. 7Ri Dios xu'an wa' chike cha' chikawach apanok lic cak'alajin ri unimal rutzil uc'u'x na jinta utakexic, ri xuya lo ruc' relej uc'u'x pakawi' ruma ri Kanimajawal Jesucristo. 8Ma ruma c'u ri unimal rutzil uc'u'x ri Dios c'o colobetajic alak yey wa' e ruma xcubi' c'u'x alak ruc' ri Cristo. Y ri colobetajic, na alak ta xch'acow re, ma e jun sipanic re ri Dios che alak. 9Ri colobetajic na carikitaj ta c'u ri' ruma ri utz ca'an alak, cha' jela' na jinta junok cutac'aba' uk'ij. 10Ma e ri Dios xu'an c'ac' chike ruma ri Kanimajawal Jesucristo cha' caka'an ri utz chwach jela' pacha' ri uch'obom chi lo ojertan.
Konoje ri kacojom rubi' ri Cristo, xa jun ka'anom chwach ri Dios
11Echiri' xalax alak, na alak ta cuq'uil ri e aj judi'ab. Y rique xquibi'ij c'u che alak: «Lic na junam ta iwach kuc' ri'oj, ma ri'oj cojotal ri retalil re circuncisión chike, c'utubal re oj utinamit ri Dios; no'j ri'ix na jinta wa' chiwe» quecha'. Yey wa' cojotal che ri cuerpo xa cuma ticawex. 12Ec'u rojertan na jinta ri Cristo pa anima' alak, na alak ta ne cuq'uil raj Israel ri ya'tal chique e utinamit ri Dios, y na jinta ne oye'em alak che ri bi'tisinic u'anom ri Dios#2:12 “Ri bi'tisinic u'anom ri Dios”: Gn. 9:9; 15:18; Éx. 19:1-8; 2 S. 7:11-16,26 echiri' xu'an tzij cuc' rutinamit; lic c'u xa tuquel alak ri' che ruwachulew ma na jinta ri Dios uc' alak.
13No'j wo'ora c'o chi alak puk'ab ri Kanimajawal Jesucristo; yey na naj ta chi c'o wi alak che ri Dios, ma ruma ruquiq'uel ri Cristo, ya'tal che alak copon alak chwach ri Dios.#Heb. 4:16 14Ec'u ri' ri Cristo xojya'w chi utzil chomal chikawach ri oj aj judi'ab uc' ralak ri na alak ta aj judi'ab; xu'an c'u xa jun chike y xresaj ri k'atbal cajachaw kapa. 15Ri Cristo echiri' xuya rib pa camic, e xusach uwach ri retzelal c'u'x c'o chikawach ruma ri tzij pixab quitakem raj judi'ab.#2:15 Ri tzij pixab que raj judi'ab xujach quipa wa queb tinamit, ma raj judi'ab e lic quitakem wa tzij pixab, no'j ri na e ta aj judi'ab na queboc ta il che. Ruma c'u la' lic tzel caquil quib. Jec'uri'la', che wa queb tinamit xu'an xa jun tinamit, jun c'ac' tinamit u'anom xa jun ruc' Rire. Xutic c'u ri utzil chomal chikaxo'l. 16Ma ruc' rucamic chwa ri cruz, xebuya wa queb tinamit chi utzil chomal chwach; xu'an c'u xa jun chique cha' na tzel ta chi caquil quib. 17Xc'un c'u ri Cristo y xutzijoj chique conoje su'anic quec'oji' chi utzil chomal ruc' ri Dios. Xutzijoj c'u wa Utzilaj Tzij che ralak echiri' c'a naj c'o wi alak che ri Dios y chique rutinamit Israel ri xa nakaj e c'o wi che. 18Ruma c'u ri xu'an ri Cristo, konoje tob oj aj judi'ab o na oj ta aj judi'ab ya'tal chike cojopon chwach ri Kakaw Dios ruma ri Ruxlabixel Rire c'o kuc'. 19Jec'uri'la', wo'ora na alak ta chi pacha' ri xa e ic'owel o ri e jekel pa juna luwar na quitinamit taj; ma alak chi cuq'uil rutinamit ri Dios, alak chi ralc'o'al ri Dios, junam cuc' conoje ri e re Rire.
