Colosenses 2
2
1Cuaj c'ut queta'maj alak, e ri'in lic canya wib che to'ic alak, junam cuc' ri e c'o Laodicea y ri jujun chic c'amaja' caqueta'maj nuwach ri'in, 2cha' canimarisax quic'u'x conoje ri quicojom rubi' ri Cristo, cu'ana xa jun ri rutzil quic'u'x chiquiwach y que'quimaja usuc' chi utz ronoje ri sakil na'oj k'alajisam chi lo ruma ri Kakaw Dios y ruma ri Cristo. 3Ma ruc' ri Cristo c'o wi ronoje ruc'u'xibal ri na'oj y ri cajawax umajic.
4Cambi'ij c'u wa' che alak cha' na jinta junok cach'acach'o'n e alak ruc' ch'a'tem lic chacojo' catatajic yey na katzij taj. 5Ma tob ri'in na in jinta uc' alak chiwachil, pero pa wanima' e canna' ri'in pacha' in c'o uc' alak. Lic quinqui'cotic ma canwilo junam cachacun alak yey lic tiquil alak chi utz che ri cubulibal c'u'x alak ruc' ri Cristo.
6Ralak xcoj alak rubi' ri Kanimajawal Jesucristo y xya ib alak puk'ab; ec'u uwari'che bina alak jela' pacha' ri takal che junok ucojom rubi' Rire. 7Tiquiba' c'u ib alak chi utz ruc' ri Cristo y jiquiba' ri cubulibal c'u'x alak ruc' Rire cha' jela' c'o q'uiyibal alak chwach Rire; e 'ana alak jela' pacha' ri xc'ut che alak yey xaki tioxin alak chwach ri Dios.
Ri c'ac' binic takal chique ri e re ri Cristo
8Lic chajij c'u ib alak cha' na casocotaj ta alak ruc' tak na'oj na jinta uchac, ri xa no'jibal que ri ticawex re ruwachulew y na e ta c'u chirij runa'oj ri Cristo. 9Ma ronoje ruc'u'xibal ri Dios c'o ruc' ri Cristo, y wa' lic xk'alajin che rubinic usilabic echiri' xu'an ticawex che ruwachulew. 10Ruma c'u wa', ya'tal che alak ronoje ri cajawax che ri binic silabic alak ma c'o alak puk'ab ri Cristo, ri catakan paquiwi conoje ri c'o quiwach y ri c'o quichuk'ab. 11Ruma c'u c'o alak puk'ab ri Cristo, c'o chi ri retalil re circuncisión che ri anima' alak, tob wa' wa circuncisión na e ta ri cacoj xa ruma juna achi; ma ri que'elawi e ri Cristo xresaj alak puk'ab tak ri rayibal re ri ti'jil alak. 12Ec'uchiri' xc'ul alak ri bautismo, e pacha' xmuk alak junam ruc' ri Kanimajawal Jesucristo yey xc'astaj lo alak junam ruc' Rire; ma xcoj alak ri Dios ruc' ruchuk'ab xuc'astajisaj lo ri Cristo chiquixo'l ri ecaminak. 13Ma ralak rojertan caminak alak pa mac yey na cojotal tane ri retalil re circuncisión che alak.#2:13 Ri e c'o Colosas na cojotal ta ri retalil re circuncisión chique ruma na e ta aj judi'ab. No'j c'u wo'ora ri Dios xuya c'ac' c'aslemal alak junam ruc' ri Cristo y xucuy ronoje ri mac alak; 14xresaj c'u ri k'atbal tzij uk'atom chi pakawi' ruma ri kamac#2:14 Pa ri ch'a'tem griego cubi'ij: “Ri Dios xusach uwach ri wuj pa tz'ibital wi sa' tak ri kamac”. y xusach uwach wa' ruma rucamic ri Cristo chwa ri cruz. 15Ruma c'u rucamic ri Cristo, ri Dios xuch'ij quichuk'ab tak ri itzel uxlabixel lic c'o quiwach y c'o quichuk'ab, xuc'ak bi quik'ij y xuk'alajisaj c'ut Rire e más c'o uchuk'ab chiquiwa rique.
