2 Corintios 9
9
Ri Dios caraj quekato' ri niba'ib ruc' ronoje kac'u'x
1Puwi c'u wa kasa'n re to'bal que rutinamit ri Dios, na cajawax ta chic cantz'ibaj pan che alak, 2ma weta'am chi ri relej c'u'x alak re cato'b alak. E uwari'che nuyacom k'ij alak chiquiwach ri e aj Macedonia. Ri'in nubi'im, ri alak aj Acaya#9:2 Corinto e jun tinamit c'o pa ri luwar re Acaya. c'o chi kasa'n molom lo alak junabir. Yey ruma wa 'anom ralak, e q'ui chique ri e aj Macedonia xquijek caqui'an que ruc' ronoje quic'u'x. 3E uwari'che ebenutakom bi wa hermanos uc' alak cha' caquito' alak che uq'uisic umolic ri kasa'n. Ma we yijbam chi alak ri kasa'n jela' pacha' ri nubi'im lok, cak'alajin c'u ri' lic katzij ri xkabi'ij echiri' xkayac k'ij alak. 4Ma c'axtaj quincachbilaj bi jujun aj Macedonia yey we xojopon c'u uc' alak, que'karika' c'amaja' yijbam alak ri kasa'n. We e xu'ana ri', q'uixbal c'u chike ri'oj y che ralak, ma lic xcubi' kac'u'x uc' alak yey na x'an ta c'u alak ri kabi'im lok. 5Ruma c'u wa', xinch'obo quebenutak bi uc' alak wa hermanos cha' quenabej bi chikawach ri'oj y caquito' alak che umolic ri kasa'n bi'tisim chi alak. Jec'ula' we xojopon ri'oj, yijbam chi alak wa'. Cak'alajin c'u ri' xkasan alak ruc' ronoje c'u'x alak y na e ta ruma xtak alak che.
6Cancuxtaj c'u wa' che alak: China ri na q'ui ta ri cutico, ri' na q'ui ta ri cumolo. Yey china ri lic q'ui ri cutico, ri' lic q'ui ri cumolo. 7E uwari'che, chijujunal alak chuya'a rukasa'n e chirij janipa ri xalax lo pa ranima', na ruc' ta bis y na ruma ta minom alak chupa. Ma ri Dios lic cuc'ul uc'u'x ri cuya rukasa'n ruc' qui'cotemal. 8Yey lic c'o puk'ab ri Dios cuto' alak cha' caq'uiyar janipa ri c'o uc' alak y jela' c'o ronoje ri cajawax che alak y na xew ta ri', ma cuya ne uwi' cha' jela' cato'b alak che u'anic chomilaj tak chac. 9E pacha' ri tz'ibital can chupa Rutzij Upixab ri Dios:
Xujach ri c'o ruc' re quebuto' ri niba'ib;
janipa c'u ri utz u'anom
na casach ta uwach Sal. 112:9
cacha'.
10Ri Dios e caya'w re rija' che rawanel yey e caya'w re ri wa che ri cawa'ic. Ec'u ri' Rire cuya na janipa ri cajawax che alak y cuya ne uwi', cha' ruc' wa' ca'an alak ri utz y jec'ula' lic c'o cutikoj ri utzilaj chac ca'an alak. 11Jela' c'u ri', cac'oji' uq'uiyal uwach beyomalil uc' alak cha' ruc' wa' cato'b alak ruc' ronoje c'u'x alak. Y ec'uchiri' ri'oj cakac'am bi wa kasa'n chique ri e c'o pa c'axc'obic, rique caquitioxij che ri Dios. 12Ec'u wa' wa to'bal na xew ta cutz'akatisaj ri cajawax chique, ma e cucoj pa canima' rique ri lic quetioxin chwach ri Dios 13y jela' ri quec'uluw re wa kasa'n lic caquiyac uk'ij ri Dios. Ma wa' e c'utubal re pakatzij wi xcoj alak ri Utzilaj Tzij re ri Cristo y cabin alak chupa wa', yey e c'utubal re ri relej c'u'x alak chique rique y chique conoje rutinamit ri Dios. 14Jec'ula' rique c'utubal re ri rutzil quic'u'x che alak, caqui'an orar pawi' alak ruma ri unimal rutzil uc'u'x ri Dios quilom che alak. 15¡Xa maltiox c'u che ri Dios ruma ri nimalaj sipanic uya'om chike, ma wa' lic na jinta c'o wi!