Riglesia e pacha' juna ja pa jekel wi ri Dios
20E ralak pacha' alak juna ja catajin ri Dios che uyaquic. Alak pacha' xan catajin utz'akic chwi ri cowilaj uparakan ri ja, yey wa' e ri quic'utum can ri e tako'n y ri k'alajisanelab re ri Dios. Ec'u ruc'u'xibal lo ruparakan ri ja#2:20 “Ruc'u'xibal lo ruparakan ri ja”: Wa' pa caxtila cabi'x “piedra maestra” che. E nabe abaj cacoj pasquin che ri ja cayaquic. e ri Kanimajawal Jesucristo. 21Lic c'u ri' cuchap bi rib chi utz ri ja ma ronoje ri cojotal che, tz'akom bi chi utz chwi ri ratz'ayak, cha' jela' cu'ana jun santowilaj rocho ri Dios, ma tiquil chi utz ruc' ri Kanimajawal. 22Ruma c'u ri Dios, alak junam cuc' raj judi'ab ri quicojom rubi' ri Cristo; u'anom che alak, alak rocho ri Dios, ma Rire jekel uc' alak ruma ri Ruxlabixel uya'om che alak.
Currently Selected:
Efesios 2: acrT
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
Efesios 2
2
Ri Dios cuya c'ac' c'aslemal chike
1Ri Dios uya'om c'ac' c'aslemal che alak, tob ojertan caminak alak chwach ri Dios ruma xmacun alak y xpalajij alak Rutzij. 2Ma rojertan ri binic silabic alak e junam ruc' ri quibinic tak ri winak re ruwachulew. E xnimaj alak janipa rutakanic ri jun catakan xa pa tew, wa' e ri itzel uxlabixel, ri catakan wak'ij ora cuc' tak ri winak caquipalajij Rutzij ri Dios. 3Konoje ri'oj ojertan xka'an ke'oj cuc' rique, ma e xkatakej janipa tak ri rayibal re ri kati'jil y tak ri na utz taj cac'un pa kajolom. Lic kalaxibem chi lo wa' oj aj maquib. Ruma c'u la', lic takal chike we ta xpe ri royowal ri Dios pakawi' jela' pacha' ri cu'an cuc' conoje ri e aj maquib. 4Pero ri Dios ruma lic c'o unimal rutzil uc'u'x, xoj-juch' ca'n che y c'ax xojuna'o. 5Ma echiri' c'a oj caminak chwach Rire ruma ri kamac, xuya c'ac' c'aslemal chike junam ruc' ri Cristo. Ruma c'u ri unimal rutzil uc'u'x ri Dios c'o kacolobetajic. 6Y junam ruc' ri Kanimajawal Jesucristo xojuc'astajisaj lok y xuya chike cojtakan ruc' Rire chila' chicaj. 7Ri Dios xu'an wa' chike cha' chikawach apanok lic cak'alajin ri unimal rutzil uc'u'x na jinta utakexic, ri xuya lo ruc' relej uc'u'x pakawi' ruma ri Kanimajawal Jesucristo. 8Ma ruma c'u ri unimal rutzil uc'u'x ri Dios c'o colobetajic alak yey wa' e ruma xcubi' c'u'x alak ruc' ri Cristo. Y ri colobetajic, na alak ta xch'acow re, ma e jun sipanic re ri Dios che alak. 9Ri colobetajic na carikitaj ta c'u ri' ruma ri utz ca'an alak, cha' jela' na jinta junok cutac'aba' uk'ij. 10Ma e ri Dios xu'an c'ac' chike ruma ri Kanimajawal Jesucristo cha' caka'an ri utz chwach jela' pacha' ri uch'obom chi lo ojertan.