Katzucuj tak ri c'o chila' chicaj
16E uwari'che mac'o mach'a'tiben e alak xa ruma ri catij alak o ri cakum alak, o ruma ri ca'an alak chupa tak nimak'ij, chupa ri jekebal re tak ri ic' o tak ri k'ij re uxlanibal. 17Ma ronoje ne wa' xa e ilibal pan re ri catajin lok; no'j ri Jun cuc'utubej uwach pa sakil wi, e ri Cristo.#2:17 Ri Tzij Pixab xuya ri Dios chique rutinamit echiri' c'amaja' calax ri Cristo, e cuc'utubej pan ruc'unic Rire. 18Chajij ib alak ma c'axtaj ruma junok na cac'ul ta alak ri caraj cuya ri Dios che alak chila' chicaj. Ma'an c'u e alak cuc' ri caquilok'nimaj quik'ij tak ri ángeles. Ma ri quebanaw wa' e lic que'ec quina'oj puwi ri na caquimaj ta usuc'. Lic chacojo' qui'anom ch'uti'n che quib, pero caqui'an c'u nim che quib ruma no'jibal xa e rique eno'jiyom re. 19Rique na cacaj ta c'u caquitakej ri Cristo. Rire e ujolom riglesia y riglesia e ucuerpo. Ri Cristo e 'anayom xa jun chique conoje ri e c'o puk'ab jela' pacha' tak ri ubakil juna cuerpo uchapom rib ruc' tak rigonsiyil y riboch'il. Yey e ri Cristo ri cuya che ru iglesia ronoje ri cajawax che cha' utz caq'uiy ruc' ri q'uiyibal cuya ri Dios.
20Ma we ralak xcam alak ruc' ri Cristo,#Col. 2:12; Ro. 6:6-11; Gl. 2:19 wa' que'elawi na jinta chi alak chuxe' ri takanic xa no'jital che ruwachulew. Cantz'onoj c'u che alak: ¿Cha'taj c'a cabin alak pacha' quebin ri e re ruwachulew y caya c'u ib alak puk'ab ri takanic jewa' cubi'ij: 21«Machapabej ne wa', matij nenare' y machap ne q'uenok»? 22Ronoje wa' wa takanic xa quino'jibal achijab y e puwi tak ri na cacowin taj, ri xa caq'uisic. 23Wa' wa c'utunic lic chacojo' e sakil na'oj. Yey ri caquitakej tak wa c'utunic e pacha' lic caquilok'nimaj uk'ij ri Dios ruc' wa', pero ri caqui'ano xa cuc' rique cano'jitaj wi. Caqui'an pacha' ch'uti'n che quib ma caquiya pa c'axc'obic ri quicuerpos; pero ronoje tak wa' na jinta cutikoj re cuk'atej tak ri rayibal re ri quiti'jil ri ticawex.
Currently Selected:
Colosenses 2: acrT
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
Colosenses 2
2
1Cuaj c'ut queta'maj alak, e ri'in lic canya wib che to'ic alak, junam cuc' ri e c'o Laodicea y ri jujun chic c'amaja' caqueta'maj nuwach ri'in, 2cha' canimarisax quic'u'x conoje ri quicojom rubi' ri Cristo, cu'ana xa jun ri rutzil quic'u'x chiquiwach y que'quimaja usuc' chi utz ronoje ri sakil na'oj k'alajisam chi lo ruma ri Kakaw Dios y ruma ri Cristo. 3Ma ruc' ri Cristo c'o wi ronoje ruc'u'xibal ri na'oj y ri cajawax umajic.
4Cambi'ij c'u wa' che alak cha' na jinta junok cach'acach'o'n e alak ruc' ch'a'tem lic chacojo' catatajic yey na katzij taj. 5Ma tob ri'in na in jinta uc' alak chiwachil, pero pa wanima' e canna' ri'in pacha' in c'o uc' alak. Lic quinqui'cotic ma canwilo junam cachacun alak yey lic tiquil alak chi utz che ri cubulibal c'u'x alak ruc' ri Cristo.
6Ralak xcoj alak rubi' ri Kanimajawal Jesucristo y xya ib alak puk'ab; ec'u uwari'che bina alak jela' pacha' ri takal che junok ucojom rubi' Rire. 7Tiquiba' c'u ib alak chi utz ruc' ri Cristo y jiquiba' ri cubulibal c'u'x alak ruc' Rire cha' jela' c'o q'uiyibal alak chwach Rire; e 'ana alak jela' pacha' ri xc'ut che alak yey xaki tioxin alak chwach ri Dios.