Currently Selected:
2 Corintios 9: acrT
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
2 Corintios 9
9
Ri Dios caraj quekato' ri niba'ib ruc' ronoje kac'u'x
1Puwi c'u wa kasa'n re to'bal que rutinamit ri Dios, na cajawax ta chic cantz'ibaj pan che alak, 2ma weta'am chi ri relej c'u'x alak re cato'b alak. E uwari'che nuyacom k'ij alak chiquiwach ri e aj Macedonia. Ri'in nubi'im, ri alak aj Acaya#9:2 Corinto e jun tinamit c'o pa ri luwar re Acaya. c'o chi kasa'n molom lo alak junabir. Yey ruma wa 'anom ralak, e q'ui chique ri e aj Macedonia xquijek caqui'an que ruc' ronoje quic'u'x. 3E uwari'che ebenutakom bi wa hermanos uc' alak cha' caquito' alak che uq'uisic umolic ri kasa'n. Ma we yijbam chi alak ri kasa'n jela' pacha' ri nubi'im lok, cak'alajin c'u ri' lic katzij ri xkabi'ij echiri' xkayac k'ij alak. 4Ma c'axtaj quincachbilaj bi jujun aj Macedonia yey we xojopon c'u uc' alak, que'karika' c'amaja' yijbam alak ri kasa'n. We e xu'ana ri', q'uixbal c'u chike ri'oj y che ralak, ma lic xcubi' kac'u'x uc' alak yey na x'an ta c'u alak ri kabi'im lok. 5Ruma c'u wa', xinch'obo quebenutak bi uc' alak wa hermanos cha' quenabej bi chikawach ri'oj y caquito' alak che umolic ri kasa'n bi'tisim chi alak. Jec'ula' we xojopon ri'oj, yijbam chi alak wa'. Cak'alajin c'u ri' xkasan alak ruc' ronoje c'u'x alak y na e ta ruma xtak alak che.
6Cancuxtaj c'u wa' che alak: China ri na q'ui ta ri cutico, ri' na q'ui ta ri cumolo. Yey china ri lic q'ui ri cutico, ri' lic q'ui ri cumolo. 7E uwari'che, chijujunal alak chuya'a rukasa'n e chirij janipa ri xalax lo pa ranima', na ruc' ta bis y na ruma ta minom alak chupa. Ma ri Dios lic cuc'ul uc'u'x ri cuya rukasa'n ruc' qui'cotemal. 8Yey lic c'o puk'ab ri Dios cuto' alak cha' caq'uiyar janipa ri c'o uc' alak y jela' c'o ronoje ri cajawax che alak y na xew ta ri', ma cuya ne uwi' cha' jela' cato'b alak che u'anic chomilaj tak chac. 9E pacha' ri tz'ibital can chupa Rutzij Upixab ri Dios:
Xujach ri c'o ruc' re quebuto' ri niba'ib;
janipa c'u ri utz u'anom
na casach ta uwach Sal. 112:9
cacha'.
10Ri Dios e caya'w re rija' che rawanel yey e caya'w re ri wa che ri cawa'ic. Ec'u ri' Rire cuya na janipa ri cajawax che alak y cuya ne uwi', cha' ruc' wa' ca'an alak ri utz y jec'ula' lic c'o cutikoj ri utzilaj chac ca'an alak. 11Jela' c'u ri', cac'oji' uq'uiyal uwach beyomalil uc' alak cha' ruc' wa' cato'b alak ruc' ronoje c'u'x alak. Y ec'uchiri' ri'oj cakac'am bi wa kasa'n chique ri e c'o pa c'axc'obic, rique caquitioxij che ri Dios. 12Ec'u wa' wa to'bal na xew ta cutz'akatisaj ri cajawax chique, ma e cucoj pa canima' rique ri lic quetioxin chwach ri Dios 13y jela' ri quec'uluw re wa kasa'n lic caquiyac uk'ij ri Dios. Ma wa' e c'utubal re pakatzij wi xcoj alak ri Utzilaj Tzij re ri Cristo y cabin alak chupa wa', yey e c'utubal re ri relej c'u'x alak chique rique y chique conoje rutinamit ri Dios. 14Jec'ula' rique c'utubal re ri rutzil quic'u'x che alak, caqui'an orar pawi' alak ruma ri unimal rutzil uc'u'x ri Dios quilom che alak. 15¡Xa maltiox c'u che ri Dios ruma ri nimalaj sipanic uya'om chike, ma wa' lic na jinta c'o wi!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.