Konoje ri kacojom rubi' ri Cristo, xa jun ka'anom chwach ri Dios
11Echiri' xalax alak, na alak ta cuq'uil ri e aj judi'ab. Y rique xquibi'ij c'u che alak: «Lic na junam ta iwach kuc' ri'oj, ma ri'oj cojotal ri retalil re circuncisión chike, c'utubal re oj utinamit ri Dios; no'j ri'ix na jinta wa' chiwe» quecha'. Yey wa' cojotal che ri cuerpo xa cuma ticawex. 12Ec'u rojertan na jinta ri Cristo pa anima' alak, na alak ta ne cuq'uil raj Israel ri ya'tal chique e utinamit ri Dios, y na jinta ne oye'em alak che ri bi'tisinic u'anom ri Dios#2:12 “Ri bi'tisinic u'anom ri Dios”: Gn. 9:9; 15:18; Éx. 19:1-8; 2 S. 7:11-16,26 echiri' xu'an tzij cuc' rutinamit; lic c'u xa tuquel alak ri' che ruwachulew ma na jinta ri Dios uc' alak.
13No'j wo'ora c'o chi alak puk'ab ri Kanimajawal Jesucristo; yey na naj ta chi c'o wi alak che ri Dios, ma ruma ruquiq'uel ri Cristo, ya'tal che alak copon alak chwach ri Dios.#Heb. 4:16 14Ec'u ri' ri Cristo xojya'w chi utzil chomal chikawach ri oj aj judi'ab uc' ralak ri na alak ta aj judi'ab; xu'an c'u xa jun chike y xresaj ri k'atbal cajachaw kapa. 15Ri Cristo echiri' xuya rib pa camic, e xusach uwach ri retzelal c'u'x c'o chikawach ruma ri tzij pixab quitakem raj judi'ab.#2:15 Ri tzij pixab que raj judi'ab xujach quipa wa queb tinamit, ma raj judi'ab e lic quitakem wa tzij pixab, no'j ri na e ta aj judi'ab na queboc ta il che. Ruma c'u la' lic tzel caquil quib. Jec'uri'la', che wa queb tinamit xu'an xa jun tinamit, jun c'ac' tinamit u'anom xa jun ruc' Rire. Xutic c'u ri utzil chomal chikaxo'l. 16Ma ruc' rucamic chwa ri cruz, xebuya wa queb tinamit chi utzil chomal chwach; xu'an c'u xa jun chique cha' na tzel ta chi caquil quib. 17Xc'un c'u ri Cristo y xutzijoj chique conoje su'anic quec'oji' chi utzil chomal ruc' ri Dios. Xutzijoj c'u wa Utzilaj Tzij che ralak echiri' c'a naj c'o wi alak che ri Dios y chique rutinamit Israel ri xa nakaj e c'o wi che. 18Ruma c'u ri xu'an ri Cristo, konoje tob oj aj judi'ab o na oj ta aj judi'ab ya'tal chike cojopon chwach ri Kakaw Dios ruma ri Ruxlabixel Rire c'o kuc'. 19Jec'uri'la', wo'ora na alak ta chi pacha' ri xa e ic'owel o ri e jekel pa juna luwar na quitinamit taj; ma alak chi cuq'uil rutinamit ri Dios, alak chi ralc'o'al ri Dios, junam cuc' conoje ri e re Rire.
Riglesia e pacha' juna ja pa jekel wi ri Dios
20E ralak pacha' alak juna ja catajin ri Dios che uyaquic. Alak pacha' xan catajin utz'akic chwi ri cowilaj uparakan ri ja, yey wa' e ri quic'utum can ri e tako'n y ri k'alajisanelab re ri Dios. Ec'u ruc'u'xibal lo ruparakan ri ja#2:20 “Ruc'u'xibal lo ruparakan ri ja”: Wa' pa caxtila cabi'x “piedra maestra” che. E nabe abaj cacoj pasquin che ri ja cayaquic. e ri Kanimajawal Jesucristo. 21Lic c'u ri' cuchap bi rib chi utz ri ja ma ronoje ri cojotal che, tz'akom bi chi utz chwi ri ratz'ayak, cha' jela' cu'ana jun santowilaj rocho ri Dios, ma tiquil chi utz ruc' ri Kanimajawal. 22Ruma c'u ri Dios, alak junam cuc' raj judi'ab ri quicojom rubi' ri Cristo; u'anom che alak, alak rocho ri Dios, ma Rire jekel uc' alak ruma ri Ruxlabixel uya'om che alak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.