Ri c'ac' binic takal chique ri e re ri Cristo
8Lic chajij c'u ib alak cha' na casocotaj ta alak ruc' tak na'oj na jinta uchac, ri xa no'jibal que ri ticawex re ruwachulew y na e ta c'u chirij runa'oj ri Cristo. 9Ma ronoje ruc'u'xibal ri Dios c'o ruc' ri Cristo, y wa' lic xk'alajin che rubinic usilabic echiri' xu'an ticawex che ruwachulew. 10Ruma c'u wa', ya'tal che alak ronoje ri cajawax che ri binic silabic alak ma c'o alak puk'ab ri Cristo, ri catakan paquiwi conoje ri c'o quiwach y ri c'o quichuk'ab. 11Ruma c'u c'o alak puk'ab ri Cristo, c'o chi ri retalil re circuncisión che ri anima' alak, tob wa' wa circuncisión na e ta ri cacoj xa ruma juna achi; ma ri que'elawi e ri Cristo xresaj alak puk'ab tak ri rayibal re ri ti'jil alak. 12Ec'uchiri' xc'ul alak ri bautismo, e pacha' xmuk alak junam ruc' ri Kanimajawal Jesucristo yey xc'astaj lo alak junam ruc' Rire; ma xcoj alak ri Dios ruc' ruchuk'ab xuc'astajisaj lo ri Cristo chiquixo'l ri ecaminak. 13Ma ralak rojertan caminak alak pa mac yey na cojotal tane ri retalil re circuncisión che alak.#2:13 Ri e c'o Colosas na cojotal ta ri retalil re circuncisión chique ruma na e ta aj judi'ab. No'j c'u wo'ora ri Dios xuya c'ac' c'aslemal alak junam ruc' ri Cristo y xucuy ronoje ri mac alak; 14xresaj c'u ri k'atbal tzij uk'atom chi pakawi' ruma ri kamac#2:14 Pa ri ch'a'tem griego cubi'ij: “Ri Dios xusach uwach ri wuj pa tz'ibital wi sa' tak ri kamac”. y xusach uwach wa' ruma rucamic ri Cristo chwa ri cruz. 15Ruma c'u rucamic ri Cristo, ri Dios xuch'ij quichuk'ab tak ri itzel uxlabixel lic c'o quiwach y c'o quichuk'ab, xuc'ak bi quik'ij y xuk'alajisaj c'ut Rire e más c'o uchuk'ab chiquiwa rique.
Katzucuj tak ri c'o chila' chicaj
16E uwari'che mac'o mach'a'tiben e alak xa ruma ri catij alak o ri cakum alak, o ruma ri ca'an alak chupa tak nimak'ij, chupa ri jekebal re tak ri ic' o tak ri k'ij re uxlanibal. 17Ma ronoje ne wa' xa e ilibal pan re ri catajin lok; no'j ri Jun cuc'utubej uwach pa sakil wi, e ri Cristo.#2:17 Ri Tzij Pixab xuya ri Dios chique rutinamit echiri' c'amaja' calax ri Cristo, e cuc'utubej pan ruc'unic Rire. 18Chajij ib alak ma c'axtaj ruma junok na cac'ul ta alak ri caraj cuya ri Dios che alak chila' chicaj. Ma'an c'u e alak cuc' ri caquilok'nimaj quik'ij tak ri ángeles. Ma ri quebanaw wa' e lic que'ec quina'oj puwi ri na caquimaj ta usuc'. Lic chacojo' qui'anom ch'uti'n che quib, pero caqui'an c'u nim che quib ruma no'jibal xa e rique eno'jiyom re. 19Rique na cacaj ta c'u caquitakej ri Cristo. Rire e ujolom riglesia y riglesia e ucuerpo. Ri Cristo e 'anayom xa jun chique conoje ri e c'o puk'ab jela' pacha' tak ri ubakil juna cuerpo uchapom rib ruc' tak rigonsiyil y riboch'il. Yey e ri Cristo ri cuya che ru iglesia ronoje ri cajawax che cha' utz caq'uiy ruc' ri q'uiyibal cuya ri Dios.
20Ma we ralak xcam alak ruc' ri Cristo,#Col. 2:12; Ro. 6:6-11; Gl. 2:19 wa' que'elawi na jinta chi alak chuxe' ri takanic xa no'jital che ruwachulew. Cantz'onoj c'u che alak: ¿Cha'taj c'a cabin alak pacha' quebin ri e re ruwachulew y caya c'u ib alak puk'ab ri takanic jewa' cubi'ij: 21«Machapabej ne wa', matij nenare' y machap ne q'uenok»? 22Ronoje wa' wa takanic xa quino'jibal achijab y e puwi tak ri na cacowin taj, ri xa caq'uisic. 23Wa' wa c'utunic lic chacojo' e sakil na'oj. Yey ri caquitakej tak wa c'utunic e pacha' lic caquilok'nimaj uk'ij ri Dios ruc' wa', pero ri caqui'ano xa cuc' rique cano'jitaj wi. Caqui'an pacha' ch'uti'n che quib ma caquiya pa c'axc'obic ri quicuerpos; pero ronoje tak wa' na jinta cutikoj re cuk'atej tak ri rayibal re ri quiti'jil ri ticawex.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.